TITUS
Keimena II
Part No. 74
Previous part

Chapter: VII  
Line of edition: 37       VII. და უბრძანა, რაჲთა მიიყვანონ წმიდაჲ ევგენია არტემი კერპისა, და
Line of edition: 38    იყოს მეჴმლჱ გვერდით მისა და ეტყუდეს: "შეიწყალე თავი შენი და სიპატიოსნჱ
Line of edition: 39    შენი და უზორე არტემისა!" მას ჟამსა წმიდამან ევგენია განიპყრნა ჴელნი
Page of edition: 84   Line of edition: 1    თჳსნი ზეცად და თქუა: "უფალო, შენ უწყი დაფარული გულსა ჩემისაჲ,
Line of edition: 2    რამეთუ სიყუარულისა შენისათჳს დავიცევ ქალწულებაჲ ჩემი, და შენ გარდაჰმატე
Line of edition: 3    ჩემ ზედა მადლი სულისა წმიდისაჲ. აწცა, უფალო, ყავ ჩემთანა მადლი
Line of edition: 4    იგი ჟამსა ამას წამებისა ჩემისასა, რამეთუ სახელსა შენსა აღვიარებ, რაჲთა
Line of edition: 5    ჰრცხვენოდეს ყოველთა, რომელნი თაყუანისსცემენ ჴელითქმნულთა და რომელნი
Line of edition: 6    იქადიან კერპებითა მათითა". და ვითარცა ილოცვიდა წმიდაჲ ევგენია, ლოცვას
Line of edition: 7    ოდენ მისსა მისსა იყო ძრვაჲ დიდი ფრიად ადგილსა მას და შეეშინა ყოველთა
Line of edition: 8    მუნ მდგომარეთა და შეიძრა საფუძველი საკერპოჲსა მის და დაეცა კერპითურთ
Line of edition: 9    და არარაჲ დაშთა ადგილსა მას, რომელი არა შეიმუსრა, გარნა ადგილითურთ
Line of edition: 10    და არარაჲ დაშთა ადგილსა მას, რომელი არა შეიმუსრა, გარნა ადგილისა
Line of edition: 11    მის, სადა იგი დგა წმიდაჲ ევგენია. და იყო ესე წინაშე ყოვლისა მის
Line of edition: 12    ერისა, რომელნი მოსრულ იყვნეს, რაჲთა იხილინ მოღუაწებაჲ მოწამისა მის
Line of edition: 13    ქრისტჱსისაჲ. და წარვიდეს ყოველნი წრაფით ვიპარქოზისა და ეტყოდეს ჴმითა
Line of edition: 14    მაღლითა ვითარმედ: "უბრალო არს ევგენია", და სხუანი იტყოდეს ვითარმედ
Line of edition: 15    "გრძნეულ არს". ხოლო ვიპარქოზმან მიუთხრა საქმჱ ესე მეფესა; და უბრძანა
Line of edition: 16    მეფემან, რაჲთა წამოჰკიდონ ქედსა ქვაჲ და ჩააგდონ იგი მდინარესა. და ვითარცა
Line of edition: 17    ესე ყვეს, მოსთქდა ქვაჲ იგი ყელისაგან მისისა და შთავარდა მდინარესა,
Line of edition: 18    და დაშთა წმიდაჲ ევგენია წყალთა მათ ზედა მჯდომარჱ, და რომელთა
Line of edition: 19    ჰრწმენა ქრისტჱ, იტყოდეს ვითარმედ "ღმერთი არს ევგენიაჲს თანა წყალთა
Line of edition: 20    მათ ზედა, ვითარცა პეტრჱს თანა, და არა უტევა იგი დანთქმად". და ვითარცა
Line of edition: 21    გამოიყვანეს წმიდაჲ ევგენია, მიიყვანეს აბანოდ და შეაგდეს საგზებელსა
Line of edition: 22    მას. ხოლო სახუმილი იგი მეყსეულად განგრილდა და დაივსო და დაირღუა
Line of edition: 23    ყოველივე, რაჲცა იყო აბანოჲსაჲ. შემდგომად ამისა შეაგდეს იგი საპყრობილესა
Line of edition: 24    ბნელსა და უბრძანეს, რაჲთა იყოს მუნ შინა ათდღჱ და არა უჩუენონ გემოჲ
Line of edition: 25    ჭამადისაჲ. ხოლო საპყრობილჱ იგი განათლდა ფრიად და შემდგომად გამოსლვისა
Line of edition: 26    მისისა დარჩა ბრწინვალებაჲ იგი ნათლისაჲ ადგილსა მას. და ეჩუენა
Line of edition: 27    წმიდასა ევგენიას უფალი ჩუენი იესუ ქრისტჱ და მისცა მას პური ჴელითა თჳსითა,
Line of edition: 28    უსპეტაკჱს თოვლისაჲ, და აქუნდა სიტკბოებაჲ უზომოჲ, და ჰრქუა უფალმან
Line of edition: 29    წმიდასა ევგენიას: "მიიღე პური ესე ჴელისაგან ჩემისა, ევგენია, და გემოჲ
Line of edition: 30    იხილე, რამეთუ მე ვარ მჴსნელი შენი, რომელსა ყოვლითა ძალითა შენითა
Line of edition: 31    ქალწულებით მმსახურე და ყოვლითა სარწმუნოებითა შემიყუარე, და მე ამას
Line of edition: 32    დღესა შინა შეგიწყნარო შენ ზეცად, რომლისაგან გარდამოვჴედ ქუეყანად". და
Line of edition: 33    შემდგომად სიტყუათა ამათ მიეფარა მისგან უფალი. ხოლო სიტყუაჲ ესე მისა
Line of edition: 34    მიმართ იყო დღესა, რომელსა იშუა უფალი ჩუენი იესუ ქრისტჱ.

Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.