TITUS
Megrelian Texts ed. Danelia-Canava
Part No. 9
Previous part

Text: 9  
Page of edition: 126  
Line of edition: 13 
IX. ომბოლია


Paragraph: 1  
Line of edition: 14    ქოჸოფენა მოხუცებული ჩილი დო ქომონჯი. ათე მოხუცებულობასი
Line of edition: 15    დროს ქჷდაბადებუნა ართი ბაღანა, ბოში. ათე ბაღანა სუმი წანერი ქოჸოფენ
Line of edition: 16    თეში, დოღურენა დიდა დო მუმა. ორდალო გეჭოფეს თე ბაღანა. შქვითი
Line of edition: 17    წანერო გინირთუ თე ბაღანაქჷნ თეში, ართ დღას სადილი მიდეღუ
Line of edition: 18    მუში ბიძიაშა, ჸვანას მუშენდჷნ თექი. სადილი ქიმუღჷ ბიძიასჷნ, ბიძიაქ
Line of edition: 19    უწუ:

Paragraph: 2  
Line of edition: 20    -- ათე ხოჯეფი სი ქოთხილე თაქი დო მა სადილს ოპჭკომუნქ ოროს.

Paragraph: 3  
Line of edition: 21    გური უჩი ჯგირო, ხოჯეფი მითინქ ვემდაიღას, ვარა ვემგოხირას.
Line of edition: 22    -- ჯგირია, -- თქუ ბაღანაქ დო მიდართუ ე კოჩქ სადილიშ ოჭკომუშა
Line of edition: 23    ათე დროს ბაღანას სინჩხექ აჸუ დო ხოჯიშ ოროს ქიმკატყობჷ,
Line of edition: 24    ისხანი, ვიშ ქჷდარულჷ ბაღანას. ქჷდარულჷ ბაღანასჷნ, მორთჷ მახინჩქ
Line of edition: 25    დო ხოჯეფი მიდეჸონჷ. ათეშ უკული ქჷმორთჷ თე ჯიმადიქ დო ხოჯეფი
Line of edition: 26    ვაძირჷნ, ბაღანა გაკირხინუ დო გოლახჷ.

Paragraph: 4  
Line of edition: 27    -- ხოჯეფი მუღოლია, -- კითხუ ბაღანას. ბაღანაქ უწუ: -- მა ვამიჩქჷნია.

Paragraph: 5  
Line of edition: 28    ბაღანა ჸუდშა ორტინუ აშო ჯიმადიქ. აქ ქჷმორთჷნ, ბიცოქ უწუ:

Paragraph: 6  
Line of edition: 29    -- მუშენ იგარქ, სქუავა?

Paragraph: 7  
Line of edition: 30    -- მუშენია-და ბიძიაქ გობლახუა.

Paragraph: 8  
Line of edition: 31    -- მუშენი ლარხუა, -- კითხჷ ბიცოქ.

Paragraph: 9  
Line of edition: 32    ხოჯეფი ქიმმოხირეს დო თიშენია.

Paragraph: 10  
Line of edition: 33    თენა ქოთქუნ, თაქ ბიცოქჷთ გოლახჷ ბაღანა დო გვალო ირტჷ ბოშიქ.

Paragraph: 11  
Line of edition: 34    მეურს ე ბაღანა ამდღა, ჭუმე, გეღანი. . . მეურს ტყას ხვალე, ქიდირულუ
Line of edition: 35    აძჷსერინი, ქიგიასიზმარჷ მუდგაქირენი. მაჟირა ოჭჷმარეს გედირთჷ ბაღანაქ
Line of edition: 36    დო კოჩი ვაჸუნს მითინი სიზმარი ქუწუასჷნ. იდჷ მუშ შარაშა დო
Line of edition: 37    მეურს ირიათო. ქიმიოდირთჷ ართი ხენწიფეში ჸუდეს.
Line of edition: 38    კარიშ კოს უწუ ბოშიქ: -- ქირაშა ვაგოკონანო კოჩია?
Page of edition: 128   Line of edition: 1    მაშინეს ხენწჷფესჷნ, ქიჭანუ ბოში დო კითსჷ:

Paragraph: 12  
Line of edition: 2    -- მუშა დოდირთუქ, მუზჷმაშავა?
Line of edition: 3    -- მუშა დობდირთუქია-და, სუმიშა დობდირთუქია, მარავა სიზმარი
Line of edition: 4    ხოლო მიჩქჷ ჯგირია.

