TITUS
Klarjeti Polycephalion
Part No. 22
Previous part

Text: 23 
Page of edition: 285 
Line of edition: 11  ზატიკთა ბ̂-სა ხუთშაბათსა საკითხავი, თქუმული წმიდისა და ნეტარისა
Line of edition: 12  მამისა ჩუენისა ეფრემისი ელიაჲსთჳს წინაწარმეტყუელისა და მიქაელ
Line of edition: 13  მთავარანგელოზისა


Line of edition: 14       განდიდნა შიში ღმრთისაჲ და ნეტარ არს, რომელმან მოიპოვოს იგი და
Line of edition: 15    დაიმარხნეს მცნებანი მისნი, რამეთუ არა ხოლო თუ ამას სოფელსა ადიდოს იგი და
Line of edition: 16    პატიოსან ყოს, არამედ ცათა შინა აღამაღლოს და მისცეს მას ჴელმწიფებაჲ, ზეცისა
Line of edition: 17    ანგელოზთა თანა და წმიდათა და რჩეულთა მისთა თანა დაამკჳდროს, დაღათუ
Line of edition: 18    იყვნენ იგინი შეურაცხ ქუეყანასა ზედა, ხოლო საქმენი მათნი დიდ იყვნედ
Line of edition: 19    ცათა შინა და რომელთა არარაჲ მოიგონ ქუეყანასა ზედა, სუფევდენ იგინი
Line of edition: 20    ცათა შინა უკუნისამდე.
Line of edition: 21       გულისხმა-ყავთ გონებითა თქუენითა, ძმანო ჩემნო, და მიჰხედეთ ელია
Line of edition: 22    წინაწარმეტყუელსა, ვითარ-იგი განკრძალულ იყო ჴორცთა შინა და ძალითა
Line of edition: 23    სულისა მისისაჲთა შეიმუსრნეს დიდებულნი და დაემჴუნეს ზუავნი და ამპარტავანნი.
Line of edition: 24    მიჰხედა მას ეშმაკმან და შეძრწუნდა.
Line of edition: 25       მოიმტკიცა ელია მკლავნი თჳსნი, ვითარცა მბრძოლამან ახოვანმან,
Line of edition: 26    და განემზადა ვითარცა ჭურვილი, რომელი განვალნ წყობად მტერისა. მიჰსცა
Line of edition: 27    თავი თჳსი, ვითარცა მონამან და უფალმან მისმან ყო იგი მფლობელ სახლსა
Line of edition: 28    თჳსსა ზედა, დაუტევნა მშობელნი და მოყუასნი თჳსნი და იქმნა იგი მეგობარ
Line of edition: 29    ანგელოზთა. ილოცა ვედრებითა და აღიწია ჴმაჲ ვედრებისა მისისაჲ ცათა
Line of edition: 30    შინა, ვიდრემდის მიიწია წინაშე ღმრთისა, გამოვიდა სული სიწმიდისა მისისაჲ,
Line of edition: 31    ვითარცა სულნელებაჲ საკუმევლისაჲ და მიეფინა იგი ყოველსა სოფელსა და
Line of edition: 32    განიხარეს მისთჳს ანგელოზთა ზეცისათა და შეიწყნარა უფალმან ვედრებაჲ
Line of edition: 33    მისი და აღუსრულა ნებაჲ მისი, და უკუეთუ ჩუენცა მივემსგავსნეთ მას
Line of edition: 34    და მოვიპოვოთ სათნოებაჲ მისი, ეგრჱთვე შეიწიროს ლოცვაჲ და მარხვა ჩუენი
Line of edition: 35    უფალმან და მოავლინოს წყალობაჲ მისი და კურთხევაჲ მისი ჩუენ ზედა და
Line of edition: 36    მშჳდობაჲ ყოველთა დაბადებულთა ზედა.
Line of edition: 37       აწ უკუე კმა არს მონისაჲ მის ესევითარი სახიერებაჲ უფლისა მისისა
Line of edition: 38    მიმართ, რამეთუ რომელმან მოიძულოს სოფელი ესე წარმავალი და შეიყუაროს
Line of edition: 39    უფალი თჳსი ყოვლითა გულითა, იქმნეს იგი მეგობარ ანგელოზთა და მოყუარჱ
Line of edition: 40    რჩეულთა მისთა.
Line of edition: 41       ხოლო მონაჲ იგი ღმრთისაჲ ელია აღივსო სულითა წმიდითა და განმტკიცნა
Line of edition: 42    სარწმუნოებითა და შეჰშურდა მას შური უფლისაჲ და აღიძრა გუ\ლისწყრომითა
Page of edition: 286  Line of edition: 1    და თქუა თავსა შინა თჳსსა: ჵ საქმჱ ბოროტი, რამეთუ კერპნი თაყუანის-იცემებიან
Line of edition: 2    კაცთაგან და უფალი ღმერთი ჩუენი არა იცნობების დამბადებელად და არცა
Line of edition: 3    იმსახურების ჯერისაებრ. უმჯობეს არს ჩემდა, რაჲთა მოვკუდე და არღარა
Line of edition: 4    ვცხომე ქუეყანასა ზედა ესევითათითა ცხოვრებითა, ესევითართა შორის კაცთა
Line of edition: 5    ამაოთა. და სულმოკლე იქმნა წინაწარმეტყუელი ელია და თქუა თავსა შინა
Line of edition: 6    თჳსსა: რაჲ-მე ვყო აქაბის მეფისათჳს, ანუ ერისა მის ისრაჱლისა, რამეთუ
Line of edition: 7    უფალი ღმერთი ჩემი დაუტევეს და მიიქცეს კერპთა მიმართ უსულოთა? და
Line of edition: 8    აწ არარაჲ სხუაჲ ჯერ-არს ჩემდა, გარნა რაჲთა ფიცით დავამტკიცო გუემაჲ
Line of edition: 9    მათი უფლისა მიერ და გამოვიდეს პირისა ჩემისაგან სიტყუაჲ, ვითარცა
Line of edition: 10    ცეცხლი შემწუველი და შეჭამნეს იგინი. და აღვაღო პირი ჩემი ლოცვად და
Line of edition: 11    ვედრებად უფლისა მიმართ, ვითარცა მოსე წინაწარმეტყუელმან და დავანთქნე
Line of edition: 12    ქუესკნელთა ქუეყანისათა, ვითარცა-იგი დაითქნეს დათან და აბირონ, რაჲთა
Line of edition: 13    ცნან მართალთა, ვინ-იგი შური იძია მათგან. და სხუაჲცა გულისსიტყუაჲ
Line of edition: 14    აღსძრავს გულსა ჩემსა და მეტყჳს: რაჲთა შიმშილითა და წყურვილითა განვკაფნე
Line of edition: 15    იგინი და დავაყენო მათგან ცუარი ცისაჲ და წჳმაჲ და განვაჴმო პირი ქუეყანისაჲ,
Line of edition: 16    რაჲთა ცნას სახლმან აქაბისმან, ვითარმედ ღმერთმან განაძლიერნის მოყუარენი
Line of edition: 17    მისნი უფროჲს მეფეთა უშჯულოთა, და ყოველი, რომელი ითხოვონ ქუეყანასა
Line of edition: 18    ზედა, მისცემს მათ ცათა შინა.
