TITUS
Megrelian Texts ed. Danelia-Canava
Part No. 7
Previous part

Text: 7  
Page of edition: 92  
Line of edition: 25 
VII. და დო ჯიმაშ არიკი


Paragraph: 1  
Line of edition: 26    ორდეს ჟირი და დო ჯიმა, ნადირენდუ დო თეთ ოსქილიდუანდუ დას.
Line of edition: 27    ცხოვრენა თაშინი, ართი სერს შორიშე ჭრაქიში სინათლე ქიძირენი, ქომიოგეს
Line of edition: 28    თოლი. დაქ ქოთხუ მუში ჯიმას: -- მიდამიჸონია თექ, სიდეთ თი
Line of edition: 29    სინათლე იძირენიე. დაჸუნუ ჯიმაქ დას. ეიყარეს დო მიდართეს. დაში სახელი
Line of edition: 30    ვაუჩქუ არიკის დო ჯიმას ლევანი ჯოხოდუ. მეულა შარასჷნი, ართი
Line of edition: 31    კოჩქ ქეშეხვადეს, ლაკვი მეჸუნსუნი ფერქი, -- გამარჯობა, ჯიმა სქანია, --
Line of edition: 32    უწუ ლევანქ. -- ღორონთქ გოგიმორძგვასია, -- უწუ თი კოჩქ.

Paragraph: 2  
Line of edition: 33    -- ქუმოპიდი ათე სქანი ლაკვია, -- უწუ ლევანქ, -- ძალამი ჯგირი, ქიმერჸიდენქია,
Line of edition: 34    -- უწუ თი კოჩქ დო ქიმეჸიდუ ლევანს მუში ლაკვი ჩხორო
Line of edition: 35    თუმანიშა.

Paragraph: 3  
Line of edition: 36    მიდეჸონეს ლაკვი დო მიდართეს ლევანი დო მუში დაქ მუნეფიში
Line of edition: 37    შარაშა. ქეშეხვადეს შარას მაჟირა კოჩქ, ნამუსუქი ქირი ქიგუხე ხესა დო
Line of edition: 38    აშო ქუმურსჷნი. გამარჯობა, გუმორძგუა! -- უწის ართიანს. -- მოროვა, თე
Line of edition: 39    სქანი ქირი მა ქუმოპიდია, - უწუ ლევანქ, -- ძალამი ჯგირია. -- თქუ ქირიში
Line of edition: 40    მინჯექ დო ქიმეჸიდუ ლევანს ქირი ჩხორო თუმანიშა.

Paragraph: 4  
Line of edition: 41    მეულა ამუდღა, ჭუმე, გეღანი დო ქიმიდირთეს ართი დიდი თის, ნამუშეთი
Page of edition: 94   Line of edition: 1    სინათლე იძირედუნი. ქიმერთეს ეზოში ხოლოშანი, ქოძირეს, ნამუდა
Line of edition: 2    თე ეზოს მიკი-მიკი ქუაში ხიბირი გუჸუნსინი. ათე ქუაში ხიბირი ეფერი
Line of edition: 3    სქელი ქორე, ნამუდა ჟირი საჯენი ქუნოღვე განი. კარეფი არძა ეკილერი
Line of edition: 4    რდუ დო სოლეთინი ვემნირთედუ. დაქ უწუ ჯიმას:

Paragraph: 5  
Line of edition: 5    -- მიოგი, ჩქიმი ჯიმა, კილე დო ეკარღვი თე ხიბირია.
Line of edition: 6    ლევანქ მიოგუ დასურო კილე დო ეკარღუ ხიბირი. მინილეს დინახალე
Line of edition: 7    დო მიოჯინესო -- ჸუდე ქორე ანდა თოლი, ლევანქ მინილუ დინახალე დო
Line of edition: 8    არძა ოთახუეფი დილუ, მარა კოჩი ნამუთინს ვემლახვილუ, არძოქ ცარიელო
Line of edition: 9    ქუდოხვადუ. გეკილუ არძა ოთახუეფი ართიში მეტი. ათე ართი
Line of edition: 10    ოთახუს მუში და ქუდაბინუ, კილეფი თის ქიმიაბარუ დო უწუ: სი თაქ
Line of edition: 11    ქორდეოკონია ჩქიმი მულაშავა, სოთინი ვეგნორთავა.