Paragraph: 13  
Line of edition: 5    -- სიზმარს მუს ბგორჷნქია, -- უწუ ხენწჷფექ დო ქიდეკინჷ ბოში წანმოწანათ.
Line of edition: 6    გაათუ წანმოწანან, ხენწჷფექ ქიჭანუ ბოში დო უწუ:

Paragraph: 14  
Line of edition: 7    -- ა სქანი ფარავა, ხოლოთია ქომიწია. თი სიზმარი მურდუე.

Paragraph: 15  
Line of edition: 8    -- მა სქანი ორაგადეთ ვამოკო ჩქიმი სიზმარია. -- უწუ ბაღანაქ.

Paragraph: 16  
Line of edition: 9    ხენწჷფეს მურთჷ გურქ: -- "მუჭო, ჩქიმი უჯგუშის სი მის უწინქ მუთუნსია"
Line of edition: 10    დო გალახაფუ ბაღანა. ირტუ აურე ბაღანაქ დო ქიმერთჷ მაჟიოა ხენწჷფეში
Line of edition: 11    ჸუდეშა. თეს ხოლო გერიგჷ ე ბოშიქ სუმი ფარაშა წანმოწანას.

Paragraph: 17  
Line of edition: 12    -- სიზმარი ბძირი ჯგირია, -- უწუ თეს ხოლო დო ქჷდოდირთჷ თაქ.

Paragraph: 18  
Line of edition: 13    მჷკილჷ ართი წანაქჷნი, ხენწიფექ ქიჭანუ ბოში დო უწუ:

Paragraph: 19  
Line of edition: 14    -- ა, ბაბა, სქანი ფარას მერჩანქ, ხოლოთ, მუ სიზმარი გიძირჷ სი სერითჷნ,
Line of edition: 15    თინა მა ქომიწია.

Paragraph: 20  
Line of edition: 16    -- ხენწიფეში ორაგადეთ ვემმორჩქჷ მა ჩქიმი სიზმარია.
Line of edition: 17    თე ხენწჷფესჷთ ქჷმურთჷ გურქ, გალახაფუ ბაღანა ბოშენს დო ორტინუ.
Line of edition: 18    გიაჸუნჷ ბაღანაქ დო ქემერთჷ მასჷმა ხენწჷფეში ჸუდეშა. თექ ხოლო
Line of edition: 19    თეშ აღოლჷ ირფელქ, მუჭო ოწჷმახჷნ. მარა ფარაშ მეჩამაშ დროს ხენწჷფექ
Line of edition: 20    ვეგიაჯერჷ შხვა ცალო ლახუაშა, უზოჯჷ კარიშ კათას:

Paragraph: 21  
Line of edition: 21    -- მიდეჸონით ასე ხოლო დო დოჸვილით თე უჯერო ბოშია.
Line of edition: 22    ათე ხენწჷფეს ჸუნს ართი ძღაბი დო ართი ბოში. ძღაბის ვაკო თე ბოსი
Line of edition: 23    დოჸვილანი კარიშ კათაქჷნ დო მუჭო გეგნიჸონეს კარს გალენ, ქჷდოვადჷ
Line of edition: 24    მაჸვილარენს დო თხუ:

Paragraph: 22  
Line of edition: 25    -- ათე დო თე დიხას ეშასქირაფილი ინჭა რენ. თექ ქედნახუნეთ თე
Line of edition: 26    ბოში დო ვაჸვილათ თქვანი შურიშ ოჩხონაფალო.

