TITUS
Megrelian Texts ed. Danelia-Canava
Part No. 33
Previous part

Text: 33  
Page of edition: 294  
Line of edition: 34 
XXXIII. პაპა დო დიაკონი


Paragraph: 1  
Line of edition: 35    ქოჸოფე ართი დალიერი კოჩი, ნამუსით ნოღვე სუმი საკიში ეფშა ფარა.
Line of edition: 36    თის ჸუნდუ სუმი სქუა. ათე სუმი სქუალეფიშე ქაღარდი ნამუთინს ვაუჩქჷდჷ.
Line of edition: 37    ართიშახ მუმაქ აკოკათუ̄ სქუალეფი დო უწუ თინეფს:
Page of edition: 296   Line of edition: 1    -- სქუალეფი, მა ღალიერი კოჩი ვორექჷ დო შხვათ თენერო მიჯინე.
Line of edition: 2    ჩქიმოთ ონჯღორე ლე, ართის ვარა ვაგიჩქჷდას ჭარუა დო კითხირინი. ართიდოართიქ
Line of edition: 3    გინოდვი დუდი დო ქიდიგურე ქაღარდი.

Paragraph: 2  
Line of edition: 4    მუჭოთი ქიგეგონეს თენა სქუალენქჷნი, სუმიხოლოქ მი̄ნდომეს ოგურაფუშა
Line of edition: 5    ულა. მარა მუმაქ ვაგუტუ სუმიხოლო სქუა ართო. თიმიწკჷმა უნჩაში
Line of edition: 6    სქუაქ გეიწუღუ მუმას ართი საკი ფარა დო მიდართჷ ოგურაფუშა. შარას
Line of edition: 7    ქაუხვადჷ პაპაქ.

Paragraph: 3  
Line of edition: 8    -- გამარჯვება, სქუა, სქანი! სოშა რე მეურქჷნი? -- კითხჷ პაპაქ.
Line of edition: 9    -- მა მეურქჷ ქაღარდიში ოგურაფუშა დო მით დჷმოგურუანსჷნი, ათე
Line of edition: 10    საკი ფარას ქუვაჩუქენქ, -- უწუ̄ ღალიერიში სქუაქ. პაპაქ უწუ̄:

Paragraph: 4  
Line of edition: 11    -- მა ქომუჩი თე ფარეფი დო ქაღარდის მა ქიდჷგოგურუანქ.
Line of edition: 12    ქიდაჸუნჷ მეშარექ პაპას, ქიმეჩჷ ფარეფი დო მიდაჸუნუ მუში თიშა.

Paragraph: 5  
Line of edition: 13    პაპაქ ქიგეუჭყჷ მეშარეს ქაღარდიში გურაფა, მარა ქააჩინჷ, მუჭოთი ის ქაღარდი
Line of edition: 14    ვადაგურედჷნი, დო ჭიჭე ხანიში უკული მუში თიშა გუუტუ. უკულინეშე
Line of edition: 15    მიდართჷ ოგურაფუშა ოშქარი ჯიმაქ. შარას ქაუხვადჷ კინი რი
Line of edition: 16    პაპაქ:

Paragraph: 6  
Line of edition: 17    -- გამარჯება, სოიშახ სქანი შარა? -- კითხჷ პაპაქ.

Paragraph: 7  
Line of edition: 18    -- მა მოკო ქაღარდიში გურაფა დო მემიღუ ართი საკი ფარა; მით ქჷდჷმოგურუანსჷნი,
Line of edition: 19    ათე ფარენს ქიმებჩანქ, -- უწუუ მეშარექ.

Paragraph: 8  
Line of edition: 20    -- ქომუჩი მა ფარეფი, მოლა ჩქიმიწკჷმა დო ქაღარდის მა ქდჷგოგურუანქ,
Line of edition: 21    -- უწუ̄ პაპაქჷ დო მიდეჯუმუ̄ ჸუდეშა.

Paragraph: 9  
Line of edition: 22    პაპაქ ქიგეუჭყჷ გურაფა, ოგურუ ართი ხანს, მარა ვართი თე ჯიმასჷ დააგურუ̄
Line of edition: 23    ქაღარდიქ. ჭიჭე ხანიში უკული ფარა ქიდატებაფუ̄ დო გუუტუ ჸუდეშა.
Line of edition: 24    დაბოლოს უკულაში ჯიმაქ გეგიწუღუ მუმას მასუმა საკი ფარა. --
Line of edition: 25    " ეგებ ჩქიმი ბედი ორდას ჭარუა დო კითხირიში დოგურაფა", -- თქუუ დო
Line of edition: 26    გინილჷ ჸუდეშე.

Paragraph: 10  
Line of edition: 27    შარას თესით ქაუხვადჷ კინ თი პაპაქ ქოძირჷ საკამი კოჩინი, ახიოლჷ:

Paragraph: 11  
Line of edition: 28    " ფარამი ოკო რდას თე საკი", იფირქჷ. საკიში ხიოლით პაპას გამარჯებაში
Line of edition: 29    რაგადიქ ქაშაჭყორდჷ დო კითხჷ მეშარეს:

Paragraph: 12  
Line of edition: 30    -- მუ ორე საკით მეგიღუნი?

Paragraph: 13  
Line of edition: 31    -- ფარა" -- უწუ̄ მეშარექ.

