ARMAZI
Kartlis Cxovreba II
Part No. 97

Page of edition: 97  Line of edition: 1    მოდრიკნეს, და ქვეითად დარჩეს რაზმსა შინა მჴნენი საქართველოსანი. და იხილეს
Line of edition: 2    ლაშქართა თავის-თავისნი პატრონნი ქუეითნი, გაწირნეს თავნი სიკუდილად და ჩამოჴდეს
Line of edition: 3    ცხენისაგან და პატრონთა მათთა გვერდსა დაუდგეს, ქუეითნი ქუეითთა; და ეგრეთ
Line of edition: 4    ძლიერი ომი შეიქმნა. და ვითარ იხილა დავით მჴნემან, ამანცა მჴნემან მორიდა
Line of edition: 5    ერთ-კერძომან, და მარჯუენასა მჴარსა \ მორიდა ზაქარია მჴარგრძელმან. და ვითარ
Line of edition: 6    ქართველთა განეშორეს, რათა არა ცხენითა მათითა დაითრგუნნა ქუეითნი ქართველნი,
Line of edition: 7    და მიმართეს სპარსთ-კერძ. და ვითარ ნადირისთჳს მოსწრაფე იქმნეს მონადირე,
Line of edition: 8    ეგრეთ მსწრაფლ მოეტევნეს ერთ-კერძო სოსლან დავით და ერთ-კერძო ზაქარია, გარნა
Line of edition: 9    ვინ უმახლობელეს იყო, უწინარეს მივიდა, მასვე წამსა შინა დავით და სპა მისი
Line of edition: 10    მივიდა და, ვითარ მგელნი ცხოვართა, ეგრეთ შეუცვივდეს ურიცხუსა მას სპასა შინა
Line of edition: 11    სულტნისასა. პირველსა მოკიდებასა და ხეთქებასა ჴრმალთასა მოხედა წყალ\ობა-აურაცხელმან
Line of edition: 12    ღმერთმან მოსავთა ჯუარისათა, და განადიდა დიდება დავითისი და თამარისი
Line of edition: 13    ვარძიისა ღმრთისმშობელმან. და ანასდათ ეგოდენი სიმრავლე განსჴდა, იძლია, დაიპანტა,
Line of edition: 14    და ამას ჰგუანდა -- თუალგარდუწოდებელი მაღნარი მიწითურთ მოგლეჯილ იყო
Line of edition: 15    და დაზულეულ, და ღირს სადმე ყოფილიყო. სადგან თუალი იხილველობდა, ყოველგან
Line of edition: 16    ტყეთა მსგავსი ლაშქარი იხილვებოდა ლტოლვილი.

Line of edition: 17    ხოლო მჴნე ესე ქართველნი, რომელნი-ესე ზემო ქუეითად მყოფნი ვაჴსენეთ
Line of edition: 18    აღსხდეს ჰუნეთა და, ვიდრე ღამედმდე, დევნა ყვეს და ჴოცდეს, ჩამჰყრიდეს და
Line of edition: 19    იპყრობდეს. და თჳთ მათვე ჯარითა ვერ იტყვიდეს და ურთიერთას დასთრგუნვიდეს.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.