Paragraph: 23  
Line of edition: 27    ცირაშა ხათრიქ ვაგატახეს მაჸვილარი კათენს დო ქედნახუნეს ბოში
Line of edition: 28    ინჭას. ხენწჷფეს უწის; -- მიდეპონით დო დოპლითია.

Paragraph: 24  
Line of edition: 29    ხენწიფეშ ცირასქუა ძღაბი დროს გიშეშქვანს დო არზენს ოჭკომალს
Line of edition: 30    ბოშის. ამუდღა რენ იში უჯუში ჭუმე რე ე ბოში, ჭუმე რენ, იში უჯუში
Line of edition: 31    გეღანი რე დო ირდუ თაშ-თაში თე ძღაბიში ხანდათ. თაში ეჩი წანერი
Line of edition: 32    ქიჸი თე ბოშინ ფერი ჟანს. მარებელი ქუმუჩქჷ თე ხენწჷფეში ბოშიშ საოსუროშ
Line of edition: 33    მუმა ხენწჷფექ დო მუჩინჷ, ნამჷდა:

Paragraph: 25  
Line of edition: 34    -- მა ვორექ მიმაჩამალი ჩქიმი ოსურსქუაშ თინწკჷმა, მუჟანსჷთ სი გაიშეჩინესქ,
Line of edition: 35    მა მეიჩქვანქ ჟირი ცხენს -- ართი თავადიშის დო მაჟირა ყაზაყიშის
Line of edition: 36    -- ართი ტანიშის დო ნამჷრე ყაზაყიშინ, ათეს სი მუჭო ენწყჷმილო
Line of edition: 37    ქჷმომჩინანქჷ-დო, ხეთე ხოლო მეუკინით ოსურს.
Page of edition: 130   Line of edition: 1    ათე მოჩინელი ამბეში გიშანწყუალო იჸუ ხენწჷფეში დოხორეს სხუნუაქ
Line of edition: 2    დო ძღაბის დეგვიანჷ ბოშიშა სადილიში მეღალაქ. მუთუნ დროს ქჷგაშინჷ
Line of edition: 3    ძღაბის დო ქემუღჷ ბოშის ოჭკომალი.

Paragraph: 26  
Line of edition: 4    ომბოლიაქ (ომბოლია ჯოხო თე ბოშის) ბრელი ენდურჷ თე ცირას:

Paragraph: 27  
Line of edition: 5    -- მუშენი ეზჷმა ხანს ვამომიღი სადილია დო.

Paragraph: 28  
Line of edition: 6    ძღაბიქ მაჸუნჷ დო ირფელი ქეჩუ მუნეფიში გაჭირება ომბოლიას. ომბოლიაქ
Line of edition: 7    უწუ:
Line of edition: 8    -- სქანი პატიცემა დიდი რე ჩქიმი წკალა დო მა სი ქჷდგოგურუა, მუჭო
Line of edition: 9    ოკო თი ცხენეფიში გჷშაგოოუან: -- ჸუდე გოჩოლეთ ართი. განჯით აოთი
Line of edition: 10    კარი, დინახალე მარღვით თიფი დო მინაშქვით ცხენეფი თიფიში ოჭკომუშა.
Line of edition: 11    ნამდგა ცხენი ვარენო მინილენს ჸუდეშა დო ხათე ქიკერკელუნ დო
Line of edition: 12    უკული დიჭყანს დიარუასჷნ, თინა იჸი თავადსქუაში. მაჟირა ცხენი მინილენს
Line of edition: 13    დო ხათე ჭკომუას ქიდიჭყანს, თინა იჸუაფჷ ყაზაყიში.

Paragraph: 29  
Line of edition: 14    მოლართჷ ე ძღაბიქ გახარებულო დო მუმას უწუ:

Paragraph: 30  
Line of edition: 15    -- მა გაიშეფჩინე თი ცხენეფს დო ქჷმაჯღონაფევა.
Line of edition: 16    დასურო ქოღოლუ ძღაბიქ ირფელი, მუჭო უწუ ბოშიქჷნ თეში. ვაქიჸუო
Line of edition: 17    მართალქ.

