ARMAZI
Kartlis Cxovreba II
Part No. 66

Page of edition: 66  Line of edition: 1    ხოლო ვინათგან შინაური და თჳსი იყო შარვანშა პირველად შემოვიდა იგი და,
Line of edition: 2    
თაყუანისმცემელი, მოიკითხეს წესისაებრ და დასუეს თჳსსა ადგილსა. და შემდგომად
Line of edition: 3    
მისსა მოვიდა ამირ-მირმან, მამულად ძმისწული სულტანისა, შვილი ფალავანდისი,
Line of edition: 4    და დედა მისი იყო ასული ინანჯანისი, ხუარასნის მემამულისა, რომელი აწ ცოლი
Line of edition: 5    
იყო ტუღრილ სულტნისა. და მოიყვანეს პატივითა და ზარითა; მომკითხველთა დასუეს.

Line of edition: 6    
პატივითა და შეიტკბეს, ვითარსა შვილი, მოყმე კარგი და შესახედავ- საყუარელი. და
Line of edition: 7    
მოასხეს დიდებულნი, ზოგნი ელდიგოზისნი, ზოგნი შვილთა მისთანი, ათაყუანნეს და
Line of edition: 8    
მოიკითხნეს შესატყჳსითა პატივითა.

Line of edition: 9    
და შეიქმნა სიხარული გულისა მათისა მიუთხრობელი და მათ, განცჳფრებულ-ქმნილთა.

Line of edition: 10    
ფიცითა დაამტკიცეს: "არა ნახულა კაცთა თუალთაგან, არცა წაგჳკითხავს.

Line of edition: 11    
ძუელთა წერილთა შინა, გინა ახალთა, სახე თამარისი და მსგავსი \ ქცევითა ყოფისა
Line of edition: 12    
მისისა" და მოეწონა თჳთ მეფე დავით და \ დიდებულნი და მოყმენი მათნი, და თქუეს
Line of edition: 13    
მხიარულთა და იმედოანთა: "გავიმაგრნეთ გულნი ჩუენნი და აღვიძარცოთ კმაება
Line of edition: 14    
შეჭირვებისა თუალთაგან ჩუენთა! ჭეშმარიტად ძალ-უც ჴსნა ჩუენი და კუალად-გება
Line of edition: 15    
მამულადვე ჩუენდა".

Line of edition: 16    
მაშინ ითხოვეს პური და შემდგომად პურობისა დაიდვეს ნადიმი, სიკეთე და
Line of edition: 17    
სიტურფე გამოუთქმელი. იყო სიხარული და ზმა მგოსანთა და მოშაითთა. იგინიცა
Line of edition: 18    
დამოსნა ძჳრფასითა შესამოსლითა, იგი ორნივე და ლაშქარნი მათნი. დამყოფელთა
Line of edition: 19    
მსგეფსისა ერთისათა ჰქონდა ყოველთა დღეთა სიხარული: მათგან ძღუნობა, ამათგან
Line of edition: 20    
ბოძება, ნადირობა და ბურთობა. რომლისათჳსცა ისმოდა ქება თჳთ ამირ-მირმანისი



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.