TITUS
Klarjeti Polycephalion
Part No. 25
Previous part

Text: 25 
Page of edition: 302 
Line of edition: 1  ა̂ [მეორჱ თქუმული ოქროპირისაჲ დღისათჳს ამაღლებისა უფლისა ჩუენისა]


Line of edition: 2       ამას დღესა შინა იხარებდედ ცანი და მხიარულ იყავნ ქუეყანაჲ და ეკლესიაჲ
Line of edition: 3    დიდებითა თჳსითა, რამეთუ ამაღლდა მეუფჱ იგი ზეცისაჲ ძლევითა თჳსითა.
Line of edition: 4    და შეუსხმან ჴორცნი იგი, რომელ თჳთ შექმნნა და მიუღებიეს სამშჳნველი
Line of edition: 5    იგი, რომელ შთაჰბერა და იმსახურების გონებათაგან, რომელ-იგი მან მოსცა.
Line of edition: 6    ყოვლადვე შთაიცუა კაცი იგი და ყოველი თავი იგი იჴსნა. კაცისათჳს დამდაბლდა
Line of edition: 7    ღმერთი, განეხუნეს მის წინაშე ბჭენი, რომელ დაჴშულ იყვნეს საუკუნითგან.
Line of edition: 8    და აღიზახეს და ადიდეს წესთა მათ აღსლვაჲ იგი მისი და ჰკითხეს გუნდთა
Line of edition: 9    მათ მაღლისათა სწავლისათჳს, ვითარმედ: "ვინ არს ესე მეუფჱ დიდებისაჲ",
Line of edition: 10    რამეთუ ბჭენი, რომელ საუკუნითგან დაჴშულ იყვნეს, განეხუნეს ამაღლებასა
Line of edition: 11    მას, მას ჟამსა სულმან მან იწყო თარგმანებად ყოველთა და თქუა: უფალი
Line of edition: 12    ძალ არს ძლიერებითა, უფალი ძლიერ და მბრძოლ, რომელი ერეოდა ბოროტსა
Line of edition: 13    მას და დაამჴუა, სძლო საცთურსა მას და განაქარვა იგი და დასცა სიკუდილი,
Line of edition: 14    დასულიბა იგი.
Line of edition: 15       და ვითარცა ისწავეს მათ წინაწარ, იწყეს სხუათა კითხვად შემდგომად,
Line of edition: 16    ვითარმედ: "ვინ არს ესე მეუფჱ დიდებისაჲ?" და ითქუა მათ მიმართ სიტყუაჲ
Line of edition: 17    წყალობისაჲ, ვითარმედ: უფალი ძლიერ არს, რომელმან სძლო ეშმაკსა. რამეთუ
Line of edition: 18    ყოველთა ერეოდა ბოროტსა მას და დაამჴუა, სძლო საცთურსა მას და განაქიქა
Line of edition: 19    იგი და უკუნისამდე უოხჭნო იქმნა მეუფჱ ყოველსა ზედა შექმნულსა. იგი,
Line of edition: 20    რომელ არს მეუფჱ დასაბამითგან, მეუფჱ არს უკუანაჲსკნელ ჴორცთა გამო
Line of edition: 21    და იგი, რომელ იყო ზესკნელსა, ამაღლდა ჴორცთაგან. იგი, რომელ შობილ
Line of edition: 22    იყო დაუსაბამოდ, იშვა ქალწულისაგან დასაბამით და იგი, რომელ ვერ აღიწერებოდა,
Line of edition: 23    მოვიდა საზომსა, და იგი, რომელ ვერ შესაძლებელ იყო, დაემკჳდრა შესაძლებელსა
Line of edition: 24    შინა და გამოჩნდა ჴორციელად. იგი, რომელ არა გამოჩინებულ სადამე იყო,
Line of edition: 25    და ჴელის შესახებელ იქმნა. იგი, რომელ არასადა ვინ ჴელთ იდვა, იშვა
Line of edition: 26    ბეთლემს შინა, დამბადებელი იგი სოფლისაჲ, და ამაღლდა მთისა მისგან
Line of edition: 27    ზეთისხილთაჲსა მაცხოვარი იგი ყოველთაჲ.
Line of edition: 28       ყოვლად მისთჳს მოვიდა და დაემკჳდრა ქალწულისა მის თანა, აღსუა
Line of edition: 29    ამის თანა თჳსი იგი სამკაული_ ჴორცნი. შეისხნა იგინი და მოვიდა ცხადად,
Line of edition: 30    და შთავარდა საშოსა მისსა თჳნიერ თესლისა და იშვა მისგან თჳნიერ კერძოებისა.
Line of edition: 31    შევიდა მისა ფარულად და გამოვიდა მისგან ცხადად, მოიღო თჳსისაგან და
