TITUS
Klarjeti Polycephalion
Part No. 23
Previous part

Text: 24 


Line of edition: 35  წიგნი, რომელი დაწერა იოსებ არიმათიელმან, მოწაფემან უფლისა ჩუენისა
Line of edition: 36  იესუ ქრისტჱსმან, და თხრობაჲ აღშენებისათჳს ეკლესიისა, რომელი-იგი
Line of edition: 37  არს ლუდიას შინა ქალაქსა, წმიდისა დედოფლისა ჩუენისა მარიამ
Line of edition: 38  ღმრთისმშობლისაჲ

Line of edition: 39       მეცხრამეტესა წელსა ტიბერის კეისრისა ჰრომთა მეფისასა და კუალად
Line of edition: 40    მეათხუთმეტესა წელსა მეფობასა ჰეროდესა ძისა ეროდესა გალილეველთა მეფისა და
Line of edition: 41    ჴელმწიფობასა პილატე პონტიელისა ჰურიათა ზედა მთავრობასა როფჱსსა და
Line of edition: 42    ბალიანოსისსა, წელსა მეოთხესა მეორისა ბალიანოსისსა,
Page of edition: 295  Line of edition: 1    მღელთმოძღურობასა ანაჲსა და კაიაფაჲსა ჰურიათა ზედა დაწერა იოსებ არიმათიელმან
Line of edition: 2    ჰამბავი ესე და აუწყა მორწმუნეთა უფლისა ჩუენისა იესუ ქრისტჱსთა დასამტკიცებელად
Line of edition: 3    მათა და გამოაცხადებს ჭეშმარიტად უფლისა აღდგომასა.
Line of edition: 4       თქუა იოსეფ, ვითარმედ: შემდგომად, აღ-რაჲ-დგა უფალი ჩუენი იესუ
Line of edition: 5    ქრისტე მკუდრეთით, გამომეცხადა მე, იოსებს, პირველად, რაჟამს ვიყავ
Line of edition: 6    საპყრობილესა შინა. რამეთუ მღელთმოძღუართა ერისათა და მწიგნობართა
Line of edition: 7    შემაგდის მე სახლსა შინა საპყრობილისასა ამის ჯერისათჳს, ვითარმედ
Line of edition: 8    მივედ პილატჱს ჴელმწიფისა თანა და მოვითხოვე გუამი იესუჲსი.
Line of edition: 9       ხოლო კრებული მოწაფეთაჲ, რაჟამითგან მიეცა უფალი, დაიმალნეს დღეთა
Line of edition: 10    რავდენთამე, ხოლო მე, რამეთუ პილატეს მოყუარე ვიყავ და კადნიერ ვიქმენ
Line of edition: 11    მას ზედა და მივემთხჳე საწადელსა საქმისა ჩემისასა, ჩემ თანა წარვიყვანე
Line of edition: 12    ნიკოდიმოს, რომელი-იგი მოწაფჱცე იყო ჩემ სახედ ქრისტჱსი და გარდამოვიყვანეთ
Line of edition: 13    იგი ჴელითა ჩუენითა ძელისაგან. და აღვიღეთ შიშითა და შევმურეთ იგი
Line of edition: 14    სულნელებითა და სამოსლითა ახლითა და დავდევით ახალსა შინა საფლავსა,
Line of edition: 15    გამოკუეთილსა კლდისაგან, რომელსა შინა იყო. და მისი არს ჴელმწიფებაჲ
Line of edition: 16    აღდგომისაჲ, ვითარცა-იგი ჰრქუა ჰურიათა, ვითარმედ: დაჰჳსენით ტაძარი
Line of edition: 17    ესე და მე აღვადგინო იგი მესამესა დღესა.
Line of edition: 18       და მან სიკუდილი დათრგუნა და ბჭენი ჯოჯოხეთისანი და რვალისანი
Line of edition: 19    განტეხნა და შემუსრნა მოქლონნი რკინისანი და აღდგა და მრავალნი მკუდართაგანნი
Line of edition: 20    მის თანა აღადგინა. და მე, იოსეფ, შევემთჳე მათ და სხუათაცა მრავალთა
Line of edition: 21    იხილნეს იგინი და მითხრეს ჩუენ ბჭეთათჳს და მოქლონთა და მუცლისათვის
Line of edition: 22    ჯოჯოხეთისა, რომელი-იგი შემჭამელნი არს ყოველათაჲ. და არა უწყოდე მე
Line of edition: 23    და მე ვიყავ საპყრობილესა შინა ადგილსა, რომელსაცა შინა ვიყავ, ვიდრედმდის
Line of edition: 24    შემომიჴდა ჩემ ზედა უფალი, შემიტკბო და მრქუა მე: გიხაროდენ, იოსეფ!
