TITUS
Keimena II
Part No. 73
Previous part

Chapter: VI  
Line of edition: 24       VI. ხოლო შემდგომად ამათ ნეტართაჲსა მოიყვანეს წმიდაჲ ევგენია, ჰკითხვიდეს
Line of edition: 25    და ეტყოდეს გრძნებისათჳს. ხოლო მან სიმშჳდით და სიმდაბლით ჰრქუა
Line of edition: 26    მათ: "მე გითხრა ვითარ არს. საქმჱ ჩუენი უპატიოსნჱს და უფროჲს და უზეშთაჱს
Line of edition: 27    და უძლიერჱს არს საქმეთა გრძნებისათა, რამეთუ ჩუენსა მოძღუასა
Line of edition: 28    მამაჲ უვის უდედოდ და დედაჲ უვის უმამოდ, და შვა მამამან თჳნიერად დედისა,
Line of edition: 29    და შვა დედამან თჳნიერად მამაკაცისა. და ამას ძესა მეუღლჱ უვის ქალწული
Line of edition: 30    და უშობს შვილთა და უშობიან ნაშობნი, რომელთაჲ არა არს რიცხჳ,
Line of edition: 31    და სიყუარული მისი მათა მიმართ არა განქარდების, და სიყუარული არს
Line of edition: 32    წმიდაჲ და უბიწოჲ, რომელსა შინა არა არს შეგინებაჲ და მწინკულევანებაჲ".
Line of edition: 33    და ვითარცა ესმეს ვიპარქოზსა სიტყუანი ესე წმიდისა ევგენიაჲსნი, განლიგნა
Line of edition: 34    სიტყუათა მისთა ზედა და არარაჲ პოვა, რაჲმცა მიუგო მას. და ვიპარქოზი
Line of edition: 35    შეშინდა გრძლად სიტყჳსგებისა მისისათჳს, ნუუკუე მიიწიოს მეფესა და ეგონოს,
Line of edition: 36    ვითარმედ ტკბილად ისმენს სიტყუთა მისთა.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.