Line of edition: 32    მისცა თჳსსა. მიიღო უძლური საქმე და მოსცა დიდებული, იღუაწნა დაბადებულნი
Line of edition: 33    და იჴსნა სოფელი, აღჰფხურა საცთური და დაჰნერგა ჭეშმარიტებაჲ. დასულიბა
Line of edition: 34    ცოდვაჲ და ქადაგა სიმართლჱ. შეურაცხ-ყო უსახურებაჲ და ასწავა სიდაშნე.
Line of edition: 35    აღჰფხურნა ეკალნი და დასთესა იფქლი. დაამჴუნა საკერპონი და აღაშენნა
Line of edition: 36    ეკლესიანი, გამოირჩინა მწყემსნი და შეჰვედრნა სამწყსონი თჳსნი, დასცნა
Line of edition: 37    ჴორცნი თჳსნი და გამოზარდნა ცხოვარნი თჳსნი. გამოადინა სისხლნი თჳსნი
Line of edition: 38    და ასუა ჴსნილთა თჳსთა. ჰფუფუნებდა სულსა თჳსსა, დაამტკიცა წყალობაჲ
Line of edition: 39    თჳსი. განაწყვნა ყოველნი აღრღუეულნი და განანთლნა ყოველნი დაბადებულნი
Line of edition: 40    და აჰღმართნა ყოველნი დაცემულნი და განაძლიერნა ყოველნი უძლურნი.
Line of edition: 41    განაახლა ხატი თჳსი, რომელ განყურნილ იყო საცთურითა, განწმიდა და
Line of edition: 42    გამოწერა იგი, რამეთუ შეგინებულ იყო იგი ცოდვითა.
Page of edition: 303  Line of edition: 1    დაიმკჳდრეს მის თანა დევთა, განასხნა იგინი ჭეშმარიტებითა თჳსითა,
Line of edition: 2    რამეთუ დათქნა იგინი საცთურმან, დათქნა იგინიცა ზღუასა, აღაგზნა ცეცხლი
Line of edition: 3    თჳსი ქუეყანასა ზედა.
Line of edition: 4       მაშინღა ამაღლდა, აღატყდა გონებათა შინა, მაშინღა აღმაღლდა, შთაჰბერა
Line of edition: 5    იგი ათორმეტთა მათგან და განეგზნა სოფელსა შინა, რამეთუ განათლდეს
Line of edition: 6    სულნი კაცთანი ფრიად და მაშინღა იცვალა და აღდუღნა გულსა შინა ჭეშმარიტთასა.
Line of edition: 7       მაშინღა ამაღლდა, დაჰნერგა ჭეშმარიტებაჲ თჳსი ზრახვათა შინა და
Line of edition: 8    განისუენა და დაემტკიცნეს ნერგნი თჳსნი გონებათა შინა, მაშინღა დასცხრა.
Line of edition: 9    იშვა ბეთლემს შინა, აღვიდა მთისა მისგან ზეთისხილთაჲს და აღმაღლდა
Line of edition: 10    ქუეყანით. მიიზიდნა მისსა ყოველნი, ვითარცა თქუა. მივიდა და მოავლინა
Line of edition: 11    ნუგეშინისმცემელი, ვითარცა აღუთქუა, გარდამოჰბურნა სათხეველნი თჳსნი
Line of edition: 12    და შეიკრიბნა ყოველნი, ვითარცა ქადაგა, დადგა მათ შორის ცომი მისი
Line of edition: 13    და მიიზიდა ყოველი აღნადგინები მისი და განქმნა სამოთხე მისი და მხირულ
Line of edition: 14    არიან ნერგნი მისნი, განვიდა თესლი მისი, განთესლდეს ყანანი მისნი,
Line of edition: 15    იხილეს ცოდვილთა და განმმწარდეს, აღილესნეს მახჳლნი და იწყეს დაკაფად
Line of edition: 16    მაღნართა მისთა. გარდაჰკაფნეს ჴორცნი ცხადად და ვერ ეუფლნეს გონებადაფარულთა.
Line of edition: 17    ერთისა წილ, რომელი აღფხურეს, აღმოსცენდეს ბევრნი. სისხლითა მოკლულთაჲთა
Line of edition: 18    განძლიერდეს ცხოველნი. ათორმეტნი მოციქულნი იყვნეს და მათ გამო ათორმეტნი
Line of edition: 19    მოწამენი, დაუჴრწნდეს ჴორცნი მათნი გუემითა და აღჰმართნეს სულნი მათნი
Line of edition: 20    ჭეშმარიტებითა, შეიმუსრნეს ძუალნი და განირყუნნეს ასონი მათნი. დაამტკიცეს
Line of edition: 21    ზრახვანი მათნი, შეიკრნეს ცხა...


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.