Line of edition: 25    ჵ მტკიცეო სარწმუნოებითა უფროჲს პეტრჱსა, რამეთუ პეტრე ჰურიათა შიშისათჳს
Line of edition: 26    ღამესა შინა ერთსა უვარ-მყო მე სამ გზის. ხოლო შენ შეურაცხ-ჰყავ შიში
Line of edition: 27    და გულისსიტყჳთა კადნიერ იქმენ. მინდობილი შეხუედ პილატესა და გამოითხოვე
Line of edition: 28    გუამი ჩემი და დასდევ იგი საფლავსა შინა შენსა ახალსა. გრწმენინ ჩემი,
Line of edition: 29    საყუარელო ჩემო იოსეფ, ვითარმედ ყოველნი ძალნი ანგელოზთანი და ყოველნი
Line of edition: 30    კრებულნი ზეცისანი ჰნატრიან სარწმუნოებასა შენსა მტკიცესა. და ამისთჳს
Line of edition: 31    გამოგეცხადე უპირადეს ყოველთა მოწაფეთასა, რაჲთა გამოგიყვანო ამიერ
Line of edition: 32    ადგილისაგან, რაჲთა განვამტკიცო და განვაძლიერო სარწმუნოებაჲ შენი
Line of edition: 33    და გული შენი, და რაჲთა არა ურწმუნო იყო აღდგომისა ჩემისათჳს. და აწ
Line of edition: 34    წარვედ თჳსსა სოფელსა არიმათიად და იყოფვოდე მუნ, ვიდრედმდის მოვიდე
Line of edition: 35    მე შენდა და გაუწყო, რაჲ-იგი ჯერ-იყოს შენდა, რაჲთა ჰყო.
Line of edition: 36       და ვითარ მეტყოდა მე უფალი ამას, იყო ძრვაჲ და ამაღლდა სახლი
Line of edition: 37    იგი, რომელსა შინა ვიყავ. და გამოვედით მიერ ორნივე და წარმოვიდა ჩემ
Line of edition: 38    თანა უფალი წმიდად გოლგოთად, სადაცა-იგი ჯუარი პატიოსანი იყო და დადგა
Line of edition: 39    მუნ და მრქუა მე: აჰა ესერა, მე წარვალ მოწაფეთა თანა გალილეას და
Line of edition: 40    უჩუენნე მათ ჴელნი ჩემნი და გუერდი ჩემი და განვანათლე გონებანი მათნი,
Line of edition: 41    რამეთუ ყოველნივე ურწმუნო არიან ჩემდა მომართ. და შემდგომად სიტყჳსა
Line of edition: 42    ამის მიეფარა და უჩინო იქმნა ჩემგან.

Page of edition: 296 
Line of edition: 1       ხოლო მე წარვედ წმიდასა გოლგოთასა, ვინაჲცა დანერგულ იყო ჯუარი ქრისტჱსი
Line of edition: 2    და აღმოვკრიბე სისხლი პატიოსანი თავის სახუეველითა და ზეწრითა, რომელი-იგი
Line of edition: 3    გამოსრულ იყო წმიდისა გუერდისა მისისაგან, და მაშინღა წარვედ სოფლად
Line of edition: 4    ჩემდა შიშითა და სიხარულითა დიდითა. ხოლო რაჟამს მიხილეს სიხარულითა
Line of edition: 5    ჩემითა, განიხარეს სიხარულითა უზესშთაესითა. და მაშინ უთხრობდი მათ
Line of edition: 6    ყოველსავე და ადიდებდეს ჩემ თანა უფალსა.
