TITUS
Liturgia Iacobi (versio I)
Part No. 34
Previous part

Paragraph: 34.  
Line of edition: 25    მღდელმან ესე ლოცვაჲ წართქუას: რომელთა
Line of edition: 26    მოუწოდე, რომელნი განსწმიდენ, უფალო, რომელნი
Line of edition: 27    ადიდენ, უფალო, ღირს-მყვენ ჩუენ ზეცისა წოდებასა,
Line of edition: 28    დაგჳცვენ სიყუარულსა ზედა და დაგუამტკიცენ სიწმიდესა
Line of edition: 29    შენსა; განგუაკრძალენ ბოროტისაგან და ცხორებად
Line of edition: 30    საუკუნოდ შემკრიბენ და წყალობასა შენმიერსა
Page of edition: 32  
Line of edition: 1    ღირს-მყვენ ჩუენ და მოგუანიჭე ჩუენ ყოველი, რომელი
Line of edition: 2    საჴმარ ჩუენდა არს თხოვაჲ. დაგჳცვენ ჩუენ საგრილსა
Line of edition: 3    ქუეშე ქველისმოქმედებისა შენისასა და გჳჴსნენ ჩუენ
Line of edition: 4    ყოველსა ჟამსა, რაჲთა შენ სათნო გეყვნეთ და ვჰყოფდეთ
Line of edition: 5    ნებასა შენსა, მადლითა და წყალობითა და კაცთმოყუარებითა
Line of edition: 6    ქრისტეს მხოლოდ შობილისა ძისა შენისაჲთა, რომლისა
Line of edition: 7    თანა კურთხეულ ხარ შენ ყოვლად წმიდით,
Line of edition: 8    სახიერით და ცხოველსმყოფელით სულით შენით
Line of edition: 9    წმიდითურთ, აწ და მარადის და უკუნითი უკუნისამდე,
Line of edition: 10    ამენ.
Line of edition: 11    მღდელმან: მშჳდობაჲ ყოველთა.
Line of edition: 12    ერმან: სულისა შენისა თანა. უფალო გუაკურთხენ.
Line of edition: 13    მღდელი მოიქცეს და ესე ლოცვაჲ წართქუას
Line of edition: 14    ერის განტევებისაჲ: აღვივსენით ჩუენ კეთილითა
Line of edition: 15    სახლისა შენისაჲთა და უხუებითა, და აწ გევედრებით
Line of edition: 16    შენ, უფალო, სრულითა სიყუარულითა ღირს-ყვენ
Line of edition: 17    სულნი ჩუენნი ნათელსა პირისა შენისასა. განაკრძალენ
Line of edition: 18    გზანი ჩუენნი და დაამტკიცენ შიშსა შენსა და ჩუენ
Line of edition: 19    ყოველნი შეგჳწყალენ და ზეცისა სასუფეველსა ღირს-მყვენ
Line of edition: 20    ჩუენ უღირსნი ესე. რაჲმეთუ კურთხეულ არს
Line of edition: 21    სახელი შენი და დიდებაჲ სუფევისა შენისაჲ, რაჲთა
Line of edition: 22    იდიდოს სიმტკიცჱ მამისაჲ და ძისაჲ და სულისა წმიდისაჲ,
Line of edition: 23    აწ და მარადის და უკუნითი უკუნისამდე, ამენ.

Next part


This text is part of the TITUS edition of Liturgia Iacobi (versio I).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.