Paragraph: 6  
Line of edition: 12    მუქ გიმელუ გიმე დო მითილუ ჸუდეში თუდო გვირაბიშა. მიოჯინუო,
Line of edition: 13    ართი ნდიქ ქეშეხვადუ, ართის მაჟირაქ გამკაჸუნუ, მაჟირას მასუმაქ
Line of edition: 14    დო გამკიწკარეს ვითოჟირი ნდიენქ. ჭიჭე წიმიკონუ დო დიდი კარდილათ
Line of edition: 15    ხორცი ქუმკობუნი, ქოძირუ, თუდო გარგანჩია დაჩხირი ქეთურზუ. გეკიბეს
Line of edition: 16    ათე ბოშიქ დო ნდიენქ. ბოშიქ ორჯგინუ არძას დო დუდი მეკვათუ. გილუ,
Line of edition: 17    მილუ დო გითილუ აშონი, ქირი დო ლაკვი მიდეჯუმუ დო ონადირუშა მიდართუ.
Line of edition: 18    კინოხ დას მეხასიათუ ოთახუეფიში ძირაფაქ. დილუ არძა დო გალე
Line of edition: 19    გიმილუნი, მუდგარენი ქოკუსანსინი, ქიგეგონუ. გიმელუნი, ქოძირუ, ღურელი
Line of edition: 20    ნდიეფი ქოწკარუნა ვითაართი დო მავითოჟირას ჭე შური ქუდგუიგი
Line of edition: 21    თიშენი ნამუდა, ათე მავითოჟირაში დუდი გვალო ვაჸოფე გოჸოთამილი
Line of edition: 22    დო ტანს ჩარცხუებული. ძღაბიქ ქიმერთუ ხოლოშა დო კითხუ:

Paragraph: 7  
Line of edition: 23    -- მუ გოსქილიდუანსია სია. ნდიქ უწუ.

Paragraph: 8  
Line of edition: 24    -- ათაქ თუდოლე კაკაბიჯგურა წყარი გითმურსუნი, თინა ორკოლით
Line of edition: 25    ქიმიღი დო მუჭოთი კისერს ვარენო ქიგნმობუნქიე, ხათე ხოლო ჯგირო
Line of edition: 26    გინიფრთუქია.

Paragraph: 9  
Line of edition: 27    მიდართუ ძღაბიქ დო მუჭო ნდიქ უწუნ, თეში ქიმიღუ ორკოლით წყარი,
Line of edition: 28    ქიმერთუ ხოლოშა დო ქიგნაბუ კისერსჷნი, ნდიქ გეთელუ დო ეშე გამწოდირთუ.
Line of edition: 29    თე ნდიქ დო თე ძღაბიქ ართიანი ქიჸოროფეს. ნამუ შვანს ლევანი
Line of edition: 30    ქიმიშუნი, ძღაბი ნდის დატეობინუანდუ. ლევანი ონადირუშა მიდეშუნი,
Line of edition: 31    კინოხუ ნდის გამკიჸონანდუ თე ძღაბი დო ორდეს ართო.

Paragraph: 10  
Line of edition: 32    ართიშახ ნდიქ უწუ ძღაბის:

Paragraph: 11  
Line of edition: 33    -- ლეყანქ მა ქობძირასიე, დოპილუნსია, მუ ამუდღა დო მუ ჭუმევა;
Line of edition: 34    მორთი, უღალატათ ლევანს დო თეში დოპილათია.

Paragraph: 12  
Line of edition: 35    -- მუნერო პილათია, -- უწუ ძღაბიქ. -- სი ჯგირო გიჩქუნია, ინა მუ მანგარი
Line of edition: 36    კოჩირენიე დო აბა, მუ ოკო მუხერხათიე.

Paragraph: 13  
Line of edition: 37    -- მუნეროვა-და, მა დუგოგურუანქინი, თეშია, -- უწუ ნდიქ.
Page of edition: 96   Line of edition: 1    -- ათე დო ათე გოლას ართი დიდი კერი ცხოვრენს, ნამუსით ჩქვა უღუ
Line of edition: 2    ჟარნეჩიდოვითი საჯენიში მაგირძა დო ეჩი დო ვითი ხაჯენიში მაგანავა.
Line of edition: 3    სი ლახარა ქიმიგონი დო ლევანქ გიგაკითხუასინი, უწი ნამუდა: ათე დო
Line of edition: 4    ათე კერიშე ძაგარს ქუმომიღანქ-და ვარა, ჩქიმი მოხვარე ცა დო დიხა შქას
Line of edition: 5    ვარე მუთუნია. მუჭოთ ვარენო ლევანი ქემურს თი კერიშანი, ინა ლევანს
Line of edition: 6    გაკოსოფუნს დო ჩქი გემოშა იპითია.

Paragraph: 14  
Line of edition: 7    მიდართუ ნდიქ დო დიტყობუ.

Paragraph: 15  
Line of edition: 8    ქუმორთუ ლევანიქინი, დას ძიოჯინუო, ლოგინს ქეითოჯანუ ლეხო. ეწყინუ
Line of edition: 9    ჯიმას დაში ლახარაქ.

