TITUS
Liturgia Iacobi (versio I)
Part No. 23
Previous part

Paragraph: 23.  
Line of edition: 4    მღდელმან თქუას: შეგჳწყალენ ჩუენ,
Line of edition: 5    ღმერთო, მამაო ყოვლისა მპყრობელო, შეგჳწყალენ
Line of edition: 6    ჩუენ, ღმერთო, მაცხოვარო ჩუენო. შევჳწყალენ
Line of edition: 7    ჩუენ, ღმერთო, დიდითა წყალობითა შენითა. და
Line of edition: 8    მოავლინე ჩუენ ზედა და საშინელსა ამას და უსისხლოსა
Line of edition: 9    მსხუერპლსა, წინადაგებულსა ამას წმიდასა შესაწირავსა,
Line of edition: 10    სული წმიდაჲ შენი, უფალი და ცხოველსმყოფელი,
Line of edition: 11    თანამოსაყდრჱ შენი მამისა და ძისაჲ, თანამეუფჱ და
Line of edition: 12    თანასამარადისოჲ, თანადაუსაბამოჲ, და თანაარსი,
Line of edition: 13    რომელი იტყოდა შჯულსა შინა და წინასწარმეტყუელთა
Line of edition: 14    და ახალსა შჯულსა, რომელი გარდამოჴდა ზედა უფალსა
Line of edition: 15    ჩუენსა იესუ ქრისტჱსა იორდანესა მდინარესა ხილვითა
Line of edition: 16    ტრედისაჲთა, და რომელ, გარდამოჴდა ზედა წმიდათა
Line of edition: 17    მოციქულთა მსგავსად ცეცხლისა ენათა ზედა ქორსა მას
Line of edition: 18    საიდუმლოჲსასა დღეთა მათ ერგასისთა. ესევე ყოვლად
Line of edition: 19    წმიდაჲ სული შენი, უფალო, მოავლინე ჩუენ ზედა და
Line of edition: 20    შესაწირავსა ამას ზედა მდებარესა.
Line of edition: 21    ასამაღლებელი: რაჲთა აწცა სახიერმან და დიდებით
Line of edition: 22    მოსლვამან მისმან განწმდოს და ყოს პური ესე
Line of edition: 23    ჴორც პატიოსან ქრისტჱსა.
Line of edition: 24    ერმან: ამენ.
Line of edition: 25    მღდელმან: და სასუმელი ესე სისხლ ჭეშმარიტ
Line of edition: 26    ქრისტესა
Line of edition: 27    ერმან: ამენ.
Line of edition: 28    მღდელმან იწყოს საიდუმლოთა: რაჲთა
Line of edition: 29    ექმნას ყოველთა, რომელთა მიიღონ ესე მისატევებლად
Line of edition: 30    ცოდვათა და ცხორებად საუკუნოდ, განსაწმედელად
Page of edition: 16  
Line of edition: 1    სულთა და ჴორცთა, ნაყოფისა გამომღებელად კეთილთა
Line of edition: 2    საქმეთა, სიმტკიცედ ეკლესიისა შენისა, რომელი მოიგე
Line of edition: 3    პატიოსნითა სისხლითა ქრისტეს შენისაჲთა და დააფუძნე
Line of edition: 4    ზედა კლდესა სარწმუნოებისასა, რაჲთა ბჭენი ჯოჯოხეთისანი
Line of edition: 5    არა ერეოდიან მას; და იჴსენ იგი ყოველთაგან
Line of edition: 6    მწვალებელთა და საცთურისაგან, რომელნი იქმან
Line of edition: 7    უშჯულოებასა ვიდრე აღსასრულამდე საუკუნოჲსა
Line of edition: 8    მისთჳს.

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.