TITUS
Major Nomocanon
Part No. 736
Previous part

Part: 83     
Line of edition: 4        პდ^ (84) ხოლო ამათ ყოველთა დავსწერთ, რაჲთა ნაყოფი სინანულისაჲ
Line of edition: 5     გამოიცადებოდის, რამეთუ არა უეჭუელად ჟამითა* განვიკითხავთ
Line of edition: 6     ესევითართა ამათ, არამედ გუარსა სინანულისასა განვიცდით. ხოლო
Line of edition: 7     უკუეთუ ძნიად განსაგდებელად აქუნდეს ჩუეულებაჲ თჳსი და ჴორციელთა
Line of edition: 8     გემოთა მსახურებასა უფროჲს წადიერ იყვნენ ვიდრე უფლისასა და
Line of edition: 9     სახარებისაებრსა ცხორებასა არა მიითუალვიდენ, არცა ერთსა სიტყუასა
Line of edition: 10     ვპყოფთ ჩუენ მათდა მიმართ, რამეთუ ჩუენ შორის ერისა ურწმუნოჲსა
Line of edition: 11     და მაცილობელისა სწავლულ ვართ სმენად ამისსა, ვითარმედ "ცხოვნებით
Line of edition: 12     აცხოვნე სული თჳსი"**.

Line of edition: 13        ამისთჳს ნუ თავს-ვიდებთ თანაწარწყმედასა ეგევითართა მათ თანა,
Line of edition: 14     არამედ შევიშინოთ მძიმისაგან სასჯელისა და საშინელი იგი დღე მიმგებელობისაჲ
Line of edition: 15     უფლისაჲ წინაშე თუალთა თჳსთა მოვიღოთ და ნუ ვინებებთ,
Line of edition: 16     რაჲთამცა წარვწყმდით ცოდვისა მიერ სხუათაჲსა, რამეთუ არა თუმცა ვეწუართენით
Line of edition: 17     ჩუენ საშინელსა ჴელსა უფლისასა, არცამცა ესევითართა
Line of edition: 18     წყლულებათა გრძნობად მოვეყვანენით ჩუენ, ვითარმედ უსჯულოებათა
Line of edition: 19     ჩუენთათჳს დამიტევნა ჩუენ უფალმან და მიმცნა ჴელსა ბარბაროზთასა
Line of edition: 20     და მბრძოლთა მიერ ტყუედ წარიყვანა ერი და მიეცა განბნეულობასა,
Line of edition: 21     რამეთუ ამათდა ქმნად კადნიერ იქმნებოდეს სახელისა ქრისტესისა თავთა
Line of edition: 22     თჳსთა შორის მომღებელნი, არა თუმცა ეცნა და გულისჴმა-ეყო, ვითარმედ
Line of edition: 23     ამათთჳს მოიწია რისხვაჲ ღმრთისაჲ ჩუენ ზედა, რადმცა ქმნილ
Line of edition: 24     იყო ჩუენ მიერ მათდა მიმართ საზოგადოჲ სიტყუაჲ, არამედ თანა-გუაც,
Line of edition: 25     რაჲთა დღე და ღამე და საეროდ და თჳსაგან უწამებდეთ მათ. ხოლო
Line of edition: 26     თანამიყოლასა სიბოროტეთა მათთასა ნუ თავს-ვიდებთ, უფროჲსღა ვილოცვიდეთ
Line of edition: 27     შეძინებად მათდა და გამოჴსნად მახეთაგან ბოროტისათა. ხოლო
Line of edition: 28     უკუეთუ ამის/და Ms. page: 213v  ქმნად ვერ შეძლებელ ვიქმნნეთ, ვისწრაფოთ, რაჲთა
Line of edition: 29     სულნიღა თუ თჳსნი საუკუნთჲსა დასჯისაგან განვარინნეთ.



Line of edition: 30   მისივე მისვე წმიდისა ამფილოქეს მიმართ მიწერილისა
Line of edition: 31   ეპისტოლისაგან არა უმეცრებისათჳს უფლისა
Line of edition: 32   დღესა და ჟამსა აღსასრულისასა


Next part


This text is part of the TITUS edition of Major Nomocanon.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.