TITUS
Liturgia Iacobi (versio I)
Part No. 24
Previous part

Paragraph: 24.  
Line of edition: 9    აქა მოდრკეს მღდელი. და შევსწირავთ შენდა
Line of edition: 10    უფალო, საშინელსა ამას და უსისხლოსა მსხუერპლსა
Line of edition: 11    წმიდათა შენთა ადგილთათჳს, რომელნი ადიდენ გამოცხადებითა
Line of edition: 12    ქრისტე შენისაჲთა.
Line of edition: 13    პირველად წმიდისათჳს და დიდებულისა სიონისა,
Line of edition: 14    დედისა ყოველთა ეკლესიათაჲსა და ყოვლისა სოფლისა
Line of edition: 15    ზედა წმიდისა, კათოლიკჱ, სამოციქულო ეკლესიისა
Line of edition: 16    შენისა და ყოველთა ცისკიდეთა უხუად ნიჭნი სულისა
Line of edition: 17    წმიდისანი გარდაუმატენ მას, უფალო.
Line of edition: 18    მოიჴსენენ, უფალო, მას შინა წმიდათა მამათა ჩუენთა
Line of edition: 19    ეპისკოპოსთა მართლმადიდებელთა და მართლგამომეტყუელთა
Line of edition: 20    სიტყუასა მას ჭეშმარიტებისასა: პირველად და
Line of edition: 21    წინაჲთ ღირსისა მამისა ჩუენისა პატრიარქისაჲ. სიბერჱ
Line of edition: 22    პატიოსანი მოჰმადლე მას, დღეგრძელობით დაიცევ ესე
Line of edition: 23    ჟამთა მწყსად ერისა შენისა ყოვლითა ჭეშმარიტებითა
Line of edition: 24    და სიმართლითა და სიწმიდითა.
Line of edition: 25    მოიჴსენენ, უფალო, წმიდისა ქალაქისა იერუსალჱმისა
Line of edition: 26    და ყოველთა ქალაქთაჲ და სოფელთაჲ და ყოველნი,
Line of edition: 27    რომელნი მას შინა სარწმუნოებითა და შიშითა ქრისტესითა
Line of edition: 28    დამკჳდრებულ არიან მშჳდობით და მყუდროებით.
Line of edition: 29    მოიჴსენენ, უფალო, აქა პატიოსანნი მღდელნი და სადანივე
Line of edition: 30    ქრისტეს მიმართ მსახურნი დიაკონნი და ყოველნი
Line of edition: 31    მოწესენი ეკლესიათანი და რომელნი სიმდაბლისა ცხორებითა
Page of edition: 17  
Line of edition: 1    იქცევიან და ქრისტჱს მოყუარენი ერისა კაცნი.
Line of edition: 2    მომიჴსენე მე, უფალო, მეცა ცოდვილი ესე და ნარჩევი
Line of edition: 3    მონაჲ შენი და მომხედენ მე წყალობითა შენითა და
Line of edition: 4    უბრალო მყავ მე მდევართა ჩემთაგან და რომელი შეგცოდე
Line of edition: 5    სიტყჳთ, ანუ საქმით, ანუთუ გონებითა, მილხინე, მომიტევენ,
Line of edition: 6    შემინდვენ, ვითარცა სახიერ ხარ ღმერთი და
Line of edition: 7    კაცთმოყუარე უფალი; უფალო, ნუ სულგრძელებით,
Line of edition: 8    რაჲმეთუ სადა იგი გამრავლდა ცოდვაჲ, მუნ უფროჲს
Line of edition: 9    გარდაემატნეს ნიჭნი იგი შენნი.