Paragraph: 16  
Line of edition: 10    -- მუ გოსქილიდუანს ღადავა, -- კითხუ ლევანქ, -- თე დო თე გოლას
Line of edition: 11    ართი დიდი კერი ცხოვრენს, ნამუხით ჟარნეჩიდოვითი საჯენი ჩქვა უღუნი.

Paragraph: 17  
Line of edition: 12    მუ მუგოღალაფუანს, ვარა, ეთიში ძაგარს ქუმომიღანდე, დუდიშა ქიმიბდვან-დო,
Line of edition: 13    ხათე დოფსქიდუქია, -- უწუ დაქ.

Paragraph: 18  
Line of edition: 14    ლევანქ გიმილუ ხათე, მიდეჯუმუ მუში ქირი დო ლაკვი, გუდირთუ
Line of edition: 15    შარას. მეულა, მეულანი, ლაკვიქ უწუ ქირს:

Paragraph: 19  
Line of edition: 16    -- ქირი, მუჭო გეისვირთანს ნინძგინი, ვარწყექო მუ გაჭირება გიორე
Line of edition: 17    ლევანსჷნი? ტყურათ მეჩუო სქანი გურიშენი ლევანქ ჩხორო თუმანი? მეხვარი
Line of edition: 18    მუთუნია!

Paragraph: 20  
Line of edition: 19    -- მა მუ ოკო მუვოხვარევე, -- თქუ ქირქ. ლაკვქ უწუ:

Paragraph: 21  
Line of edition: 20    -- მეუ დო კერს კისერს ქიგიოფურინი, კისერს მუჭო ქიგიოფურინე, ჸუს
Line of edition: 21    ქალაფურცქინი: ლევანი მურსუ სქანი დაჯიმალებუშა დო აბა, სი გიჩქუ,
Line of edition: 22    ჩქიმი კერიე, უწია. ვადაგიჯერუ სივა-და, მა ქიმეურქ დო მა ხოლო ქუწინქია.
Line of edition: 23    ინა თიწკუმათ გვალო ვადეჯერსია, მარა, ლევანი, სი ეფერი ქიგიოკიჟინი
Line of edition: 24    ნამუდა, კერს ოჭიშიქ მეხორცქასჷნი, დო ათენერო დევემოჯგირებუთ-და
Line of edition: 25    ვარა, მეტო ვარე ჩქინი საშველია, -- თქუ ლაკვიქ.

Paragraph: 22  
Line of edition: 26    ქუდანწყის თაში დო იდეს გოლაშა. იდეს დო მიანჭის კერიში ორენჯიშა.
Line of edition: 27    ე ჟირქ გაჩენდეს დო ქირქ მიდართუ დო ქიგიოფურინუ კერს კისერს,
Line of edition: 28    ჸუს ალაფურცქინუ ნამუდა, ლევანი მურს სქანი დაჯიმალყბუშავა. კერქ
Line of edition: 29    ენა ვედეჯერუნი, მიდართუ დო ლაკვიქ ხოლო რაში ქუწუ. კართი ასე
Line of edition: 30    ჯერდუ გჷალონი, ფერი ბორჯის ლევანქ ფერი ქიგიოკიჟინუ ნამუდა, ცას
Line of edition: 31    მურიცხიქ გამახორცქუ. ათეშვანს კერქ ქიდეჯერუ. ქოძირუ ლევანინი,
Line of edition: 32    ახიოლუ ძალამქ.

Paragraph: 23  
Line of edition: 33    -- ვაგაფჩენდიო, -- თქუ კერქ, -- ართი ხანი რე ნდიეფი ვამაწუხენსჷნი,
Line of edition: 34    თურმე ლევანს დუზღოდუაფუ. ლევანი მორდელენ დო ქუმოპჭიშაფუნი, აწი
Line of edition: 35    მა მუ მიჭირსია.

Paragraph: 24  
Line of edition: 36    -- მუშა რე საქმე, ლევან, მუ გაჭირება გიგორენიაა. -- კირხჷ კეყრქ.

