TITUS
Klarjeti Polycephalion
Part No. 38
Previous part

Text: 38 
Page of edition: 357 
Line of edition: 6  თთუესა ივნისსა კ̂დ. შობაჲ იოვანე ნათლისმცემელისაჲ, ა̂ საკითხავი
Line of edition: 7  საიდუმლოთა დაფარულთაგანი, ჴსენებაჲ ელისაბეთისი


Line of edition: 8       და იშვა იესუ ბეთლემს ჰურიასტანისას ორმეოცდამესამე წელსა აგჳსტოს
Line of edition: 9    კეისრისა. და ეძიებდა მეფჱ იერუსალჱმისაჲ წარწყმედად. მას ჟამსა მოიღო
Line of edition: 10    იოსებ ბრძანებაჲ ანგელოზისაგან _ ზათო და მოელისა, რომელ გამოითარგმანების
Line of edition: 11    _ ძალი ღმრთისა მაღლისაჲ, ვითარმედ: "წარიყვანე ყრმაჲ ეგე და დედაჲ
Line of edition: 12    მაგისი და ივლტოდე ეგჳპტედ", რომელი ყოცა ეგრე. ხოლო იოსეფ წარიყვანა
Line of edition: 13    ყრმაჲ იგი და დედაჲ მისი და ივლტოდა ქუეყანად ეგჳპტედ. და დაყო მუნ
Line of edition: 14    ათორმეტი თთუე კაცისა ვისთანამე ალფეაჲსა ღმრთისმოყუარისა.
Line of edition: 15       ხოლო ჰეროდე ეძიებდა იესუს და არა პოვა იგი. "განრისხნა ფრიად
Line of edition: 16    და უბრძანა მოწყუედაჲ ყრმათა მეთლებისათაჲ ორით წლითგან და უდარჱსი".
Line of edition: 17    მაშინ აღიქუა ელისაბეთ ძჱ თჳსი იოვანე და ივლტოდა მთად კერძო. ხოლო
Line of edition: 18    ეროდე ეძიებდა იოვანესცა და არა პოვა იგი. მაშინ მიავლინნა ჰეროდე
Line of edition: 19    მკლველნი ყრმათანი ზაქარიაჲსა, მამისა იოვანჱსა, და მიჰრქუა ესრჱთ:
Line of edition: 20    სადა არს ძჱ იგი შენი იოვანე? ჰრქუა მათ ზაქარია: მე ესერა ვდგა მსახურებასა
Line of edition: 21    წინაშე ღმრთისა ისრაჱლისა, ხოლო ძჱ ჩემი სადა არს, მე არა ვიცი. და
Line of edition: 22    მიუთხრეს სიტყუაჲ იგი ზაქარიაჲსა მეფესა მას. ხოლო იგი განრისხნა გულისწყრომითა
Line of edition: 23    და თქუა: აწ უკუე სამე მეფობდეს ძჱ იგი მისი ისრაჱლსა ზედა. არამედ
Line of edition: 24    მოვედით მისა მერმეცა და გამოიწულილეთ კეთილად. და უკუეთუ არა მოგცეს,
Line of edition: 25    ემთხჳენით მას. ხოლო მსახურნი იგი მძლავრისანი მიციდეს ზაქარიასა და
Line of edition: 26    ჰრქუეს მას: სადა არს ძჱ იგი შენი? მოგუეც ჩუენ ადრე, უკუეთუ არა მოგუცე
Line of edition: 27    ჩუენ იგი, ადრე დავსთხიოთ სისხლი შენი. მაშინ ჰრქუა მათ ზაქარია: სისხლი
Line of edition: 28    სამე ჩემი დასთხიოთ ქუეყანასა ზედა, ხოლო სული ჩემი შეიწყნაროს უფალმან
Line of edition: 29    ცათა შინა.