Line of edition: 19       ესე სიტყუანი თქუნა ელია წინაწარმეტყუელმან თავსა შინა თჳსსა
Line of edition: 20    და შეძრწუნდა შურითა უფლისაჲთა და განმწარდა გული მისი, რომელი აქუნდა
Line of edition: 21    გულსა მისსა და ფუცა სახელსა უფლისასა და თქუა: ცხოველ არს უფალი ღმერთი
Line of edition: 22    ჩემი, რომელსა ვჰმსახურებ და მრწამს და რომლისა წინაშე წარვდგები ყოველსა
Line of edition: 23    ჟამსა, რამეთუ არა იყო ცუარი, გინა წჳმაჲ ქუეყანასა ზედა უკეთურებისათჳს
Line of edition: 24    სახლისა აქაბ მეფისა, რამეთუ დაუტევეს ღმერთი და ჰმსახურებენ კერპთა
Line of edition: 25    და უვარ-უყოფიეს შემოქმედი მათი და თაყუანის-სცემენ ბაალსა, კერპსა
Line of edition: 26    მას საძაგელსა და ბილწსა. და აწ მე ვაცნობო ჴელმწიფებაჲ და ძალი უფლისა
Line of edition: 27    ღმრთისა ჩემისაჲ სიყმილითა, რაჲთა არღარა ცხონდენ იგინი და დავაყენო
Line of edition: 28    ცუარი და წჳმაჲ, რაჲთა არღარა ჭამონ ნაყოფთა მისთაგანი არარაჲ, და
Line of edition: 29    განვაჴმნე შესადინელნი ზღუათანი ნაყოფითურთ, რაჲთა არღარა იზარდებოდიან
Line of edition: 30    მას ზედა ქცევითა და ვაჭრობითა, ვითარ შეურაცხ-ყვეს უფალი ღმერთი მათი
Line of edition: 31    და ჰმსახურებენ კერპთა ამაოებასა.
Line of edition: 32       და აწ დამიჴშავს ბჭჱ ესე და ვინ არს, რომელმან განაღოს იგი თჳნიერ
Line of edition: 33    ჩემსა, რაჲთა გულისხმა-ყონ მეფეთა ქუეყანისათა, ვითარმედ უფალი ღმერთი
Line of edition: 34    ელიაჲსი უფალ არს დიდებისაჲ, რომელი აცხოვნებს და მოაკუდინებს, და
Line of edition: 35    რაჲთა მოაქციონ მათ უფლისა ღმრთისა მათისა და იცნან იგი და თავყანის-სცენ
Line of edition: 36    და ჰრწმენეს სახელი ღმრთეებისა მისისაჲ, რომლითა მიემთხჳნენ წყალობასა
Line of edition: 37    მისსა და დაიმკჳდრონ სასუფეველი მისი.
Line of edition: 38       და ღაღად-ყო მონამან ღმრთისამან ელია და შეკრნა ცანი გულისწყრომითა
Line of edition: 39    დიდითა. ხოლო ქუეყანაჲ შეძრწუნდა და აღივსო მწუხარებითა დიდითა და
Line of edition: 40    თქუა: ვაჲ ჩემდა, რაჲ ესე შემემთხჳა მე და მკჳდრთა ჩემთა! ვაჲ ჩემდა,
Line of edition: 41    კაცისა ამისგან ფიცხლისა, ვინ ევედროს ამას და დააცხროს გულისწყრომაჲ
Line of edition: 42    მისი და სიფიცხლჱ მისი მოდრიკოს? მრავალგზის მასმიეს რისხვაჲ უფლისა
Line of edition: 43    ღმრთისა ჩემისაჲ, რაჟამს მომხედის მე გულისწყრომით და არა შევძრწუნდი მისგან
Line of edition: 44    ესრჱთ, ვითარ-ესე აწ შეშინებულ ვარ ამისგან კაცისა. რამეთუ უწყი, ვი\თარმედ
Page of edition: 287  Line of edition: 1    უფალი ღმერთი ჩემი მოწყალე არს, დაღათუ განამრავლის რისხვაჲ მისი,
Line of edition: 2    არამედ უფროჲსად განმრავლდის წყალობაჲ მისი ჩემ ზედა, და რაჟამს იგი
Line of edition: 3    განრისხნა ადამის ზედა, მივეცი მის გამო მე წყევასა...
Line of edition: 4       და განიყურნა ყოველი სოფელი და წარწყმდეს ყოველნი მკჳდრნი მისნი,
Line of edition: 5    შემცირდა სიპოხჱ და არღარა იპოვა ზეთი. მოაკლდეს და განქარდეს საწნეხელნი
Line of edition: 6    და არღარა ისმოდა ჴმაჲ მწნეხელთაჲ საწნახელთა შინა და განჴმა ვენაჴი
Line of edition: 7    და დასცჳვა ნაყოფი თჳსი, მოაკლდა და განქარდა ყოველი საშუებელი კაცთაჲ.
Line of edition: 8    წარწყმდა ზეთი და დაივსო სანთელი, მოწყდეს მთავარნი შიმშილითა და განქარდა
Line of edition: 9    ჴელმწიფებაჲ მათი და დიდებაჲ უფლებისა მათისაჲ, განიბნია სიმდიდრჱ
Line of edition: 10    მდიდართაჲ და განჰმარტნეს ჴელნი მათნი თხოვად, ქველისსაქმისა მოღებად,
Line of edition: 11    მოწყდეს ყრმანი მათნი, მოისრნეს ჭაპუკნი განსაცდელისა მისგან და დაშთომილთაჲ
Line of edition: 12    მათ შეიცვალა ხატი შეუნიერებისა მათისაჲ სიყმილითა. დასცხრა ქორწილი
Line of edition: 13    და არღარა ისმოდა ჴმაჲ სიძისაჲ, არცაღა განცხრომაჲ მექორწილეთაჲ და
Line of edition: 14    არცა ღიმილი სიძისაჲ სასძლოსა შინა. განქარდა მეგობართა სიყუარული
Line of edition: 15    და მეცნიერთა სიხარული და შეიცვალა ქალწულთა შეუნიერებაჲ და ჭაბუკთა
Line of edition: 16    სიკეთჱ და გარდაიქცა განცხრომაჲ მათი გლოვად და შუენებაჲ მათი მწუხარებად.
Line of edition: 17    განჴმა სძჱ მშობელთაგან და მოწყდეს ჩჩჳლნი უსძეობითა. მოისრნეს მფრინველნი
Line of edition: 18    შიმშილითა და მოწყდეს მჴეცნი და პირუტყუნი უსაჭმლობითა. და განიხრწნა
Line of edition: 19    ყოველი ქუეყანაჲ სიტყჳთა ელია წინაწარმეტყუელისაჲთა და აღუსრულა უფალმან
Line of edition: 20    ნებაჲ მისი და უზეშთაჱს ყო იგი ყოველთა დაბადებულთა მისთა, მან მხოლომან
Line of edition: 21    უფალმან, რამეთუ იგი არს მომტევებელი ცოდვათა ჩუენთაჲ და ადიდნის მადიდებელნი
Line of edition: 22    მისნი. და მას ყოველსა თანა ჭირსა და განსაცდელსა, რომელი შეემთხჳა
Line of edition: 23    ქუეყანასა და მკჳდრთა მისთა, არავე დასცხრა გულისწყრომაჲ იგი ელიაჲსი
Line of edition: 24    და არცა განქარდა რისხვაჲ მისი დაბადებულთაგან.
