TITUS
Megrelian Texts ed. Danelia-Canava
Part No. 8
Previous part

Text: 8  
Page of edition: 106  
Line of edition: 3 
VIII. მუჰამბი დო ზაკაიკი ტარიელეფიში არიკი


Paragraph: 1  
Line of edition: 4    რდუ ჯვეში დროს ართი კოჩი, დიდი სახელუანი კოჩანაშე, სახელი ჯოხოდჷ
Line of edition: 5    მუჰამბარი, ნამუთ ათენა რდუ დიდი ცქვაფილი, დიდი ომიში გამოსადექი.
Line of edition: 6    ენა ვარდჷ ხენწიფეში მეკვიდრე, მარა სახენწიფოს უღუდუ დიდი
Line of edition: 7    მოწონა, რადგანს ომიში დროს მისჷთ შემწეობას მეჩანდჷნ, უთუოთ გომორძგვილი
Line of edition: 8    რდჷ თი ხენწიფე. ათენა თვითონ უძეო დო უასულე კოჩი რდჷ.
Line of edition: 9    გვარიანი ხანიში მიშულაში დროს მეჩჷ სურვილქ, ღორონს ქეშეთხუკონი
Line of edition: 10    სქუა. ქოთ შეხვადჷ ეფერი მომენტიქ, შესრულუ, მარა მუჭო? მუში სიცოცხლეს
Line of edition: 11    მუში ამხანაგი ქოძირუ თოლით, მუჭოთ მო კათუ რენი. ათე დროს
Line of edition: 12    ქიდელახჷ მუჰამბარქ. მუში ლახალა ქიჩინჷ, მუჭოთ მაღურუნი. წარმუდირთუ
Line of edition: 13    თი დროში ნათხუა საქმეში წუთიქ, ეფერი ჸოფე დერწმუნუ თი მომეტი,
Line of edition: 14    მუდიგა ეფერი ძვირი უთხუდუკონი, შესრულებუდუ, ოღონ თით ქიჩინუ,
Line of edition: 15    მუჭო მუში თხუალაქ უაზროთ იჸუნი. უაზროთ ათენერო ნამუდა, თხუ
Line of edition: 16    სქუაში ერჩქინა, ხოლო მუში დასწრება -- ვარ. ათე დროს ენაღჷ თექ ძალამი
Line of edition: 17    დო ეს აწი მუთას ოხვარჷ, ხოლოთ მუში ანდრეზის ქჷმკუდირთუ. დესწრჷ
Line of edition: 18    ტომი ნათესეფი დო საჭირო მთავრეფი. იანდერზჷ, მუთ ოკოდუნი. ხოლოთ
Line of edition: 19    სქუაში შესახები დიჩინუ თენა დო უწუ ამხანაგი ჩილს, მუჭო ათე ჟინი
Line of edition: 20    მოშინაფილი თხუალაქ უაზრო აზრით აჸუ ნათხუაქჷნ დო ათეწკალა დასახელუ
Line of edition: 21    ჩილს ნამუდა, დაბადებულქ ძღაბიქ ქიჸუას-და, გიოდვით სახელი,
Line of edition: 22    მუ გოკონანი, ხოლოთ ქომოლქ ქიჸუას-და ქეგემიდვით თიშა სახელი, მა
Line of edition: 23    მუთ გიწუათინი. მა მუჭორ მუჰამბარინ, თის გითვოდვანქ მუჰამბის. ქოთქუ
Line of edition: 24    თენა დო მუჰამბარქ გესვენუ. დოთხორეს მუჰამბარინ უკული, ქოდებადჷ
Line of edition: 25    მუში ოსურს ქომოლსქუაქ. სახელო გიოდვეს მუჰამბი.

Paragraph: 2  
Line of edition: 26    მუჰამბიქ იჸუ მუმაშე მეტი უჯგუში დო უმოსი გავლენილქ ირი სახენწიფოეფს
Line of edition: 27    დო საზოგადოწკალა. მუჟანსჷთ ახალგაზრდა რდჷ, მავითა-მავითაართა
Line of edition: 28    წანაშახ, უღუდჷ ჭიჭე ნაკითხი ქიანაში გაჩინებული. ათეში მუმა
Line of edition: 29    კოჩი მუჰამბარის უღუდჷ საომარი იარაღეფი ირფელი: ფარი, ხმალი, ქაშქვილი
Line of edition: 30    დო ქასაგანი, ირფელი რკინეულობა. გიოხვენჯო ჸუნდუ ჩე რაში.
Line of edition: 31    ათენეფი მითხუ დო გინულა მისრულუ შარაშა მუჰამბიქ, ოკოდუ, ქიანეფი
Line of edition: 32    ქიძირუკონი. რადგანს ჭიჭე ხანიშიდჷნ, დიდაქ ვარია გამუცხადუ დო ირი
Line of edition: 33    კეთილეფქ ხოლო უწის მუჰამბის, მუთუნინერო ვედუკონი. მარა არძას ჯგირი
Line of edition: 34    გურით დუდი გეიწოტყურუ დო ათე საომარი ირფელი მოღე ქედინწყუ.
Line of edition: 35    გიოხვენჯი რაშით გაგმაკეთებაფუ დო დანიშნუ დღა-ათე დღას გინილენს.
Page of edition: 108   Line of edition: 1    დიდა მიშახე ჩილამურიში ღვარს. ვაება დო გაჭირებას, მარა მუ გოწყინუათ,
Line of edition: 2    თი დღას დებარჷ ირი მუშიანი გამოსაშვიდებელო დო ქოთი ქომორთჷ
Line of edition: 3    ირ კოჩქ, შეტყვინაფილქ დო უშუტყვინაფუქუთ, გამეშვიდებუ მუჰამბიქ
Line of edition: 4    ირ კოს. უხვამანა შარას, ათე დიდა ოსურქ ბრელიშა განიფიქრჷ
Line of edition: 5    დუდიში ჸვილუა, მუში ბაღანაში ბაღანობათ გინულაში გურიშენი, მარა
Line of edition: 6    ეთი ვერგჷდჷნი, ქემიოტუ. უკანასკნელო, ირი კოჩიში მოშვიდებაში
Line of edition: 7    უკული, ქემეთხჷ ხე მარძგვანი მუში სქუას, დართინუ მორძგვიშე დო იჩუ
Line of edition: 8    ათაში :

Paragraph: 3  
Line of edition: 9    -- ღორონთი, რთხი ბრელი. რთხინქ ხოლო შემისრულე თითჷ, მუთ ასე
Line of edition: 10    რთხუენი! ჩქიმი ოთხუალი ბრელი ვარე, მარა მა საჭიროთ მიმოჩქ, ჩხე ჩილაძურით
Line of edition: 11    რთხუ -- ათე ჩქიმი სქუა ვარენო საკლები იჸი კოჩანა დო გონებათ
Line of edition: 12    მუში მუმაშე-და, ვარდა ვეჸი მუში დიდა დო მუმას ოსქუნი თი სქუადა,
Line of edition: 13    რთხინქ მოწყალე ღორონთი, თე ჩქიმი სქუა ცოცხალი ვართ მა ბძირე
Line of edition: 14    დო ვართ სამშობლოქ მუშიქჷნ.