Line of edition: 30       და სცეს მასვე ღამესა წინაშე ბჭეთა მის ტაძრისათა. ხოლო იგი მივიდა
Line of edition: 31    საკურთხეველად, იმუჴლნა და მუნ დასთხია სისხლი იგი თჳსი. და დამტკნარდა
Line of edition: 32    სისხლი იგი მისი და იქმნა, ვითარცა ქვაჲ საწამებელად და დასარჩელად
Line of edition: 33    ჰროდესა. ხოლო ხვალისაგან მოკრბა სიმრავლჱ იგი ერისა ტაძრად და ზაქარია
Line of edition: 34    არა გამოვიდა მსგავსად ჩუეულებისა მოკითხვად მათა. დაყოვნებასა მას
Line of edition: 35    მისსა კადნიერ ვინმე იქმნა და შევიდა ტაძრად და ესმა ჴმაჲ, რომელი
Line of edition: 36    ეტყოდა, ვითარმედ: ზაქარია მოიკლა. და მაშინ წარდგა და იხილა სისხლი
Line of edition: 37    იგი დამტკნარებული, ხოლო გუამი მისი არა ჩნდა. მაშინ გამოვიდა და უთხრა
Line of edition: 38    ერსა მას საქმე იგი და ეგლოვდა მას ყოველი ერი შჳდ დღე.

Page of edition: 358 
Line of edition: 1       ხოლო სივლტოლასა მას ელისაფეთისსა მთად კერძო, რამეთუ დაეცა შიში დიდი
Line of edition: 2    ზედა და ჰგონებდა, რეცა თუ მდევართა მათგან ჰეროდჱსთა შეპყრობილ არს,
Line of edition: 3    ჴმა-ყო ჴმითა დიდითა და თქუა: მთაო ღმრთისაო, დაიფარე დედაჲ შვილითურთ,
Line of edition: 4    რომელი უსამართლოდ ვიდევნები. ხოლო ღმერთმან, კაცთმოყუარემან და ქველისმოქმედმან,
Line of edition: 5    რომელმან უწინარჱს თხოვისა განუმზადის და მოსცის, მოავლინა ანგელიზი
Line of edition: 6    თჳსი მთავარი და განაღო მთაჲ იგი და განუმზადა საყოფელი მართალთაჲ,
Line of edition: 7    და შევიდა მათ თანა, მთასა მას და დახჴშა გარემოჲს მთაჲ იგი. და უბრძანა
Line of edition: 8    და გამოეცა წყალი ტკბილი და პური. და მითა იზარდებოდა ელისაფეთ და
Line of edition: 9    იოვანე წოვდა ძუძუჲსაგან სძესა.
Line of edition: 10       ხოლო ჰეროდეს ვითარცა ესმა, ვითარმედ ელისაბედ ივლტოდა უდაბნოდ,
Line of edition: 11    წარავლინნა მსახურნი ძიებად მისსა. და მივიდეს ადგილსა, სადა განეღო
Line of edition: 12    მთაჲ იგი და დიდითა შრომითა ეძიებდეს მას და არა პოვეს, მოიქცეს მუნვე
Line of edition: 13    ჰეროდესა.
Line of edition: 14       და იყო მუნ იოჰანე ვითარ ორმეოც დღე ოდენ. და მოვიდა უფალი ანგელოზითურთ
Line of edition: 15    ბეთლემს ჰურიასტანისასა და მივიდა ტაძრად ღმრთისა და უბრძანა ურიელ
Line of edition: 16    ანგელოზსა და მოიყვანეს იოჰანე ღამე და მოვიდეს ურიცხჳთა ანგელოზითა
Line of edition: 17    ოთხნი ანგელოზთმთავარნი: მიქაელ და გაბრიელ, ჰურიელ და რაფაელ, რომელთა
Line of edition: 18    თანა იყო თჳთ უფალი. და აღადგინა უფალმან გუამი იგი ზაქარიაჲსი მღდელისაჲ
Line of edition: 19    მის, რამეთუ შთაჰბერა მას სული ცხოველი და აღდგეს ყოველნი მსახურებად
Line of edition: 20    მისა. და მაშინ უბრძანა უფალმან და გამოეცა სიწმიდეთა მათგან წყაროჲ
Line of edition: 21    უკუდავი და ნათელ-სცა უფალმან პირველად იოვანეს და მერმე მამასა მისსა
Line of edition: 22    ზაქარიას. და ჴმა-ყვეს ანგელოზთმთავართა: წმიდაო, წმიდაო, წმიდაო,
Line of edition: 23    რომელი ჰზი საყდართა ზედა დიდებისათა, რამეთუ ესე ბრძანებაჲ არს მამისაგან
Line of edition: 24    ნათლისა და ესე არს ბანაჲ ზეცისაჲ, მეორედ ზეგარდმო შობაჲ. და მერმე
Line of edition: 25    თქუეს ყოველთა ამენი, და უბრძანა უფალმან ანგელოზთმთავართა და შემოსეს
Line of edition: 26    გუამი ზაქარია მღდელისაჲ და დაჰმარხეს იგი მახლობელად ტაძარსა მას.