Line of edition: 25       და კუალად ქუეყანამან იწყო ვედრებად ელია წინაწარმეტყუელისა და
Line of edition: 26    ჰრქუა: გევედრები და ვითხოვ შენგან, ვითარცა დედაჲ, რომელი ევედრებინ
Line of edition: 27    შვილსა თჳსსა, შემიწყალე მე და შეიწყალე მკჳდრნი ჩემნი და ნუ წარსწყმედ
Line of edition: 28    მართალთა ცოდვილთა მიზეზითა. და ვითარ ისმინა მისი ელია, კუალად ჰრქუა
Line of edition: 29    მას ქუეყანამან: ჵ მიწისაგან დაბადებულო, რად ეძულობ შვილთა მიწისათა
Line of edition: 30    და პირი იგი, რომელ იზარდების ჩემგან, რაჲსათჳს აღებ ლოცვად ვნებად
Line of edition: 31    ჩემდა? ჵ უცხოებით მკჳდრო ჩემო, რად მოიძულენ მკჳდრნი ჩემნი? ჵ მონაო
Line of edition: 32    უფლისმოყუარეო, რომელმან დაიმარხენ მცნებანი მისნი, რად შეურაცხ-ჰყვენ
Line of edition: 33    ნივთნი ბუნებისა შენისანი და მოიძაგენ მსგავსნი აგებულობისა შენისანი,
Line of edition: 34    რომელნი მყოფ არიან ქუეყანასა ზედა? აჰა ესერა, რომელნი მკჳდრნი ჩემნი
Line of edition: 35    გევედრებიან შენ და ღაღადებენ ღმრთისა მიმართ და არა ისმენ მათსა.
Line of edition: 36    არამედ აწ ისმინე მშობელისა შენისაჲ, რომლისაგან დაებადე, და განჴსნენ
Line of edition: 37    ღრუბელნი შობად წჳმისა. და სრულიად აჰფხურო ნაყოფთა ჩემთა, ანუ ვითარ
Line of edition: 38    სათნო-გიჩნს საქმჱ ესე? რამეთუ ჩემგან მიიღებ საზრდელსა და მე დამაყენე
Line of edition: 39    საზრდელისა ჩემისაგან, ჰსუამ შენ წყალსა და მე განმაჴმე წყურვილითა.
Line of edition: 40    და აწ უკუეთუ ჯერ-არს, წინაწარმეტყუელო უფლისაო განჰჴსენ კრულებაჲ
Line of edition: 41    ესე, რომელ განაჩინე, რამეთუ ვერვინ შემძლებელ არს მისსა განჴსნად
Line of edition: 42    თჳნიერ შენსა. და უკუეთუ შენ არა მიითუალო ვედრებაჲ ჩემი და არცა მიითუალო
Line of edition: 43    ლოცვაჲ ჩემი, ღაღად-ვყო უფლისა მიმართ შესმენად შენდა, წინაწარმეტყუელო
Line of edition: 44    უფლისაო.

Page of edition: 288 
Line of edition: 1       მიუგო ელია წინაწარმეტყუელმან და ჰრქუა ქუეყანასა: გარქუ შენ, მრავალგზის,
Line of edition: 2    ვითარმედ ვფუცე მე სახელსა უფლისა ღმრთისა ჩემისასა და არა შევინანო,
Line of edition: 3    არცა განვაცრუვო პირი ჩემი ...ლისთჳს ურჩულოჲსა. რამეთუ შენ ხარ ღმერთი
Line of edition: 4    მართალთაჲ და შეიწყნარებ მონანულთა სინანულსა და ცოდვილთა მოქცევასა
Line of edition: 5    და დიდებულ არს სახელი შენი უკუნისამდე.
Line of edition: 6       მიუგო უფალმან ქუეყანასა და ჰრქუა: ვითარმცა სათნო-მიჩნდა უმშჯავროდ
Line of edition: 7    გუემაჲ შენი და უსამართლოდ ტანჯვაჲ შენი? და უკუეთუ თავს-იდევ წყევაჲ
Line of edition: 8    ცოდვილთათჳს, არამედ განმზადებულ ვარ მე მოვლინებად სიყუარულისა ძისა
Line of edition: 9    ჩემისა, რაჲთა ვიდოდის შენ ზედა და მიუტევნეს ცოდვილთა შეცოდებანი
Line of edition: 10    მათნი და დაჰჴსნას შუვაკედელი ზღუდისაჲ მის და განხეთქოს საკრველი
Line of edition: 11    კრულებისაჲ მის და იყო შენ კურთხეულ მის მიერ. ხოლო ელია წინაწარმეტყუელსა
Line of edition: 12    არა წინა-აღუდგები და არცა დავჰჴსნი განჩინებულსა მისსა, არამედ სათნო-მიჩნს
Line of edition: 13    ნებისა მისისა აღსრულებაჲ, რამეთუ მოვავლინე იგი, რაჲთა გამოარჩიოს
Line of edition: 14    იფქლი ღუარძლისაგან და განაქარვოს თესლი მისი ქუეყანით. რამეთუ ფრიად
Line of edition: 15    განამრავლეს იგი და შეჰრიეს იგი ნაყოფთა თანა კეთილთა და საშუებელთა
Line of edition: 16    ჩემთა მიიღებენ და ჰყოფენ მათ შესაწირავად კერპთა მათთა. ვითარ იხილა
Line of edition: 17    ესე მონამან ჩემმან ილია, აღიძრა იგი შურითა ჩემთჳს და განდიდნა რისხვაჲ
Line of edition: 18    გულისწყრომისა მისისაჲ რამეთუ ვყავ იგი სანთელ აღნთებულ, რაჲთა ჰნათობდეს
Line of edition: 19    ყოველთა, რომელნი არიან სახლსა შინა ჩემსა. ხოლო მონამან ჩემმან ელია
Line of edition: 20    ვითარ იხილა, რამეთუ შეიყუარეს ბნელი უფროჲს ნათლისა, განაშორა თავი
Line of edition: 21    თჳსი სახლსა მამისა თჳსისასა და დაუტევნა იგი ბნელსა შინა, შეკრნა
Line of edition: 22    ცანი და დააყენა ცუარი და წჳმაჲ და შეაძრწუნა პირი ქუეყანისაჲ, რამეთუ
Line of edition: 23    მოვავლინე იგი წინაწარმეტყუელად და მღდლად, რაჲთა ასწაოს კაცთა რჩული
Line of edition: 24    ჩემი და განამტკიცნეს იგინი დამარხვად მცნებათა ჩემთა. და იხილა მან
Line of edition: 25    ურჩებაჲ იგი მათი და უკეთურებაჲ, განძჳნდა რისხვაჲ გულისწყრომისა მისისაჲ,
Line of edition: 26    და მიაგოს მათ ღირსი საქმეთა მათთაჲ. ხოლო მე არა ურჩ-ვექმნები მონასა
Line of edition: 27    ჩემსა, რომელმან დაიცვნა მცნებანი ჩემნი და ვაცადო იგი, ვიდრემდის
Line of edition: 28    თჳთ დასცხრეს რისხვაჲ გულისწყრომისა მისისაჲ, და შემდგომად მისა მოუწოდო
Line of edition: 29    მყუდროდ და განჰჴსნეს განჩინებაჲ იგი კრულებისაჲ. და მაშინ შევიწყალნე
Line of edition: 30    დაბადებულნი, და მით გულისხმა-ყონ ყოველთა მართალთა, ვითარმედ სათნო-მიჩს
Line of edition: 31    აღსრულაბად ნებისა მათისაჲ, და აღვამაღლო საჴსენებელი მათი ყოველსა
Line of edition: 32    სოფელსა და განუმზადო მათ სამკჳდრებელი სასუფეველსა ცათასა.
