TITUS
Liturgia Iacobi (versio I)
Part No. 30
Previous part

Paragraph: 30.  
Line of edition: 20    ხოლო მღდელი იტყოდის ამას ლოცვასა,
Line of edition: 21    თქუმული წმიდისა ათანასი ალექსანდრელ
Line of edition: 22    ეპისკოპოსისაჲ: უფალო ღმერთო, კაცთმოყუარეო
Line of edition: 23    და მჴსნელო იესუ ქრისტჱ, ძეო ღმრთისა ცხოველისაო,
Line of edition: 24    რომელი ჴორცითა გამოშჩნდი მაცხოვრად ჩუენდა და
Line of edition: 25    განანათლე ყოველი სოფელი. დიდ-დიდნი საკჳრველებანი
Line of edition: 26    და მოწყალებანი ჰყვენ ჩუენდა მომართ, რაჲთა სრულიად
Line of edition: 27    განგუათავისუფლნე ჩუენ მონებისაგან სიკუდილისა.
Line of edition: 28    წმიდაჲ ეგე და უბიწოჲ კრავი ღმრთისაჲ კაცობრივითა
Line of edition: 29    ბუნებითა გამოშჩნდი ჩუენთჳს და ვითარცა ცხოვარი
Line of edition: 30    კლვად მიიგუარე პატიოსნითა მაგით ჴორცითა და
Line of edition: 31    ჭეშმარიტითა სისხლითა შენითა და მართალი იგი ვითარცა
Line of edition: 32    ძჳრისამოქმედი ავაზაკთა შორის ჯუარს-ეცუ. ჰე
Line of edition: 33    უფალო, უპირატეს ჯუარცუმისა შენისა მოიღე
Page of edition: 27  
Line of edition: 1    პური იგი წმიდათა და უბიწოთა ჴელთა შენთა ზედა,
Line of edition: 2    აკურთხე და მიეც იგი ნეტართა მოწაფეთა შენთა და
Line of edition: 3    სთქუ: ესე არს ჴორცი ჩემი, და შემდგომად სერობისა
Line of edition: 4    მოიღე სასუმელი იგი წმიდათა და უბიწოთა ჴელთა
Line of edition: 5    შენთა განზავებული ღჳნითა და წყლითა, აკურთხე და
Line of edition: 6    მიეც იგი მათვე ნეტართა მოწაფეთა _ მოციქულთა და
Line of edition: 7    სთქუ: ესე არს სისხლი ჩემი; ამას ჰყოფდით ჩემდა
Line of edition: 8    მოსაჴსენებელად, რაჲმეთუ რავდენგზის შჭამდეთ
Line of edition: 9    პურსა ამას და ჰსუმიდეთ სასუმელსა ამას, სიკუდილსა
Line of edition: 10    ძისა კაცისასა მიუთხრობდით ვიდრემდის მოვიდეს. და
Line of edition: 11    მოვიჴსენებთ კურთხევასა მას და მცნებასა შენსა, ხოლო
Line of edition: 12    მე უკუეთუმცა მაქუნდა სირცხჳლი იგი სულიერადი
Line of edition: 13    ძჳრ-ძჳრად შეცოდებათა და საძაგლებათა ჩემთათჳს,
Line of edition: 14    ზეახილვადცა არა ღირს ვარ, არამედ შენ მხოლოჲსა მიმართ
Line of edition: 15    აღსაარებით ვიტყჳ: შეგცოდე, უფალო, უფალო, შეგცოდე
Line of edition: 16    და ურჩულოებანი ჩემნი მე უწყნი, ვითარმედ უღირსად
Line of edition: 17    და წარმდებებით ვიკადრებ მიახლებად გამოუთქუმელსა
Line of edition: 18    ამას საიდუმლოსა, პატიოსანსა ჴორცსა შენსა და
Line of edition: 19    ჭეშმარიტსა სისხლსა შენსა, არამედ სარწმუნოებით
Line of edition: 20    სასოებაჲ მაქუს მიუწდომელსა მაგას მოწყალებასა და
Line of edition: 21    სიტკბოებასა შენსა, და ვითხოვ შენგან, უფალო ჩუენო
Line of edition: 22    იესუ ქრისტჱ, მილხინე მე, უფალო, უფალო, მილხინე
Line of edition: 23    მე და უღირსად წარმდებებისა ჩემისათჳს ნუ დამშჯი მე.
Line of edition: 24    არამედ წმიდაჲ და ჭეშმარიტი ესე ჴორცი შენი და სისხლი
Line of edition: 25    შენი მექმენინ მე განმძარცუველად ცოდვათა ჩემთა და
Line of edition: 26    აღმჴოცელად უშჯულოებათა ჩემთა და განმანათლებელად
Line of edition: 27    თუალთა გონებისა ჩემისათა, რაჲთა განვწმიდნე მე
Line of edition: 28    ცოდვისაგან დიდისა და ყოვლადვე მეშინოდის მე შენგან
Line of edition: 29    და ვივლტოდი მე ყოვლისაგან ცოდვისა და არა წმიდებისა,
Line of edition: 30    და უმეტჱსად მსუროდის მე პატიოსნისა ამის ჴორცისა
Line of edition: 31    და ჭეშმარიტისა სისხლისა შენისა და მარადის გულს ვიტყოდი
Page of edition: 28  
Line of edition: 1    სასუფეველისათჳს ცათაჲსა, რაჲმეთუ შენი არს
Line of edition: 2    სუფევაჲ, ძალი და დიდებაჲ თანა მამით და სულით
Line of edition: 3    წმიდითურთ, აწ და მარადის და უკუნითი უკუნისამდე,
Line of edition: 4    ამენ.
Line of edition: 5    ლოცვაჲ ზიარებისაჲ იოვანე ოქროპირისაჲ.
Line of edition: 6    ჴორცისა ამისგან არღარა ვარ მიწა და ნაცარ, არცაღა ვარ
Line of edition: 7    მტუერ, არამედ თავისუფალ. ამისგან ვესავ ცათა შინა
Line of edition: 8    მოღებად კეთილსა ცხორებასა, უკუდავსა ანგელოზთა
Line of edition: 9    დიდებასა და ქრისტეს თანა ზრახვასა.
Line of edition: 10    ლოცვაჲ ზიარებისაჲვე. წმიდაო, წმიდაო გამოუთქმელო
Line of edition: 11    სამებაო სათნოო, მომეც მოღებად ჴორცი ესე
Line of edition: 12    და სისხლი საცხორებელად და ნუ სატანჯველად და
Line of edition: 13    დასაშჯელად, ნუცა დასართველად ცოდვათა, არამედ
Line of edition: 14    მომეც მე ნაყოფად სათნოდ შენდა, რაჲთა შენდა სათნოდ
Line of edition: 15    გამოვჩნდე და ვცხონდებოდი ყოფითა მცნებათა შენთაჲთა,
Line of edition: 16    და კადნიერად გხადოდი შენ ღმერთსა მამად და ვეძიებდე
Line of edition: 17    სახელსა შენსა და ნებასა შენსა, წმიდა იყავნ სახელი შენი
Line of edition: 18    ჩუენ ზედა უკუნისამდე, უფალო.
Line of edition: 19    რაჲმეთუ ძლიერ ხარ და ქებულ და დიდებულ არს
Line of edition: 20    სახელი შენი წმიდაჲ მამისაჲ და ძისაჲ და წმიდისა
Line of edition: 21    სულისაჲ, აწ და მარადის და უკუნითი უკუნისამდე,
Line of edition: 22    ამენ.
Line of edition: 23    მღდელმან მოიღოს ნაწილი, ორი თუალი
Line of edition: 24    ჴელთა მისთა და შეიმთხჳოს პირსა სამჯერ
Line of edition: 25    და ამას იტყოდის: აგამაღლო შენ, ღმერთო ჩემო და
Line of edition: 26    მეუფეო ჩემო, და ვაკურთხო. ესე სამჯერ. მრწამს
Line of edition: 27    მამაჲ და ძჱ და სული წმიდაჲ. სამჯერ თქუას. მრწამს
Line of edition: 28    ხარებაჲ, შობაჲ, ნათლისღებაჲ, ჯუარ-ცუმაჲ, დაფლვაჲ,
Line of edition: 29    აღდგომაჲ, ზეცად ამაღლებაჲ, მეორედ დიდებით მოსლვაჲ
Line of edition: 30    განშჯად ცხოველთა და მკუდართა. ხოლო ჩემი მიახლებაჲ
Line of edition: 31    ღმრთისაჲ კეთილ არს, დადებად უფლისა მიმართ სასოებაჲ
Line of edition: 32    ჩემი.

