TITUS
Major Nomocanon
Part No. 746
Previous part

Section: 24  
Page of edition: 521  
Line of edition: 1   კდ^ (24) წმიდისა გრიგოლი ღმრთისმეტყუელისაჲ განზომილთაგან
Line of edition: 2   სიტყუათა მისთა


Line of edition: 3        რაჲთა უცხოთა არ მიგიბარონ, წიგნთა
Line of edition: 4        რიცხუსა გაუწყებ ჩუენთასა, მეგობართ.
Line of edition: 5        თხრთბითნი წიგნნი ათორმეტ ყოველნივე
Line of edition: 6        უძუელესისა ებრაელთ სიბრძნისანი:
Line of edition: 7        პირველად ქმნისაჲ, გამოსლვაჲ, ლევიტელთაჲ,
Line of edition: 8        და ეგრეთ რიცხუნი, მერმე მეორე სჯული,
Line of edition: 9        კუალად ისოცა, მსაჯულნი, მერვედ რუთი,
Line of edition: 10        მეცხრედ, მეათედ საქმენი მეფეთანი,
Line of edition: 11        და მერმე ნეშტნი, შემდგომად მათსა ეზრა,
Line of edition: 12        მუხლედნი ხუთნი, რომელთა პირველ იობ,
Line of edition: 13        კუალად დავით და სამნი სოლომონისნი:
Line of edition: 14        ეკლესიასტე, ქებანი და იგავნი.
Line of edition: 15        და ხუთ ეგრეთვე წინაჲსწარმეტყუელთანი
Line of edition: 16        ერთ წიგნ არიან ერთბამად ათორმეტნი:
Line of edition: 17        ოსიეს, ამოს და მიქეა მესამედ,
Line of edition: 18        მერმე იოილ, იონა და აბდია,
Line of edition: 19        ნაუმ, ამბაკუმ, მათ თანა სოფონია,
Line of edition: 20        ანგეა, ზაქარია და მალაქია.
Line of edition: 21        ერთად ესენი, მეორედ ესაია,
Line of edition: 22        მერმე სიჩჩოჲთგან ხდილი იერემია,
Line of edition: 23        ეზეკიელ და დანიელ მადლიერი.
Line of edition: 24        ძუელნი ვიდრემუ დავსხენ ოცდაორ წიგნად
Line of edition: 25        ებრაელებრთა წერილთაგან მოხუმულნი.
Line of edition: 26        აწ აღგირიცხუნე ახლისა მადლისანი:
Line of edition: 27        მატთე მიჰმადლნა წერით ნიშნი ქრისტესნი
Line of edition: 28        ებრაელთა, და მარკოზ -- ალექსანდრიელთა*,
Line of edition: 29        ხოლო საღმრთომან ლუკა -- იტალიელთა**,
Line of edition: 30        და იოანე დიდმან -- ზოგად ყოველთა.
Line of edition: 31        მერმე საქმენი ბრძენთა მოციქულთანი.
Line of edition: 32        ხოლო ათოთხმეტ პავლეს ეპისტოლენი.
Line of edition: 33        კათოლიკენი შჳდ: ერთი -- ღმრთისა ძმისაჲ,
Line of edition: 34        ორნი -- პეტრესნი, სამნი -- იოანესნი,
Line of edition: 35        ხოლო იუდა მეშჳდედ ბეჭდად გუაქუნდინ.
Line of edition: 36        ამათ თჳნიერ სხუაჲ არაჲ საკუთარ არს.




Next part


This text is part of the TITUS edition of Major Nomocanon.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.