Line of edition: 7       და შემდგომად წმიდათა მოწაფეთა გამოცხადებისა ქრისტესა იერუსალჱმს
Line of edition: 8    და განიხილა თომა და ჰრწმენა, ვითარმედ მოძღუარი აღდგომილ არს, არა
Line of edition: 9    უწყოდე და მე ვჯედი რაჲ სახლსა შინა ჩემსა სელევკიოს ნიკანორეს თანა
Line of edition: 10    და ჰაბიბოჲს თანა, ძისა გამალიელისა, და ნიკოდიმოჲს და ბალადიოსის
Line of edition: 11    და ერეოჲსის თანა და ესენი მოსრულ იყვნეს ნუგეშინისცემად ჩემდა მწუხარებისა
Line of edition: 12    მისთჳს, რომელ შემემთხჳა მე მღდელთმოძღუართაგან და მწიგნობართა ერისათა
Line of edition: 13    მიზეზისა მისთჳს, რომელ-იგი გამოვითხოვე გუამი უფლისა
Line of edition: 14    ჩუენისაჲ.
Line of edition: 15       და ვითარ ესრჱთ ვიყვენით ჩუენ, მყის გამობრწყინდა სახლსა შინა,
Line of edition: 16    რომელსა ვიყვენით, ნათელი და ვზრახევდით აღდგომისათჳს უფლისა ჩუენისა.
Line of edition: 17    და დადგა ჩუენ შორის და თქუა: მშჳდობაჲ თქუენ ყოველთა! და დავვარდით
Line of edition: 18    პირთა ჩუენთა ზედა და თაყუანის-ვეცით და გუაკურთხნა. და ვადიდეთ ღმერთი,
Line of edition: 19    მამაჲ საუკუნჱ, რომელმან ძისა თჳსისა მიერ წიმიდისა გჳჴსნა. და შეიპყრნა
Line of edition: 20    გულნი ჩუენნი შიშმან და ვერ შეუძლეთ ზე აღდგომად და მიხედვად ნათელსა
Line of edition: 21    მას გამოუთქუმელსა, რომელი იყო უფლისა ჩუენისა იესუ ქრისტჱს თანა.
Line of edition: 22    მაშინ დამდგვა ჴელი თჳსი ყოველთა ზედა თჳთეულსა ჩუენგანთა და აღმადგინნა
Line of edition: 23    ჩუენ და გუეტყოდა ესრჱთ: რაჲსათჳს დაეცნეს გულნი თქუენნი და ფრიად
Line of edition: 24    შეურვებულ იქმნენით? რაჲსათჳს დაივიწყეთ, რამეთუ მამამან მომავლინა?
Line of edition: 25    არა შემძლებელ არსა ყოფად საქმეთა დიდებულთა საკჳრველთა საცხორებელად
Line of edition: 26    მათთჳს, რომელთა ჰრწმენეს ჩემდა მომართ ყოვლითა გულითა მათითა? რაჲსათჳს
Line of edition: 27    ესრეთ შეცბუნდით? რაჲსათჳს დაჴსნილ იქმნენით ესრჱთ, ოდეს აღთქუმულ
Line of edition: 28    არს თქუენდა, რაჲთა იყვნეთ შვილ ნათლისა? ითხოვეთ მამისა ჩემისაგან,
Line of edition: 29    რომელი-იგი არს ცათა შინა, რაჲთა აღგავსნეს თქუენ სულითა წმიდითა და
Line of edition: 30    მიგანიჭოს თქუენ, რაჲთა იყვნეთ თქუენ ჩემ თანა მიუკუნისამდე.
Line of edition: 31       მიუგეთ და ვეტყოდეთ: უფალო, რაჲ არს სული წმიდაჲ და რაჲ არს ძალი
Line of edition: 32    მისი? რამეთუ მრქუა ჩუენ, ვითარმედ: ვითხოვოთ სული წმიდაჲ. მრქუა ჩუენ:
Line of edition: 33    ამენ გეტყჳ თქუენ, ვითარმედ ვერ იქმნეთ შვილ ნათლისა, გარნა სულითა
Line of edition: 34    წმიდითა. მიუგო ნიკოდიმოს და ჰრქუა მას: უფალო, მომეც ჩუენ იგი, რამეთუ
Line of edition: 35    მრქუ მე პირველვე, ვითარმედ: "უკუეთუ არა იშვეს კაცი წყლისაგან და
Line of edition: 36    სულისა წმიდისა, ვერ შევიდეს იგი სასუფეველსა ცათასა".