Paragraph: 25  
Line of edition: 37    -- ათაში დო ათაში რე ჩქიმი საქმევა, -- უწუ ლევანქ, -- აკა კაკალი დაში
Line of edition: 38    მეტი მუთუნი ვარე ჩქიმოთი დო თიქ ხოლო ქიდმელახუ. სქანი ძაგარქ ქემმაღინუ-და,
Line of edition: 39    ხათე ხოლო დოსქიდუნ დო, ვარ-და, ვარია.
Page of edition: 98   Line of edition: 1    -- ძაგარი ვარიე, მა თვითონ მიდგაჸუნუქ გჷალოვა, -- უწუ კერქ.
Line of edition: 2    მოლართეს ლევანქ, კერქ, დო ლაკვიქ. ქუმორთეს ყუდეშა. ნდიქ ენეფი
Line of edition: 3    ართო ქოძირუნი, ღურა გათუ. კერქ გაჩენდუ, გაჩენდუ გალე დო ლევანქ ძაგარამო
Line of edition: 4    მინილუ დინახალე, სოდერ მუში და ჯანუდუნი, თექ. ქიმწუდუ დუდიშა
Line of edition: 5    დას ძაგარი დო მუნენქ მიდართეს ონადირუშა. დირთუ ლევანქ ონადირუშენი,
Line of edition: 6    -- მუჭო რექ ასე დადავა, -- კითხუ.

Paragraph: 26  
Line of edition: 7    -- მუჭო-და უარესო ვორექია, -- უწუ დაქ.

Paragraph: 27  
Line of edition: 8    -- მუ წამალი ოკო რდას სქანი მოხვარე, ჯიმა ღურელია, -- თქუ ბოშიქ.

Paragraph: 28  
Line of edition: 9    -- ათე დო ათე ტყას ცხოვრენს ართი დიდი გერი, ეთიში თომას ქუმომიღანქი-და,
Line of edition: 10    დოფსქიდუქია, -- უწუ ძღაბიქ. თენა ხოლო ნდის დუგურუაფუდუ,
Line of edition: 11    ვარა ძღაბის მუ უჩქუდუ.

Paragraph: 29  
Line of edition: 12    გიმილუ ბოშიქ დო კერს უწუ: -- ათაში დო ათაში რე ჩქიმი საქმე დო
Line of edition: 13    ოკო იბდე თი გერიშავე. კერქ ხოლო მიდაჸუნუ დო მიდართეს. ქიმერთეს
Line of edition: 14    გერიში ხოლოშანი, მუჭოთ ვარდუო კერიწკუმა ღოლესჷნი, თეში ქიმინეს
Line of edition: 15    ირფელი. ათე შვანს გერქ მოლართუ ლევანიში დაჯიმალებუშანი, კერი
Line of edition: 16    ქიგერენი ქოძირუ. თურმე ათე კერი დო ათე გერი ჯიმალეფი ჸოფენა, ქარაგვეს
Line of edition: 17    დო გაჯუდეს ართიანს. ლევანს ხოლო დეჯიმალუ გერქ დო კითხუ:

Paragraph: 30  
Line of edition: 18    მუშა რე საქმე, ვაიჭირს ხოლო მუთუნია. ლევანქ ქუწუ მუში გაჭირება. აბა,
Line of edition: 19    მა ხოლო მიდგაჸუნუთ დო ართო მიფშვათია, -- თქუ გერქ. -- ძალამ ჯგირია,
Line of edition: 20    თქუეს არძაქ დო მოლართეს ჸუდეშა. მინილეს ეზოშა დო ნდის გვალო დუღურუ
Line of edition: 21    გურქ. "იშენი ვაჸოფე ეში საშველია". ძღაბის უწუ:

Paragraph: 31  
Line of edition: 22    -- ასე მუთუნი ვარენო გიგაკითხუას გერიში თომათ ვასქიდუქჷნი
Line of edition: 23    უკულია-და, თუნთიშა ქაწურე, ჩხორო დღაში ოლუს გუმარე გოლასჷნი,
Line of edition: 24    თიშავა.

Paragraph: 32  
Line of edition: 25    მიდართუ დო დიტყობუ ნდიქ. ბოშიქ გემნიღუ გერიში თომა დო ძღაბის
Line of edition: 26    დუდიშა ქემწუდუ. დირთუ დო მიდეჯუმუ არძა ონადირუშა. გილართეს
Line of edition: 27    ბრელი, ინადირეს დო ჸუდეშა ქუმორთესჷნი, ძღაბი უარესო გორთუმე.

Paragraph: 33  
Line of edition: 28    -- მუ ღორონთიში ჭყორინი რე, მუჭო ვემმაგორუ მა თეში წამალიშავა.
Line of edition: 29    -- თქუ ბოშიქ.

Paragraph: 34  
Line of edition: 30    -- ასე ქომიჩქუ, მუ მოსქილიდუანსჷნი, მარა შორს ორენ დო მოშქურუნია,
Line of edition: 31    -- უწუ ძღაბიქ. ითამუ ვაკოდუ ძღაბის რაგადი, მარა ბოშიქ ქარაგადაფუ.
Line of edition: 32    "ჩხორო დღაში ოლუს გოლას თუნთი გუმარე ართი დო ეთიში თომა
Line of edition: 33    უთუო დუმოსქილიდუანსია, " -- თქუ ძღაბიქ. გიმილუ ბოშიქ დო ქუწუ მუში
Line of edition: 34    გაჭირება კერი დო გერს.