Paragraph: 4  
Line of edition: 15    გათუ დიდაქ მუში ოხვეწებელი დო გაგმეთხუ სქუას. გინილუ დო მიდართუ
Line of edition: 16    მუჰამბიქ.

Paragraph: 5  
Line of edition: 17    ბრელი შარაში უკული ქეშეხვადუ მუჰამბის ამშვი კოჩქ. ნამუთი მიდმაღალარი
Line of edition: 18    დო გჷმარჩუალი რდესჷნი. ქოძირეს შორიშე მუჰამბი დო გირაგადეს
Line of edition: 19    ართიანიწკალა:

Paragraph: 6  
Line of edition: 20    -- ქეშმეძინეს ჭიჭე მუდგაქიენინი, ვარწყეთო! ათეში რაგადი დო მუში
Line of edition: 21    ჩე რაშით ეთეში ქედესწრჷ მუჰამბიქ ათე სიტყვენს დათებაშახ, მუჭოთ ელმახვენჯი
Line of edition: 22    კოჩი; თი ზომაშა ჩქარი მაულარი ქორდუ რაში. მარა, მუ გოწყინუმჸ
Line of edition: 23    ინეფს ეშა მუ აღოლედჷ, მხოლორ ინეფი არძა დემორჩილჷ. ეცოდჷ
Line of edition: 24    უკული დო მუშუში იარაღი კონი ქაჩუქუ დო დარიგუ თინეფი.

Paragraph: 7  
Line of edition: 25    -- რხამო ნუ ირჯებუთია. დაჭჸუ ულა დო მიდართჷ მუჰამბიქ. ბრელი
Line of edition: 26    შარაში უკული მიოჯინუ შორიშენი, მუდგარენი ქომოჩქჷ ვითამ კვარიაში
Line of edition: 27    დუდიში მაშხვა. მარა, მინ თიში სიმალექ დო მინ მუჰამბიში რაშიში სიჩქარექ
Line of edition: 28    ადრე ქაძირუ, მუჭოთ ართი ბოში კოჩი გეხე ართი რაშის დო ქარიცალო
Line of edition: 29    ქუმოჭვირგუნსჷნ. ართიანს გუწორეს. მჷმავალი ურაგადუ მუჰამბის;
Line of edition: 30    -- გამარჯობა მუჰამბის.

Paragraph: 8  
Line of edition: 31    მუჰამბი ურაგადუ: -- გოგიმორძგვას ღორონთქ ზაკაიკის.

Paragraph: 9  
Line of edition: 32    ათენეფს მუნეფიში სიცოცხლეს ამდღარიშა ართიანი ვაუძირუნა. შეკითხეს
Line of edition: 33    ართიანს, გილელეს რაშეფიშე, ქოდოხოდეს დო იმოსეფეს. ზაკაიკი
Line of edition: 34    კითხულენს მუჰამბის მუჰაძბარიში ამბეს. მარა თეში კითხულენს, მუჭო
Line of edition: 35    სქუა ქორე თენა თიშინი, ვოუჩქჷ, ხოლოთ სიტყვაშე გეგჷ, თი სახენწიფოში
Line of edition: 36    ქორენი. მუჟანსჷთ მუჰამბარი იკითხჷ ზაკაიკიქინ, უწუ მუჰამბიქ.

Paragraph: 10  
Line of edition: 37    მუჭოთ ინა ღურელი რენი, სქანი ტერს უარესი! დიდი შიცხადუ. დიდი შიწუხუ
Line of edition: 38    ზაკაიკიქ, მუჭოთ დიდი საიმედო მოჯგირინი. ათეშე მუჟანსჷთ გიშელჷ
Line of edition: 39    ზაკაიკიქინ, ხოლო იმოსეფეს ბრელი ხანს. ათე დროს რაგადის ქუკათუ
Page of edition: 110   Line of edition: 1    მუჰამბიქ გაჩინებაში სიტყვეფი, მუჭოთ მუჰამბი მუხამბარიში სქუა რენი,
Line of edition: 2    უბედურებაში გამოცხადებაში დროს მალას მხიარულებაქ გამეცხადუ ზაკაიკის.
Line of edition: 3    დიდი ჸოროფა, დიდი ნდომა, ბრელი მუთუნი ოცქვაფური ეჩუ მუში
Line of edition: 4    მუმაში ძუჰამბის ზაკაიკიქ. ხოლოთ ათე მხიარულებაში დროს ქუთხილანს
Line of edition: 5    ნაღება დო სინანულს, მარა იშენით ზაკაიკის შური აკაშუაფჷ მალამალას.
Line of edition: 6    უკანასკნელ დროს კითხუ მუჰამბიქ ზაკაიკის:

Paragraph: 11  
Line of edition: 7    -- ჯიმა, ზაკაიკი! მიჩქჷ მწუხარებას რექინ, მარა თით მიჩქჷ, მუჭო ხიარულებაქ
Line of edition: 8    განგეახლჷ. მუ რე, თე სი შურს კაშუნქჷნ?

Paragraph: 12  
Line of edition: 9    ზაკაიკიქ უწუ ბრელი ხანს, -- მუთუნი ვარიაა, მარა ფუჩით შეთხუ მუჰამბიქ,
Line of edition: 10    მუ რდუნ, ქოთკუკონი. დო ბოლოს ქუმაჸუნ ზაკაიკიქ დო ირფელი
Line of edition: 11    მუში საჩიარი ქეჩუ მუჰამბის. ზაკაიკიქ თქუ ნამუდა:

Paragraph: 13  
Line of edition: 12    -- მა ვორდი გაჭირებული ართი საქმეშე დო თიში მოხვარეთ პუნდუ
Line of edition: 13    დიდი საიმენდო, კოჩი, მუმა სქანი, ჩქიმი საუბედუროთ, მოხვარა ვარი,
Line of edition: 14    თვითონ დობღურუ ნდო მებდინაფექ კოჩი. ამდღა თენა რე, ართი გაჭირებას
Line of edition: 15    ხოლო მაჟირა ქუმოძინუნ დო ჟირხოლო ართო გურს მიშინუანს. ათეში
Line of edition: 16    მვტი მა სი მუ გიწუა? -- უწუ ზაკაიკიქ.

Paragraph: 14  
Line of edition: 17    ასე მუჰამბიქ უწუ ზაკაიკის:

Paragraph: 15  
Line of edition: 18    -- ეშენი მადლობელი ვორექ, მუმა ჩქიმიში გურიშენი წუხარებას ღებულენქ,
Line of edition: 19    ნოთირი პატივიცემა სქანი კეთილი საქმეშა მემიღებუდას. ხოლო
Line of edition: 20    ასე ართი გურით რთხულენქ, მურე მაჟირან, ქომიწუე.