Line of edition: 33       და შემდგომად სიტყუათა ამათ, რომელ ჰრქუა ღმერთმან ქუეყანასა,
Line of edition: 34    აღიძრა სიტყჳსგებაჲ და ორგულებაჲ შორის ანგელოზთა და იტყოდეს: რაჲ
Line of edition: 35    არს საქმჱ ესე კაცისაჲ ამის, რამეთუ სიტყჳთა ერთითა, რომელი გამოჴდა
Line of edition: 36    პირისა მისისაგან, წარწყმიდნა ყოველნი დაბადებულნი ღმრთისანი. მოედით
Line of edition: 37    უკუე აწ და მივიდეთ, თაყუანის-ვსცეთ ღმერთსა და ვჰკითხოთ მას და ვთქუათ:
Line of edition: 38    უფალო, განაგე ქუეყანაჲ, რომელი მიახლებულ არს წარწყმედასა და ულხინე
Line of edition: 39    მკჳდრთა მისთა და შეიწყალენ დაბადებულნი მისნი!
Line of edition: 40       და აღვიდეს ყოველნი ანგელოზნი და მთავარანგელოზნი, თაყუანის-სცეს
Line of edition: 41    უფალსა და ევედრებოდეს, რაჲთა შეიწყალნეს დაბადებულნი თჳსნი.

Page of edition: 289 
Line of edition: 1       და წარდგა მიქაელ მთავარანგელოზი წინაშე უფლისა ვედრებით. ესრე იტყოდა:
Line of edition: 2    გევედრები შენ, უფალო, და თაყუანის-ვცემ ღმრთეებასა შენსა, მაუწყე
Line of edition: 3    ჩუენ, თუ ნანდჳლ მოახლებულ არს აღსასრ... და მართალთა.
Line of edition: 4       ვითარ-მე შევაწუხო იგი აწ და განვარისხო, რომელმან მოიძულნა საშუებელნი
Line of edition: 5    და მშობელნი თჳსნი და ნათესავნი და ყოველი ერი თჳსი სიყუარულისათჳს
Line of edition: 6    ჩემისა და არარად შეჰრაცხა სოფლისა სიხარული საშუებლითურთ, და ამის
Line of edition: 7    გამო უგლომელ არს იგი ქუეყანასა ოჴრებასა. და მე მარტოჲ შემიყუარა
Line of edition: 8    მჴსნელად თჳსა და სათნოებისა ჩემისათჳს მოიძულა ყოველი სოფელი სავსებითურთ
Line of edition: 9    მისით, და ვითარ-იგი მან ყო სათნოებაჲ ჩემი, მეცა აღვასრულო ნებაჲ
Line of edition: 10    მისი და არა დავჰჴსნი განჩინებასა მისსა. რამეთუ კაცი ერთი მართალი
Line of edition: 11    მირჩევიეს უფროჲს ყოველთა კაცთა და შევიწყნარებ მას და მიყუარს იგი
Line of edition: 12    ჴორცთა მისთა სიწმიდისათჳს და მთნავს იგი უფროჲს ძეთა ისრაჱლისათა,
Line of edition: 13    რომელთა შეაგინეს ყოველი ქუეყანაჲ კერპებითა მათითა და შეაბილწნეს
Line of edition: 14    ჴორცნი მათნი არაწმიდებითა მათითა.
Line of edition: 15       მაშინ მთავარანგელოზმან ღრუბელი იგი გარდამოიყვანა წინაშე უფლისაჲთ
Line of edition: 16    და მოიღო ბრძანებაჲ, რაჲთა გარდამოიყვანოს ღრუბელი თჳნიერ ცუარისა
Line of edition: 17    და წჳმისა და პოვა ელია მჯდომარჱ მთასა ზედა ქორათისასა. და აღიხილნა
Line of edition: 18    თუალნი თჳსნი ელია და იხილა ღრუბელი მომავალი და დაუკჳრდა და წამ-უყვნა
Line of edition: 19    მას მკსინვარედრე. და ღრუბელთა მათ ვითარ იხილეს ელია, დაეყენნეს სლვად
Line of edition: 20    შიშისა მისგან. და ელია უფროჲსად შეიჭუნა წარბნი თჳსნი და განრისხნა
Line of edition: 21    ვითარცა მბრძოლი.
Line of edition: 22       ხოლო ღრუბელნი იგი კუალად-იქცეს და დადგეს წინაშე ანგელოზისა
Line of edition: 23    მის, და ჰრქუა მათ მთავარანგელოზმან მან: რაჲსათჳს დაეყენენით სლვისაგან?
Line of edition: 24    წარემართენით და ვიდოდეთ!
Line of edition: 25       ხოლო მათ ჰრქუეს მას: გევედრებით შენ, მოგუეახლე ჩუენ და გაუწყოთ,
Line of edition: 26    რაჲსათჳს დავეყენენით ჩუენ სლვისაგან. და ვითარ მიეახლა მათ, ჰრქუეს
Line of edition: 27    მას: აჰა ესერა, არს კაცი იგი, რომლისაჲ გაუწყოთ შენ, რამეთუ აღდგა
Line of edition: 28    იგი და წამ-მიყვნა ჩუენ მკსინვარედ და ვერ შემძლებელ ვართ ჩუენ სლვად
Line of edition: 29    შიშისა მისისაგან.
Line of edition: 30       მაშინ მიეახლა მთავარანგელოზი იგი ელია წინაწარმეტყუელსა და ჰრქუა
Line of edition: 31    მას: მომიღებიეს ბრძანებაჲ უფლისა მიერ პირველ გარდამოსლვისა ჩემისა
Line of edition: 32    შენდა და აწ გევედრები შენ, რაჲთა განჴსნე კრულებაჲ ესე, რომელი განაჩინე,
Line of edition: 33    და უბრძანე ღრუბელთა, რაჲთა გარდამოიღონ წჳმაჲ ქუეყანასა ზედა.
Line of edition: 34       მიუგო მას ელია წინაწარმეტყუელმან და ჰრქუა: რამეთუ გამოვიდა
Line of edition: 35    პირისა ჩემისაგან სიტყუაჲ და არღარა კუალად-ვაქციო იგი, რამეთუ ვფუცე
Line of edition: 36    სახელსა უფლისასა და არა შევინანო, რაჲთა არა მტყუვრად გამოვჩნდე,
Line of edition: 37    რამეთუ არა გარდამოჴდეს ცუარი გინა წჳმაჲ ქუეყანასა ზედა, ვიდრედმდის
Line of edition: 38    აღვასრულო ნებაჲ ჩემი და შური ვიძიო ღმრთისათჳს.