Paragraph: 31  
Line of edition: 18    -- ეშ გურიშენი ხვალე ვემმაჩე ჩქიმი ოსურსქუაა, მაჩინჷ ხენწჷფექ დო
Line of edition: 19    ქჷმუჩქჷ კოჩი:

Paragraph: 32  
Line of edition: 20    -- ეფერი კოჩი დჷგაგორე სქანი სახენწჷფოს ნამჷდა, თეურეშე ჩქიმი
Line of edition: 21    ჸუდეს ბუხარს გინოტახუნსიადა, ა პატონი, მეუკონით ოსუოსია.

Paragraph: 33  
Line of edition: 22    ცირასქუაქ უწუ მუმას:

Paragraph: 34  
Line of edition: 23    -- ჩქი ვამასინა მითინი ეჯგურა კოჩი გარდა ომბოლიაშია, თინა ბღოლანა
Line of edition: 24    მუთუნსია-და ვარა, დინაფილი რე საქმევა.

Paragraph: 35  
Line of edition: 25    -- მუ კოჩი რე ომბოლია? -- იკითხჷ ხენწჷფექ.

Paragraph: 36  
Line of edition: 26    -- მუ კოჩი რენ-და, თი კოჩი რე, ნამუთ სი ვითოსუმი წანას წოხოლე
Line of edition: 27    ოჸყილუშა ბოში ოჯღონინი. თიქ რე მა დჷმოგურუ ცხენეფიში გიშაგორუანი
Line of edition: 28    დო თე საქვარს ხოლო თინა გინმოტენა უთუო, -- თქუ ძღაბიქ.

Paragraph: 37  
Line of edition: 29    -- თინა ვაოდუო მა ვოჸვილაფენ, მუნერო გეთელჷ კინო დო ვარა სოლე
Line of edition: 30    მორთუა? -- გეკვირუ ხენწჷფექ.

Paragraph: 38  
Line of edition: 31    -- მა? პუნდჷ ინა ინჭას თუდო. თი დუდიშე თე დუდიშა ტყობიშე ვარზენდი
Line of edition: 32    ოჭკოძალს დო ამჷდღა თენა რე ართი გაჭირებას გინმოტესჷნ.

Paragraph: 39  
Line of edition: 33    მაჟირა გაჭირებაშე ხოლო დარსხებაფუანთ თქვანი დუს-და, თქვა გიჩქჷნან
Line of edition: 34    დო ვარდა, მუჭო გოკონან. თეში ქიმინით, -- რაგადუ ძღაბიქ.

Paragraph: 40  
Line of edition: 35    -- თაში ქორე თენავადა. ძალამი ჯგიოია, -- თქუ ხენწჷფექ დო ქჷმაჸონაფუ
Line of edition: 36    ომბოლია.

Paragraph: 41  
Line of edition: 37    -- აბა, სი გიჩქჷნ დო სქანი კოჩანასია, -- უწის ომბოლიას.
Line of edition: 38    ომბოლიაქ დაჭკადაფუ ჯგირი საგანი დო შქვილი. ქიდეკინჷ ხეს, გიოჯინჷ.
Page of edition: 132   Line of edition: 1    თი ხენწჷფეშ ჸუდეს დო ქაჸოთჷ. მიაგჷ საგანქ ხენწჷფეს ჸუდეს დო
Line of edition: 2    გეგნოტახჷ.

Paragraph: 42  
Line of edition: 3    -- აბა, მორთით მაყარენქია, -- მუჩინჷ ხენწჷფექ.