Line of edition: 10    მოიჴსენე, უფალო, კეთილად მსახური მეფჱ ჩუენი
Line of edition: 11    და კეთილად მსახური დედოფალი და კეთილად მსახურებით
Line of edition: 12    მეფობაჲ მათი. აიღე საჭურველი და ფარი და
Line of edition: 13    აღდეგ შეწევნად მათა და დაუმორჩილენ მათ ყოველნი
Line of edition: 14    ნათესავნი წარმართთანი, რაჲთა მშჳდობით და მყუდროებით
Line of edition: 15    ვცხონდებოდით ყოვლითა ღმრთისმსახურებითა
Line of edition: 16    და ღირსებითა.
Line of edition: 17    მოიჴსენენ, უფალო, რომელნი სიბერესა და უძლურებასა
Line of edition: 18    შინა შურებიან: მამანი და ძმანი ჩუენნი.
Line of edition: 19    მოი[ჴ]სენენ, უფალო, იგინიცა, რომელნი საპყრობილესა
Line of edition: 20    და კრულებასა და ექსორიობასა და ტყუეობასა და
Line of edition: 21    ჴურელთა ქუეყანისათა იყვნენ მამანი და ძმანი
Line of edition: 22    ჩუენნი.
Line of edition: 23    მოიჴსენენ, უფალო, ნავითა მავალნი, მოგზაურნი,
Line of edition: 24    რომელნი უცხოებასა და შორსა გზასა წარმართებულ
Line of edition: 25    არიან: მამანი და ძმანი ჩუენნი, და წყალობასა და
Line of edition: 26    შეწევნასა შენგან ითხოვენ.
Line of edition: 27    მოიჴსენენ, უფალო, რომელნი სულთაგან არა წმიდათა
Line of edition: 28    იტანჯებიან განათავისუფლენ ყოველნი გუამნი
Line of edition: 29    სნეულთანი და მშრომელთანი და რომელნი მიმძლავრებულ
Line of edition: 30    არიან; ყოველთა ულხინე, ყოველნი განათავისუფლენ
Line of edition: 31    ფერად-ფერადთაგან სენთა: მამანი და ძმანი ჩუენნი
Page of edition: 18  
Line of edition: 1    და ყოველნი სულნი ქრისტეანეთანი ჭირვეულნი და
Line of edition: 2    ურვეულნი, რომელნი წყალობასა და შეწევნასა შენსა
Line of edition: 3    ითხოვენ.
Line of edition: 4    მოიჴსენენ, უფალო, კეთილსა შინა ყოველნი, ყოველსა
Line of edition: 5    შინა შეიწყალენ, უფალო, ყოველთა მოხედე, დაამშჳდე
Line of edition: 6    სიმრავლჱ ერისა შენისაჲ; განაბნიენ ყოველნი საცდურნი,
Line of edition: 7    განაქარვენ ყოვლნი ბრძოლანი, შენი მშჳდობაჲ და
Line of edition: 8    სიყუარული მოგუმა[დ]ლე, ღმერთო, მაცხოვარო
Line of edition: 9    ჩუენო.
Line of edition: 10    მღდელმან დიაკონსა ჯუარი დასწეროს და
Line of edition: 11    მოსაჴსენებელი ცოცხალთაჲ წართქუას.
Line of edition: 12    მ[ღ]დელმან ესე ლოცვაჲ წართქუას: მოიჴსენე,
Line of edition: 13    უფალო, კეთილად შეზავებისათჳს ჰაერთა, ცუარისა
Line of edition: 14    მშჳდობისა, ნაყოფთა კეთილად გამოღებისა სრულისაჲ
Line of edition: 15    და კეთილისაჲ და გჳრგჳნი წელწადისაჲ სიტკბოებითა
Line of edition: 16    შენითა, უფაფო, რაჲმეთუ თუალნი ყოველთანი შენ
Line of edition: 17    გესვენ და შენ მოსცი საზრდელი მათი ჟამსა.
Line of edition: 18    მოიჴსენენ, უფალო, რომელთა შესაწირავი ესე
Line of edition: 19    შემოსწირეს ამას დღესა წმიდასა საკურთხველსა შენსა,
Line of edition: 20    რომლისათჳს კაცად-კაცადმან შემოწირა, გინათუ გონებასა
Line of edition: 21    აქუნდეს და რომელთათჳს აწ ესე რა აღმოვიკითხავთ.
