TITUS
Major Nomocanon
Part No. 745
Previous part

Part: 8     
Line of edition: 14        ჱ^ (8) ხოლო* სიწმიდეთ მკრეხველობაჲ ძუელისა უკუე წერილისა მიერ
Line of edition: 15     არა უმოლხინესითა პატიჟითა დაისაჯების კაცისმკლველობისავან, რამეთუ
Line of edition: 16     ერთბამად კაცისმკლველსაცა და ღმრთისადა შეწირულთა საჴმართა
Line of edition: 17     მიმხუეჭელსა ქვათამიერი ტანჯვაჲ განეჩინების**. ხოლო საეკლესიოსა
Line of edition: 18     შინა ჩუეულებასა არა უწყი. თუ ვითარ თანაშთამოსლვაჲ რაჲმე იქმნა
Line of edition: 19     და თანაშთამოყოლაჲ, რაჲთა უადვილესად საგონებელ იყოს ესევითარისა
Line of edition: 20     ამის სენისაგან განწმედაჲ, რამეთუ მრუშებისა უმცირესსა ჟამსა შინა
Line of edition: 21     გარეშესაზღვრა მოცემამან მამათამან ეგევითართა მათ განკანონებაჲ.
Line of edition: 22     გარნა ყოველსა შინა სახესა ცოდვის მოქმედობისასა პირველ ყოვლისა
Line of edition: 23     ამისი განხილვაჲ სათანადო არს, თუ ვითარი არს გულსმოდგინებაჲ განკურნებადისაჲ
Line of edition: 24     მის და რაჲთა არა ამას ვჰგონებდეთ, ვითარმედ ჟამი კმა
Line of edition: 25     არს საკურნებელად, რამეთუ რაჲმცა კურნებაჲ იქმნა ჟამისაგან. არამედ
Line of edition: 26     ნებისაგან და აღრჩევისა მისისა, რომელი მოქცევისა მიერ მოსწრაფე
Line of edition: 27     იყოს კურნებად თავისა თჳსისა.

Line of edition: 28        ესენი, ჵ კაცო ღმრთისაო, ფრიადითა სისწრაფითა ჴელისჴელ აღწერილნი,
Line of edition: 29     ვინაჲთგან ჯერ-არს ბრძანებისა ძმათაჲსა რწმუნებაჲ, სასწრაფოდ
Line of edition: 30     წარმოგცენ. ხოლო შენ ჩუეულებისაებრთა ლოცვათა ჩუენთჳს შეწირვად
Line of edition: 31     ღმრთისა ნუ დააცადებ, რამეთუ თანა-გაც, ვითარცა ერთგულსა ძესა,
Line of edition: 32     რაჲთა ლოცვათა მიერ მსახურ ექმნებოდი სიბერისა საღმრთოდ მშობელსა
Line of edition: 33     შენსა / Ms. page: 227v  მცნებისა მისებრ, რომელი ბრძანებს პატივისცემასა მშობელთასა,
Line of edition: 34     რაჲთა კეთილი გეყოსო შენ და დღეგრძელ იყო ქუეყანასა ზედა***.
Line of edition: 35     ხოლო მრწამს, ვითარმედ ვითარცა სასწაულსა რასმე სამღდელოსა მიითუალავ
Line of edition: 36     წიგნსა ამას და არა უპატიო ჰყოფ ძღუენსა, დაღათუ უკნინეს
Line of edition: 37     შენისა იყოს დიდგონიერებისა.




Next part


This text is part of the TITUS edition of Major Nomocanon.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.