Paragraph: 43  
Line of edition: 4    აქიანი ხენწჷფექ მიგორუ მაყარეფი. მარა ომბოლიაქ აკა ვეჯუმუ:

Paragraph: 44  
Line of edition: 5    -- მა ურქ ხვალე დო თაქ ქჷმოჲჸონა სქანი ოსურსია.
Line of edition: 6    უწუ ხენწჷფექ -- სი გიჩქჷ, მუჭო უდუმარცხებუო მურქიე
Line of edition: 7    გაგმინწყუ ომბოლიაქ, გედოხოდუ ცხენს დო მიდართჷ. შარას ქეშეხვადჷ
Line of edition: 8    ართი მალ წყარქ. მიოჯინუო, ქემუნჯირალჷ ართი დემიჯგუოა კოს თე
Line of edition: 9    წყარიშა დო ქოშუნს. ათე კოჩიში დიკი წყარი ართი ყენტი ვე მურს დო:

Paragraph: 45  
Line of edition: 10    პუმენს ბღურუქია" ქიძახჷ ირიათო.
Line of edition: 11    ომბოლიაქ ქემერთჷ დო უწუ: -- ჯიმა, მუ კოჩი ჸოფექ სია. თეზჷმა წყარს
Line of edition: 12    ართწორო ქოშუნქ და ხოლო "პუმენს ბღურუქია" იჩიებუქიე.

Paragraph: 46  
Line of edition: 13    -- ვარა მუ კოჩი ვორექ მა, ომბოლია რე კოჩი ვარავა, -- უწუ თე კოჩქ.

Paragraph: 47  
Line of edition: 14    -- მა ვორექ ომბოლია დო ქემეჯიმალია, -- უწუ.

Paragraph: 48  
Line of edition: 15    -- ჯგირია.

Paragraph: 49  
Line of edition: 16    გაკიამხანაგეს დო მეულა. მეულა ართი მინდორსჷნი, ქოძირეს დღას
Line of edition: 17    ვოუძირჷ კოჩიში თოლსჷნ ფერი ოძირაფჷ -- გუთანს. ყიარს ქუსქ ვითაამშვი
Line of edition: 18    უღუ კამბეშეფი დო ქოხონუნა დიხას. მუთ ბერტეფი ვარენო ეთქმოცენს თე
Line of edition: 19    ხონუასჷნი, არძას ჭკომუნს გუთანიშ გიმაჸვენჯი კოჩი დო: -- ვავაჲ, ჯიმა
Line of edition: 20    ღურელი, შქირენს ბღურუქია, -- იძახჷ.

Paragraph: 50  
Line of edition: 21    -- ჯიმა, მუ კოჩი რექ სია? -- კითხუ ომბოლიაქ.

Paragraph: 51  
Line of edition: 22    -- ვარა მუ კოჩი ვორექ მა, ომბოლია რე კოჩი ვარავა.

Paragraph: 52  
Line of edition: 23    -- მა ვორექ ომბოლია დო ქემეჯიმალია. ქეჯიმალჷ ე კოჩქ დო მიდართეს
Line of edition: 24    სუმხოლოქ. იდესჷნ, ქეშეხვადეს მასჷმა კოჩქ: ქჷმაძჷ კუჩხის ჟიროში
Line of edition: 25    ფუთიანი წისქვილიში ქუალეფი დო ქიმირულე.
Line of edition: 26    -- მუ კოჩი რექ, ჯიმა, სია? -- კითხჷ ომბოლიაქ.
Line of edition: 27    -- მა მუ კოჩი ვორექ, სქანი ჭირი, ომბოლია რე კოჩი ვარავა.
Line of edition: 28    -- აბა, მა ვორექ, ომბოლია დო ქემეჯიმალია, -- უწუ.
Line of edition: 29    ქეჯიმალჷ თექ ხოლო დო მეულა ოთხოლო ართო ხენწჷფეშ დოხორეშა.

Paragraph: 53  
Line of edition: 30    შარას ქეშეხვადეს ხოლო ართ კოჩქ -- ქიგერე მინდორს დო ქუჯინე ირიათო
Line of edition: 31    ჰაერს.