Paragraph: 35  
Line of edition: 35    -- გაჸუნუთ ჩქი ხოლოვა, -- უწის ენენქ დო მიდართეს არძაქ ართო.
Line of edition: 36    მეულა, მეულან დო მაჩხორა დღას ქიმერთეს თუნთიშა. თუნთიწკუმა ხოლო
Line of edition: 37    თეში ქიმინეს, მუჭოთ კერი დო გერიწკუმანი. მუჭოთ კერი დო გერი ქოძირუ
Line of edition: 38    თუნთიქჷნი, გეხარუ, რადგანს თენეფი თიში ჯიმალეფი ჸოფედესჷნი
Line of edition: 39    თუნთიქ ხოლო დეჯიმალუ ლევანს დო უკული უწუ: -- მუშა რე სქანი საქმე
Line of edition: 40    მუ გიჭირსია.

Paragraph: 36  
Line of edition: 41    -- ათაში დო თაშიე ჩქიმი გაჭირება დო აკა სქანი თომა ოკო გამკისოფე
Line of edition: 42    დო ჭიჭე ქომუჩათიე.
Page of edition: 100   Line of edition: 1    -- მა გაჸუნუქ თვითონ დო იბდათი ართოვა, -- თქუ თუნთიქ.
Line of edition: 2    გიაჸუნეს არძაქ ართიანს დო ქიმერთეს ბოშიში ჸუდეშა. გაჩენდეს
Line of edition: 3    ენენქ ჸუდეში წოხოლე დო ბოშიქ მინილუ მუში დაშა, გელეღუ თუნთიში
Line of edition: 4    თომა დო ქიმწუდუ ორთუმელიშა. გიმილუ ბოშიქ დო მიდართეს ონადირუშა.
Line of edition: 5    კინოხუ ნდიქ მიკილუ ძღაბიშა დო უწუ ნამუდა: -- ართი ფუთი საპონი
Line of edition: 6    ქუმაღალაფე სქანი ჯიმასია დო " დუდი გიბონი, ჯიმავე, " უწია; მუჟანსჷთი
Line of edition: 7    დუს გეიჟვეპურანსიე, თოლეფიშა ხოლო გასუმალაფე საპონია დო მუჭთოლენს
Line of edition: 8    დოჭუნსჷნი, ხათე დოჭუტუნს ინა თოლენსია. ითიმწკუმა მა გაგმოვსხაპუნქ
Line of edition: 9    ოთახიშე. უცბათ მუკურთანქ დო კისერს გამკუტახუნქია;
Line of edition: 10    უკული იფცხოვრათ ჩქი ჯგირო დო სქვამას, მითინი ვეჸი ჩქინი უჩაშია.

Paragraph: 37  
Line of edition: 11    - ძალაძი ჯგირია, -- უწუ ძღაბიქ.

Paragraph: 38  
Line of edition: 12    ქუმორთუ მაჟირა დღას ბოშიქინი, ძღაბიქ ქუმაღალაფუ ართი ფუთი
Line of edition: 13    საპონი დო ქასუმალაფუ, მუჭო ნდიქ დაგურუნი, თეში. ნამუშვანს ბოშიქ
Line of edition: 14    თოლეფი დოჭუტუნი, მიკილუ ნდიქ, მუკურთუ კისერს დო მიკი გამკუტახუ.
Line of edition: 15    კისერი მუკოტახილი ბოში გალე გაგმაჸოთეს. მუჭო თენა ქოძირეს-დო,
Line of edition: 16    დიჭყეს არძაქ გარა: გერი ქოზურზულანს, ქინგარა ღეჯი, ქირი, ლაკვი დო
Line of edition: 17    თუნთი. ბოლოს ლაკვიქ უწუ ქირს:

Paragraph: 39  
Line of edition: 18    -- მუჭო გეისვირთანს, ქირი, ნინძგინი, სქანი გურიშენი ტყურათი
Line of edition: 19    იგუო ლევანქ ჩხორო თუმანი, ქიანას სი გილაფურინუნქ მიკი-მიკი დო ღურელიში
Line of edition: 20    ოსქილიდაფარი წამალი სი ოკონო ვაიჩქუდასიე.

Paragraph: 40  
Line of edition: 21    ქირქ იფიქრუ, იფიქრუ დო თქუ:

Paragraph: 41  
Line of edition: 22    -- ქო, ქომიჩქუ დასურო ღურელიში გათელებერი წამალია. ათაქი
Line of edition: 23    ხოლოს ართი წყარი მეკანკალანს, ეთინა ქიმიბღათ, ქიგნუვობათ ლევანს
Line of edition: 24    დო ხათე ხოლო გეთელებუნია.