Line of edition: 27       და მასვე ჟამსა შევიდა უფალი ეგჳპტედ ამბარეკითურთ და იოვანე ჰურიელითურთ
Line of edition: 28    უდაბნოდ, სადა იყო ელისაბედ. და რამეთუ მწრაფლ იქმნა ერთსა ღამესა
Line of edition: 29    ესე ყოველი, რომელი ვთქუთ, და მასვე ღამესა იწყო იოჰანე სლვად და ხლდომად.
Line of edition: 30    და იყო იოვანე ვითარ ცხრა თთჳს ოდენ. და მაშინ ჰრქუა ანგელოზმან მან
Line of edition: 31    უფლისამან ელისაბეთს: განაყენე ყრმაჲ ეგე ძუძუჲსაგან და სძისა შენისა,
Line of edition: 32    რაჲთა არღარა წოვდეს. არამედ იყავნ "საჭმელად მაგისა მკალი და თაფლი
Line of edition: 33    ველური". მკალი იგი, რომელ არს დანაკისკუდი, რამეთუ ზედა ნახეთქსა
Line of edition: 34    კლდისასა აღმოსცენდა დანაკისკუდი, სავსჱ ნაყოფითა, და ჟამსა ჭამისასა
Line of edition: 35    იოვანჱსა დადრკის ძჱ იგი. თაფლ ველურ არს წყაროჲ იგი მცენარისა მისგან
Line of edition: 36    წყლისა, რამეთუ უნაყოფოსა ადგილსა ესევითარი სიტკბოებაჲ აღმოსცენდა
Line of edition: 37    _ მისთჳს ეწოდა თაფლ ველურ.
Line of edition: 38       და რაჟამს იყო იოვანე ათცამეტის თთჳს, ჰქრუა ანგელოზმან ელისაბედს:
Line of edition: 39    განვედ ამიერით, რამეთუ მოკუდა ჰეროდე. და ესრევე სახედ მიეთხრა იოსებს
Line of edition: 40    _ ეგჳპტედ. და იყო მისლვასა მას ელისაბედისსა ანგელოზითურთ და იოვანჱთ
Line of edition: 41    უდაბნოჲსა მისგან მთისა, მოვიდა იოსებცა იესუჲს თანა ეგჳპტით. და ოდეს
Line of edition: 42    ესმა იოსებს, რამეთუ არქელაოზ, ძჱ ჰეროდჱსი, მეფობს ნაცვალად მამისა
Page of edition: 359  Line of edition: 1    თჳსისა, შეეშინა მას და ივლტოდა გალილეას. და მივიდა იგი და დაემკჳდრა
Line of edition: 2    ნაზარეთს ქალაქსა.
Line of edition: 3       ივლტოდა ელისაფეთცა და მივიდა მუნვე და შეიმთხჳნეს და მოიკითხნეს
Line of edition: 4    ურთიერთას ელისაბედ და მარიამ, იოვანე და იესუ. ესე ყოველი იქმნა,
Line of edition: 5    რაჲთა აღესრულნენ წერილნი იგი პირველნი ყრმათა მათთჳს, რომელნი მოწყჳდნა
Line of edition: 6    ჰეროდე იესუჲსთჳს, ვითარმედ: "აჰა ესერა, მე და ყრმანი ჩემნი, რომელნი
Line of edition: 7    მომცნა მე უფალმან". და მერმე იტყჳს: "პირითა ყრმათა ჩჩჳლთა მწოვართაჲთა
Line of edition: 8    დაემტკიცოს ქებაჲ". და მერმე: "გალილეამან წარმართთამან _ ერი, რომელი
Line of edition: 9    სხდა ბნელსა, ნათელი დიდი იხილეს". რამეთუ იოვანე მიეცა ხუთით თჳთ
Line of edition: 10    ანგელოზსა.