Paragraph: 16  
Line of edition: 21    დიდი გაჭირებულო დო დიდი ბოდიშით ქოთქუ ზაკაიკიქ:

Paragraph: 17  
Line of edition: 22    -- უჩა ზღვაში მჸოფი უჩა ნდიში ზისხირი გებრძჷდჷ დო მოკოდჷ გინიბგიკონ.
Line of edition: 23    ათე საქმეს ქჷმორგუდუნ ეფერი ცაში რუდო კოჩი ვაპუნდჷ, გარდა
Line of edition: 24    მუმა სქანიში. აწი მუთუნ ვარი! ღორონს ფთხულენქ ბღურე. მუჰამბარიში
Line of edition: 25    უმუშო ჩქიმი რინას ვაუღჷ შველა. ათეწკალა მუჰამბიქ თხუ ზაკაიკის:

Paragraph: 18  
Line of edition: 26    -- საიმენდო მოჯგირე! ღურათ ირ კოჩი ღურუ. მუაჩქიმით ღურუდჷ, აბა
Line of edition: 27    მი ჸოფე უღურუ? ხოლოთ მუმა ჩქიმი სოდეთ ირგჷდჷნი, თექინე ართიშე
Line of edition: 28    გვერდი მეთი ვორექ ღონე დო შეძლება ტანიშით, სიმალე მოძრაობათ.
Line of edition: 29    ხოლოთ ათენეფიშა მირკჷ გამოცდილება საქმე შემთხვეეაში. ენეფი ადვილი
Line of edition: 30    რე სქანი შემწეობით ჩქიმიწკალა დო მუნერო მუ გოკონი, თი ნდიშენი
Line of edition: 31    მიწი დო მზათ ვორექ, ვაგაშქურინას, ონჯღორეს ვაბძირუნთ.

Paragraph: 19  
Line of edition: 32    უწუ ზაკაიკიქ: -- უჩა ნდი ცხოვრენს უჩა ზღვას, ბჟა დალჷშე, ძგას, ხმელეთის.
Line of edition: 33    ხოლოთ თის ჸუნს ჯოგი ირი შინაური პირუტყვიში უჩა ზღვაში
Line of edition: 34    ბჯა იოლჷშე, ძგა ბერეგი მინდორს. მუჭორ ნამდა რაშიში, აქლემიში, კამბეშიში,
Line of edition: 35    ჩხუში დო ათეში უკულაში არძა პირუტყვიში. ხოლოთ რაშეფს
Line of edition: 36    ოკათ ართი რაში, უჩა რაში, ათენა მუჭო ჯანუნ, გინოჩქ ჟირი ალაბით გერინელი
Page of edition: 112   Line of edition: 1    რაშეფს. ათე რაშის ჯოხო საორინჯო რაში. მისჷთ ოკო დო შიალებენი,
Line of edition: 2    მიდურს თაურე, ბრელი თუთა დო წანაში ოლურე თეიშახ. მუჟანსჷთ
Line of edition: 3    თი მინდორიშა ქემურს კოჩინი, ართი ფოშთაში სიშორეთ რე ართი გვალა,
Line of edition: 4    ნამუს ქიგნადირთ კოჩინი, ქოძირუნს თელი ათე რაგადებული პირუტყეფს.
Line of edition: 5    ასე საინტერესო რე თენა ნამუდა, ათე რაშის მით დემორჩილენსჷნ
Line of edition: 6    დო მიდეჸონანსჷნ, ნამუ მხარეშე გოკო, თი ოთხი სანძღვარს -- ბჟაიოლ,
Line of edition: 7    ბჟადალ, ჩირდილოეთი დო სამხრეთით, სოლე თეს იჸუ ნანქჷნ, ირი ცხოველი
Line of edition: 8    თე ჯოგეფიში ირფელი ართო თეს ეკოჸუნს. ათეში დამორჩილებას
Line of edition: 9    უღუ თექინე შემთხვევა განსაცდელი. თის გინოსქიდუ-და, უკული მუში რე
Line of edition: 10    თე უდი რაში დო ირ თი ცხოველი.

Paragraph: 20  
Line of edition: 11    ათე რაშის უღუ ზნე-ჩვეულება, გამოცდილება; მუში მაჸუნუფალი კოს
Line of edition: 12    ართი რენ-დო იჩინენს ბუნებით, მაჟია, -- დუს ვადანებენს, სოიშა მუ შიალებენი
Line of edition: 13    შურო. ბრელი კოს მუნდომებჷ ეში შეძენა, მარა მითინს ვეშიალებუ.
Line of edition: 14    .

Paragraph: 21  
Line of edition: 15    -- აწი ფთქუათ მუ? მუჭო მირთე თიშა დო მუნერო? ურაგადჷ მუჰამბი
Line of edition: 16    ზაკაიკის. ზაკაიკი ურაგადჷ:

Paragraph: 22  
Line of edition: 17    -- ათენერო ნამუთ, გვალას გიმებლენთჷნ, მინდორიში დოჭყაფაში
Line of edition: 18    ძგას უკულაში, ღონეში კოჩქ ოკო ქომიფცადათ თექ. უმოსი ღონეში კოჩქ
Line of edition: 19    გობლათ ოკო მალას დო ქჷდობლათ ოკო თი რაშიწკალა. რაშიში ჭოფუა
Line of edition: 20    ოკო მიბდომათ, მუჭო მუ შიმალებენანი. პირველიშე მეულირო ჭოფუა
Line of edition: 21    თიში, გილულა რაშიშე დო ონანგერიში გინოდგჷმა ჩქინი რაშიშე თი
Line of edition: 22    რაშიშა -- ხანეფი ვარენო იჸინი, ათე ხანეფს პირველიშე მინდომენს რაში
Line of edition: 23    ჭირხინს. სუმი ჭირხინიშა ოკო ქუჭიშუას მიმალქჷ გეხუნა თიში. სუმი
Line of edition: 24    ჭირხინს გათენს დო ქიგეგონენს უჩა ნდი უჩა ზღვაში. ქიგედოხოდუ უჩა
Line of edition: 25    რაშის დო მოლურს მოჩხუპურო, ნამუსჷთ თოფი გინაბუ ბუკიშ მაშხვა. ეთი
Line of edition: 26    სუმი ჭირხინიში განმავლობას რაშიში მიმალ კოჩქ ოკო ქომუჸუნასჷნ
Line of edition: 27    მაჟია ამხანაგის, გვალაში თუდო რენ, თის, იქ ოკო ქიგედოხოდას დო იდას
Line of edition: 28    ირიათო გვალას. ათეს მეყუნს უკახლე ირი ცხოველი მუშუში ხონარიში
Line of edition: 29    ძახინით. მჷმაჸონაფალი კოჩქ ნდის ოკო ქჷდოხვადას, სოდეთ რაში გიოჭოფუნ,
Line of edition: 30    თექ. ნდი ღონიერი ენ დო დჷმახვამილაფარქ ოკო გამოცდილებით
Line of edition: 31    მექცას. მუჟანსჷთ ნდი უწინს კოს: -- თენა სი ბღოლი დო ვარი სქანი ამხანაგიქ?
Line of edition: 32    -- თიწკალა კოჩქ ოკო უწუას: -- მა ვარი თიქ რღოლ ენა სი.

Paragraph: 23  
Line of edition: 33    ათეშ უკული გეგნაწურუას ნდი ამხანაგიში შარაშე დო მუქუთ ოკო ქაჸუნას,
Line of edition: 34    მუჭო ნდი გურქენს დო ამხანაგის ქეკათხოზუნი. სოდეთ ქჷმაჭიშუანანი,
Line of edition: 35    თექ ართი ვეჸი ხვალე, ჟირი ამხანაგი იჸუაფუ დო ართიანს ქემეხვარებუნა.
Line of edition: 36    ართიანს ქემეხვარებუნან, ნდის მუ რაგადი ოკო. წაჸონენა, დოჸვილუნა.
Line of edition: 37    ნდიში ღურაში უკული გესქილადირი რე თელი ქონება. ასე მუჰაძბიქ
Line of edition: 38    ხიარულებათ უწუ მუში მოჯგირე ზაკაიკის.

