ARMAZI
Kartlis Cxovreba II
Part No. 85

Page of edition: 85  Line of edition: 1    ჭეშმარიტი სასმელი არს. და მრავალ-სადმე არიან ესევითარნი სიტყუანი. აწ უკუე
Line of edition: 2    მომიგეთ: გრწმენა ესევითარნი ჴმანი მახარობელთანი" -- ხოლო მათ მიუგეს: "უცილობელ
Line of edition: 3    არს ეგე. რამეთუ მოგუცა ჴორცი და სისხლი მისი. რათა უკუდავებად ვჭამდეთ
Line of edition: 4    და ვსუმიდეთ; ესე არს ნიჭი დიდი ჩუენდა მომართ, რათა ქრისტეს ღმერთად აღმსარებელნი
Line of edition: 5    ვჭამდეთ ჴორცსა მისსა და ვსუმიდეთ სისხლსა მისსა".

Line of edition: 6    და კუალად კათალიკოსმან ჴმა ყო ბრწყინვალედ: "კეთილ, შვილნო, ვინათგან
Line of edition: 7    აღიარეთ, აწ უკუე ესეცა გრწამს, ვითარმედ ახალი სჯული და ახალი პასექი იყო
Line of edition: 8    სერობა იგი, და ყოველნი, ქრისტეს ღმრთად და კაცად აღმსარებელნი, მღდელ-ვმოქმედებთ
Line of edition: 9    ქრისტეს ვნებათა მომჴსენებელნი; ვჭამთ ჴორცსა მისსა და ვსუამთ სისხლსა
Line of edition: 10    მისსა; იგი არს სჯული ჩუენი და მცნება ახალი".

Line of edition: 11    ხოლო სომეხთა მიუგეს: "აგრე, ამას არავინ უმეცარ არს".

Line of edition: 12    კათალიკოსმან თქუა: "აწ უწყოდეთ, უკეთუ სარწმუნოება თქუენი უმჯობეს-სადამე
Line of edition: 13    არს, თქუენ მიერ შეიცვალების პური ჴორცად უფლისად. თუ \ ჩუენი უმჯობეს არს,
Line of edition: 14    ჩუენ მიერ მღდელმოქმედებული შეიცვალების ჴორცად უფლისად".

Line of edition: 15    მათ თქუეს: "ეგრეთ არს".
Line of edition: 16    კათალიკოსმან თქუა საშინელი სასმენელად სიტყუა: "საქმითა გამოვაჩინოთ, არა
Line of edition: 17    სიტყჳთა".

Line of edition: 18    მათ თქუეს: "რომელსა ჰყოფ, ჰყავ".

Line of edition: 19    კათალიკოსი ეტყოდა: "მოგცემ ძაღლსა ერთსა და დრო-გიყოფ სამთა დღეთა,
Line of edition: 20    რომე ღამე განათიოთ ლიტანიითა და ღმრთისა ვედრებითა; სამ \ დღე ძაღლი უჭმელად
Line of edition: 21    დამარხეთ. და ერთი ძაღლი მე მომეცით, სამ დღე უჭმელად დავმარხო, ღამე
Line of edition: 22    განვათენო ლიტანიითა და ღმრთისა ვედრებითა. და გამოჩნდეს მართალი სარწმუნოება.

Line of edition: 23    მესამესა დღესა აღვასრულებ უსისხლოსა მსხუერპლსა და მოვიღებ სეფისკუერსა
Line of edition: 24    ხელითა ჩემითა. დაღათუ არა საკადრებელ \ არს, დაუგებ ძაღლსა წინა, რომელი


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.