TITUS
Liturgia Iacobi (versio I)
Part No. 25
Previous part

Paragraph: 25.  
Line of edition: 9    მღდელმან ესე ლოცვაჲ წართქუას:
Line of edition: 10    ღმერთო და მამაო უფლისა ღმრთისა და მაცხოვრისა
Line of edition: 11    ჩუენისა იესუ ქრისტესო, რომელი ჰზი ქერობინთა და
Line of edition: 12    იდიდები სერაბინთაგან, რომლისა წინაშე დგანან ათასნი
Line of edition: 13    ათასთანი ღა ბევრნი ბევრთანი წმიდათა ანგელოზთანი
Line of edition: 14    და მთავარანგელოზთა მჴედრობანი და რომელნი ესე
Line of edition: 15    შეიწირნეს შენდა შესაწირავნი და ძღუენნი მისაცემელნი
Line of edition: 16    და ნაყოფნი სულად სულნელად შეიწირენ ღა განწმიდენ,
Line of edition: 17    უფალო, მადლითა, ქრისტე, შენისაჲთა და მოსლვითა
Line of edition: 18    სულისა წმიდისა შენისაჲთა. განწმიდენ, უფალო, სულნი
Line of edition: 19    და ჴორცნი ჩუენნი, განიხილენ გონებანი ჩუენნი,
Line of edition: 20    გამოცადენ ზრახვანი ჩუენნი და განგუაშორე ჩუენგან
Line of edition: 21    ყოველივე გონებაჲ უკეთურებისაჲ და ყოველივე
Line of edition: 22    ზრახვაჲ შეგინებული, და ყოველივე გულისთქუმაჲ
Line of edition: 23    მწინკულევანი და ყოველივე შური და ყოველი ამპარტავანებაჲ,
Line of edition: 24    და ყოველი ორგულებაჲ და ყოველი ტყუილი და
Line of edition: 25    ზაკუვაჲ და ყოველი სიმძიმჱ სოფლისაჲ ამის და
Line of edition: 26    ყოველი ანგარებაჲ და ყოველი აღძრვაჲ ჴორცთაჲ და
Line of edition: 27    სულისაჲ უცხოქმნული წმიდისაგან ნებისა შენისა.
Line of edition: 28    ამაღლება: და ღირს მყვენ, უფალო, კადნიერებით
Line of edition: 29    წმიდითა გულითა, განახლებულითა სულითა, ურცხჳნელითა
Line of edition: 30    პირითა, განწმედილითა ბაგითა კადრებად
Line of edition: 31    და ხადად შენდა ზეცათა ღმრთისა წმიდისა მამისა მოწყალისა
Line of edition: 32    და თქუმად:

Page of edition: 24  
Line of edition: 1    ერმან: მამაო ჩუენოჲ.

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.