TITUS
Klarjeti Polycephalion
Part No. 24
Previous part

Text: 25 
Page of edition: 300 
Line of edition: 13  საკითხავნი ამაღლებისანი, თქუმულნი წმიდისა და ნეტარისა მამისა
Line of edition: 14  ჩუენისა იოვანე ოქროპირისაჲ


Line of edition: 15       უფალი ჩუენი და ძჱ ღმრთისა ჩუენისაჲ რაჟამს მოვიდა, ვერ იხილეს
Line of edition: 16    იგი ანგელოზთა. ვითარცა ამაღლდა იგი დღეს, ჰხედვიდეს მას მოწაფენი
Line of edition: 17    მისნი, არა იხილეს ანგელოზთა მოსლვაჲ იგი მისი ჩუენდა, რამეთუ ძალი,
Line of edition: 18    თჳნიერად ჴორცთა, დაფარულად გარდამოჴდა ზეცით და განისუენა ქალწულსა
Line of edition: 19    მას ზედა.
Line of edition: 20       იხილეს კაცთა ამაღლებაჲ იგი მაღლად, რამეთუ ჴორცნი ქუეყანისანი
Line of edition: 21    აღჴდეს მაღლად, განეფინა ღრუბელი და შეიწყნარა იგი, ახარა ქალწულსა
Line of edition: 22    და შეიწყნარა იგი.
Line of edition: 23       რაჟამს ღმრთეებაჲ იგი მისი კაცებასა ჩუენსა შეეზავებოდა და ქალწულსა
Line of edition: 24    მას, რომელი-იგი ქუეყანასა ზედა იყო, გარდამოჴდა და დაადგრა მას ზედა.
Line of edition: 25    ხოლო რაჟამს კაცებასა ამას ჩუენსა ღმრთეებითა თჳსთა განამდიდრებდა,
Line of edition: 26    ღრუბლითა მაღლითა აღამაღლებდა ჴორცთა ჩუენთა და წესცა იყო, რამეთუ
Line of edition: 27    ჩუენ თანა იყო, ძლიერებისათჳს დაიმდაბლებდა, რაჲთა უძლურებასა ზედა
Line of edition: 28    დაემკჳდროს.
Line of edition: 29       ეგრეცა, რაჟამს აღჰქონდეს ჴორცნი ჩუენნი მის თანა, დიდებითა სიმდიდრისა
Line of edition: 30    მისისაჲთა ამაღლდეს. ვითარცა შეიმოსა ძალი მაღალთა შინა ჴორცთა მათ,
Line of edition: 31    რომელ-იგი ქალწულისაგან იყვნეს, და გამოვიდა და ეჩუენა კაცთა, ეგრევე
Line of edition: 32    შეიმოსეს ჴორცთა მათ ქუეყანისათა დიდებულებაჲ. შორის ღრუბელთა მათ
Line of edition: 33    აღჴდა და მოიღო თაყუანისცემაჲ ანგელოზთაგან მაღალთა შინა, რაჲთა აჩუენოს,
Line of edition: 34    რამეთუ ეზიარა კაცებაჲ ჩუენი ღმრთეებასა მისსა და განმდიდრდა ცათა
Line of edition: 35    შინა.
Line of edition: 36       ღაღად-ყო და თქუა, ვითარმედ: აღმომიყვანნა ჩუენ მარჯუენითა ცათა
Line of edition: 37    შინა. და მერმე თქუა წინაწარმეტყუელმან, ვითარმედ: "აღამაღლენით ბჭენი
Line of edition: 38    თქუენნი, მთავარნო. აღმაღლდენ ბჭენი საუკუნენი და შევიდეს მეუფჱ დიდებისაჲ".
Line of edition: 39    მერმეცა თქუა, ვითარმედ: "ჰრქუა უფალმან უფალსა ჩემსა: და\ჯედ
Page of edition: 301  Line of edition: 1    მარჯუენით ჩემსა, ვიდრემდის დავსხნე მტერნი შენნი ქუეშე ფერჴთა
Line of edition: 2    შენთა".
Line of edition: 3       ხოლო მოციქული იგი გამოსთარგმანებს მას, რომელსა-იგი
Line of edition: 4    წინაწარმეტყუელი უფლით ჰხადის, რაჟამს დასუამს მარჯუენით მშობლისა
Line of edition: 5    თჳსისა, იგი არს, რომელ თქუა გაბრიელმან: უფალ, რაჟამს შთავიდა ყურსა
Line of edition: 6    მას ქალწულისასა, ამისთჳს ვიდოდა უფალი ჩუენი მოწაფეთა თანა ამას ორმეოცსა