Paragraph: 54  
Line of edition: 32    -- მუსრე, ჯიმა, შურგოტებულო უჯინექიე. -- კითხჷ ომბოლიაქ.
Line of edition: 33    -- მუსია, პატონი-და, მა ვორდია ფრეველეფისი უჩაში. ართი ტორონჩქ
Line of edition: 34    გური ქჷმომჸონჷ დო ცაშა ქიმკუკუთებჷ ბუდევა, ქჷვოჸოთი თაურე მასარი
Line of edition: 35    დო ბუდექ გოწოს გაჲთოლჷ, რადგანს მონკა რდუუ დო ტორონს ქუჯინექ.

Paragraph: 55  
Line of edition: 36    მარა დიო ხოლო ვარე ხოლოშა მოჭირინაფილია, უწუ თე კოჩქ.

Paragraph: 56  
Line of edition: 37    -- ძალამი კოჩი ქოჸოფექ, ჯიმა, სია, -- უწუ ომბოლიაქ.
Line of edition: 38    -- მა მუ კოჩი პოფექ, პატონი, ომბოლია რე კოჩი ვარავა.
Page of edition: 134   Line of edition: 1    -- მა ვორექ ომბოლია დო ქემეჯიმალია, ქეჯიმალჷ თიქით დო მიდართეს
Line of edition: 2    არძოქ ართო, იდეს დო ქემერთეს ხენწჷფეში დოხორეშა. ხენწჷფეს გუკეთებჷ
Line of edition: 3    დიდი შეფა, დუჸვილუნა ანთასი ხოჯი დო ქჷდუსორგაფუნა ოშუ
Line of edition: 4    მალი დო ოჭკომალი ართო.

Paragraph: 57  
Line of edition: 5    -- ათენა ირფელი ვაშვით დო ვაჭკომით-და, ეში ძღაბის ვემერჩანთ დო
Line of edition: 6    ცარიელო გოჲტენთია, -- თქუ ხენწჷფექ.

Paragraph: 58  
Line of edition: 7    ხენწჷფე თეს იჩიებუნ ისხანს, მუკორთა ვაცალესჷნ თეში, წყარიშ მაშუმალქ
Line of edition: 8    ღვინი გათუ დო დიხაშ მაჭკომალქ ქობალი დო ხორცი.

Paragraph: 59  
Line of edition: 9    ხენწჷფექ გიჯინუნ, ონჯდორექ დაგურჷ დო თქუ:

Paragraph: 60  
Line of edition: 10    -- ეშენი ხოლო ვემმაჩე ოსურია; გუტუათ მარულეთ ჟირი კოჩი -- ართი
Line of edition: 11    თქვანი დო მაჟირა ჩქინი, ზღვაში წყარიშ მაღალჷშა, დაბა ნამუ მიღანს
Line of edition: 12    ოწოხოლენი? თქვანქ ქიმიღუ დო წოხოლე ქჷმორთჷ-და, ა პატონი; ბედნიერქ
Line of edition: 13    გაჸის ჩქიმი სქუაქ, ვარ-დო, ჩქიმი მარულექ ქჷმორთ-და, ვემერჩანთ
Line of edition: 14    ოსურსია.

Paragraph: 61  
Line of edition: 15    დეყაბულეს თინენქჷთ დო გუტეს მარულე: ხენწჷფექ გუტუ ეშმაკი დო
Line of edition: 16    ომბოლიაქ, წისქვილიში ქუამო მირულედჷნ რი კოჩი, ორჯგინჷ ეშმაკის ი
Line of edition: 17    კოჩქ ბირგულიშა დო შქა შარას ქიგლეტუ.

Paragraph: 62  
Line of edition: 18    ეშმაკიქ იფიქრჷ: -- მორთი, თის ქობღოლა ეშმაკურსია.