Line of edition: 39       ჰრქუა მას მთავარანგელოზმან: უკუეთუ შენ წმიდაჲ ხარ და იქადი
Line of edition: 40    სიწმიდითა შენითა, ხოლო მე არა მეშინის შენგან. არამედ მაუწყე მე, რაჲსათჳს
Line of edition: 41    დააყენენ ღრუბელნი წჳმისაგან და განაქარვე ჴელმწიფებაჲ ჩემი? მითხარ მე,
Line of edition: 42    ჵ მიწაო და მიწისაგანო, ვინ გასწავა შენ ესევითარი ფიცი, რაჲთამცა ჰფუცე
Line of edition: 43    ცხოველებასა უფლისასა, ანუ ვინ მიგიძღუა შენ ესევითარსა საქმესა, ანუ არა
Page of edition: 290  Line of edition: 1    უწყია, რამეთუ მიწაჲ ხარ შენ ქუეყანასა ზედა? და გნებავს, რაჲთა ჰსცვალო
Line of edition: 2    ბრძანებაჲ ღმრთისაჲ და ეძიებ ყოველთა კაცთა წარწყმედასა, რაჲთა შენ
Line of edition: 3    ხოლო მარტოჲ დაშთე ქუეყანასა ზედა. ჩუენ ანგელოზნი ცისანი, დაგუბადნა
Line of edition: 4    ღმერთმან ცეცხლისაგან და ქარისა და ერთიცა ჩუენგანი ვერ შემძლებელ
Line of edition: 5    არს, ვითარცა ფუცა მაცხოვარებასა უფლისასა. და შენ, რომელი მიწისაგან
Line of edition: 6    დაებადე, კადნიერ იქმენ ფუცვად ცხოველებასა ღმრთისასა, რაჲთა დაამტკიცო
Line of edition: 7    ნებაჲ შენი. უწყოდე, რამეთუ მრავალნი კაცნი არიან ქუეყანასა ზედა,
Line of edition: 8    რომელნი უფროჲს არიან შენსა წინაშე უფლისა და არავინ მათგანმან იკადრა
Line of edition: 9    ფუცვად ცხოველებასა უფლისასა. და მას ყოველსა თანა, რომელ ჰყავ და
Line of edition: 10    განჰრყუენ შუენიერებაჲ ქუეყანისაჲ და განაქარვე ჴელმწიფებაჲ ზეცისაჲ
Line of edition: 11    და არავე დასცხრა გულისწყრომაჲ შენი დაბადებულთაგან, არამედ არცაღა
Line of edition: 12    უფლისა შენისასა ვჰგონებ, ვითარმცა ინება განრყუნაჲ ქუეყნისაჲ დაჯერებისა
Line of edition: 13    შენისათჳს. და უფალი ჩემი და შენი იგი მხოლოჲ ერთ არს, შეიწყალნის
Line of edition: 14    მართალნი და ცოდვილთაჲ ჰნებავს ცხოვრებაჲ, და არავისი დაბადებულთაგანისაჲ
Line of edition: 15    სათნო-უჩს წარწყმედაჲ, არამედ იხარებს იგი მოქცევასა მათ ზედა სინანულსა
Line of edition: 16    და ამით ევედრების ღმრთეებაჲ მისი.
Line of edition: 17       და კუალად ჰრქუა მთავარანგელოზმან ელიას: ფრიად განვაგრძვენ სიტყუანი
Line of edition: 18    ჩემნი შენდა მიმართ, და არა მომიგებ, არცა მეტყჳ რას, რომელმან შეაწუხე
Line of edition: 19    და წარწყმიდე ქუეყანაჲ და მკჳდრნი მისნი სახლისათჳს აქაბისისა და ერისა
Line of edition: 20    მისისათჳს. და უკუეთუ აქაბ ცოდა, რაჲ თანა-აც ხეთა ნერგთა, რომელთაჲ
Line of edition: 21    ფურცელი დაცჳვნებულ არს და ნაყოფი დამჭნარ არს? და წინაწარმეტყუელებაჲ
Line of edition: 22    პირველთაჲ მათ დაჴსნილ არს და განქარვებულ, რომელნი იტყოდეს სიხარულსა
Line of edition: 23    კაცთასა ქუეყანისა ნაყოფთაგან. და უკუეთუ შენ თავი შენი განგიწირავს
Line of edition: 24    და ეძულობ მას, შეიწყალენ ჩჩჳლნი, მოხუცებულნი, გლახანი და
Line of edition: 25    უძლურნი.
Line of edition: 26       ხოლო ვითარ ელია არა მიჰხედნა მთავარანგელოზსა მას, ღრუბელთა განმგებელსა,
Line of edition: 27    და არცა მი-რაჲ-უგო მას და არცა შე-რაჲ-უჴდა გულისსიტყუაჲ მათგანი
Line of edition: 28    ყოვლად ჰრქუა მთავარანგელოზმან მან. უწყოდე, რამეთუ მე და შენ წარდგომად
Line of edition: 29    ვართ წინაშე უფლისა და მან მხოლომან ისმინნეს სიტყუანი ჩემნი და შენნი,
Line of edition: 30    ვინაჲთგან არა ისმინე შენ ვედრებაჲ ჩემი და აჰა ესერა, აღვალ მე წინაშე
Line of edition: 31    ღმრთისა და ვყო შესმენაჲ შენი და ვაუწყო, რამეთუ განაქარვე ბრძანებაჲ
Line of edition: 32    მისი და დაამტკიცე ნებაჲ შენი, რამეთუ მას მხოლოსა დაედვა ბრძანებაჲ
Line of edition: 33    ქუეყანასა ზედა, რაჲთა არა განქარდეს ზამთარი და ზაფხული და არცა მოაკლდეს
Line of edition: 34    თესლი და მკაჲ და აღმოცენებაჲ ნაყოფთაჲ და ყუავილი მდელოთაჲ. და აჰა
Line of edition: 35    ესერა, ყოველი წარწყმიდა სიტყუამან შენმან და იპოე შენ წინააღმდგომ
Line of edition: 36    ბრძანებასა უფლისასა აღსრულებითა ნებისა შენისაჲთა, და ესე ყოველი
Line of edition: 37    ვაუწყო უფალსა, არამედ კუალადცა გევედრები, ისმინე ჩემი და განჰჴსენ
Line of edition: 38    კრულებაჲ ესე, რომელი განაჩინე და ყავ გარდამოსლვაჲ წჳმისაჲ ბრძანებითა
Line of edition: 39    უფლისაჲთა ქუეყანასა ზედა.
Line of edition: 40       იხარებს უფალი და ჰნებავს, რაჲთა გარდამოავლინოს წყალობაჲ მისი
Line of edition: 41    დაბადებულთა თჳსთა ზედა, რამეთუ მოწყალე არს და შემწყნარებელ.
Line of edition: 42       მაშინ მიუგო ელია ანგელოზსა მას და ჰრქუა: რამეთუ განაგრძენ სიტყუანი
Line of edition: 43    შენნი ჩემდა მომართ და მე ვდუმი და ვისმენ, აწ ისმინე ჩემი, რამეთუ
Line of edition: 44    მნებავს სიტყჳსგებაჲ შენი სიტყუათაებრ, უკუეთუ შენ ანგელოზი ხარ ზეც\ისა
Page of edition: 291  Line of edition: 1    ანგელოზთაგანი, განჰმარტენ ფრთენი შენნი და აღჰფრინდი ზეცად და შეერთე
Line of edition: 2    მოყუასთა შენთა, და უკუეთუ გაქუს ჴელმწიფებაჲ ღრუბელთა ზედა. ხოლო
Line of edition: 3    მე თქუმისა შენისაგან არა მეშინის, რამეთუ არა გაქუს ჴელმწიფებაჲ ჩემ
Line of edition: 4    ზედა, უკუეთუ უჯერო-გიჩნს განჩინებაჲ ჩემი, ხოლო შენ არავე სათნოჲ
Line of edition: 5    განიზრახე, ვინაჲთგან არა განჰრისხენ უფლისა ღმრთისა შენისათჳს, ვითარ-ესე
Line of edition: 6    მე მდუღარე ვარ და მოშურნე უფლისა. და უკუეთუ ზეცისა ძალთაგანი ხარ
Line of edition: 7    ბრძოლად ჩემდა და ყუედრებად, დაღათუ შენ ცეცხლისაგან დაებადე, ხოლო
Line of edition: 8    სიტყუაჲ პირისა ჩემისაჲ ცეცხლებრ შემწუველ არს და ცხოველ არს უფალი
Line of edition: 9    ღმერთი ჩემი, რომლისა წინაშე წარვდგები და ვჰმსახურებ და ბრძანებათა
Line of edition: 10    მისთა აღვასრულებ. უკუეთუმცა არა შიშისა მისისათჳს ვჰრიდებდი და რაჲთა
Line of edition: 11    არა ურჩ-ვექმნე ბრძანებასა მისსა, ვთქუმცა სიტყუაჲ ერთი და დამცა-ვაქციე
Line of edition: 12    ქუეყანაჲ უსამართლოებისათჳს, მკჳდრთა მისთაჲსა და უშჯულოებისა. შენ
Line of edition: 13    სამე უმეცარ ხარ, რამეთუ ზეცას არს საყოფელი შენი და არა უწყი, რაჲ
Line of edition: 14    იქმნების ქუეყანასა ზედა, რომელსა შინა სახლი აქაბისი განფრდილ არს
Line of edition: 15    და ერი მისი გარდასრულ არს რჩულსა ღმრთისასა და დღითი-დღედ იქმნებიან
Line of edition: 16    უშჯულოებანი მრავალსახენი და სიბილწენი. და უკუეთუმცა მეცნიერ იყავნ
Line of edition: 17    შენ საქმეთა მათთა, არა სამემცა სდეგ აქა და მევედრებოდე მათთჳს, რომელსა
Line of edition: 18    იგინი არა ღირს არიან.
