ARMAZI
Kartlis Cxovreba II
Part No. 81

Page of edition: 81  Line of edition: 1    ჴელით-საქმარი მისი განყიდის და ეგოდენ ფასი გლახაკთა აჴელსაქმრის და მისცის
Line of edition: 2    არა სამეფოდ შემოსავალთაგან. საეკლესიო ლოცვად წესი ლოცვისა დაუკლებელად.

Line of edition: 3    აღესრულებოდის, ვითარცა ტიბიკონი მოასწავებდა და განწესება პალესტინისა მონასტრისა
Line of edition: 4    მოგჳთხრობს, ყოველი სრულიად. დარბაზის კარს მყოფი წირვად ვერვინ
Line of edition: 5    დააკლდებოდა: მწუხრი, დილეულ, სამხრი, ვითარცა თქმულ არს.

Line of edition: 6    გარნა სამართალთათჳს მისთა არა იყო მიმმძლავრებელი, არცა
Line of edition: 7    მტაცებელი, არცა \ მეკობრე და მპარავი. იტყოდა, ვითარმედ:
Line of edition: 8    "მე ვარ მამა ობოლთა და მსაჯული ქურივთა". მოწყალებისათჳს კმა გეყავნ დადიანი
Line of edition: 9    ვარდან, გუზან, რომელი თუალ-მრუმე ოდენ ყვეს, ბოცოს-ძე ბოცო და ამათნი მიმდგომნი
Line of edition: 10    დიდებულნი და აზნაურნი, რომელნი ჩანან შეწყალებულნი.

Line of edition: 11    ვინათგან უდიდესნი საქმენი წინამდებობენ, ვითა თქმულ არს, "ვინმცა მცნა მე
Line of edition: 12    ფრთენი ტრედისანი", ვინმცა მცნა მე ისტორიათ-აღმწერელმან ქმნა ღმრთის-მოყუარესა
Line of edition: 13    თამარს წინაშე სასწაული განსაკრთომელი და ყოველთა ქართველთა და მართლმადიდებელთა
Line of edition: 14    აღმატებულითა სიხარულითა ამმაღლებელი?
Line of edition: 15    მოვიდეს ძმანი ორნი მეფეს წინაშე მსახურებად, ძენი სარგის ამირსპასალარისანი,
Line of edition: 16    რომელნი მას ჟამსა დიდად განდიდებულნი იყვნეს მეფისა მიერ: ზაქა\რია ამირსპასალარი და ივანე მსახურთ-უხუცესი. ყოველნი მკჳდრნი მეფის წინაშე იყვნეს:


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.