Line of edition: 11       "და იყო იოვანჱსსა სამოსლად სტევისაგან აქლემისა და სარტყელი
Line of edition: 12    ტყავისა ერტყა წელთა მისთა". ამისთჳს რომელნი-იგი სოფლივ ვიდოდეს,
Line of edition: 13    დააყენნა იგინი საქმეთა მათთაგან. და სხუაჲ სარტყელი და სამოსელი არა
Line of edition: 14    შეიმოსა, არამედ ვითარცა-იგი უფალსა ზეცითვე აქუნდა სამოსელი უკერველი.
Line of edition: 15       და რაჟამს იყო ნეტარი იოვანე ათორმეტის წლის ოდენ, იპოვა არქელაოზ
Line of edition: 16    რომელსამე ბრალსა შინა და ივლტოდა იგი გალილეად.
Line of edition: 17       და იყო ყოვლად, რავდენ მეფობდა არქელაოზ, ვითარ ცხრა წელ ოდენ.
Line of edition: 18    და წარავლინეს მთავართა ისრაჱლისათა ეროდე ქალკიდონელი და ჰეროდე ოთხთა
Line of edition: 19    სამთავროთა მთავარი, რომელიცა დაჯდა მეფედ იერუსალჱმს და ფილიპე, ძმაჲ
Line of edition: 20    მისი, და დევნეს მათ არქელაოზ. და მისა შემდგომად დიდსა გულისთქუმასა
Line of edition: 21    შინა იყო ეროდე მედჱ ეროდიაჲს მიმართ ფილიპჱს, ძმისა მისისა, ცოლისათჳს,
Line of edition: 22    და ცოდაცა მის თანა. და მოიღეს წამალი ზოგად ორთავე და შეასუეს ფილიპეს
Line of edition: 23    და მოკლეს იგი და მიერითგან ცოლად შეირთო იგი ჰეროდე მეფემან.
Line of edition: 24       მას ჟამსა წინა-აღუდგა იოვანე და ჰრქუა ჰეროდეს: "არა ჯერ-არს
Line of edition: 25    შენდა, მეფე, ვითარმცა გესუა შენ ცოლად ცოლი ფილიპჱს, ძმისა შენისაჲ".
Line of edition: 26    ხოლო ჰეროდე შეიპყრა იგი მხილებისა მისთჳს და შესუა იგი საპყრობილესა
Line of edition: 27    და მისა შემდგომად გამოიყვანა იგი და განიკითხვიდა მას ანჯმნითა და
Line of edition: 28    ეტყოდა მას: შენ ვინ ხარ, რომელი მეფეთა განიკითხავ? ანუ არა იცია,
Line of edition: 29    რამეთუ მეფეთა ზედა შჯული არა არს? ხოლო იოვანე ჰრქუა მას: რად განრისხნები,
Line of edition: 30    ეროდე, მხილებელო ჭეშმარიტებისაგან, არა იცია, რამეთუ მეფენი და დიდ-დიდნი
Line of edition: 31    და ძლიერნი ღმრთისაგან განშორებულ არიან? და უბრძანა ეროდე ჯუარცუმაჲ
Line of edition: 32    მისი. ხოლო იგი უფროჲს აყუედრებდა და ეტყოდა: მე დაღათუ სიკუდილსა
Line of edition: 33    მივეცე, არამედ უფროჲს და უაღრჱს ვჩნდე ყოველთასა, ხოლო შენ და ჰეროდია
Line of edition: 34    დაჰჴდეთ ქუესკნელთა თანა ქუეყანისათა. მაშინ ფრიად დაწუხნა ეროდე,
Line of edition: 35    არამედ არავე უნდა მოკლვაჲ მისი, ხოლო ეროდია უფროჲს არა აცალებდა
Line of edition: 36    ეროდეს და შესუა იგი საპყრობილესავე.