Line of edition: 19       მიუგო მას ანგელოზმან მან და ჰრქუა: რაჲსა აქაბისა სახლისათჳს
Line of edition: 20    წარსწყმედ ურიცხულთა მართალთა და ბევრეულთა ჩჩჳლთა უმანკოთა? არასადა
Line of edition: 21    მასმიეს, ვითარმცა ვინ ყო კაცთაგანმან, რაჲ-ესე ჰყავ შენ. მითხარღა
Line of edition: 22    მე, ჵ კაცო, ვისსა სწორად შეგირაცხიეს თავი შენი? უკუეთუ ზეცისაჲ ხარ,
Line of edition: 23    რაჲსა განაქარვე განგებაჲ ქუეყანისაჲ და უკუეთუ ქუეყანისაჲ ხარ, რაჲსა
Line of edition: 24    შეჰკრენ ცანი და დაჰჴსენ ჴელმწიფებაჲ ჩუენი?
Line of edition: 25       მიუგო მას ელია წინაწარმეტყუელმან და ჰრქუა: რომელსა ეშინის ღმრთისა,
Line of edition: 26    უზეშთერს არს იგი ზეცისათა და ქუეყანისათა, რამეთუ დაებადა იგი ქუეყანისაგან
Line of edition: 27    და ზეცისა ნივთთაგან. ქუეყანით მიწაჲ მიიღო, ხოლო ზეცით შთაჰბერა ღმერთმან
Line of edition: 28    სული ცხოველი და მეტყუელი და მისთჳს მაქუს ჴელმწიფებაჲ გუემად ქუეყანისა,
Line of edition: 29    რამეთუ ქუეყანისაგან დავებადე და შეკრვაჲ ცათაჲ მოვიღე და შეუძლე სულითა
Line of edition: 30    ღმრთისაჲთა, რომელი დამკჳდრებულ არს ჩემ თანა. და აწ ნუ იქადი ჩემ
Line of edition: 31    ზედა, რაემთუ კაცი ვარ და შენ ანგელოზი. დაღაცათუ კაცი ვარ, არამედ
Line of edition: 32    შენსა უფროჲს ვარ, რამეთუ შენ დაგბადა ღმერთმან ზრახვითა სულისა მისისაჲთა,
Line of edition: 33    ხოლო მე მარჯუენითა თჳსითა დამბადა და შემდგომად დაბადებისა ჩემისა
Line of edition: 34    შთამბერა პირსა ჩემსა სული ცხოველი. და უწყოდე, რამეთუ უფროჲს ვარ
Line of edition: 35    შენსა და ჴელმწიფებაჲ ჩემი უფროჲს არს შენსა ჴელმწიფებასა, რამეთუ
Line of edition: 36    შენ ღრუბელთა ოდენ ზედა გაქუს ჴელმწიფებაჲ განგებისაჲ, ხოლო მე მყო
Line of edition: 37    ღმერთმან მღდელ ქუეყანასა ზედა და მომცა ჴელმწიფებაჲ ცათა შინა. შენ
Line of edition: 38    მონაჲ ხარ უფლისაჲ და მეცა მონაჲ ვარ უფლისაჲ, და აწ უკუე მიიღე სიტყუაჲ
Line of edition: 39    ჩემი და აღვედ წინაშე უფლისა და უთხრენ სიტყუანნი ჩემნი და შენნი,
Line of edition: 40    რაჲთა სცნა, ვისი სიტყუაჲ სათნო-უეჩნდეს_შენი-ძია ანუ ჩემი? და უწყი,
Line of edition: 41    რამეთუ ღმერთი არს ჭეშმარიტებისაჲ და არავის თუალ-ახუამს, არამედ სიმართლით
Line of edition: 42    განაგებს, ჰგუემს და შეიწყნარებს და მართალთა სასუფეველსა ცათასა მიანიჭებს.

Page of edition: 292 
Line of edition: 1       და აღვიდა ანგელოზი იგი და დადგა წინაშე უფლისა და თავყანის-სცა და
Line of edition: 2    ჰრქუა: გევედრები შენ, უფალო, რამეთუ კაცი ესე დადგრომილ არს სიფიცხლესავე
Line of edition: 3    თჳსსა ზედა და არა შეიწყნარა ვედრებაჲ ჩემი. რაოდენ მე ნელითა სიტყჳთა
Line of edition: 4    ვეტყოდე, იგი უფროჲს განრისხნებოდა და განუმტკიცებიეს პირი მისი ქუეყანასა
Line of edition: 5    ზედა და ჰნებავს წარწყმედაჲ მისი და ყოველთა მკჳდრთა მისთაჲ და რომელნი
Line of edition: 6    მოწყალებით დაჰბადენ ექუსთა მათ დღეთა შინა, ამან მისცნა ყოველნი იგი
Line of edition: 7    ოჴრებით წარწყმედასა. მაუწყე, უფალო, რაჲ არს საქჱ კაცისა ამის, რომლისა
Line of edition: 8    მიგიცემიეს ესევითარი ჴელმწიფებაჲ, და განგებაჲ ჩუენი განაქარვა? და
Line of edition: 9    უკუეთუ შენ, უფალო, გიყუარს კაცი ესე უფროჲს ზეცისა დასეულთა, აღმოიყვანე
Line of edition: 10    იგი ზეცად და განერეს ქუეყანაჲ ყოველი პირისა მისისაგან.
Line of edition: 11       მიუგო უფალმან მთავარანგელოზსა მას და ჰრქუა: გაუწყო თქუენ საქმე
Line of edition: 12    კაცისაჲ მის, რამეთუ არს იგი მოთმინე და კეთილად მსახური და უბიწოჲ
Line of edition: 13    და ერთგულად მსახური უფლისა თჳსისაჲ და მსგავსად ერთგულებისა და მოთმინებისა
Line of edition: 14    მისისა არს ძალი მისი და ჴელმწიფებაჲ.