Line of edition: 22    აქა ცოცხალი ვინ გინდეს მოიჴსენე.
Line of edition: 23    მოიჴსენენ, უფალო ღმერთო, და შეიწყალენ იოვანე
Line of edition: 24    ფრიად ცოდვილი ზოსიმე მჩხრეკელი ამისი და კჳრიკე
Line of edition: 25    მომგებელი და მშობელნი და ძმანი მათნი და ყოველნივე
Line of edition: 26    მათეულნი თითოეულად სახელდ-სახელდ სულიერნი
Line of edition: 27    და ჴორციელნი, ცოცხალნი და მიცვალებულნი და
Line of edition: 28    ყოველნი ქრისტეანენი, ამენ. ლოცვაჲ.
Line of edition: 29    ესე ყოველნი მოიჴსენენ, უფალო, ღმერთო მამათაო
Line of edition: 30    და ყოველთა ჴორციელთაო, რომელნი მოვიჴსენენ და
Line of edition: 31    რომელნი ვერ მოვიჴსენენ. მოეც მათ ქუეყანისა წილ
Page of edition: 19  
Line of edition: 1    ზეცისაჲ იგი, განხრწნადისა წილ უხრწნელი იგი, საწუთროჲსა
Line of edition: 2    წილ საუკუნოჲ იგი ხარებისაებრ ქრისტე შენისა,
Line of edition: 3    რაჲმეთუ ცხორებისა და სიკუდილისა ჴელმწიფებაჲ
Line of edition: 4    გაქუს, უფალო.
Line of edition: 5    და მერმეცა მოჴსენებად ღირს-მყვენ ჩუენ, რომელნი
Line of edition: 6    დასაბამითგან სოფლისაჲთ სათნო გეყვნენ შენ ნათესავად
Line of edition: 7    ნათესავად მამადმთავართა, წინაწარმეტყუელთა, მოციქულთა,
Line of edition: 8    მახარებელთა, მარტჳლთა, მართალთა, აღმსარებელთა.
Line of edition: 9    მოიჴსენე, უფალო, მთავარანგელოზისა იგი ჴმაჲ,
Line of edition: 10    რომელსა იტყოდა: გიხაროდენ, მიმადლებულო, უფალი
Line of edition: 11    შენ თანა, კურთხეულ ხარ შენ დედათა შორის და
Line of edition: 12    კურთხეულ არს ნაყოფი მუცლისა შენისაჲ ღმრთისა
Line of edition: 13    მადლითა.
Line of edition: 14    ამაღლება: უმეტეს არს ყოვლად წმიდაჲ, დიდებული,
Line of edition: 15    კურთხეული, უხრწნელი, სანატრელი დედოფალი
Line of edition: 16    ჩუენი ღმრთისმშობელი, მარადის ქალწული მარიამ.
Line of edition: 17    აქაჲთგან სულნი მოიჴსენნეს დიაკონმან,
Line of edition: 18    ხოლო მღდელმან თქუას: გიხაროდენ მიმადლებულო,
Line of edition: 19    უფალი შენ თანა გ ჯერ.
Line of edition: 20    მოიჴსენე, უფალო, წმიდაჲ და დიდებული, ნეტარი
Line of edition: 21    იოვანე წინამორბედი და ნათლისმცემელი.
Line of edition: 22    მოიჴსენენ, უფალო, წმიდანი მოციქულნი პეტრე,
Line of edition: 23    პავლე, ანდრია, იაკობ, იოვანე, ფილიპე, თომა, ბართლომე,
Line of edition: 24    მათეოს, იაკობ ალფჱსი, სიმონ მოშურნჱ, იუდა იაკობისი,
Line of edition: 25    მატათია, მარკოზ, ლუკა მახარებელი.