Paragraph: 42  
Line of edition: 25    მიდართუ ლაკვიქ დო ორკოლი გეგმაკერკელუ, კერს ჩქვას ქუმაბუმეს
Line of edition: 26    დო მიდართეს წყარიშა. გეიობეს წყარი, ქიმიღეს დო ქიგნაბეს ლევანს.

Paragraph: 43  
Line of edition: 27    მუჭო ქიგნაბეს-დო, გეთელუ ლევანქ. გემნარაგუ ჸუდეშა დო დოჸვილუ
Line of edition: 28    ნდი. დას უწუ:

Paragraph: 44  
Line of edition: 29    -- სი ჩქიმი მოღალატე ჸოფერექია, მარა მა ვარჸვილუნქ სია. ქემეჩუ
Line of edition: 30    ჟირი ცალიორი სენი დო უწუ:

Paragraph: 45  
Line of edition: 31    -- მა ართი წანამოწანათ გემგეთხუებუქ სი დო ათე ჟირი სენს დოიტენქ.
Line of edition: 32    ართი სენს ჩქიმოთ გიობი ჩილამური დო მაჟირას ნდიშოთია. ართი წანაში
Line of edition: 33    უკული ქუმურქუნი, ჩქიმი სენს მეტი ჩილამური ქიგვოხვილევადა, მიდაგიჯუმანქ
Line of edition: 34    დათია, ვარ-და, ვარია.

Paragraph: 46  
Line of edition: 35    გიმილუ ბოშიქ დო ეკაჸუნეს არძაქ უკახალე. იდეს, დო ართი ზღეა პის
Line of edition: 36    ქალაქიშა ქიმერთეს. ქალაქი ჸოფე დასურო ძალამი დიდი. მიშელეს მიშახალენი,
Line of edition: 37    ზღყა პის ართი ბარჯგი ქეკოშქუნ დო ბარჯგის ქიმკოკირუ ართი
Line of edition: 38    ცირა. ქიმერთეს ხოლოშანი, ათე ცირა ირიათო ქინგარს. ლევანქ უწუ:
Page of edition: 102   Line of edition: 1    -- მუგონგარუანს სია. ვარა მუშენი რე მუკოკირუქ ბარჯგისიე? ძღაბიქ
Line of edition: 2    უწუ:

Paragraph: 47  
Line of edition: 3    -- ვარწყექო, ქალაქი უჩათ გოქიტილი რენიე! ათე ზღვაშე გვერშაპი ეკმურსუ
Line of edition: 4    ირ დღას დო ხენწიფეშა აფუ მოჩინელი ნამუდა, თითო კოჩი დახვამილუას
Line of edition: 5    ათე მერჩქინელი ადგილსიე. ხენწიფექ ვარენო ვარია ქუწუასჷნი,
Line of edition: 6    თელი ქალაქის მოსპენს გვერშაპი, ფერი დიდი რე თინავა. ხენწიფეში ზოჯუათი,
Line of edition: 7    თითო ჸუდეშე თითო კოჩი გეგმიჸონეს დო არძა გვერშაპიქ გეჸინტუ.
Line of edition: 8    ასე მა ქუმმოჭირინუნი თენა რე, მა ვორექ ხენწიფეში ცირასქუა.
Line of edition: 9    ქიმერთუ ლევანქ, გემკოწყუ ძღაბი, გეშათხორუ დიხა დო თექ
Line of edition: 10    ქედნახუნუ.

Paragraph: 48  
Line of edition: 11    ლაკვიქ ქუდანწყუ მაჩხუბარო მუში მაჸალეფი: კერს უწუ: სი ზღვა პის
Line of edition: 12    გაჩენდია, მუჭო ვარენო ხოლოშა ქუმორთას გვერშაპიქინ, სქანი ჩქვა ქუმკუჸოთი
Line of edition: 13    დო ეკი გეკაჸოთია.

Paragraph: 49  
Line of edition: 14    თუნთის უწუ: -- სი ქუმკუდვი სქანი თათი დო გერს ქაწურაგვე.
Line of edition: 15    -- გერი, სი სქანი მანგარი დუდი მიოგი დო ლევანს ქაწუჯგვაჯგვე.
Line of edition: 16    -- ლევანი, სი გიაშქვი სქანი ლეკური დო შქას გოჭკირი გვერშაპი. ნამუშვანს
Line of edition: 17    დოღურუ გვერშაპინი: -- ქირი, სი ქიგიოფურინი დო ვამკიტუე
Line of edition: 18    თეში ჭკომი თიში ხორცია, -- უწუ ლაკვიქ. ქუდუდოხოდუ არძას ჭკუაშა
Line of edition: 19    ლაკვიშ დუნანწყუა სიტყვაქ დო მუჭო თიქ თქუნ, თეში ქიდებარგეს.