Line of edition: 15       გამოვცადე იგი, ვითარცა შანთი ცეცხლითა, და ვპოვე იგი, ვითარცა
Line of edition: 16    ოქროჲ წმიდაჲ ბრძმედსა შინა. ეშმაკმან ისარნი მისნი მოირთხნა და მეფენი
Line of edition: 17    მონად თავისა თჳსისა განიდგინნა, ხოლო მან ლოცვითა თჳსითა ეშმაკნი
Line of edition: 18    და მსახურნი მისნი დაამჴუნა, მეფენი და მთავარნი შემუსრნა, და ამისთჳს
Line of edition: 19    დავადგინე იგი მნედ და ვარწმუნე მას საფასჱ ჩემი, ოქროჲ და ანთრაკი,
Line of edition: 20    ზურმუხტი და მარგალიტი მივეც ჴელთა მისთა და ვპოვე იგი, ვითარცა ვაჭარი
Line of edition: 21    კეთილი, და მომართუა მე აღნადგინები ტალანტთა მათ მრჩობელთა თანა ნაწილითა.
Line of edition: 22    წარმავალნი იგი, მრავალფერად მორბედნი, ლოცვითა მისითა დააყუდნა და
Line of edition: 23    ამისთჳს ვყავ იგი სარკჱ და სახჱ წინაშე მონათა ჩემთა, რაჲთა ჰხედვიდენ
Line of edition: 24    მას და სათნოებითა მისთა მიჰბაძვიდენ.
Line of edition: 25       და აქო უფალმან ელია წინაწარმეტყუელი. კუალად ჰრქუა ანგელოზსა
Line of edition: 26    მას: აწ უკუე არა შევაწუხო მონაჲ ჩემი ელია, არამედ მოვიყვანო იგი
Line of edition: 27    მყუდროდ და განგებით, რაჲთა განჰჴსნას საკრველი იგი კრულებისაჲ, რომელი
Line of edition: 28    განაჩინა, რამეთუ მონაჲ სარწმუნოჲ კლიტე არს ბჭეთაჲ და ოდეს დაჰჴშას,
Line of edition: 29    არა განვაღო მე თჳნიერ მისა, რაჲთა არა თქუას, ვითარმედ ვჰმძლავრე
Line of edition: 30    მას, არამედ განგებით მოვიყვანო იგი ვედრებად ჩემდა, რამეთუ მეგულების
Line of edition: 31    დაყენებაჲ საჭმლისაჲ მის, რომელ მიუძღუანებ მას მფრინველთა მიერ, რაჲთა
Line of edition: 32    განჰჴსნას, რომელ-იგი შეკრა და გულისხმა-ყონ ყოველთა კაცთა, რამეთუ
Line of edition: 33    მივსცემ ჴელმწიფებასა მორწმუნეთა ჩემთა. და ყოველთა, რომელთა ყონ ნებაჲ
Line of edition: 34    ჩემი და რომელი რაჲ შეკრან ქუეყანასა ზედა, კრულ იყოს იგი ცათა შინა
Line of edition: 35    და [რომელი რაჲ] განჴსნან ქუეყანასა ზედა, ჴსნილი იყოს იგი ცათა შინა.
Line of edition: 36       და ვითარ დაადგრა ელია მასვე სიფიცხლესა ზედა, და არა ინება გარდამოსლვაჲ
Line of edition: 37    წჳმისაჲ, რაჲთა ცხომდენ დაბადებულნი, მაშინ უბრძანა ღმერთმან ყორანთა
Line of edition: 38    მათ, რაჲთა დაეყენენ მსახურებისა მისისაგან და საჭმელიცა იგი და-ვე-აცხრონ,
Line of edition: 39    რომელსა მიართუმიდეს მას. და ვითარ იხილა ელია დაყოვნებაჲ იგი ყორანთაჲ
Line of edition: 40    მათ პირველსა მას დღესა და არა მოართუეს მას საჭმელი, თქუა გულსა თჳსსა:
Line of edition: 41    ნუუკუე არა პოვეს საჭმელი და ძებნასა მისსა დაყოვნდეს, და რაჟამს პოვონ,
Line of edition: 42    მომართუან იგი მე.

Page of edition: 293 
Line of edition: 1       და ვითარ გარდაჴდა დღჱ იგი მეორჱ და მესამეჱ და არავე მიართუეს მას
Line of edition: 2    საჭმელი იგი, განიზრახვიდა და თქუა: ნუუკუე სხუამან მფრინველემან,
Line of edition: 3    უძალიერესმან მათსა მოუღო საჭმელი იგი მორთუმასა მას ჩემსა და მით
Line of edition: 4    დაეყოვნა?
Line of edition: 5       და ვითარ იყო დღჱ მეოთხჱ. ჰგებდაღა ელია და იხედვიდა მფრინველთა
Line of edition: 6    მათ და იტყოდა: რაჲ-მე რაჲ არს საქმჱ ესე, ანუ ვითარ უდებ-ყვეს მფრინველთა
Line of edition: 7    მათ?
Line of edition: 8       ხოლო ვითარ მოიწია დღჱ იგი მეექუსჱ და ყორანნი იგი არავე მოვიდეს,
Line of edition: 9    მაშინ შეიპყრა იგი შიშმან და ძწოლამან და შეიწრდა სული მისი და სულმოკლე
Line of edition: 10    იქმნა შიმშილითა და წყურილითა და გარდამოვიდა იგი ჴევად, რაჲთამცა
Line of edition: 11    სუა წყალი წყაროჲსა მისგან, რომლისაგან სუმიდა მარადის. და ვითარცა
Line of edition: 12    დაყო პირი თჳსი ელია სუმად, მყის განაღო ქუეყანამან პირი თჳსი და შთათქა
Line of edition: 13    წყალი იგი და შთაიწრიდა პირისაგან ელიაჲსისა და ჴმა-ყო და ჰრქუა ელია:
Line of edition: 14    ჵ უწყალო, რომელი ეძულონ მშობელთა თჳსთა, ვითარ სათნო გიჩს, რაჲთა
Line of edition: 15    განიპოხო მათგან და ჰსუა წყალი თიბისაგან მათისა და განაძღო პირი იგი
Line of edition: 16    სასტიკი, რომელმან განაჴმნა მდინარენი და დაშრიტნა ნაკადულნი ჩემნი
Line of edition: 17    და შეწუნა და შესხრიკნა მცენარენი ჩემნი? და არა შემიწყალე მე, მშობელი
Line of edition: 18    შენი, რომლისაგან დაებადე. და აწ ცხოველ არს უფალი, ღმერთი ჩემი, რამეთუ
Line of edition: 19    არა ვასუა წყურილსა შენსა წყალი ჩემი და არცა დავალტვნე ბაგენი წარმწყმედელისა
Line of edition: 20    ჩემისანი.
Line of edition: 21       და ვითარ იხილა ელია ესე ყოველი, გულისხმა-ყო, რამეთუ ღმრთისა
Line of edition: 22    მიერ არს საქმჱ ესე.
Line of edition: 23       მაშინ იწყო ტირილად და სულთქუმად და ღაღატ-ყო უფლისა მიმართ და
Line of edition: 24    თქუა: შენი არს ჴელმწიფებაჲ, უფალო, და შენი არს ძრიელებაჲ და შენ
Line of edition: 25    მხოლოჲ დიდებულ ხარ ცათა შინა და უფლებ ქუეყანასა ზედა. და არავინ
Line of edition: 26    შემძლებელ არს შეკრვად და განჴსნად თჳნიერ ბრძანებისა შენისა, უფალო.
