TITUS
Liturgia Iacobi (versio I)
Part No. 22
Previous part

Paragraph: 22.  
Line of edition: 15    და აწ მოვიჴსენებთ ვნებათა მათ მისთა, დაფლვასა
Line of edition: 16    მისსა და მესამესა დღესა აღდგომასა მისსა, ზეცად
Line of edition: 17    ამაღლებასა მისსა და მარჯუენით შენსა, ღმერთო და
Line of edition: 18    მამაო, ჯდომასა მისსა და მეორედ დიდებით საშინელსა
Line of edition: 19    მოსლვასა მისსა, რაჟამს მოვიდეს განსშჯად ცხოველთა და
Line of edition: 20    მკუდართა, ოდეს მიაგებდეს თითოეულსა კაცად-კაცადსა
Line of edition: 21    საქმეთა მათთაებრ. აქა მოდრკეს. მომიჴსენენ ჩუენ,
Line of edition: 22    უფალო ღმერთო ჩუენო, მას დღესა შინა, მე და ერი ესე
Line of edition: 23    აქა მდგომარჱ, კადრებად შენდა, უფალო. შევსწირავთ,
Line of edition: 24    უფალო, საშინელსა ამას და უსისხლოსა მსხუერპლსა,
Line of edition: 25    რაჲთა არა ცოდვათა ჩუენთაებრ მიყო ჩუენ, ნუცა
Line of edition: 26    უშჯულოებათა ჩუენთაებრ მომაგებ ჩუენ, არამედ
Line of edition: 27    შენსა მაგის მოთმინებისაებრ და დაუსრულებელისა
Line of edition: 28    კაცთმოყუარებისაებრ უგულებლს ჰყვენ და აჴოცენ
Line of edition: 29    რომელ ცოდვანი და ცთომანი იყვნენ მვედრებელთა
Line of edition: 30    შენთანი. და მოგუანიჭენ და მოგუმადლენ ჩუენ ზეცისა
Line of edition: 31    იგი საუკუნენი ნიჭნი, რომელი თუალმან არა იხილა
Line of edition: 32    და ყურსა არა ესმა და გულსა კაცისასა არა მოჰჴდა,
Line of edition: 33    რომელი განუმზადე მოყუარეთა შენთა მოწყალებითა
Line of edition: 34    შენითა.

Page of edition: 15  
Line of edition: 1    ამაღლება: რაჲმეთუ ერი შენი, უფალო, და ეკლესიაჲ
Line of edition: 2    გევედრებიან შენ.
Line of edition: 3    ერმან: შეგჳწყალენ ჩუენ, ღმერთო, მამაო ყოვლისამპყრობელო.

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.