Line of edition: 37       და გულისხმა-ყო უფალმან იესუ ამის უწინარჱს, რამეთუ ვნებად მიეცემის
Line of edition: 38    იოვანე. მოვიდა უფალი იესუ, რეცა თუ სხურებად და ნათელი მოიღო იოვანჱსგან,
Line of edition: 39    რომლისათჳსცა ჰკითხვიდა უფალი იესუ ჰურიათა მათ და ჰრქუა: "ნათლისცემაჲ
Line of edition: 40    იოვანჱსი ზეცით იყო, ანუ კაცთა მიერ"? და ვერაჲ მიუგეს მას სიტყუაჲ,
Line of edition: 41    არამედ ჰრქუეს ესე: "არა უწყით". რამეთუ ვინაჲმცა უკუე შეუძლეს უწყებად
Line of edition: 42    მისი იგი ჴმაჲ სიწმიდისაჲ?

Page of edition: 360 
Line of edition: 1       ხოლო იყვნეს უფალი იესუ და იოჰანე ოცდაათის წლის, რაჟამს ნათელ-იღო
Line of edition: 2    უფალმან იესუ იოვანჱსგან.
Line of edition: 3       და რაჟამს ტაძრობისა პური ეყო ეროდეს დღეთა შობისა მისისათაჲ,
Line of edition: 4    "როკვიდა ასული იგი ეროდიაჲსი წინაშე მისა და სთნდა ჰეროდეს როკვაჲ
Line of edition: 5    იგი მისი და ფიცით აღუთქუა მას ეროდე, რაჲთა ითხოვოს მისგან". მაშინ
Line of edition: 6    განლიგნებულმან ეროდია, ვითარცა ყრუმან და უტყუმან ასპიდმან, აბირა
Line of edition: 7    ასული იგი თჳსი, რაჲთამცა სთხოვა თავი იოვანე ნათლისმცემელისაჲ ლანკნასა
Line of edition: 8    ზედა. და შევიდა ქალი იგი და ეტყოდა მეფესა მას მსგავსად სიტყუათა
Line of edition: 9    დედისათა. "დაღათუ წუხნა მეფე იგი, არამედ ფიცისა მისთჳს და მეინაჴეთა
Line of edition: 10    უბრძანა მიცემად მას. და წარავლინა ფროტონ ერისა კაცი და მოჰკუეთა
Line of edition: 11    თავი იოვანე ნათლისმცემელსა და მოართუა ეროდე მეფესა, და ეროდე მისცა
Line of edition: 12    ქალსა მას და მან მიართუა დედასა თჳსსა" და მან მიიღო და მიუგდო ძაღლთა.
Line of edition: 13    ხოლო ძაღლთა მათ თაყუანი-სცეს მას და ყოვლადვე არა მიეხნეს, არამედ
Line of edition: 14    სცვიდეს მას მყოვარ ჟამ.
Line of edition: 15       მას ჟამსა ურიელ ანგელოზმან მოიყვანა ელისაბედი მოწაფეთა თანა
Line of edition: 16    იოვანჱსთა და ჰრქუა მას: დაჰმარხე ძჱ ეგე შენი მამისა თჳსისა თანა.
Line of edition: 17    მაშინ მიუგო ელისაბედ და ჰრქუა: არა ვიცი, უფალო, საფლავი ქმრისა ჩემისაჲ.
Line of edition: 18    მაშინ წარიყვანა მთავარანგელოზმან ელისაბედი და გუამიცა სანატრელისა
Line of edition: 19    იოვანჱსი. "და მოწაფენი მისნი მოვიდის ტაძრად ღმრთისა და დამარხეს
Line of edition: 20    გუამი წმიდისა იოვანესი" მახლობელად ზაქარიაჲსა, მამისა თჳსისა.