Paragraph: 14  
Line of edition: 32    -- ფარა! მიშა?

Paragraph: 15  
Line of edition: 33    -- თიშა, მით ქაღარდის დჷმოგურუანსჷნი, -- უწუ̄ მეშარექ.
Line of edition: 34    -- ძალამი ჯგირი, ქომუჩი ფარა მა დო ქაღარდიში გურაფა ჩქიმი საქმე
Line of edition: 35    რე, -- უწუ̄ პაპაქ.

Paragraph: 16  
Line of edition: 36    მეშარექ დუუჯერჷ, ქიმეჩჷ ფარა დო ჟირიხოლოქ მიდართეს პაპაში
Line of edition: 37    თიშა. პაპაქ ქჷდაგურუ̄ ეს ქაღარდი დო ქიდეკინჷ დიაკონო. ართიშახ ნოწირენს
Line of edition: 38    პაპაქ მოლააშქვუ ოხვამეშე დიაკონი ჸუდეშა დო უწუ̄:

Paragraph: 17  
Line of edition: 39    -- დაჩხირი აკომირზი ფერი, ნამდა თაქი მატჷბანდასჷნი.
Page of edition: 298   Line of edition: 1    დიაკონქ მოლართჷ ჸუდეშა, დააჭყჷ ფირქი, მუნერო ოკო ორზჷკო თიქ
Line of edition: 2    თინერი დაჩხირი, ნამდა პაპას ოხვამეს ქჷმუტუბუკონი. მოლართჷ დო პაპას
Line of edition: 3    მუთი ნადგჷმობა ქუუღუდუნი, არძას ართო დაჩხირი ქჷმუუნტუ. ოხვამე
Line of edition: 4    შორს ვარდჷ. მიოჯინჷ პაპაქჷნი, ქოძირჷ მუში მახორობას ონტუდუნი. პაპაქ
Line of edition: 5    რულაიათ ქჷმორთჷ ჸუდეშა დო იკითხჷ, მუნერო გორჩქინდჷ დაჩხირქჷნი.
Line of edition: 6    დიაკონქ უწუუ:

Paragraph: 18  
Line of edition: 7    -- მონძღვარი, გურს მუშენი რე მი̄ჸუნანთჷნი? თქვა მიწი̄თ დაჩხირი
Line of edition: 8    აკომირზი ფერი, ნამდა ოხვამეს მატჷბანდასიე. მა გაგიგონითჷ დო დაჩხირი
Line of edition: 9    აკოგირზით.

Paragraph: 19  
Line of edition: 10    პაპაქ გეჸალჷ, გამათხოზჷ დიაკონს ოჸვილარო, მარა დიაკონქ ინტჷ.

Paragraph: 20  
Line of edition: 11    ჭიჭე ხანქ მუკილჷნი, პაპაქჷ დო დიაკონქ კინი შერიგესჷ დო ორდეს ართო.
Line of edition: 12    ართიშახ დიაკონს უწუ̄ პაპაქ:

Paragraph: 21  
Line of edition: 13    -- მიდარაჸი ხოჯეფი ღალჷშა დო წყარი ქოჩი, წოხოლენი კუჩხეფი ვადიშოლანჷნი,
Line of edition: 14    თეში.

Paragraph: 22  
Line of edition: 15    -- დიაკონქ მიდარაჸჷ ხოჯეფი ცალჷშა, წოხოლენი კუჩხეფი ქათააკვათჷ,
Line of edition: 16    ხოჯეფს დუდი წყარიშა ქიდჷნუჩანუ დო დუუძახჷ პაპას:

Paragraph: 23  
Line of edition: 17    -- ხოჯექ წყარი ვაშვეს დო ქჷმორთი.

Paragraph: 24  
Line of edition: 18    პაპას ექ გუუკვირდჷ დო რულა-რულათ ქიმერთჷ ხოჯეფიშა. მიოჯინჷნი,
Line of edition: 19    ქოძირჷ ხოჯეფი კუჩხეფიკვათილო ღალჷს ქიდჷნოძჷდეს. მურთჷ პაპას
Line of edition: 20    გურქ, მარა მუ ოკო ქიმინჷკო? გინოჭყვიდჷ პაპაქ დიაკონიში ნოფულო ჸვილუა
Line of edition: 21    დო დუუჭყჷ დარაჯუა. დიაკონქ ქეში̄ტყუ, მუჭოთი პაპა თის უდარაჯუნი.
Line of edition: 22    მოლართჷ დო მუში ონჯირუს თხოლოთ ეფშა გუდა ქიგილადუ. მუქ
Line of edition: 23    გუდას უკახალე ქუმკააფულუ. პაპაქ შქასერს ქიმერთჷ დიაკონიში ოჸვილჷშა.
Line of edition: 24    პაპას გუდა დი̄აკონი უჩქჷდჷ დო მუთ შეულებუდუნი, მიირქუ̄ დო
Line of edition: 25    გუდას ქიგიაშქუ. გუდაქ გოხორცქჷ დო თხოლოქ ირიფელამო მოწიკუ პაპა.
Line of edition: 26    დიაკონს ძიცაქ ვამაკენინჷ, გაგიმირულუ დო ინტჷ მუში თიშა.



Next part


This text is part of the TITUS edition of Megrelian Texts ed. Danelia-Canava.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.