Line of edition: 27    და აწ უკუეთუ სათნო-გიჩს შეწყალებაჲ დაბადებულთა შენთაჲ, მე ვინ ვარ
Line of edition: 28    მწირი ესე უცხოჲ, მიწაჲ და ნაცარი? და არღარა ვიკადრებ წინააღდგომად
Line of edition: 29    შენდა, რაჲთა შეიწყალნე დაბადებულნი შენნი, და არარაჲ სხუაჲ შეაურვებს
Line of edition: 30    სულსა ჩემსა, თჳნიერ ფიცი იგი, რომელ ვეფუცე სახელსა წმიდასა შენსა
Line of edition: 31    ცხოველსა, და ამის გამო მეშინის შენანებად სიტყუათა ჩემთა. და უკუეთუ
Line of edition: 32    ჯერ-არს და სათნო წინაშე თუალთა შენთა, რაჲთა მიუტეო მონასა შენსა
Line of edition: 33    ფიცი, რომელ ფუცა ცხოველებასა შენსა, მეცა ვყო ნებაჲ შენი, მონამან
Line of edition: 34    შენმან, და განვჰჴნსე კრულებაჲ, რომელ განვაჩინე. და აწ, უფალო, უკუეთუ
Line of edition: 35    სათნო-გიჩს და ესე არს ნებაჲ შენი, განახუენ საუნჯენი კურთხევისა შენისანი
Line of edition: 36    და გარდამოავლინე ქუეყანასა ზედა და აღიღე რისხვაჲ შენი, რაჲთა ცნან
Line of edition: 37    ყოველთა დაბადებულთა შენთა, რამეთუ მოწყალე ხარ და შემწყნარებელ და
Line of edition: 38    შეიწყალნი მართალნი სიმართლითა და ცოდვილთაჲ შეიწირი სინანული სახიერებითა
Line of edition: 39    და ყოველთა შორიელთა და მახლობელთა ზედა მიფენილ არს სიტკბოებაჲ მადლისა
Line of edition: 40    შენისაჲ.
Line of edition: 41       და შემდგომად სიტყუათა ამათ გამოვიდა ელია წინაწარმეტყუელი ძიებად
Line of edition: 42    საზრდელისა, და ესმა, ვითარმედ დედოფალ იაზაბელ ეძიებს მას მოკლვად.
Line of edition: 43    ხოლო ელია ივლტოდა და წარვიდა სარეფთად სიდონიაჲსსა ბრძანებითა ღმრთი\საჲთა
Page of edition: 294  Line of edition: 1    და შეიწყნარა იგი დედაკაცმან ვინმე ქურივმა. და ჰრქუა მას ელია: არს
Line of edition: 2    თუ შენ თანა მცირედ პური, მეც მე! ხოლო მან ჰრქუა: მგებდ მე მცირედ,
Line of edition: 3    რაჲთა შევქმნა იგი და გცე. და მოართუა მას პური იგი მცირედი, რაჲთა
Line of edition: 4    ჭამოს. და დაუტევა ძჱ თჳსი უზმად. და ვითარ ჭამა ელია, განძღა, ჰრქუა
Line of edition: 5    ქურივსა მას: კურთხეულ არს უფალი ღმერთი ჩემი და ცხოველ არს სახელი
Line of edition: 6    მისი, რამეთუ ლაგჳნსა მას ფქვილისასა არა მოაკლდეს და სტომანსა ზეთისასა
Line of edition: 7    არა ეჴუას, ვიდრემდის გარდამოჴდეს ცუარი და წჳმაჲ ქუეყანასა ზედა.
Line of edition: 8    და ქურივი იგი ვითარ შევიდა სახიდ თჳსა, პოვა ლაგჳნი იგი ფქვილისაჲ
Line of edition: 9    სავსჱ და სტომანი ზეთისაჲ ეგრევე, რამეთუ გარდაეცემოდის. და მერმე
Line of edition: 10    მიჰხედა და იხილა ძჱ თჳსი მომკუდარიყი და მეყსეულად გამოვიდა და ჰრქუა
Line of edition: 11    ელიას: გევედრები შენ, ჵ წინაწარმეტყუელო ღმრთისაო, მწარე დღჱ მოიწია
Line of edition: 12    ჩემ ზედა შემოსლვასა ოდენ შენსა, რამეთუ აჰა ესერა, ძჱ ჩემი ვპოვე
Line of edition: 13    მკუდარი. აწ უკუე ევედრე უფალსა ღმერთსა შენსა, რაჲთა აღადგინოს ძჱ
Line of edition: 14    ჩემი, რამეთუ მე უწყი, ვითარმედ ვედრებაჲ შენი შეწყნარებულ არს წინაშე
Line of edition: 15    მისსა და თხოვაჲ შენი მოგემადლოს მის მიერ. და აჰა ესერა, ლაგჳნი ესე
Line of edition: 16    და სტამანი წამებენ და მოწამე არიან ძალსა დამბადებელისა შენისასა.
Line of edition: 17    აწ უკუე ნუ რას მიზეზსა მცემ, არამედ აღმიდგინე ძჱ ჩემი.
Line of edition: 18       მაშინ ელია შეიწრდა ყოვლით კერძოვე და აღიპყრნა ჴელნი თჳსნი ზეცად
Line of edition: 19    და სულთ-ითქუნა, ღაღად-ყო და ჰრქუა: გევედრები შენ, უფალო, განმიხუენ
Line of edition: 20    მე საუნჯენი მოწყალებისა შენისანი და აღადგინე ყრმაჲ ესე და უკუმოიქეცინ
Line of edition: 21    სული მისი მისავე. და აჰა ესერა, მეცა განვჰჴსნი კრულებასა მას, რომელი
Line of edition: 22    შევკარ და ვითხოვ მოწყალებისა შინისაგან, რაჲთა მოსცე ცუარი და წჳმაჲ
Line of edition: 23    ქუეყანასა და იდიდოს სახელი წმიდაჲ შენი ყოველსა სოფელსა. და მერმეცა
Line of edition: 24    ილოცა ელია და ყრმაჲ იგი აღადგინა ქურივისაჲ მის.
Line of edition: 25       და მოსცა უფალმან მოწყალებაჲ თჳსი და აღივსნეს ღრუბელნი ცუარითა
Line of edition: 26    და გარდამოჴდა წჳმაჲ ქუეყანასა ზედა და ცხომდა ყოველი დაბადებული მადლითა
Line of edition: 27    ღმრთისაჲთა.
Line of edition: 28       აწ უკუე, ძმანო ჩემნო, დაიცვენით ჴორცნი თქუენნი სიწმიდით და
Line of edition: 29    სულნი თქუენნი დაჰმარხენით უბიწოდ ვნებათაგან. იყვნეთ სადგურ სულისა
Line of edition: 30    წმიდისა და შური იგი და მოთმინებაჲ ელია წინაწარმეტყუელისაჲ მოიგეთ,
Line of edition: 31    რაჲთა ნაწილსაცა მკჳდრობისა მისისა ღირს-ვიქმნნეთ და ცხოვრებაჲ იგი
Line of edition: 32    წარუვალი მოღუაწეთა თანა წმიდათა მოგუემადლოს უფლისა მიერ ღმრთისა
Line of edition: 33    ჩუენისა, რომლისაჲ არს სუფევაჲ და ძლიერებაჲ და სიმტკიცჱ მამისა და
Line of edition: 34    ძისა და წმიდისა სულისა აწ და უკუნისამდე. ამენ.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.