Paragraph: 24  
Line of edition: 39    -- მუშენ მა თეს სი მიფულუნდი? მა მუჭოთ გიწინი, გამოცდილება
Line of edition: 40    მოკოდჷ; ასე მა დარიგებული გაფუქ. აწი საიმედოთ დეკინი თე საქმე. გოძირანქ
Page of edition: 114   Line of edition: 1    ჩქიმი მოქმედებას. იბდათ აწი, იბდათ, ქემეფრთათ თიში სანძღვარიშა;
Line of edition: 2    მა მეურქ გიმანთხაფალო დო სი გიტენქ თექინე. ეს თაში გირაგადუქ
Line of edition: 3    დო შხვა საგანეფსჷთ ქჷგოძირა.

Paragraph: 25  
Line of edition: 4    ქიგიანწყის თეს. იდეს, იდეს დო ქემერთეს თი სანძღვარიშა. ქიმისვანჯეს
Line of edition: 5    ჭიჭე. მაულარიე ასე მუჰამბი. მარა გუჩუ გური ზაკაიკიქ დო მუთუნ
Line of edition: 6    ქესათ ვაქიძინჷ. იჸუ თაქ ბრელი რაგადიქ, მარა იშეხი მაულარო ქიგედირთჷ
Line of edition: 7    მუჰაძბიქჷნ, ვემიაჩჷ საშველქ, მიდართ მუჰამბიქ. გოურქუ დო ქჷდოლჷ
Line of edition: 8    თექ, სოდე თი რაში ჯანუდუნ. რაში ჸუჯით ოჭოფე, ონანგერი გეგნოდგჷ
Line of edition: 9    დო ქეგედოხოდჷ. გოურქჷ დო შქაშარაშა ქომორთჷ მუში ამხანაგიშა. პირველ
Line of edition: 10    მეულაში დოჭყაფილო ათე ხანიშა ართ ჭირხინი გათუ რაშიქ. ქემერთჷ,
Line of edition: 11    ქემეჩჷ მუში ამხანაგის დო მაჟია ჭირხინიში დოჭყოფაშა, სოდე თი
Line of edition: 12    რაში ჯანუდჷნ, თექ ქოდოლჷ. მუჭო თექ რე მუჰამბინ თეში. მაჟია ჭირხინი
Line of edition: 13    გათუ რაშიქ. მასუმა ხოლო ქჷდიჭყუ დო გათუ. თე ხანეფს ზაკაიკიქ დიდი
Line of edition: 14    საორინჯო რაშიში გეხუნელო გვერდი გვალაში ეკულა გათუ. გიშართჷ
Line of edition: 15    ხანქ, დო დასურო ქომურს ნდი დო მუში რაში. მურს მარა, მუზარზალუანს
Line of edition: 16    დიხას, ათაში ნამდა, მუ გოწყინუა, ათე ნდემში რაშიში ფოლო მოთმოხვადუ
Line of edition: 17    ქუეფს ზანდუკიში მაშხვა-მაშხვას დო არძას ტვერო გინიორთინუანს.
Line of edition: 18    ნოტეხეფი თეში მეურს ვერსი დო ჟირი ვერსის დო მუს მოხვადჷნ,
Line of edition: 19    ჸკილუნს, ეკმოქოსუნს. დასურო დიდი ღონიერიე რაში, ნდი გეხენ თინა.
Line of edition: 20    ქომორთუ ნდიქუ მუჰამბიშა დო გამარჯობა უწუ. ექ ნოთირი სალამი მეჩუ.

Paragraph: 26  
Line of edition: 21    შეკითხჷ მუჰამბის ნდიქ: -- სი ბღოლი თენა, მუჰამბი. დო ვარ ზაკაიკიქ?

Paragraph: 27  
Line of edition: 22    მუჰამბიქ უწუ: -- მა რღოლი სი შურამი ნდი დო მუ გოკო?
Line of edition: 23    მუთუნი ვაშქიდუ ეს ნდიქ. " გოურქუ დო გამათხოზუ, სოლე ზაკაიკი
Line of edition: 24    მეურსუნ, თეურე. მუჰამბიქ იფიქრუ -- ეს მუსჷთ ბღოლანქჷნ, თოლით ვოძირა
Line of edition: 25    ჩქიმი მოჯგირეს. მარა გამოცდილებაქ დაკორდუ ჭიჭექ მუჰამბის:

Paragraph: 28  
Line of edition: 26    გუტუ თენა ჭე წოხოლე: იშენ-იშენი ართნერო თოლით ირო თიში დუდი
Line of edition: 27    დო ხეს ვოუჯინჷ. მიკაჯინუ დო ნდიში თოფიში გოლაფაქ იჸუ. სქანი ტერს
Line of edition: 28    უარესი, გურქ მუჰამბის შეწუხუნი. ოკოურქუ დო ნდიწკელა ქოდოლჷ. მუ
Line of edition: 29    გოწყინუა, ტყურა ვარე, იარაღი ვამურქუნ თეში, ტოტო ხე სოდეთ გიაშქუნი,
Line of edition: 30    დუდი, კილე მესოფუ, კუჩხეფი არძა ოკოსოფუ. მუ გოწყინუა ეზჷმა,
Line of edition: 31    მუჭო ჩქინი კოჩქ ცომს, ოკონდა ზელს ხე მეთხასჷნ დო თენა ლუკა-ლუკათ
Line of edition: 32    ქადვას შეულებუნი, თეში ინა ტოტო, ოკოსოფუ ხეთ. მიკაჯინჷნ, ზაკაიკი
Line of edition: 33    გილანთხაფილი რე რაშის. გოლჷ დო ქემერთჷ. მეულაშა რაშის ქეშეხვადუ.
Line of edition: 34    ენა კინი მიდეჸუნჷ დო ქემერთუ ზაკაიკიშა. ზაკაიკი ცოცხალიე.

Paragraph: 29  
Line of edition: 35    -- მუჭო რექ, ჯიმა ზაკაიკი? -- კითხუ მუჰაბბიქ.

Paragraph: 30  
Line of edition: 36    ეშეჯინუ ზაკაიკიქ, ქიჩინუ საორინჯო რაში. უწუ თეწკალა მუჰამბის.
Page of edition: 116   Line of edition: 1    -- ჯგირო რე, საიმენდო ჯიმა საქმე. ართიშა ვორექ ღურელი, ვარა მეტიშა
Line of edition: 2    ვაბღურექ.