Line of edition: 37       მაშინ შთაგუბერა ჩუენ უფალმან იესუ ქრისტე და თქუა: "მიიღეთ სული
Line of edition: 38    წმიდაჲ" და აღივსენით ყოველნივე სულითა წმიდითა. და იყო სიხარული ჩუენ
Line of edition: 39    შორის ნიჭითა სულითა წმიდისაჲთა.
Line of edition: 40       და შემდგომად მიღებისა სულისა წმიდისა მრქუა მე, იოსეფს: მივედ
Line of edition: 41    ქალაქად ლუდისა და ქადაგე მას შინა სახარებაჲ და სიხარული აღდგომისა
Line of edition: 42    ჩემისაჲ და განამტკიცენ, რომელთამე მათგან შეიწყნარეს ჩემგან ნათლისღებაჲ
Line of edition: 43    სელომს სინანულისაჲ მოსატევებელად ცოდვათა, ადგომაჲ ჩემი ქალაქსა მას შინა.
Line of edition: 44    და გარემოჲს მისსა არიან კაცნი მრავალნი. და ვარქუ მე უფალსა ჩემსა, იესუ
Line of edition: 45    ქრისტესა: უფალო, ესე ქალაქი სავსე არს ფარისეველთაგან და მწიგ\ნობართაგან,
Page of edition: 297  Line of edition: 1    რამეთუ სულსა-იღებენ მოკლვასა და აშინებენ სიქადულითა ჩუენდა მომართ
Line of edition: 2    მოწაფეთა შენთა და განიზრახვენ და იგონებენ და გულიუთქუამს მათ განბნევად
Line of edition: 3    ჩუენ. მაშინ ვარქუ მე: სადა მივიდე და ვინაჲ დავადგრე? რამეთუ ყოველთა
Line of edition: 4    დღეთა შეკრბებიან და კრებასა ჰყოფენ შესაკრებელთა შინა, რომელ არიან
Line of edition: 5    მუნ. და კუალად მუნ კაცი არს სასტიკი ტარსელი, სახელი მისი სავლე,
Line of edition: 6    და აღძრავს ესე ქალაქი და შფოთებს მესამით დღითგან, ვითარ-იგი მითხრეს,
Line of edition: 7    და იგი ეძიებს მოწაფეთა შენთა, რაჲთა ბოროტი უყოს მათ. მომიგო უფალმან
Line of edition: 8    და მრქუა მე: ამენ გეტყჳ შენ, ვითარმედ იხილო სავლე ეგე, რომელ აწ
Line of edition: 9    მდევარ არს, არა შემდგომად მრავალთა დღეთა და იქმნეს მახარებელ და
Line of edition: 10    მორწმუნე ეკლესიისა, რომელი აწ მტყუენველ არს და მდევარ მისა არს,
Line of edition: 11    რამეთუ პირველ დაბადებისა მისისა საშოსა შინა დედისასა გამომირჩევია,
Line of edition: 12    რაჲთა იყოს მოწამე ადგომისა ჩემისა ყოველთა წარმართთა შორის. ხოლო
Line of edition: 13    შენ აწ თანა-იპყარ ნიკოდემოს და მივედ ლუდს, ვითარ-იგი გიბრძანე და
Line of edition: 14    გარდაჰჴედ სახლსა შინა ნიკოდემოსისსა, ერთგულისა მოწაფისა ჩემისა,
Line of edition: 15    მახლობელად შესაკრებელსა, რომელსა ჰრქჳან ბეთელოე, რომელ არს თარგმანებით
Line of edition: 16    _ სახლი ღმრთისაჲ.
Line of edition: 17       ვარქუ მე უფალსა ჩემსა იესუს: უფალო ჩემო, შენ უწყი ყოველი, ვითარმედ
Line of edition: 18    ყოველნი მოქალაქენი მუნ შეკრბებიან ყოველთა ჟამთა, რამეთუ იგი შესაკრებელი
Line of edition: 19    არს პირველი ყოველთა საკრებულოთა, რომელ-იგი არს ქალაქსა მას შინა.
Line of edition: 20    მრქუა მე უფალმან: გრწმენინ ჩემი, საყუარელო ჩემო იოსეფ, რამეთუ იგი
Line of edition: 21    ადგილი იქმნეს ადგილი აღთქუმისაჲ და სახარებისაჲ. ხოლო აწ შენ წარვედ
Line of edition: 22    სიხარულით, ვიდრემდის მოგივლინო ფილიპე. და ვითარ იტყოდაღა ამას, მიგუეფარა
Line of edition: 23    და უჩინო იქმნა ჩუენგან.