Paragraph: 63  
Line of edition: 19    გინირთჷ ბერო, განწყუ სტოლი დო იოფშჷ სასმელეფით. მოლეღჷ წყარი
Line of edition: 20    დო მურს ომბოლიაშ კოჩინ, ქჷდოხვადუ ბერქ დო დაპეიჯჷ ოშუმალეფიშა.
Line of edition: 21    ჸუმენს ე კოს; მუკუდოხოდჷ დო ძალამი დიშუმჷ. დიშუმუნ,
Line of edition: 22    ქჷდარულჷ. ბერქ კინი ეშმაკო გინირთჷ, ბოთლი ქიხვამილუ წყარამო დო
Line of edition: 23    ირულ.

Paragraph: 64  
Line of edition: 24    დეგვიანეს წყარიში მოღალან, ომბოლიაქ უწუ შორიში მაჯინე კოს.
Line of edition: 25    -- არიქა, გითაჯინი, ეშმაკური ვაქიმინუკო მუთუნი თი კოჩქია.
Line of edition: 26    გითაჯინჷ ი კოჩქჷნ, ქოძირჷ, მუჭო დუშუმუაფჷ ეშმაკის მუნეფიში
Line of edition: 27    მაჸალე დო იში ბოთლი წყარამო ქჷმუღუნ დო აჭიდოგაჭით ქჷმირულენ.

Paragraph: 65  
Line of edition: 28    გეჭოფჷ მასარი მაჯინე კოჩქ დო შუმილი კოჩი მჷკოჯან სტოლსჷნ, თეს
Line of edition: 29    ოჸოთ დო ბორკეფი ქათაფახჷ. გეიოლჷ შუმილი კოჩქ დო კაძირუ წყარინი,
Line of edition: 30    ქუჩუ გური. ირულჷ დო ქჷმაჭიშუ ეშმაკის, მიდუღჷ ბოთლი დო ქჷმიღჷ
Line of edition: 31    წყარი.

Paragraph: 66  
Line of edition: 32    მუ ქიმინჷკო ხენწჷფექ? იაკინუ დო ქიმეჩუ ძღაბი. ქიმიჸონუ ძღაბი ომბოლიაქ
Line of edition: 33    მუშ ხენწჷფეშ დოხორეშა. იჸუ დიარა დო ამბექ. მასმა დღას ქჷდირულუ
Line of edition: 34    ომბოლიაქ.

Paragraph: 67  
Line of edition: 35    ხენწჷფექ უწუ პოვარს: -- ჯგირი ოჭკომალი გამიკეთი ამსერი ომბოლიაშ
Line of edition: 36    საპატიცემოთია.

Paragraph: 68  
Line of edition: 37    გაკეთეს ოჭკომალი დო გიკურცხინუ ომბოლიაქ. ხენწჷფე დო მუშ
Line of edition: 38    ოსურქ შქაშა ქაშეხუნეს ომბოლია დო მუნეფიში ძღაბი ღვინიშ გიმაბუმალო
Line of edition: 39    ქიგირინეს.

Paragraph: 69  
Line of edition: 40    დირძღეს ოჭკომალით ჯგირონ, ხენწჷფექ ბოდიში მითხუ ომბოლიაწკჷმა
Line of edition: 41    დო უწუ:
Page of edition: 136   Line of edition: 1    -- იმენდი რე, სი ვამიწყინენქ ჩქიმი ჩილათას დო იმენდი რე, ქომიწინქიე
Line of edition: 2    -- მუქჷ რდჷ გიგასიზმარჷ ბაღანობასიე?

Paragraph: 70  
Line of edition: 3    ომბოლიაქ უწუ: -- სიზმარო ბჟა დო თუთა შქას ვოხედი დო მურიცხი
Line of edition: 4    მალინანდუა.

Paragraph: 71  
Line of edition: 5    ხენწჷფექ გენწყუ, მუჭო ბჟა დო თუთა მუნეფი რდჷ-ჩილი დო ქომონჯინი,
Line of edition: 6    დო მურიცხი ოსურსქუა. თიმ სერს ომბოლია დო მუშ ოსურსქუა დაგვირგვინჷ,
Line of edition: 7    დოხვამჷ, უკულაშ სქუათ ქჷდეკჷნჷ დო ცხოვრენდეს ბედნიერო.



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.