Paragraph: 31  
Line of edition: 3    რადგანას ქიჩინუ თე რაშინ, უთუოთ ნდი ღურელი რე მუჰამბიშე. დო
Line of edition: 4    უწუ ზაკაიკიქ: -- მა აწი ღურელი ვავორექ, ბღურუქ, მართალიე, მარა სამმობლოშა
Line of edition: 5    მიდამიღანქ. ჩქიმი დიდი ინტერესი შესრულებული მაფუ სქანი
Line of edition: 6    შემწეობით, ჯიმა. -- თე დროს, მიღუ პატი მუგოშინათჷნ, მუჰამბიქ ქიმკიბიჯუ
Line of edition: 7    კიდირიშა ტამბაჩა დო უწუ ზაკაიკის:

Paragraph: 32  
Line of edition: 8    -- სქანი გამოცდილებაში გურაფაქ დიო ვედმეცალჷ დო ქორე მუთუნი
Line of edition: 9    საშვალება ქიანას-და, ქომიწი დო შიმალებე, კოჩი მუსუთ იქუნსჷნ, ვარდა
Line of edition: 10    სქანი წოხოლე მა ოკო იპილე დუდი. ათე დროს უწუ ზაკაიკიქ მუჰამბის:

Paragraph: 33  
Line of edition: 11    -- ქორე ართი საშვალება, მარა აწი ვეშილებე დო ენა სქანდა მა იშენი
Line of edition: 12    ოკო მირაგადუდუკონი, რადგანს საჭირო, გაჸიდჷ ირო დო ირო დიდი. ნამუთი
Line of edition: 13    საორინჯო რაში თაქი რჸუნსჷნ, თის ოკო ქიგედოხოდე დო ოკო ჸუს
Line of edition: 14    დილაფურცქინე, სოდეთ გოკო მეულანი, გუბერნია, ოკონდა ვეზდა, სანძოღვარი,
Line of edition: 15    გოლა -- უწუე ოკო: "თე დო ათე ოზეს, ვარა დიხას ქჷდმოხუნე".

Paragraph: 34  
Line of edition: 16    უწინქინი, -- ინა წანამოწანაში ოლჷს სათის მეურს. დღაში რდას, ოკონდა
Line of edition: 17    სერი, უკუმელა, თუთარჩელა, არძა ართი აფუ. რადგანას თაში ქოწუხენქინვ,
Line of edition: 18    გაბზადი, ქეგედოხოდი დო დილაფურცქინი: -- "აკაიკიში ეზოს
Line of edition: 19    ქენოლი!"

Paragraph: 35  
Line of edition: 20    -- ზაკაიკიში უმოსი ჸუდეში კარს მარძგვანი განიშე ოკო მიკუბახუე კუჩხი
Line of edition: 21    სუმიშახ დო გიორაგადე: "ზაკაიკი კი ღურუ, ზაკაიკი ღურუ"! თი მიკობახვაფით
Line of edition: 22    გეთებუნ-დო ჭუაშე ხათეხოლო სქილადირი იპიქ.

Paragraph: 36  
Line of edition: 23    თე დროს მუჰაბიქ მუში რაში ონანგერამო ქუმკიკირუ დო გოლჷ.
Line of edition: 24    ვალიში მამალას ართი დიდი ოზეს ქენოლჷ. ქემერთჷ დო სუმიშა კუჩხი მიკუბახუ
Line of edition: 25    კარს დო გიორაგადუ:

Paragraph: 37  
Line of edition: 26    -- ზაკაიკი ღურუ, ზაკაიკი ღურუ!

Paragraph: 38  
Line of edition: 27    სუმიშა ქოთქუ დო ზაკაიკიქ დოსქიდუ. ქეგედოხოდუ მუში რაშის დო
Line of edition: 28    მოლართუ ბერეგით; მუჰამბიქ ხოლო მოლართუ ბერეგით ზაკაიკიში შიოხვამილაფარო.
Line of edition: 29    დასურო ოკოხვადეს, დიდი ამბე დო ხიარულება ქიმინეს.
Line of edition: 30    უკული მოლართეს. პირველს შეხვადუ თენეფს ზაკაიში ოჯახი. ქომორთეს
Line of edition: 31    ზაკაიკიში ოჯახიშა. დიდი ხარებაქ იჸუ. ბრელი ხანიში უკული დაჭყეს
Line of edition: 32    ულა დო მოლართეს მუჰამბიში ოჯახიშა. მუ რაგადი ოკო, მუჟანსჷთ თენეფი
Line of edition: 33    ბერეგით მულირი რენანი, თენეფი წკალა მორთეს არძა რაგადებული
Line of edition: 34    პირუტყეფქ. ენეფი შქას გორთეს, გვერდი თაქ ქედიტეს. გვერდი მუჰამბიში
Line of edition: 35    ოჯახიშა მოლეჸონეს. მუჰამბიში ოჯახის დიდი ხარება დო ხიარულება
Line of edition: 36    რდუ. ათე მოჸონაფილი პირუტყეფი მუჰამბიქ შქას გორთუ: გვერდი მუქ ქედაკინჷ
Line of edition: 37    დო გვერდი საზოგადოებას ქაჩუქჷ. რენა დო ცხოვრენა დიდიშე
Line of edition: 38    დიდი ცქვაფილო. თენეფიში კოჩანა მოშინაფილიე ირი ქიანაში ხენწიფეშა.
Line of edition: 39 
Page of edition: 118   Line of edition: 1    მუჰამბის ქჷმუჯდონჷ მუმი ხენწიფეში ცირასქუაქ, ბჟაში უძირაფუქ,
Line of edition: 2    ბარათი დო თხუ, ჟირხოლოქ ქიძირუასჷნ ხენწიფეში ოჯახი დო მუშიანეფინი.
Line of edition: 3    ხოლოთ ბარათის დასახელჷ მისაგებო ჯიმა. ახიოლეს დო ქოთ გაგმინწყუ
Line of edition: 4    ჟირხოლოქ, მუჭო მუნეფს აშქიდირუაფუდესჷნი, თეში. თვითონ
Line of edition: 5    ხენწიფეს დო მუმი ჩილი დო სქუას აშქიდირუაფუდუნ, თი ოჩუქებელი
Line of edition: 6    ხოლო გაგმანწყის. თაში ნამუდა, თითოშო თითო რაში კაზმული დო ძვირფასიანი
Line of edition: 7    საჩუქარი მიდეღეს. ქემერთეს ექჷნ, იჸუ დიდი ხარება დო დიდი
Line of edition: 8    მოწონაქ. ათე ბჟა უძირაფ ხენწიფეში სქუა დო მუჰამბი თეში რენა გურით
Line of edition: 9    დარწმუნებული ართიანიწკალა, მუჭოთ და დო ჯიმა. ზაკაიკი ორე, მუჭოთ
Line of edition: 10    ჯიმაკოჩი მუჰამბიში დო სუმარი საპატიო ათე ხენწიფეში ოჯახის. ათაქინე
Line of edition: 11    მიფიქრჷ მუჰამბიქ: -- ინა დაჯგურა ჩქიმო, ზაკაიკი ჯიმაკოჩი, დუდიში
Line of edition: 12    ოსხუნური. მორთი, თენენს ჩილი დო ქომონჯო გინვორთინუანქია.

Paragraph: 39  
Line of edition: 13    დასურო ქეთაჸუნეს თეში რაგადის დო გინირთჷ ზაკაიკიქ ხენწიფეში
Line of edition: 14    სინჯათ. ცხოვრენა დო რენა დიდიშე დიდი ცქვაფილო. ბრელი ხანიში
Line of edition: 15    უკული ულა ოკო მუჰამბის მუში ჸუდეშა, მუჭო თენა ქოთქუ დო ჟირხოლო
Line of edition: 16    ჩილი დო ქომონჩქ ქემიოტეს ოსერშე დო სადილობა, თან ჩილამურით იგარა,
Line of edition: 17    მუჭოთ თეში უმუშო მუთუნი სახეთ ვერგუნა. ართიშახ მიოტუ ულა,

Paragraph: 40  
Line of edition: 18    მაჟიაშა; მასუმაშა ხოლო თაში ძოხვადჷ.