Line of edition: 26    მოიჴსენენ, უფალო, წმიდანი წინაწარმეტყუელნი და
Line of edition: 27    მამადმთავარნი, მართალნი: წმიდაჲ სტეფანე პირველდიაკონი
Line of edition: 28    და პირველმოწამჱ, წმიდანი ნეტარნი მამანი
Line of edition: 29    ჩუენნი: მოსე, აჰრონ, ისუ, სამოელ, დავით, ელია,
Line of edition: 30    ელისე, ზაქარია, სჳმეონ, და წმიდანი მარტჳლნი და აღმსარებელნი
Line of edition: 31    ქრისტჱს ღმრთისა ჩუენისანი: წმიდაჲ თევდორე,
Line of edition: 32    წმიდაჲ გეორგი, წმიდაჲ კჳრიკე, წმიდაჲ ივლიტა,
Page of edition: 20  
Line of edition: 1    წმიდა აბო, და წმიდანი ორმეოცნი, რომელნი წამებულ
Line of edition: 2    არიან კეთილითა აღსარებითა, და კეთილად აღმსარებელნი
Line of edition: 3    წმიდანი დედანი მენელსაცხებელნი მირუფორნი.
Line of edition: 4    მოიჴსენენ, უფალო, წმიდანი მამანი ჩუენნი ეპისკოპოსნი
Line of edition: 5    წმადისა იაკობ მოციქულისა, ძმისა უფლისა და
Line of edition: 6    პირველ მთავარეპისკოპოსისა იერუსალჱმისა ვიდრე
Line of edition: 7    მოაქამდე და რომელნი მართლმადიდებლობით ეპისკოპოსობდეს
Line of edition: 8    წმიდასა ქალაქსა ქრისტჱს ღმრთისა ჩუენისასა,
Line of edition: 9    ღირსნი.
Line of edition: 10    მოიჴსენენ, უფალო, წმიდანი მამანი ჩუენნი მოძღუარნი:
Line of edition: 11    ეგნატი, დიონოსი, ირინეო, გრიგოლი, ალექსანდრე,
Line of edition: 12    ევსტათი, ათანასი, ბასილი, გრიგოლი, გრიგოლი, ამბოროსი,
Line of edition: 13    ამფელოქე, ლიბერი, დამასუ, იოვანე, ეპიფანე,
Line of edition: 14    თეოფილე, კელესტინე, აგჳსტინე, კჳრილე, ლეონტი,
Line of edition: 15    პროკლე, ფილისტოს, ორმიზდ, ეფრემ, სოფრონი, აღაპი,
Line of edition: 16    ევლოჯი, მარტჳრონ.
Line of edition: 17    მოიჴსენენ, უფალო, წმიდანი და დიდ-დიდნი სოფლისა
Line of edition: 18    ექუსნი კრებანი: ნიკიას სამას ათრვამეტნი, კოსტანტინეპოლის
Line of edition: 19    ას ორმეოცდაათნი, ეფესოს პირველად ორასნი,
Line of edition: 20    ქალკიდონს ექუსას ოცდაათნი, მეხუთჱ წმიდაჲ კრებაჲ
Line of edition: 21    ას სამეოცდაოთხნი. და შემ[დ]გომად მისა მეექუსჱ წმიდაჲ
Line of edition: 22    კრებაჲ ორას ოთხმეოცდაცხრანი. ესე წმიდანი კრებანი
Line of edition: 23    და ყოველთა ადგილთა ღირსნი მამანი ჩუენნი, რომელნი
Line of edition: 24    მართლმადიდებლობით ეპისკოპოსობდეს და რომელთა
Line of edition: 25    მართლწარუმართებიეს სიტყუაჲ იგი ჭეშმარიტებისაჲ.
