TITUS
Major Nomocanon
Part No. 747
Previous part

Section: 25  
Page of edition: 522  
Line of edition: 1   კე^ (25) / Ms. page: 228რ  წმიდისა ამფილოქე ეპისკოპოსისა იკონიელისაჲ
Line of edition: 2   სელევკოსის მიმართთა იამბიკონთაგან


Line of edition: 3        არამედ უფროჲს ამისი სწავლაჲ შენდა
Line of edition: 4     საჴმარ, ვითარმედ არა ყოველი წიგნი
Line of edition: 5     უცთომელცა არს, რაოდენსა საქებელი
Line of edition: 6     წერილობისაჲ მოუგიეს სახელი,
Line of edition: 7     ვინაჲთგან სახელმტყუვარნიცა არიან
Line of edition: 8     წიგნებნი რაჲმე, მსგავსნი და მეზობელნი,
Line of edition: 9     ვითარცა ვინ თქუას ჭეშმარიტებისა მეტყუელმან,
Line of edition: 10     ნართაულნი და ყოვლითურთ საცთომელნი,
Line of edition: 11     ვითარ მტყუარნი და ნარდომნი დრაჰკანნი,
Line of edition: 12     რომელთა ხატი უკუე მეფისაჲ აქუნდეს,
Line of edition: 13     ხოლო ნივთისა უნდოებაჲ ფრიადი,
Line of edition: 14     ამისთჳს რიცხუსა საღმრთოთასა მიგითხრობ
Line of edition: 15     თჳთოეულად, რაჲთა სიბრძნით ისწავო.

Line of edition: 16        პირველ ძუელისა აღთქუმისათა ვაჴსენებთ
Line of edition: 17     ხუთწიგნობასა: დაბადებაჲ, გამოსლვაჲ
Line of edition: 18     და ლევიტელთაჲ საშუვლად წიგნად მოაქუს;
Line of edition: 19     შემდგომად რიცხუნი, მერმე მეორე სჯული;
Line of edition: 20     ამათ ისოცა შესძინე და მსაჯულნი,
Line of edition: 21     მერმეცა რუთ და ოთხნივე მეფეთანი;
Line of edition: 22     წიგნნი ნეშტთანი, ორ წიგნად აღრიცხულნი;
Line of edition: 23     ეზრაჲ მათ თანა, პირველი და მეორე.
Line of edition: 24     მერმე მუჴლედთა ხუთთა მოვიტყჳ წიგნთა:
Line of edition: 25     ღუაწლმრაჳალი და გჳრგჳნმრავალი იობ,
Line of edition: 26     დამატკბობელი სულთაჲ წიგნი ფსალმუნთაჲ;
Line of edition: 27     და კუალად სამნი ბრძნისა სოლომონისნი:
Line of edition: 28     იგავნი, ეკლესიასტე და ქებანი.
Line of edition: 29     მერმე წინაჲსწარმეტყუელნი ათორმეტნი:
Line of edition: 30     პირველ ოსიე, ხოლო ამოს მეორედ,
Line of edition: 31     მიქეა, იოილ, აბდია, იონა --
Line of edition: 32     სახე სამ დღისა ვნებისა და დაფლვისაჲ,
Line of edition: 33     ნაომ მათ თანა, ამბაკომ, ხოლო მეცხრედ
Line of edition: 34     სოფონია და ანგეა, ზაქარია,
Line of edition: 35     ანგელოზისა სეხნაჲცა მალაქია
Line of edition: 36     ამათსა შემდგომად სხუანი ისწავენ ოთხნი:
Line of edition: 37     დიდი და საღმრთოდ მოშურნე ესაია,
Line of edition: 38     თანალმობისა წყაროჲ იერემია,
Line of edition: 39     ეზეკიელ და უკუანაჲსკნელ დანიელ,
Page of edition: 523   Line of edition: 1     იგივე სიტყჳთ და საქმით ყოვლად ბრძენი.
Line of edition: 2     ამათ შესძენენ ვიეთნიმე ესთერსცა.

Line of edition: 3        ისმენდი ჩემგან მადლისა წიგნთა თქუმასა / Ms. page: 228v 
Line of edition: 4     მახარებელნი ოთხნი ხოლო უწყოდენ:
Line of edition: 5     მათე და მარკოზ, მესამე მათი ლუკა,
Line of edition: 6     რიცხჳთ მათ შორის მეოთხე იოანე,
Line of edition: 7     ხოლო პირველი სიმაღლითა სჯულთაჲთა,
Line of edition: 8     ძედ ქუხილისად ღირსად აღსაარებული,
Line of edition: 9     რომელმან დიდად იქუხა სიტყუაჲ ღმრთისაჲ.
Line of edition: 10     კუალად ლუკაჲსი სხუაჲცა აღიღე წიგნი:
Line of edition: 11     საქმეთა დიდთაჲ და სამოციქულოთაჲ.
Line of edition: 12     მერმე შესძინენ ჭურისა რჩეულისა
Line of edition: 13     მოციქულისა წარმართთა ქადაგისა
Line of edition: 14     ბრძნისა პავლესნი ეკლესიათა მიმართ
Line of edition: 15     მიწერილნი მრჩობლ შჳდნი ეპისტოლენი:
Line of edition: 16     ერთი ჰრომთაჲ და ორნი კორინთელთანი,
Line of edition: 17     სხუაჲ გალატელთაჲ და ეფესელთა მიმართ,
Line of edition: 18     მათსა შემდგომად ფილიპელთაჲ და მერმე
Line of edition: 19     კოლასელთაჲ და ორნი თეტტალელთანი,
Line of edition: 20     ტიმოთეს მიმართ ორნი, ხოლო თჳს-თჳსად.
Line of edition: 21     ღირსისა ტიტეს და ფილიმონის მიმართ,
Line of edition: 22     და ებრაელთა მიმართ ერთი, რომლისაჲ
Line of edition: 23     ტყუვეს ვიეთმე არა პავლესგანობაჲ
Line of edition: 24     ვერ შეტყუებითა ნიშთა მადლისათაჲთა.
Line of edition: 25     კათოლიკეთა სხუათა ეპისტოლეთა
Line of edition: 26     შჳდთა იტყჳან ვიეთნიმე ყოფასა
Line of edition: 27     და ვიეთნიმე მხოლოდ სამთასა ოდენ.
Line of edition: 28     საჴმარ არს კითხვაჲ იაკობისსა ერთსა,
Line of edition: 29     ერთსა პეტრესსა, ერთსა იოანესსა.
Line of edition: 30     ხოლო ვიეთმე სამნივე მითუალულად
Line of edition: 31     ჰქონან ორთა მათ პეტრესმიერთა თანა
Line of edition: 32     და იუდაჲსი სრულად რიცხუად შჳდისად.
Line of edition: 33     და იოანეს გამოცხადებასაცა
Line of edition: 34     სხუანი აღჰრიცხუვენ ამათვე თანა ერთად,
Line of edition: 35     ხოლო საეჭუელ ჰყოფენ მას უმრავლესნი.
Line of edition: 36     ესე უკუე არს უტყუელი კანონი
Line of edition: 37     ღმრთივსულიერთა წერილთა აღრიცხუვისაჲ*.




Next part


This text is part of the TITUS edition of Major Nomocanon.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.