Paragraph: 41  
Line of edition: 19    იფიქრჷ მუჰამბიქ: თენა დასურო რაში-და, დასურო თენეფი ართი შური
Line of edition: 20    დო გურით ქომიჯინენან-და, ჩქიმი ულა დო მოშორება თე ზომაშა ქაწუხუნან-და,
Line of edition: 21    ოკო გაგმოფცადევე.

Paragraph: 42  
Line of edition: 22    გამუცხადჷ დო თხუ თენენს: -- გიქიმინუნან ეში, ვენებათ, აუცილებელო
Line of edition: 23    ჭუმე მეურქ დიდა ჩქიმიშა. ვებდე, თენა ონჯღორე მაფჷ, ვართ თქვანო
Line of edition: 24    იჸი სქვამი, ვიშა-აშო ისოფეს ბრელი, მარა მუთუნქ ვაგურთეს. მაჟია დღას
Line of edition: 25    ოკო იდას მუჰამბიქ ჸუდეშა. გამეშვიდებჷ დო მიდართჷ მუჰამბიქ ონჯირუშა.
Line of edition: 26    სერიე, მუ რაგადი ოკო. ჯგირი ხანქ გიშელჷ დო იფიქრჷ მუჰამბიქ:

Paragraph: 43  
Line of edition: 27    -- მორთი, ასე ქიმთვოჯინექ თინენს ფულირო, დუს ვავოძირანქ თეში.
Line of edition: 28    თენა დასურო თაში ქორენ-და, დასურო ჩქიმი გურიჭუა ქუღუნან-და, მუჭო
Line of edition: 29    გარებულო დიბტენი, თეში ოკო იგარდანი; ვარდო ფარსეველობა რენ-და.
Line of edition: 30    დონჯირელი იჸინა.

Paragraph: 44  
Line of edition: 31    დაჭყჸ ულა დო ქემერთჷ თინეფიში ოთახუშა. ინეფი ვარწყენი თეში,
Line of edition: 32    დოგორჷ მითაჯინალი დო ქოძირჷ თინეფი. ბჟაში უძირაფ გორჩელი ნორჩალს
Line of edition: 33    ქეშახენ დო ქიწიმინდას ხეში ბირცხეფს, მარა ართო ნორჩალი შოლირიე
Line of edition: 34    თეში ჩილამურიში. ასე ხოლო ირიათო იგარს. ზაკაიკი ქეგეხე
Line of edition: 35    კარს, კილეშა ქეგლუძუ ართი დიდი ბიგა დო ქოთოლუნს, ქოხოწუნს თეს
Line of edition: 36    დო ქიგარს, ქოღურღულანს, სქანი ტერს უარესი, მუჰამბიქ ენა ძირუნი!

Paragraph: 45  
Line of edition: 37    დიდი ჯაბი, დიდი სევდაქ მიაჩჷ, მაჟია დღას ანუგეშე: -- ვოურქია მა! -- რენა
Line of edition: 38    დო ცხოვრენა თაქ. ჭე ხანი ქორე თესი უკული ათე ზაკაიკი მოსეფენდასჷნ,
Page of edition: 120   Line of edition: 1    კაშჷნს შურს. მუჰამბიქ შენიშნჷ გვიანო დო კითხუ ზაკაიკის: აუცილებელო
Line of edition: 2    ქომიწი -- მუ რე თესხი სქანი შურიში კაშუანი.

Paragraph: 46  
Line of edition: 3    დიდიშე დიდი გაჭირებათ ზაკაიკიქ გემეტჷ ათეში გამოცხადება, მარა,
Line of edition: 4    მუ გოწყინუათ, ბოლოს იშენი ქოთქუ. უწუ მუჰამბის:

Paragraph: 47  
Line of edition: 5    -- მათ კოჩი ვორექ, მათ სინდისი მიღუ ნამდა, სქანი პატიმიცემა, სქანი
Line of edition: 6    შრომა, მუთ მა მასახელი ქიანასინ დო თან სიმდიდრეთ მჷმანიჭინი, ენა
Line of edition: 7    ართი საქმე რდჷ. მაჟია, მა, ქო, ჯგირი შორებელი ოჯახიში სქუა თავადრაგანი
Line of edition: 8    ვორდი, მარა ხენწიფეში სქუას უსქანეთ მა კოჩი ვამუჩანდჷ. ათე საგანეფიში
Line of edition: 9    ეშე კოს კოჩიშა მუთუნი ვაღოლე ასე მათი ფიფქრენქი, ვითამ მუთუნი
Line of edition: 10    ნოთირი ჯგირი ქორღოლე, მარა სი ქეგგოდოხოდუნი დო ქჷმაშქიდე
Line of edition: 11    სქანდანი ეფერი საქმექ მუთუნქ ვეშმალებუ, ხოლოთ ართი საქმე რენ დო
Line of edition: 12    თი საქმე ოკო გიწუე დო ოკო გიწიკონი, მარა, ვაი რაგადი დო ვაი ღურა.

Paragraph: 48  
Line of edition: 13    ჟირხოლო ართი მაფუ.

Paragraph: 49  
Line of edition: 14    მუჰამბიქ ეში გური შენი ე ბოდიშეფი სრულიათ ამაოთ გუგონუ დო უწუ
Line of edition: 15    ზაკაიკის:

Paragraph: 50  
Line of edition: 16    -- ბოდიში ვარე საჭირო სქანი დო ჩქიმიწკელა; ჩქიმი სქანი რენ დო
Line of edition: 17    სქანი ჩქიმი რე, ართიში მეტი ირფელი. ქონებაშე ჩქი ღარიბი ვავორეთ დო
Line of edition: 18    ვართ მუთუნი მიჭირა. მარა თი სიტყვა დო თი საგანი ვამიწუე, დუდი ვამოკო
Line of edition: 19    ცოცხალი.

Paragraph: 51  
Line of edition: 20    ბრელი რაგადიში უკული ქუწუ ზაკაიკიქ:

