TITUS
Keimena II
Part No. 66
Previous part

Chapter: IV  
Line of edition: 33       IV. და ვითარ ამას ვიტყოდეთ და გუეპყრნეს იგინი ჴელთა მდუმრიად,
Line of edition: 34    რეცა თუ მიგუეძინა და ვხედევდ ვიეთმე სამთა კაცთა, რომელნი წარმომიდგეს
Line of edition: 35    მე დიდებულითა და განსაკჳრვებელითა ხილვითა (და) ბრწყინვალებითა დიდითა
Line of edition: 36    და ორნი იგი იყვნეს ჰასაკითა გრძელ და წულილ და სწორ, და ერთკერძო
Line of edition: 37    დგეს. ხოლო ეთი იგი იყო მოკლე და უმცირჱს ორთა მათ. და რომელი
Page of edition: 77   Line of edition: 1    იგი დგა შორის ორთა მათ, გრძელისა და მოკლისა, მეტყოდა მე: "ჰხედავა,
Line of edition: 2    ძმაო, რამეთუ ვერ არს წმიდაჲ სჳიმეონ, ვითარ უფალი იაკობ". ხოლო მე ვითარცა
Line of edition: 3    მესმა მისგან ვითარმედ "წმიდაჲ სჳმეონ",განვიზრახევდ გულსა ჩემსა
Line of edition: 4    და ვთქუ ვითარმედ: ვინ არს ესე სჳმეონ, ნუუკუე მესუეტჱ იგი არს და ესოდენ
Line of edition: 5    არს იგი, და მათთანა ესრჱთ დიდებულ ესოდენითა დიდებითა? და ვითარ
Line of edition: 6    განვირახევდ მე ამას, მომეცა მე გამოცხედებაჲ, ვითარმედ ესე არს მღდელთ-მოძღუარი
Line of edition: 7    სჳმეონ, რომელმან მიიქუა უფალი ჩუენი იესუ ქრისტე მკლავთა თჳსთა
Line of edition: 8    ზედა და წამა მისთჳს, ვითარმედ ესე არს მაცხოვარი ისრაჱლისაჲ. მეტყოდა
Line of edition: 9    მე კაცი იგი, რომელი პირველ მეჩუენა მე: "ჰხედავა, ვითარ ჰასაკითა მოკლე
Line of edition: 10    არს წმიდაჲ სჳმეონ, ხოლო ჩუენ ორნი სწორ და ჰასაკითა გრძელ!" მესმოდა
Line of edition: 11    რაჲ ესე, შიშითა და სიხარულითა ვერ ვიკადრე ახილვად ზე პირი ჩემი ქუეყანით
Line of edition: 12    და ხილვად პირთა მათთა. და ვითარ ამას შინა ვიყვენით, განმეღჳძა
Line of edition: 13    და თაყუანის-ვეცით მათ და დავდგენით პირველთა მას ადგილსა. განვიზრახევდ
Line of edition: 14    და ვწუხდი, რამეთუ ვერ ღირს ვიქმენ ხილვად პირისა მათ ორთაჲსა, გინათუ
Line of edition: 15    მოხეცებულ არიან, გინა თუ ჭაბუკ. ამას რაჲ ვიტყოდე, ვევედრებოდე მათ,
Line of edition: 16    რაჲთამცა ვნახეთ პირნი მათნი. და ვითარცა მოვიწიენით მერმესა მას ღამესა,
Line of edition: 17    განთენებასა უთხშაბათისასა, და თაყუანის-ვეცით მათ, ეგრევე და დავიძინე. და
Line of edition: 18    ვხედევდ მეყსეულად ორთა კაცთა და ყრმასა მცირესა, ვითარცა ბრწყინვალებასა
Line of edition: 19    მზისასა. და ვითარცა მოვიდეს, და იყვნეს მოხუცებულ, ჭეშმარიტად ნათლითა
Line of edition: 20    საღმრთოჲთა შემოსილ იყვნეს, და იწუევდეს წრაფით წარსლვასა. და
Line of edition: 21    ღირს ვიქმენ ხილვად პირისა მათთა. და თაყუანის-ვეც და წარვგზავნენ იგინი
Line of edition: 22    და მივიღე მათგან ლოცვაჲ და განვიღჳძე მე. ვწამებთ ჩუენცა ცოდვილნი ესე
Line of edition: 23    და გლახაკნი და მდაბალნი თქუენ თანა მათსა მას გამოცხადებასა. ვითარმედ
Line of edition: 24    სარწმუნო არს და ჭეშმარიტ და მტკიცე პირველმოჴსენებულთა მათ წმიდათაჲ
Line of edition: 25    არს ნაწილები ესე მღდელთმოძღუართა ღმრთისათაჲ იაკობისი, ძმისა უფლისაჲ,
Line of edition: 26    და ზაქარიაჲსი, ნათლისმცემელისა მამისაჲ, წინამძღუარად წმიდისა სჳმეონისა,
Line of edition: 27    რომელი სახარებასა მოჴსენებულ არს, რომელსა იტყჳს ევანგელჱ: რამეთუ
Line of edition: 28    იყო მისა ბრძანებულ ანგელოზისაგან "არა ხილვად სიკუდილი, ვიდრე იხილოს
Line of edition: 29    ცხებული უფლისაჲ". და იტყჳს: "აწ განუტევე მონაჲ შენი, უფალო, მსგავსად
Line of edition: 30    სიტყჳსა შენისა მშჳდობით, რამეთუ იხილეს თუალთა ჩემთა მაცხოვარებაჲ
Line of edition: 31    შენი" და შემდომი ამისი.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.