TITUS
Keimena II
Part No. 99
Previous part

Chapter: 10  
10


Line of edition: 4       და ვითარცა დაასრულა ნეტარმან მან მეათჱ წელი მონასტერსა მას შინა,
Line of edition: 5    მოიწია აღსასრული სამგზის სანატრელისა ნეტარისა თეოქტისტჱსი სამსა
Line of edition: 6    სეპტემბერისასა, ინდიკტიონსა ოთხსა. და მოვიდა მუნ დიდი ეფთჳმი და
Line of edition: 7    დაჰკრძალა ძლევით-შემოსილი იგი გუამი მისი და დაადგინა მისსა ადგილსა მარინოს
Line of edition: 8    ღირსი და საკჳრველი მამასახლისად. ამან დაყო ორი წელი და ღმრთის-შუენიერებით
Line of edition: 9    აღესრულა. და მოვიდა კუალად დიდი ეფთჳმი მონასტრად და
Line of edition: 10    დაჰმარხა იგი ნეტარისა თეოქტისტჱს თანა და ლუსკუმასა და ლომგინოს ვინმე პატიოსანი
Line of edition: 11    დაადგინა მისა ადგილსა. ხოლო მამამან ჩუენმა საბა მას ჟამსა ოდენ
Line of edition: 12    დაასრულა ოცდამეათჱ წელი და ყოველთა მოხუცებულთა მის ადგილისათა
Line of edition: 13    წარჰმატა მარხვითა და მღჳძარებითა, სიმშჳდითა და სიმდაბლითა და სმენითა.
Line of edition: 14    ევედრა იგი აბბა ლომგინოსს, რაჲთამცა უბრძანა მას დაყუდებაჲ ქუაბსა მას,
Line of edition: 15    რომელი არს გარეშე მონასტერსა, სამხრით კლდესა შინა. ვითარცა ჰხედვიდა
Line of edition: 16    აბბა ლომგინოს, რომელ აქუნდა შუენიერებაჲ დადგრომისა მისისაჲ და სიწმიდჱ
Line of edition: 17    სახისა მისისაჲ და მოსწრაეფწბაჲ ლოცვისა მისისაჲ დაუცხრომელად, მივიდა
Line of edition: 18    ნეტარი იგი და აუწყა მისთჳს დიდსა ეფთჳმის. ესე ვითარცა ესმა ეფთვიმის,
Line of edition: 19    ჰრქუა მას: "ნუ დააბკოლებ მას ღუაწლსა, ვითარცა უნდეს, იღუაწოს!" და
Line of edition: 20    უბრძანა მას, რაჲთა კჳრიაკესა შინა ხუთთა დღეთა ჯდეს ქუაბსა მას შინა. ხოლო
Line of edition: 21    მამამან ჩუენმან საბა სურვიელად შეიწყნარა ბრძანებაჲ მისი და დაყო
Line of edition: 22    მუნ შინა ხუთი წელი ესევითარითა კანონითა. მწუხრი შემდგომად კჳრიაკისა
Line of edition: 23    გამოვიდის მონასტრით და აქუნ ჴელსაქმარად მისა ბაიაჲ, რომელი ეყოფინ
Line of edition: 24    თავადსა კჳრიაკესა, და დაადგრის ხუთთა მათ დღეთა. და არარაჲ მიიღის საზრდელი;
Line of edition: 25    და შაბათსა ცისკრისა გალობასა მოვიდის მონასტრად და მოიღის მის
Line of edition: 26    თანა ხუთთა მათ დღეთაჲ ქმნული ერგასისი მალაკი დასრულებული. ესევითარი
Line of edition: 27    მონაზონებაჲ აქუნდა მას. და ვითარცა იხილა ესე დიდმან ეფთსჳმი, წარიყვანის
Line of edition: 28    მის თანა შემდგომად მეათხუთმეტისა დღისა თთუესა იანვარისასა უდაბნოდ,
Line of edition: 29    რომელსა ადგილსა ჰრქჳან რუბა, ურთიერთას ნეტარისა დომენტიანოსის თანა,
Line of edition: 30    რამეთუ აქუნდა სარწუნოებაჲ მისა მიმართ და ჭაბუკსა მას, ვითარცა ბერსა,
Line of edition: 31    სახელ-სდებდა და, ვითარცა კეთილი ყრმისა მზრდელი, აღსწურთიდა და სწავლიდა
Line of edition: 32    უმაღლჱსსა შუენიერებასა, რამეთუ მუნ აღასრულიან ვიდრე ბზობისა
Line of edition: 33    დღესასწაულადმდე განშორებითა ყოველთა კაცთაგან.


Next part


This text is part of the TITUS edition of Keimena II.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.