Paragraph: 52  
Line of edition: 21    -- მუჰამბი, სი ქოგიჩქჷ, მა გარეშე ხენწიფეში სქუა ვორდი, გოჸოთამილი
Line of edition: 22    შობელეფიშე დო ფცხოვრენდი თე ქიანას. თით ქოგიჩქჷ, მუჭო ჩქიმი
Line of edition: 23    მეტი ქომოლისქუა ჩქიმი დიდა დო მუმას ვაჸუნდუნი. მარა თინეფს ჸუნდეს
Line of edition: 24    ართი ოსურისქუა, და ჩქიმი. ათენა ჸუნდუ მუაჩქიმს მუში დროში დამოკიდებულო
Line of edition: 25    მოჭიშაფილობაში დროშა უმაღლესი ოგურაფალეფს. თვითან
Line of edition: 26    ჩქიმი და ნიჭიერიდჷ დო ძეცნიერი. ქომონჯიში შესახებო დოჭარჷ ართი
Line of edition: 27    მაგალითი, გამოსაცთელი საგანეფი გაგმანწყუ ოთხი, ხუთი შხვა დო შხვანერი,
Line of edition: 28    ნამუსით დიდი ძალი, ღონე, ჭკუა დო მეხვამილაფა ოსაჭირუნი ეფერეფი.
Line of edition: 29    მით ვარენო ათე ირფელი განსაცთელეფს გინასქიდჷნ, თინაქ ოკო
Line of edition: 30    იჸუას თიში ქომონჯქ, ხოლოთ მით თეშა ვარენო გიშურსჷნი, თავრობაწკელა
Line of edition: 31    იჸი ხემოჭარილი დოდვალირი: ათე სიბრძნე, ათე ძალი დო ღონე
Line of edition: 32    ნამუსჷთ ვაგმარჩქინინენი დო ვეშიალებენი, თინენს დუდი მეკვათანი. ნარაგადუ
Line of edition: 33    აფუ დო ნებათ ეჭოფილი, ართიში დოჭყაფილო ოში კოჩიშახ მერთას
Line of edition: 34    დო დუდი მუში გამიცადას. დასურო, ოშიშა დუთქ მიაკვათუდა, უკული
Line of edition: 35    ვართ ოკო მეტი კოჩიში მიღება თე ძღაბის დო ვართ თავრობა არზენს
Line of edition: 36    ნებას.

Paragraph: 53  
Line of edition: 37    ათე ამბეფი ზაკაიკიქ გეგნოჩუ მუჰამბის დო თი საგანეფით ქუწუ, ნამე
Line of edition: 38    საგანეფით თი ძღაბი კათას ჸვილუნდუნ.
Page of edition: 122   Line of edition: 1    ზაკაიკი იჩიებუ:

Paragraph: 54  
Line of edition: 2    -- პირველო თაში მუგოშინანთ: -- თიში ოჯახიში ხორუა რე ათე ნივთეფით:
Line of edition: 3    შენობეფი მუთ ქეგედგუნი, ირფელი გოხოლუნა ვარჩხილი. მებელი
Line of edition: 4    მურ ქორენი -- სქამი, სტოლი, ირი შხვა, გოხოლუნა ორქო. ნორჩალი
Line of edition: 5    დო გექუნალობა -- აბრეშუმი დო ყაზნაყი, ოზეს გუჸუნს ზაბორი ჟირინერი
Line of edition: 6    ნიფთიშე, ჟირი ზაბორი. დინახალენი გოხოლუნა ორქო, გალენი გოხოლუნა
Line of edition: 7    ვარჩხილი. კარეფი არძა ორქო; მინაბუ შოშე, წმინდა ორქო, ჸუდეში კარიშა
Line of edition: 8    მეულირი. კოჩი მუჭო ქემურსინი, დიძახასოკო კარს; კარს ხათე გუნჯანა.
Line of edition: 9    კარიში გონჯამა დო ბჟაში უძირაფჷ ქჷმაზადუ, მუ რაგადი ოკო, ხეს
Line of edition: 10    გუთირანს დო მიწვენს ბინაშა. კილე გიშაღვაფილო ულა დო მინილენა
Line of edition: 11    ჸუდეშა. მუჟანს ხეს გეიწოიღანსჷნ, ვენაჯინა თოლი დო პის. სისქვამე მეტიში
Line of edition: 12    მეტი უღჷ; გარდა ეში, მოწამალერი აფჷ, ვედნაჯინა, ვარა დაგასუსტენს,
Line of edition: 13    გიჩქჷდას, ვენაჯინა. მუჟანს ჸუდშა მინილენთჷნ, ორქოში სქამიშა
Line of edition: 14    მეგიწვენს, მარა ორქოში სქამხ ვეგედოხოდა, გიჩქუდას, მოწამალერიე.
Line of edition: 15    დიდი ღონეში კოჩიში მეტის თვითონ თინა წაჸონენს, მარა ი სქამიშა თინა
Line of edition: 16    მიწვი. მუჟანს თინა თის ქეგედოხოდუნი, სი უწამალე სქამი ქომოგიხვადჷ.
Line of edition: 17    ათეს ათაში გინასქიდუქჷნ, ცირა დიძახუ: -- ჰე, არაბი, სუმარს სასუმარო
Line of edition: 18    მართვი!

Paragraph: 55  
Line of edition: 19    არაბი გიმილენს ოთახჷშე, მუღჷ ართი ხეთ დიდი ნარგისი ოშუმალიში
Line of edition: 20    ეფშა. მაჟია ხეთ მუღჷ დიდი ბანკა. ათეს იოშანს არაბი დო მიგარზენს სი.

Paragraph: 56  
Line of edition: 21    მარა მუთუნ სახეთ ვაშვა. პირველო თის ქოჩი, უკული სი გეშვი, ინა მუთუნს
Line of edition: 22    ვარღოლანს. ათეს გინასქიდი-და, გედირთჷ ცირა, მიკაჯინე ართი
Line of edition: 23    სარკეს დო თქუანს:

Paragraph: 57  
Line of edition: 24    -- ჰე, სარკე, ვითოჟირი ზაბარზანიში ტყვია ქჷმახვამილე თე სუმარს.

Paragraph: 58  
Line of edition: 25    მუჟანს თეს ქოთქუანსჷნ, სი ოკო გედირთე, კიდირი ოკო ქემუჭოფუე.

Paragraph: 59  
Line of edition: 26    გოლჷ დასურო ვითოჟირიშა ზაბარზანი. სი გაშქურინუ-და, დორჸვილუნს,
Line of edition: 27    ვაგაშქურინუ-და, არძა პოლს ქჷდოცენს.

Paragraph: 60  
Line of edition: 28    ათეს ათენერო გინასქიდი-და, კიდას ლეკური მუკობუ. თი ლეკურს
Line of edition: 29    უწინს ცირა

Paragraph: 61  
Line of edition: 30    -- ჰე, ლეკური, სუმარს სასუმარო ქოღოლი! -- ლეკური წკრიალს გინიკათუანს
Line of edition: 31    დო ქარქაშიშე ელელენს. სი კისერი ოკო ქუდუჭოფუე. გაშქურინუ
Line of edition: 32    და, დორჸვილუნს, ვაგაშქურინუ-და, თავისუფალი რექ. თეს ხოლო გინასქიდი-და,
Line of edition: 33    უკული დიძახჷ ცირა:

Paragraph: 62  
Line of edition: 34    -- ჰე, არაბი, კინი სი სუმარს სასუმაროთ ქუდასქიდი! არაბის უღუ ხე
Line of edition: 35    ფოლანდიში. მოლურს თინა დო შეგეტოტებ. გორჯგინუ-და, ქაღურუქ, ვაგორჯგინუ-და,
Line of edition: 36    თავისუფალი რექ. ათეს ჸუნს თავრობაშე მოჩქუმალირი
Line of edition: 37    მაჯინე. მუჟანს თენა თაში გეთებუნი, უკული რე ხარება, ხოლოთ, ჯიმა
Line of edition: 38    მუჰამბი -- ჩქიმი საუბედურუთ რე. მა თესგირაგადუქუნ, -- თექინე ღურელი
Page of edition: 124   Line of edition: 1    რე ამდღარიშა ოშიშე ოთხონეჩი დო ვითოჩხორო კოჩი, ართის უღუ ხვალე
Line of edition: 2    ასე ადგილი. რთხინქ, მუჰამბი -- ქომორაგადენ თენა რენ დო, ვამისრულა
Line of edition: 3    თენა მუთუნინერო. მუჰამბიქ ენეფი არძა ფუჭეთ ქედნუჸოთ.