Paragraph: 50  
Line of edition: 20    ვაიშურთუმუ ბრელი ხანს დო გვერშაპი ქუმოჩურუნს ზღვათ, წყარს
Line of edition: 21    ოღურალო ქუმარჩანს. ჭე მაკინუ ხოლოშა დო მიოძახუ გვერშაპიქ: -- მუ დო
Line of edition: 22    მუ სულიერი კოჩი რექი, მა ხენწიფექ კოჩი მიკომკირუ ბარჯგიშანი, თინაში
Line of edition: 23    მუკოწკუმა გაბედია.

Paragraph: 51  
Line of edition: 24    -- მუ კოჩი ვორექ-და, მა ვორექ ლევანია, -- მინაძახუ ლევანქ.
Line of edition: 25    -- სი რექ-და, ოკო ქუგოძირე სქანი თოლისერია, -- უწუ გვერშაპიქ.
Line of edition: 26    -- ქუმოძირანქ-და, ქუმოძირია, -- აბა სი დო აბა მავა, -- თქუ ლევანქ.
Line of edition: 27    მოლასოფუ გვერშაპიქ გურმულირო დო მუჭო ძგას ეხოლუნი, მუკუდუ
Line of edition: 28    კერქ ჩქვა დო გეკაჸოთუ ეკი. გეკაჸოთუნი, თუნთის ქაწუოლუ წოხოლე.
Line of edition: 29    თუნთიქ მუკუდუ თათი დო გერს ქაწურაგუ, გერქ მიოგუ დუდი დო ლევანს
Line of edition: 30    ქაწუბაზუ. ლევანქ გიაშქუ ლეკური დო შქაბანიას გაჸოთინაფუ. ქირქ ქიგიოფურინუ
Line of edition: 31    დო მუთი ხორცი ქუღუდუ გვერშაპისჷნი, არძა ოჭკომუ. თიჯგურა
Line of edition: 32    დიდი ქოჸოფედუ თე გვერშაპი ნამუდა, ართი ჟირი საჯენი ქიჸუაფუდუ
Line of edition: 33    ზღვა პის ძვალი გეხიბუდუნი. ნამუ შვანს გვერშაპი დოჸვილესჷნი, ე
Line of edition: 34    ძღაბიქ გეხარუ დო ლევანს უწუ, დიხაშე გეშეჸონესინი, -- ჸუდეშა
Line of edition: 35    მოლაზოჯითია.

Paragraph: 52  
Line of edition: 36    მოლართეს არძაქ ართო დო ქიმერთეს ხენწიფეში დოხორეშა. ქიგეგეს
Line of edition: 37    გვერშაპიში ჸვილუანი, იჸუ დიდი ამბექ. თელი ქალაქიში კათა არძა გახარებული
Line of edition: 38    ორდეს დო ლევანს უმარდუდეს. ხენწიფექ ათე მუში ოსურსქუა
Line of edition: 39    ჩილო ქიმიათხუ ლვვანს. ორე ლევანი ხენწიფეში დოხორეს დო გილურს
Line of edition: 40    ონადირუშა. ათენერო მოკილუ ართი წანაქ.
Page of edition: 104   Line of edition: 1    ლევანქ უწუ კერს, თუნთის ლაკვის დო ქირს:

Paragraph: 53  
Line of edition: 2    -- მორთი, მიფშვათ დო ქიბძირუათ ჩქიმი და, მუჭორენ დო მუჭო ვარიე.

Paragraph: 54  
Line of edition: 3    -- ძალამი ჯგირია, -- თქუეს დო მიდართეს, ქემერთეს დო ძირესჷნი,
Line of edition: 4    ნდიშოთი სენი დუტუნ, თინა დას დუდიშახ ეუშაფუდუ ჩილამურითი, ლევანიში
Line of edition: 5    სენიშა შურო ართ ჭვეთი ჩილამური ვეგეუბუმუდუ.

Paragraph: 55  
Line of edition: 6    ეწყინუ ლევანს. მარა იშენით ეცოდუ მუში დაქ დო მიდეჯუმუ ხენწიფეში
Line of edition: 7    დოხორეშა. ორენა ხენწიფეში დოხორესჷნი, ართიშახ დაქ უწუ ჯიმას:

Paragraph: 56  
Line of edition: 8    -- მიდამიჸონი დო ქუმოძირი, ღორონდგიე, სი გვერშაპი გიჸვილუნი,
Line of edition: 9    თიში ძვალეფი ეკოხიბუ ზღვა პისია, იჩიებუნანი, თინავა.