Page of edition: 29  
Line of edition: 1    და ეზიაროს პირველ ჴორცითა და მერმე
Line of edition: 2    სისხლითა.
Line of edition: 3    დიაკონმან თქუას: მღდელნი წარმოდეგით!
Line of edition: 4    დიაკონნი მოვიდოდეთ!
Line of edition: 5    დიაკონმან ფეშხუემი აღიღოს, კჳრიელესონ
Line of edition: 6    ყოს.
Line of edition: 7    მღდელმან: აგამაღლო შენ, ღმერთო ჩემო.
Line of edition: 8    მღდელმან: მშჳდობაჲ ყოველთა.
Line of edition: 9    ერმან: სულისა შენისა თანა.
Line of edition: 10    დიაკონმან: შიშითა ქრისტესითა მოვიდოდეთ.
Line of edition: 11    ერმან: წინაშე შენსა, უფალო.
Line of edition: 12    ზიარებასა მღდელი რაჟამს მღდელთა
Line of edition: 13    აზიარებდეს ამას იტყოდის: ჴორცი და ყოვლად
Line of edition: 14    წმიდაჲ სისხლი უფლისა ღმრთისა და მაცხოვრისა
Line of edition: 15    ჩუენისა იესუ ქრისტჱსი, ძისა ღმრთისაჲ, მიგეცემის
Line of edition: 16    მღდელსა ქრისტეს ღმრთისა ჩუენსასა დაცვად შენისა
Line of edition: 17    მღდელობისა ღირსებით და სიწმიდით მისატევებელად
Line of edition: 18    ცოდვათა და ცხორებად საუკუნოდ.
Line of edition: 19    დიაკონთათჳს ეგრევე, სახელი ოდენ
Line of edition: 20    უქციოს. ერისათჳს ესრე თქუას: ჴორცი და
Line of edition: 21    სისხლი უფლისა ღმრთისა და მაცხოვრისა ჩუენისა
Line of edition: 22    იესუ ქრისტესი მიგეცემის მისატევებელად ცოდვათა და
Line of edition: 23    ცხორებად საუკუნოდ.
Line of edition: 24    და ვითარცა ეზიარნენ, მღდელმან ჯუარი
Line of edition: 25    დასწეროს ერსა და თქუას: მაღალ ხარ ცათა
Line of edition: 26    შინა ღმერთი და ყოველსა ქუეყანა[სა] ზედა არს დიდებაჲ
Line of edition: 27    შენი. და აიღონ. გმადლობთ შენ, უფალო.

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.