Line of edition: 24       მაშინ ვარქუ სელევსოსს და ნიკანორის და მოყუასთა მისთა: წარვედით,
Line of edition: 25    ძმანო ჩემნი, მშჳდობით. ღმერთი იყავნ თქუენ თანა მაცხოვრად და უთხართ
Line of edition: 26    მოციქულთა, რომელნი არიან იერუსალჱმს შინა, საკჳრველებანი ესე ღმრთისანი
Line of edition: 27    და დიდებულებაჲ მისი, რომელნი ქმნნა და რომელნი გასმიან ყურთა თქუენთა
Line of edition: 28    და იხილეთ თუალითა თქუენითა და აღდეგით, რაჲთა მივსცეთ დიდებაჲ სიხარულით
Line of edition: 29    დიდებულსა უფალსა, ღმერთსა ჩუენსა.
Line of edition: 30       და ვითარცა ილოცეს ლოცვაჲ გრძელად და შეიტკბნეს ურთიერთას და
Line of edition: 31    ჰმადლობდეს უფალსა. და წარვიდეს ნიკანორი და მოყუასნი მისნი სიხარულით
Line of edition: 32    და ჰმადლობნდეს ღმერთსა ყოველსა მას ზედა, რომელიცა ესმა და იხილეს.
Line of edition: 33    და უთხრობდეს ყოფილსა ამას ყოველთა წმიდათა, რომელნი იყვნეს იერუსალჱმს,
Line of edition: 34    და აღივსნეს ყოველნივე სიხარულით დიდითა.
Line of edition: 35       ხოლო სელევკოს მრქუა მე: ცხოველ არს ქრისტჱ ღმერთი, ვითარმედ
Line of edition: 36    აწ მოვიდე მე შენ თანა ლუდად. მაშინ მშჳდობაჲ დაუტევეთ ძმათა და წარვედით
Line of edition: 37    ქალაქად ლუდად და მშჳდობაჲ მოჰკითხეთ ძმათა, რომელნი მუნ იყვნეს, და
Line of edition: 38    ცახარეთ ადგომაჲ უფლისაჲ, და აღემატებოდეს ყოველთა დღეთა და განმტკიცდებოდეს
Line of edition: 39    სარწმუნოებითა უფლისა მიმართ და ჰრწმენა ურიცხუთა მრავალთა და დადგრომილ
Line of edition: 40    იყვნეს მარხვასა და ლოცვასა მარადის.
Line of edition: 41       ხოლო შემდგომად დღეთა გარდასლვისა ზატიკობისათა მოვიდა ჩემდა
Line of edition: 42    ფილიპე უწყებითა უფლისა მიერ და ნათელ-სცა დღესა შინა ერთსა ხუთასსა
Line of edition: 43    კაცსა მორწმუნეთა ქრისტეს მიერ. და შემდგომად ნათლისღებისა მათისა
Line of edition: 44    გამოეცხადა მათ უფალი, რამეთუ ყოველნი იგი შეკრებულ იყვნეს სახლსა
Line of edition: 45    შინა ნიკოდემოსისსა. და ვითად დაადგრა ფილიპე ჩუენ თანა შჳდ დღე, ინება,
Page of edition: 298  Line of edition: 1    რაჲთა წარვიდეს კესარიად. და ვითარცა ცნეს ძმათა, მწუხარე იქმნნეს
Line of edition: 2    ამისთჳს და ევედრებოდეს მას, რაჲთა დაადგრეს მათ თანა. ხოლო მან არა
Line of edition: 3    ინება და ჰრქუა მათ: კმა არს ქალაქისა ამისთჳს და გარემოთა მისთა იოსეფ
Line of edition: 4    და სელევკოს და ნიკოდემოს, რამეთუ მათცა მიუღებია ნიჭი, ვითარცა-ესე
Line of edition: 5    ჩუენ, დარმუნებულ არიან სახარებასა ხარებად სასუფეველისათჳს.