Paragraph: 57  
Line of edition: 10    -- ჯგირია -- უწუ ჯიმაქ.

Paragraph: 58  
Line of edition: 11    მიდეჸონუ დო ქიძირუ გვერშაპიში, ძვალეფი. ძღაბიქ ქემერთუ, გაჯინუ
Line of edition: 12    ვიშოთ, აშოთ. უკული ქემერთუ დო ართი ჭიჭე ძვალი გემკოტახუ. ქელედუ
Line of edition: 13    თე მიკნატახა ძვალი ჯიბეშა ძღაბიქ დო დირთეს დოხორეშა.

Paragraph: 59  
Line of edition: 14    თურმე ათე ართი ძვალს მითი დუდიშა ვარენო მიდვანსჷნი, არძა
Line of edition: 15    დუნოღურუე.

Paragraph: 60  
Line of edition: 16    დოჭუ ძღაბიქ ბალიში, მიშახალე თე ძვალი ქიმშადუ დო ლევანს ქჷმუღუ
Line of edition: 17    საჩუქარო. ლევანქ მუჭო დუდი ქიგედუ თე ბალიშის-დო, ხათე შური
Line of edition: 18    გოფარსალუ. ქიგეგუ ქიანაქ ათეჯგურა ჯგირი კოჩიში ღურანი, აკიშაყარეს
Line of edition: 19    ირკოჩქ.

Paragraph: 61  
Line of edition: 20    ვეზირენქ იჩის ბრელი: -- მუ ბღოლათ ათეჯგურა კოჩიში სხეულსია.

Paragraph: 62  
Line of edition: 21    ართიქ თქუ: -- ჯას ქიგმაბდვათია, მაჟირაქ: -- დიხას დოფთხორათია,
Line of edition: 22    მასუმაქ: -- ოხვამეს ქიმლაბდგათია. . . მარა ლაკვიქ აკას ვედუჯერუ დო თქუ
Line of edition: 23    ნამუდა: კუბოს ქედნუოსვანჯუათ, ნიშის ქედნობდგათ დო ზღვას
Line of edition: 24    გილაჩურასია.

Paragraph: 63  
Line of edition: 25    დეჯერეს თენა არძაქ. გეგმანწყის ნიში, კუბო, ქენასვანჯეს ღურელი
Line of edition: 26    დო გუტეს ზღვაშა. გილაჩურუნს ზღვას ნიში მიკიმიკი ქიანას. წანმოწანაშე
Line of edition: 27    ართიშახ ათე ქალაქის ქუმკადირთუდუ. მიდართეს ლაკვიქ, კერქ, გერქ,
Line of edition: 28    ქირქ დო ქიმიღეს მასქილიდაფარი წყარი. გეკაჸოთეს ნიში, გონწყეს კუბო
Line of edition: 29    დო ქეგნაბეს ლევანს წყარისი, გეთელუ ლევანქ.

Paragraph: 64  
Line of edition: 30    ქუმორთეს ხენწიფეში დოხორეშა დო ირ კოჩი გახარებული რე, ლევანი
Line of edition: 31    თელი ქოძირესინი. ქიგეგეს, მუჭო დაში მუნანწყუა რდუ ლევანიში ღურ
Line of edition: 32    ა ნ ი.

Paragraph: 65  
Line of edition: 33    ქუდოხოდეს ვეზირენქ. ართიქ შქვიდაფა გინუჭყვიდუ, მაჟირაქ ტყვიათ
Line of edition: 34    ხუალა.

Paragraph: 66  
Line of edition: 35    ლაკვიქ ენა ვედეჯერუ. ლაკვიქ თქუ:

Paragraph: 67  
Line of edition: 36    -- ბუხარს ქიმშუაშენათია, თუდო დაჩხირი ქეთუერზათ დო თიში კუმათ
Line of edition: 37    დუვოშქვიდუათია.

Paragraph: 68  
Line of edition: 38    თეში ქიმინეს: გაშენეს ბუხარი, ძღაბი ჟი ქიმშაშენეს, სოთინი ვარტნედუნი
Line of edition: 39    თეში, თუდო დაჩხირი ქეთურზეს დო დააშქვიდეს.

Paragraph: 69  
Line of edition: 40    ლევანი, კერი, გერი, თუნთი, ლაკვი დო ქირი ხენწიფეში დოხორეს
Page of edition: 106   Line of edition: 1    ცხოვრენდეს დიდებულო, ირ კოჩი გახარებული ორდუ დო მადლობელი
Line of edition: 2    ლევანიში მუში ჯგირი კოჩანაშენი, ჯგირიში ქიმინუაშენი.



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.