Line of edition: 7    დღესა და მაშინღა ამაღლდა ზეცად, რაჲთა დაამტკიცნეს მოწაფენი
Line of edition: 8    აღდგომისათჳს.
Line of edition: 9       უკუეთუმცა აღსრულ იყო ცად აღდგომისა შემდგომად და არამცა სრულ იყო
Line of edition: 10    მოწაფეთა თჳსთა თანა, ეგრემცა ეგონა, ვითარმედ საუცარი რაჲმე არსო
Line of edition: 11    და არა ჭეშმარიტებით განცხოველებული, რაჟამს უჩუენნა მათ ჴორცნი და
Line of edition: 12    გუერდი თჳსი და ნაბრძჳლნი ლახურისანი, რომელ გუერდთა მისთა იყო, და
Line of edition: 13    ჰრქუა მათ: მიხილეთ და განმიცადეთ, რამეთუ მე ვარ, და ნუ განიწვალებით
Line of edition: 14    გონებითა თქუენითა. და ჯეკმა ღათუ მრავალ იყვნეს მოწამენი აღდგომისა
Line of edition: 15    მისისანი, ხოლო იგინი გონებითა მათითა, ვითარცა ნავნი ღელვათა შორის,
Line of edition: 16    შეძრწუნებულ იყვნეს, რაოდენმეღა უფროჲს არა თუმცა ყოფილ იყო მათ თანა,
Line of edition: 17    მრავალი თესლი ორგულებისაჲ დათესულ იყო გულთა მათთა შინა. არამედ დაადგრა
Line of edition: 18    მათ თანა და ჭამა მათ თანა, არა თუ ვითარცა მშიერმან, და ნუგეშინის-სცა
Line of edition: 19    მათ მოკითხვითა თჳსითა აზიარა მათ ზიარებითა თჳსითა და უბრძანა მათ
Line of edition: 20    ქადაგებაჲ სახარებისა მისისაჲ ყოველთა დაბადებულთა. და წარვიდა მათგან
Line of edition: 21    კაცებრ და იყო მათ თანა ღმერთეებითა თჳსითა. და აღცა მოციქულმან თქუა:
Line of edition: 22    "საყდარი შენი, ღმერთო, უკუნითი უკუნისამდე". და დავით თქუა: "უფალი
Line of edition: 23    სუფევს და შუენიერებაჲ შეიმოსა. შეიმოსა უფალმან ძალი და
Line of edition: 24    გარე-შეირტყა".
Line of edition: 25       ხოლო აწ ორმეოცსა ამას დღესა აღჳრნი მარხვისანი, განგუაშორნა ჩუენგან,
Line of edition: 26    რამეთუ თავადმან თჳთ თქუა, ვითარმედ: "არა ჯერ-არს ყრმათა მექორწინეთაჲ
Line of edition: 27    გლოვაჲ, ვიდრე-იგი სიძჱ მათ თანა არს. ხოლო მოვიდენ დღენი, რაჟამს
Line of edition: 28    აღმაღლდეს მათგან სიძჱ იგი, და მაშინ იმარხვიდენ".
Line of edition: 29       და აღვიხუნეთ ამიერითგან მარხვანი მოციქულთანი და მოციქულთა თანა,
Line of edition: 30    რამეთუ ნაშობნი ვართ ქადაგებისა მათისანი, უკუეთუ იგინი მარხვასა შეევედრნეს,
Line of edition: 31    რაჲთამცა იხილეს თუალითა გონებისა მათისაჲთა უფალი ჩუენი, რომელი დაეფარა
Line of edition: 32    ჴორციელებით ამათგან, რაოდენ ჩუენდა ჯერ-არს ნუგეშინისცემად მარხვითა,
Line of edition: 33    რაჲთა გამოვიზარდნეთ სულნი ჩუენნი ტაბლისაგან ქრისტესისა.
Line of edition: 34       ხოლო ყავნ ამიერითგან უფალმან ჩუენმან მძლემან, რომელი აღმაღლდა
Line of edition: 35    დღეს ძლიერებითა ბრძოლისაგან და აღმიყვანნა მის თანა მაღლად ჴორცითა
Line of edition: 36    მით, რომელ შეისხნა ჩუენგან, ამაღლდა, რაჲთა მრავალთა წელთა ღირს ვიქმნეთ
Line of edition: 37    ყოფად სამისა ამის დღესასწაულსა: შობაჲ, აღდგომაჲ და ამაღლებაჲ მისი
Line of edition: 38    და აღმოვქუათ მადლი სამებისა წმიდისა.



Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.