Line of edition: 6       და წარვიდა ფილიპე ქალაქად თჳსა. ხოლო ძმანი ყოველთა დღეთა შინა
Line of edition: 7    შეკრბებოდეს ლოცვასა და ზიარებასა საიდუმლოსა უფლისა ჩუენისასა და
Line of edition: 8    მადლსა. ხოლო მწუხარე იყვნეს ურვითა და არა უწყოდეს, თუ ვინაჲ აღაშენონ
Line of edition: 9    ტაძარი უფლისათჳს. და არა ერთზრახვა იყვნეს ამის ჯერისათჳს და წარავლინეს
Line of edition: 10    სელევკოს პეტრჱსა იერუსალჱმს, რაჲთა მოვიდეს იგი და უბძანოს მათ, თუ
Line of edition: 11    რომელსა ადგილსა აღაშენონ ეკლესიაჲ _ სახლი ღმრთისაჲ.
Line of edition: 12       და ვითარცა მოვიდა წმიდაჲ პეტრე და იხილა კრებული ურიცხჳ მრავალი
Line of edition: 13    მორწმუნეთაგანი ადიდებდა ღმერთსა და განიხარა ფრიად და იტყოდეს ძმანი,
Line of edition: 14    რაჲთა ევედროს ღმერთსა, რომელ აუწყოს მათთჳს, რომელსა ადგილსა აღაშენონ
Line of edition: 15    ადგილი სიწმიდისა მისისაჲ.
Line of edition: 16       მაშინ აღდგა წმიდაჲ პეტრე შორის ძმათა ლოცვისა ყოფად და თქუა:
Line of edition: 17    უფალო, შენ, რომელმან მოუწოდე კრებულსა ამას მრავალსა წოდებითა შენითა,
Line of edition: 18    მაუწყე ჩუენ, რომელსა შინა ადგილსა არს ნებაჲ შენი, რაჲთა აღეშენოს
Line of edition: 19    მას შინა ეკლესიაჲ შენი. და თქუა ესე, გუესმა ყოველთავე, ჴმაჲ იტყოდა
Line of edition: 20    რაჲ: ბეთელოეს იყოს ადგილი სიწმიდისა ჩემისაჲ, სახლსა თანა ნიკოდემოს
Line of edition: 21    მოწაფისა ჩემისასა, ერთგულისა. და ვითარცა ესმა ესე ნიკოდემოსს, თქუა:
Line of edition: 22    გმადლობ შენ, უფალო, ადონა ელოჲ საბაოთ -- ესე იგი არს: უფალო ღმერთო
Line of edition: 23    ძალთაო, რომელმან გამოარჩიე საყოფელი მონისა შენისა, რაჲთა იყოს ადგილი
Line of edition: 24    სიწმიდისა შენისაჲ.
Line of edition: 25       მაშინ მოვიდა ნიკოდემოს მღდელთმოძღუართა და მწიგნობართა თანა
Line of edition: 26    ჰურიათასა და კაცთა პირველთა ქალაქისათა ლუდს შინა და ჰრქუა მათ: ჵ
Line of edition: 27    მსახურნო უფლისა საბაოთისნო, თქუენ ხართ მოძღუარნი ისრაჱლისანი და
Line of edition: 28    თესლი წმიდაჲ, ნათესავნი აღთქუმისა ღმრთისაჲ. თქუენ უწყით, რამეთუ
Line of edition: 29    ადგილი სამსახურებელი და სალოცველი ამას ქალაქსა შინა ბეთელოე არს
Line of edition: 30    და იგი იწრო არს ფრიად და ჯერ-არს თქუენდა, რაჲთა განავრცოთ და განაშუენოთ
Line of edition: 31    უფროჲს ყოველთა შესაკრებელთა. და აჰა ესერა, მე თქუენ წინაშე ვარ,
Line of edition: 32    შევსწირავ ღმრთისა ამას ტაძარსა წმიდასა. სახლი ესე ჩემი მცირჱ რაჲთა
Line of edition: 33    ემატოს სივრცესსა მისსა და განდიდნეს და მე უურავ-გყვნე თქუენ საჴმრისა
Line of edition: 34    მისისათჳს და ზრუნვისა აღშენებისა და ყოვლისა საჴმრისა, რაჲცა უჴმდეს
Line of edition: 35    ტაძარსა. და შეჯერებულ იქმნეს მღდელმოძღუარნი და მწიგნობარნი და მოხუცებულნი
Line of edition: 36    მათნი და ნება სცეს ნიკოდემოსს ამას ზედა.