Paragraph: 63  
Line of edition: 4    -- ენეფი არძა ადვილი საქმე რე, სი შიშის მუშენი რექ. აბა, ასე ჭუმე ვა
Line of edition: 5    ნწყუაფუქ მა მაულარო.

Paragraph: 64  
Line of edition: 6    იჸუ კანკალქ დო გარაქ. ჭუმენერი დო გეღანიში ულაშენი ვარია ქარაგადაფუ.
Line of edition: 7    თე დროს ზაკაიკიქ გაგმიანგარიშჷ, თე ოჯახი დო მუში დაში
Line of edition: 8    ოჯახი შქას მუზჷმა ვერსიენი. თითოული ვერსის ზაბარზანიში კოჩი ქიგიორინუ.
Line of edition: 9    მუჟანსჷთ თაქ გინილენს მუჰამბინ თექიანი მეულაშახ დო თექ
Line of edition: 10    თინეფიში მოქმედებას მუ ხანეფი ოკოდუნ, შედარებით გაგმოზიმეს. ათაქ
Line of edition: 11    მუში ოზეს დათხორაფუ ვითოჟირი საჯენი სამარე დო ჟირხოლო ჩილი დო
Line of edition: 12    ქომონჩქ დინილეს დინახალე. თან დიდი სანთელი სასინათოთ გედნიღეს.
Line of edition: 13    ქჷმაღალაფეს ჟირი დიდი სათი დო მელე-მოლე კიდას ქომკაბუმეს. მუნენქ
Line of edition: 14    ხეს ჟი-ჟირი ტაბაჩა ქოდაკეს დო კიდირს ქემკაბიჯეს ართიმაჟიას. ათენა
Line of edition: 15    თაში გეგმანწყის დო, გინილუ მუჰამბიქ. ხანეფი მუსხი დაჭირდუ ულას დო
Line of edition: 16    თექ თინეფიში ბანძღისჷნ, დანიჩნული რე, მუ საკურელიე.

Paragraph: 65  
Line of edition: 17    იპიანჷ ღორონთქ დო მოგებულქ იჸუ მუჰამბიქ-და, ჟი ზაბარზანიში
Line of edition: 18    მჷ კმარენჯი კოჩი გაჸოთანს ხათე, მუჭო თექიანი დოჭყაფილო აშო-აშო
Line of edition: 19    გუთმოლუდას თეში. მუჟანსჷთ თენა თაში იჸინი, ზაკაიკი დო მუში ოსური
Line of edition: 20    ართიანს დაჩილითუანა მუში ტაბაჩას დო გოჩოლანა. ათე დროს ჟი მონწყილიი
Line of edition: 21    იჸინა თენეფისი ეშე ესმაჸონაფალი კათა ჯაჭვით.

Paragraph: 66  
Line of edition: 22    მუჰამბიქ მუჟანსჷთ ქემერთჷ ცირაში ჸუდეშანი. ოკო დიძახას კარიში
Line of edition: 23    განჯამალო. მარა აში მუდოს ქიმინჷ. ოკურქუ დო მუში რაში ჟირხოლო ზაბორეფი
Line of edition: 24    ქასხაპინუ. გილელჷ რაშიშე დო ცირაქ ქჷმაზადჷ. ქჷმირსიალჷ დო
Line of edition: 25    ხე გეიწუღეს ართიანს. " ვედნაჯინავა" ზაკაიკიქ დაგურუნი, ძალამი ჯგირო
Line of edition: 26    დუჭყჷ პიჯიში სახეს დინოჯინა. ეშელეს ჸუდეშანი, მიწუ ცირაქ მუჰამბი
Line of edition: 27    ოქროში სქამიშა: ვარია რაგადებული რენი. ხათე თის ქეგედოხოდჷ. ექი
Line of edition: 28    მუთუნქ ვეჸუნი, დიძახჷ ცირაქ:

Paragraph: 67  
Line of edition: 29    -- ჰე, არაბი, სუმარს, სასუმარო მართვი.

Paragraph: 68  
Line of edition: 30    მიკილჷ არაბიქ დო მუჭო მიარზუ მუჰამბის ოშუმალინ თეში, ხათე
Line of edition: 31    ხოლო გეიწუდჷ დო დიკი ქეიტიხუნუ.

Paragraph: 69  
Line of edition: 32    ეშე მუთუნქ ვეჸუნი, ცირაქ სარკეს მოთხუ ზაბარზანეფიში ტყვია. მუჰამბიქ
Line of edition: 33    გედირთჷ დო კიდირი ქემუჭოფუ სარკეს. გოლჷ ვითოჟირიშა ზაბარზანქ
Line of edition: 34    დო არძა ტყვიეფქ პოლს ქჷდოცუ.

Paragraph: 70  
Line of edition: 35    ცირას ძალამს უკვე თენა. ასე ლეკური ქიმიხვარუ, გელერსიალჷ ლეკურქ
Line of edition: 36    დო მუჰამბიქ კისერი ქჷდუჭოფუ. ლეკურქ გოტირხჷ შქას დო ვიქილეაქილე
Line of edition: 37    ქჷდოლჷ უკანასკნელი დროს არაბი მითხუ ცირაქ. გამნოლჷ არაბიქ
Page of edition: 126   Line of edition: 1    დო მიანტუ მუჰამბის. მუჰამბიქ ვაცალჷ არაბის ხეში მოკიდირინი თეში,
Line of edition: 2    ქუხვამილუ კისერი დო წიწილაცალო მესოფჷ. მიკირთჷ მუჰამბიქ დო
Line of edition: 3    ცირას დუჭყჷ ჯინა. ცირაქ უწუ:

Paragraph: 71  
Line of edition: 4    -- ქორგებექ, ბოში, ჩქიმოთ ქომონჯო, სი ჩქიმი დო მა სქანი.

Paragraph: 72  
Line of edition: 5    მუჭო თექ თაში აკინწყუ დო, კარიში კოჩქ გაჸოთჷ ზაბარზანი, თის მაჟიაქ
Line of edition: 6    ქუმუჸუნუ, მაჟიას მასუმაქ, დო თაში ქემერჷ ხარებაქ ზაკაიკიში
Line of edition: 7    ოჯახიშა. სათის მიკაჯინჷ ზაკაიკიქინ, ხანეფი დანიშნული გვერდით ვარე
Line of edition: 8    ხვარებული. მუჭო ზაბარზანეფიში გოლაფა რენ თეში, ენენქ ტაბაჩა დუჩილითეს
Line of edition: 9    ართი-მაჟიას დო თეში გოჩოლეს. გეშეჸონეს ეშე დო იჸუ დიდი
Line of edition: 10    მეხვამუა დო დიდი ხარებაქ თელი ჯალაბამო ართო. ათეში უკული, მუნეფიში
Line of edition: 11    სიცოცხლის საფულეშა საიმედო ჯიმა რდეს მუჰამბი დო ზაკაიკი.

Paragraph: 73  
Line of edition: 12    გოღა თექ გოხოლუდი დო ამდღა თაქ ვორექ.



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.