TITUS
Liturgia Iacobi (versio I)
Part No. 29
Previous part

Paragraph: 29.  
Line of edition: 24    ხოლო მღდელმან განტეხოს ბოსპოროჲ
Line of edition: 25    და ნახევარითა სამჯერ ჯუარი დასწეროს და
Line of edition: 26    შთაყოს ბარძიმსა და სისხლსა ზედა ჯუარი
Line of edition: 27    დასწეროს სამჯერ და იტყოდის: შეიყოფის ჴორცი
Line of edition: 28    და სისხლი ქრისტჱსი სახელითა მამისაჲთა და ძისაჲთა და
Line of edition: 29    სულისა წმიდისაჲთა. და ერთითა მეორესა
Line of edition: 30    ნახევარსა ჯუარი დასწეროს და მოიღოს
Line of edition: 31    ნახევარი იგი მარჯუენესა ჴელსა და ეგრევე
Line of edition: 32    ყოს და შეამთხჳოს პირი ჯუარედად,
Line of edition: 33    ფეშხუემსა ზედა დასწეროს სამჯერ ჯუარი.

Page of edition: 26  
Line of edition: 1    და თუ სხუაჲცა ესუენოს ბოსპორაჲ
Line of edition: 2    ფეშხუემსა ზედა, ყოველთა ჯუარი განავლოს
Line of edition: 3    მით, სისხლსა შთაჰყოფდის და განტეხოს
Line of edition: 4    ოთხად და ორი თუალი მოსტეხოს და ბარძიმსა
Line of edition: 5    მით ჯუარი დასწეროს და ამას იტყოდის
Line of edition: 6    სამჯერ, თქუას: შეყოფილ არს და განწმედილ არს
Line of edition: 7    და განსრულებულ ჴორცი და სისხლი ქრისტჱსი
Line of edition: 8    სახელითა მამისაჲთა და ძისაჲთა და სულისა წმიდისაჲთა.
Line of edition: 9    და შთაუსუენოს ბარძიმსა და თქუას:
Line of edition: 10    კურთხეულ არს მამაჲ, კურთხეულ არს ძჱ, კურთხეულ
Line of edition: 11    არს სული წმიდაჲ. ყოველი სული დაბადებული
Line of edition: 12    აქებდით უფალსა, ალელუია, ალელუია, ალელუია.
Line of edition: 13    დიაკონეან თქუას: მშჳდობითა ქრისტესითა
Line of edition: 14    ვგალობდეთ.
Line of edition: 15    და ერი განიცადესა იტყოდის, ხოლო მღდელნი
Line of edition: 16    და დიაკონნი განაწილებასა ამას ლგ
Line of edition: 17    ფსალმუნსა იტყოდიან: ვაკურთხოთ უფალი
Line of edition: 18    ყოველსა ჟამსა, მარადის ქებაჲ მისი. ვიდრე ნეტარ
Line of edition: 19    არს კაცი, რომელი ესავს უფალსა.

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.