Line of edition: 21       და მაშინ ჴმა იყო და თქუა: ნუ გეშინინ, ელისაბედ, რამეთუ აჰა
Line of edition: 22    ესერა ძიებად არს სისხლი მაგისი მკლველთაგან მისთა.
Line of edition: 23       და იყო დღეთა ზამთრისათა, იმღეროდა ასული ეროდიაჲსი მახლობელად
Line of edition: 24    ჯურღმულსა, წყლითა სავსესა დაყინებულსა. უძურა ფერჴთა მის ქალისათა
Line of edition: 25    და შთავარდა იგი ჯურღმულსა წყლითა სავსესა. და დაითქა გუამი მის, ხოლო
Line of edition: 26    თავი ზე უჩნდა მყინვარსა მას ზედა. და მირბიოდეს მსახურნი იგი მისნი,
Line of edition: 27    რაჲთამცა აღმოიტაცეს იგი. და ვითარ აღმოჰზიდეს მას, აღმოსთქდა თავი
Line of edition: 28    მისი. მაშინ აღიღეს თავი მისი და მოართუეს ეროდიას. ხოლო მან მიიღო
Line of edition: 29    და დაიდვა მუჴლთა თჳსთა ზედა და ტიროდა იგი მწარედ. ხოლო სელმანა ეშმაკეულ
Line of edition: 30    იქმნა და ჰეროდიას დაეყვნეს თუალნი. ხოლო ჰეროდე მეფჱ წლითმანკიერ
Line of edition: 31    იქმნა და მატლთა შეჭამეს, და ესრჱთ წარვლო ამის ცხოვრებისაგან. ხოლო
Line of edition: 32    გუამი მისი არა შეიწყნარა ქუეყანამან, არამედ შეჭამეს იგი მჴეცთა ქუეყანისათა
Line of edition: 33    და განჭრეს და მიმოდაყარეს მფრინველთა ცისათა.
Line of edition: 34       ხოლო პირველი იგი ცოლი ეროდესი, რომელი დაუტევა ეროდიაჲსთჳს,
Line of edition: 35    მოვიდა, მოიღო საფასჱ დიდძალი და განუყო გლახაკთა და ევედრებოდა იგი
Line of edition: 36    ღმერთსა ძუალთა მათთჳს ჰეროდჱსთა, რაჲთამცა შეიწყნარა იგი ქუეყანამან.
Line of edition: 37       ჵ სარჩელი სამართალი ღმრთისაჲ, რომელი მიეგო უფროჲს ყოველთა კაცთა!
Line of edition: 38    ჵ დაფარული ზრახვაჲ და საშჯელი მართალთაჲ, რომელნი უსამართლოდ დაისაჯნეს!
Line of edition: 39    ჵ წყალი მართალი უსამართლოჲსა სიკუდილისა შურისმეძიებელი და მკულელი
Line of edition: 40    უფროჲს მახჳლისა ორპირისა!

Page of edition: 361 
Line of edition: 1       ესე ყოველი დავწერე მე, ერეპიოს, მოწაფისა მოწაფემან წმიდისა იოვანე
Line of edition: 2    ნათლისმცემელისამან. და ყოველთა ძმათა და დათა, მორწმუნეთა წმიდისა
Line of edition: 3    სამებისათა, აღვასრულოთ საჴსენებელი წმიდისა წინამორბედისა და ნათლისმცემელისაჲ
Line of edition: 4    იოვანჱსი და ახლისა შჯულისა ქადაგისაჲ, რომელმან-იგი "განმზადნა გზანი
Line of edition: 5    უფლისანი და წრფელ ყვნა ალაგნი ღმრთისა ჩუენისანი" და აღასრულა სრბაჲ
Line of edition: 6    თჳსი თთუესა სურწყნისასა, მეშჳდესა დღესა, შაბათსა, რაჲთა ყოველნი
Line of edition: 7    ერთობით ვადიდებდეთ მამასა და ძესა და წმიდასა სულსა აწ და მარადის
Line of edition: 8    და უკუნითი უკუნისამდე. ამენ.


Next part


This text is part of the TITUS edition of Klarjeti Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.