TITUS
Keimena II
Part No. 70
Previous part

Chapter: III  
Line of edition: 14       III. ხოლო ერთი ვინმე მჴევალთაგანი ბასილიაჲსთაჲ წარვიდა ივბინიანოსისა,
Line of edition: 15    რომელი დაწინდებულ იყო ბასილიაჲსა ქმრად, და ჰრქუა მას: "ჩუენ ვუწყით,
Line of edition: 16    ვითარმედ მეფესა ებრძანა დედიფალი ჩუენი ცოლად შენდა უწინარჱს
Line of edition: 17    ექუსისა წლისა, ხოლო შენ ყოველთა ამათ წელთა მოელოდე, რაჲთა განიზარდოს
Line of edition: 18    და მოიწიფოს. და აწ უწყოდე, ვითარმედ მამამძუძჱ მისი ივლიანოს ქრისტეანე
Line of edition: 19    არს, ხოლო თჳთ იგი ევგენია მოქრისტიანა, რაჲთა არა გეცოლოს შენ,
Line of edition: 20    და მიუვლინა მას ორნი ჭაბუკნი, ვითარცა ნიჭებით. ხოლო იგი, ვითარცა უფალთა,
Line of edition: 21    პატივსცემს მათ და ყოველთა დღეთა შეუვრდების ფერხთა მათთა, ვითარცა
Line of edition: 22    ღმერთთა, და იგინი ასწავებენ გრძნებასა ქრისტეანეთასა." და ვითარცა ესმა
Line of edition: 23    ესე ივბიმიანოსს, მეყსეულად წარვიდა ივლიანოსისა, რომელი იგი იყო განმგებელ
Line of edition: 24    ყოველსა ზედა საქმესა მისსა და ჰრქუა მას: "ამას სამსა დღესა მეგულების
Line of edition: 25    ქურწილი და რომელი მეფეთა მიბრძანეს, მიჩუენე დაწინდებული ჩემი, რაჲთა
Line of edition: 26    შევირთო იგი ცოლად". და ვითარცა ესმა ივლიანოსს, ცნა, რამეთუ უცნობიეს
Line of edition: 27    საქმჱ მისი. მიუგო ივლიანოს და ჰრქუა: "ვიდრემდის ყრმაღა იყო, ვიურვოდე
Line of edition: 28    საქმესა მისსა, ხოლო აწ, ვინაჲგან მოიწიფა, განმიტევებია და, ვითარცა
Line of edition: 29    უნდეს, იქმოდეს. ხოლო უკუეთუ ხილვაჲ მისი გნებავს, ესე საქმჱ მისი არს
Line of edition: 30    და არა ჩემი". ვითარცა ესმა ესე ევბიმიანოსს, აღატყდა გულისწყრომით და
Line of edition: 31    მივიდა სახლად ბასილიაჲსა და ჰრქუა მეკარესა: "აცნობე ბასილიას, ვითარმედ
Line of edition: 32    კართა ზედა ვდგა და მინებს ხილვაჲ შენი!" და ვითარცა მოვიდა მეკარჱ,
Line of edition: 33    უთხრა ესე ყოველი. მიუგო ნეტარმან ბასილია და ჰრქუა: "ესრე არქუთ მას
Line of edition: 34    ვითარმედ: ნუ ჰგონებ, ვითარმცა იხილე პირი ჩემი გინა მომიკითხე მე, ამისთჳს,
Line of edition: 35    რამეთუ მე დაწინდებულ ვარ ქრისტჱს, ღმრთისა ჩემისაჲ".

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.