TITUS
Keimena II
Part No. 69
Previous part

Chapter: II  
Line of edition: 11       II. და დღესა შინა ერთსა შეემთხჳა წმიდაჲ ევგენია ბასილიას და ჰრქუა
Line of edition: 12    მას ვითარმედ "უფალმან გამომიცხადა მე შენთჳს, რამეთუ ქალწულებისა და მოღუაწებისა
Line of edition: 13    შენისათჳს გელის შენ გჳრგჳნი". ხოლო ბასილია ჰრქუა წმიდასა ევგენიას:
Line of edition: 14    "და მეცა ქრისტემან მარწმუნა შენთჳს, ვითარმედ მიიღო გჳრგჳნი მოწამებისაჲ
Line of edition: 15    ორწილად: ერთი გჳრგჳნი ღუაწლისა მისთჳს, რომელი იღუაწე ალექსანდრიას,
Line of edition: 16    ხოლო მეორჱ დათხევისათჳს სისხლისა შენთაჲსა." მაშინ განიპყრნა
Line of edition: 17    ჴელნი თჳსნი წმიდამან ევგენია და თქუა: "ძეო ღმრთისა ცხოვლისაო, რომელი
Line of edition: 18    მოხვედ ჴსნად ნათესავისათჳს კაცთაჲსა და განჰჴორციელდი წმიდისა ქალწულუსა
Line of edition: 19    მარიამისგან, დაიცვენ ყოველნი იგი ქალწულნი, რომელნი რწმუნებულ
Line of edition: 20    იყვნეს ჩემდა, და ღირსყვენ იგინი სასუფეველსა მადიდებელად შენდა!" და ვითარცა
Line of edition: 21    დაჯდა წმიდაჲ ევგენია შორის წმიდათა მათ ქალწულთა, ჰრქუა მათ:
Line of edition: 22    "ჟამი სთვლებისაჲ მოიწია, რომელსა შინა მოისთვლოს ტევანი და დაიწნიხოს
Line of edition: 23    ფერჴითა, და მიიღიან სისხლი მისი ტაბლასა მეფეთასა, რამეთუ არა შეიმლვის
Line of edition: 24    ტაბლაჲ მეფეთაჲ და მთავართაჲ თჳნიერ სისხლისა მისისა. ხოლო თქუენიყვენით
Line of edition: 25    განხადებულ და განძლიერებით მადლითა უფლისა ჩუენისა იესუ ქრისტჱსითა
Line of edition: 26    და დაჲმარხეთ სიწმიდჱ თქუენი, რამეთუ არარჲ არს უმახლობელჱს
Line of edition: 27    ღმრთისა, ვითარ ქალწულისაჲ, და იგი არს მსგავს ანგელოზთა, და არა ჯერ-არს
Line of edition: 28    ჩუენდა ცხორებაჲ თჳნიერ მისა. და ნუმცა რას გამოვირჩევთ უფროჲს მისა.
Line of edition: 29    დარაჲ სარგებელ არს კაცისა განცხრომაჲ დასიხარული ამის სოფლისაჲ,
Line of edition: 30    რომელი მერმესა მას ცხორებასა მოატყუებს გლოვასა და ტირილსა საუკუნესა?
Line of edition: 31    ხოლო თქუენ, საყუარელნო ჩემნო, რომელნი შეჲთქუნით ჩემთანა მოღუაწებასა
Page of edition: 82   Line of edition: 1    ქალწულებისასა, დეგით უკუე მტკიცედ სიყუარულსა ზედა ქრისტჱსსა;
Line of edition: 2    იყავნ სიყუარული მისი გულთა შინა თქუენთა უფროჲს პირვილსა მის და დაითმინეთ
Line of edition: 3    მცირედჟამ ჭირი, რაჲთა იხარებდეთ უკუნითი უკუნისადმდე. ხოლო
Line of edition: 4    მე მიგითუალნე თქუნ სულსა წმიდასა და სარწმუნო არს, რამეთუ დაგიცვნეს
Line of edition: 5    თქუენ ყოვლისაგან შეგინებისა და მწიკულევანებისა, რაჲთა მოგიყვანნეს თქუენ
Line of edition: 6    ჩემთანა სასძლოსა მას ზეცისასა, სადა იგი არს სიძჱ იგი ჩუენიო იესუ ქრისტჱ ქორწილსა
Line of edition: 7    მას და შუებასა საუკუნესა. ხოლო ამიერითგან ნუღარა ჰგონებდ, ვითარმცა
Line of edition: 8    იხილეთ პირი ჩემი ჴორციელად, არამედ იპყართ საქმჱ ჩემი და სლვაჲ ჩემი
Line of edition: 9    ვითარცა სარკჱ, თქუენ შოვრის და ჰბაძევდით შურსა ამას ჩემსა და მოღუაწებასა,
Line of edition: 10    ვითარ იგი ვიქცეოდე თქუენ შოვრის". და ვითარცა დაასრულა წმიდამან
Line of edition: 11    ევგენია სიტყუაჲ ესე, ჰამბორს-უყვეს ურთიერთას, და იყო ტირილი დიდი
Line of edition: 12    და ცრემლოვანებაჲ მათ შორის და ნუგეშინის სცა მათ ევგენია და განამტკიცნა
Line of edition: 13    ყოველნი, და ყვეს ლოცვაჲ და განეშორა მათგან.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.