Line of edition: 37       და წარვიდა მაშინ ნიკოდემოს ძმათა თანა სიხარულითა და უთხრობდა
Line of edition: 38    მათ მადლსა ღმრთისასა. და ვითარცა ესმა ესე ძმათა, განიხარეს და ადიდეს
Line of edition: 39    ღმერთი. და აღიღეს პეტრე და ნიკოდემოს და ძმათა ცულები და დაარღჳეს
Line of edition: 40    სახლი ნიკოდემოჲსი შესაკრებლითურთ ბეთელოჲ, და შემდგომად დარღუევისა
Line of edition: 41    მის ყოვლისა აღდგა წმიდაჲ პეტრე და ილოცა. აღიღო საზომი და განზომა
Line of edition: 42    სიგრძჱ ტაძრისაჲ და ნებითა ღმრთისაჲთა იწყო მოსწრაფედ შენებდ ტაძრისა.
Line of edition: 43    და განიხარეს პეტრე და ნიკოდემოს და ძმათა ამისთჳს.

Page of edition: 299 
Line of edition: 1       და ჰრქუა მათ პეტრე: ვჰმადლობ ღმერთსა, მამასა უფლისა ჩუენისა იესუ
Line of edition: 2    ქრისტჱსსა, რამეთუ ესე პირველი ეკლესიაჲ არს, რომლისაჲ ჴელითა ჩემითა
Line of edition: 3    დავდევ საძირკუელი ამის ეკლესიისაჲ. ეწოდოს მეორე შემდგომად იერუსალჱმისა
Line of edition: 4    ეკლესიისა. მაშინ პეტრე და ნიკოდემოს გამაჩინეს მე, იოსეფ, შენებასა
Line of edition: 5    ზედა ტაძრისასა და ზრუნვად საქმისა მისისათჳს, და იგინი წარვიდეს
Line of edition: 6    იერუსალჱმდ.
Line of edition: 7       ხოლო სავლე მას ჟამსა სულსა იღებდა და აღსძრვიდა ერსა სიქადულით შინებად
Line of edition: 8    და მოკლვად მოწაფეთა უფლისათა. და მივიდა მღდელთმოძღურისასა და ითხოვა
Line of edition: 9    მისგან წიგნები და ბრძანებაჲ დამასკოდ, რაჲთა შეიკრძალნეს ყოველნი,
Line of edition: 10    რომელნი იპოვნენ მორწმუნეთაგანნი ადგომისა და მახარებელ იესუჲსთჳს,
Line of edition: 11    რაჲთა შეკრნეს და წარმოიყვანნეს იერუსალჱმდ.
Line of edition: 12       და ვითარ იყოღა სლვასა შინა თჳსსა მიახლებულ ოდენ დამასკედ, გამოუბრწყინდა
Line of edition: 13    მას მყის შინა ნათელი ზეცით და დაეცა ქუეყანასა ზედა. და ესმა ჴმაჲ,
Line of edition: 14    რომელი ეტყოდა მას: "სავლე, სავლე, რაჲსათჳს მდევნი მე?" ჰრქუა მას:
Line of edition: 15    "ვინ ხარ შენ, უფალო?" ჰრქუა მას: "მე ვარ იესუ, რომელსა შენ დევნი",
Line of edition: 16    არამედ "აღდეგ და მივედ დამასკედ და გრქუა შენ მუნ, რაჲცა ჯერ-იყოს
Line of edition: 17    შენდა ყოფად". და წარვიდა მაშინ და ნათელ-იღო ანანიას მიერ, ვითარცა-იგი
Line of edition: 18    უფალმან წინაჲსწარ მაუწყა და გამომიცხადა მე.
Line of edition: 19       ხოლო პეტრე მოვლნა სამარიტელნი და მოვიდა ჩუენდა ძმათა მოკითხვად
Line of edition: 20    და ხილვად შენებასა ტაძრისასა. ხოლო ღმერთი იქმოდა ჴელითა წმიდისა
Line of edition: 21    პეტრესითა სასწაულთა არამცირედთა, ვიდრემდის აღ-ცა-იკიდებდეს სნეულებსა
Line of edition: 22    სარეცლებითა და მოჰგურიდეს მას და ჰკურნებდა მათ. და ჰრწმენა მათ სახელი
Line of edition: 23    უფლისა ჩუენისა იესუ ქრისტჱსი და ნათელს-იღებდეს სახელითა მამისაჲთა,
Line of edition: 24    ძისაჲთა და სულისა წმიდისაჲთა.