Line of edition: 26    მოიჴსენენ, უფალო, წმიდანი მამანი ჩუენნი განშორებულნი
Line of edition: 27    და მარტოდ ცხოვრებულნი: ამბა პავლჱ,
Line of edition: 28    ანტონი, პავლე, პახუმი, ამონა, თევდორე, ილარიონ,
Line of edition: 29    არსენი, მაკარი, მაკარი, იოვანე, ეფრემ, სჳმეონ, სჳმეონ,
Line of edition: 30    თეოდოსი, ხარიტონ, გელასი, ევთჳმე, თეოქტისტე, საბა,
Line of edition: 31    დომენტი, ჯერასიმე, კოზმან, და იოვანე. და წმიდანი
Line of edition: 32    მამანი ჩუენნი, რომელნი მოისრნეს მთასა წმიდასა სინასა
Line of edition: 33    და რაჲთს ბარბაროზთაგან ქრისტესთჳს.

Page of edition: 21  
Line of edition: 1    არაჲთუ ჩუენ ღირს რაჲმე ვართ მოჴსენებად ნეტარებასა
Line of edition: 2    მათსა, არამედ რაჲთა მათ კადნიერად მდგომარეთა
Line of edition: 3    წინაშე საშინელსა და შესაძრწუნებელსა საყდარსა შენსა
Line of edition: 4    მომიჴსენნენ ჩუმნ საწყალობელნი ესე და უღირსნი
Line of edition: 5    მონანი შენნი.
Line of edition: 6    მოიჴსენენ, უფალო, ქორეპისკოპოსნი, ხუცესნი, დიაკონნი,
Line of edition: 7    კერძოდიაკონნი, დედათდიაკონნი, წიგნის მკითხველნი,
Line of edition: 8    მონაზონნი, თარგმანნი, მაფუცებელნი და
Line of edition: 9    ღმრთისმოყუარენი ქალწულნი და წესიერად ქორწინებულნი,
Line of edition: 10    რომელნი ზიარებასა სულისა წმიდისა კათოლიკე,
Line of edition: 11    სამოციქულო ეკლესიასა შინა აღსრულებულ
Line of edition: 12    არიან.
Line of edition: 13    მოიჴსენენ, უფალო, ღმრთისმსახურნი და მორწმუნენი
Line of edition: 14    მეფენი კოსტანტინე დიდი, ჰელენე, თევდოსი
Line of edition: 15    დიდი, მარკიანე, პროშელი, ლეონტი, ისტჳნიანე და
Line of edition: 16    რომელნი შემდგომად მათსა ღმრთისმსახურნი და
Line of edition: 17    მორწმუნენი მეფობდეს, და ყოველნი, რომელნი სარწმუნოებითა
Line of edition: 18    და შიშითა ქრისტესითა წინაჲსწარ აღსრულებულ
Line of edition: 19    არიან ქრისტესმოყუარენი ერისა კაცნი. და
Line of edition: 20    რომელთათჳს კაცად-კაცადმან შემოწირა, გინათუ გონებასა
Line of edition: 21    აქუნდეს და რომელთათჳს აწ ესერა აღმოვიკითხავთ.
Line of edition: 22    ვინ გინდეს შესუენებული მოიჴსენე.
Line of edition: 23    მოიჴსენენ, უფალო ღმერთო, და შეიწყალენ და გა[ნ]უ
Line of edition: 24    სუენე სულსა იოვანე ცოდვილისა ზოსიმესა და კჳრიკესა
Line of edition: 25    და მშობელთა და ძმათა მათთა და ყოველთავე მათეულთა
Line of edition: 26    სულიერთა და ჴორციელთა თითოეულად სახელდ-
Line of edition: 27    სახელდ და ყოველთა ქრისტეანეთა, ამენ. ლოცვაჲ.