Line of edition: 25       და იყო ქალაქსა შინა ლუდისასა კაცი, მსახური ღმრთისაჲ, და იმარხვიდა
Line of edition: 26    შჯულსა მამათასა მტკიცედ და სახელი მისი ენიას, და ყოველნი მკჳდრნი
Line of edition: 27    ლუდისანი წამებდეს სიმართლესა მისსა. და ესე დავრდომილ იყო რვით წლითგან,
Line of edition: 28    ქუე ჯდომით ცურვიდა და მდებარჱ იყო სარეცელსა ზედა. ხოლო სახლი მისი
Line of edition: 29    იყო აღმოსავალით კერძო სახლსა ნიკოდემოსისსა, რომელი-იგი შეიწირა წმიდათა.
Line of edition: 30    და იხილნა საკჳრველებანი დიდნი, რომელთა იქმოდა ღმერთი ჴელითა წმიდისა
Line of edition: 31    პეტრჱსითა. ღაღად-ყო შვილთა მიმართ თჳსთა ჴმითა მაღლითა და თქუა: აღმიღეთ
Line of edition: 32    მე და მიმიღეთ სიმონ-პეტრესა, რაჲთა მივემთხჳო მეცა კურნებასა მრავალთა
Line of edition: 33    თანა. მაშინ აღიღეს სარეცლითურთ და მოიღეს ადგილსა მას, რომელსა იყო
Line of edition: 34    წმიდაჲ პეტრჱ. და ვითარცა იხილა, ჰრქუა: ბრძანე, მამაო პეტრე, და დასხენ
Line of edition: 35    ჴელნი შენნი ჩემ ზედა, რაჲთა განვიკურნო და იდიდოს სახელი იესუჲსი
Line of edition: 36    ჩემ შორისცა. კუალად, ვითარცა იხილა წმიდამან პეტრე ესევითარი სარწმუნოებაჲ
Line of edition: 37    მისი, ჰრქუა მას: "ჵ ენიას, განგკურნოს შენ უფალმან იესუ ქრისტე, აღდეგ
Line of edition: 38    და განჰმარტე თავი შენი! და მწრაფლ აღდგა და იხილეს ყოველთა მკჳდრთა
Line of edition: 39    ლუდისათა. და კუალად სარონაცა და ყოველნი იგი მოიქცეს უფლისა" და ნათელ-იღეს
Line of edition: 40    წმიდისა პეტრეს მიერ. და მაშინ ენია განყიდა ყოველი მონაგები თჳსი და შეწირა
Line of edition: 41    მათა, რომელნი-იგი შურებოდეს ეკლესიისა შენებასა. და ეგრევე ყოველნი წმიდანი
Page of edition: 300  Line of edition: 1    იყვნეს, თითოეულმან მათგანმან მოიღეს ძალისაებრ თჳსისა, რომელსა შემძლებელ
Line of edition: 2    არნ და მისცემდეს შენებისათჳს ეკლესიისა. განაჩინა იგი ჩემ თანა და
Line of edition: 3    ბალადიოსცა მსახურებასა ზედა ეკლესიისა შენებასა.
Line of edition: 4       და შემდგომად ამისა წმიდაჲ პავლე ვიდოდა ქალაქებსა შინა და მოვიდა
Line of edition: 5    ჩუენდა და დაყვნა ჩუენ თანა დღენი მრავალნი. შურებოდა ჩუენ თანა შენებასა
Line of edition: 6    ეკლესიისასა, მერმე მშჳდობაჲ დაგჳტევა და წარვიდა სიხარულით ანტიოქიად
Line of edition: 7    ქალაქად.
Line of edition: 8       და შეწევნითა ღმრთისაჲთა სრულ იქმნა შენებაჲ... სირცხჳლეულ
Line of edition: 9    იქმნეს.
Line of edition: 10       ხოლო კრებული ჩუენ ქრისტეანეთაჲ სიხარულითა დიდითა, ვდღესასწაულობდით
Line of edition: 11    და ვადიდებდით მამასა და ძესა და წმიდასა სულსა აწ და მარადის და უკუნითი
Line of edition: 12    უკუნისამდე. ამენ.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.