Line of edition: 28    ესე ყოველნი მოიჴსენენ, უფალო ღმერთო მამათაო და
Line of edition: 29    ყოველთა ჴორციელთაო, რომელნი მოვიჴსენენ და რომელნი
Line of edition: 30    ვერ მოვიჴსენენ. მათ მუნ განუსუენე და ღირს-ყვენ
Line of edition: 31    იგინი ქუეყანასა მას ცხოველთასა, სასუფეველსა ცათასა,
Page of edition: 22  
Line of edition: 1    წიაღთა შინა აბრაჰამისია, ისაკ და იაკობისთა, რომლისაგან
Line of edition: 2    განშორებულ არიან ყოველნი სალმობანი, მწუხარებანი
Line of edition: 3    და ჭირნი, სადა იგი ხედავს ნათელი პირისა
Line of edition: 4    შენისაჲ, უფალო. და ჩუენი აღსასრული, ქრისტიანობით
Line of edition: 5    და მშჳდობით, უცოდველად, უურველად და უჭირველად
Line of edition: 6    და ურცხჳნელად წარგჳმართა, უფალო ღმერთო,
Line of edition: 7    მაცხოვარო ჩუენო; და შეგუკრიბენ ჩუენ ქუეშე
Line of edition: 8    ფრთეთა რჩეულთა შენთასა, ოდეს გნებავს და ვითარცა
Line of edition: 9    ინებო თჳნიერ ხოლო სირცხჳლისა და შეურაცხებისა,
Line of edition: 10    წინაშე საყდართა, ქრისტე, შენისათა.
Line of edition: 11    დიაკონმან: და მშჳდობით განგებით ყოვლისა სოფლისა
Line of edition: 12    წმიდათა ღმრთისა ეკლესიათა და თითოეულისა
Line of edition: 13    ამისთჳს და რომელთათჳს კაცად-კაცადმან შემოწირა,
Line of edition: 14    გინათუ გონებასა აქუნდა და ამის ერისა აქა მდგომარისა
Line of edition: 15    ყოველთა და ყოვლისათჳს.
Line of edition: 16    ერმან: ყოველთა და ყოვლისათჳს.
Line of edition: 17    მღდელმან: წყალობითა და მოწყალებითა და კაცთმოყუარებითა,
Line of edition: 18    ქრისტე, შენისაჲთა, მისთანა შენდა დიდებაჲ
Line of edition: 19    შუენის სულით წმიდითურთ + აწ და მარადის და
Line of edition: 20    უკუნითი უკუნისამდე.
Line of edition: 21    ერმან: ამენ.
Line of edition: 22    მღდელმან: მშჳდობაჲ ყოველთა.
Line of edition: 23    ერმან: სულისა შენისა თანა.
Line of edition: 24    დიაკონმან: მერმეცა და მარადის ყოველია ერთობით
Line of edition: 25    უფლისა მიმართ ვილოცოთ.
Line of edition: 26    ერმან: კჳრიელესონ.
Line of edition: 27    წმიდისა ამისთჳს შეწირულისა, განწმედილისა, დიდებულისა
Line of edition: 28    ზეცისა ნიჭისათჳს, უფლისა მიმართ ვილოცოთ.
Line of edition: 29    ერმან: კჳრიელესონ.
Line of edition: 30    რაჲთა უფალმან ღმერთმან ჩუენმან, რომელმან
Line of edition: 31    შეიწირნა ესენი წმიდასა და უხილავსა, დიდებულსა,
Line of edition: 32    ზეცისა საკურთხეველსა მისსა მსხუერპლად სულად
Line of edition: 33    სულნელად და რაჲთა გარდამოგჳვლინოს ჩუენ მადლი
Page of edition: 23  
Line of edition: 1    და ნიჭი სულისა წმიდისაჲ ყოველთა ერთობით უფლისა
Line of edition: 2    მიმართ ვილოცოთ.
Line of edition: 3    ერმან: კჳრიელესონ.
Line of edition: 4    ერთობაჲ სარწმუნოებისაჲ და ზიარებაჲ ყოვლად
Line of edition: 5    წმიდისა სულისაჲ უფლისა მიმართ ვითხოოთ; თავნი
Line of edition: 6    ჩუენნი და ყოველი ცხორებაჲ ჩუენი ქრისტესა ღმერთსა
Line of edition: 7    ჩუენსა შევჰვედროთ.
Line of edition: 8    ერმან: შენ უფალო.

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.