ARMAZI
Kartlis Cxovreba II
Part No. 103

Page of edition: 103  Line of edition: 1    და სხუა ტყუე-ჰყვეს. აღმოიარეს იგივე გზა და ასეთი ძლევაშემოსილნი მოვიდეს ანისს.

Line of edition: 2    დიდად ნუგეშინისმცემელნი. მოვიდეს მეფეთა-მეფესა და მზეთა-მზესა და დედოფალთ-დედოფალსა
Line of edition: 3    წინაშე; მოიღეს ძღუენი და არმაღანი აღავსეს ყოველი მთავარი, თჳთ
Line of edition: 4    მეფე და ყოველნი წინაშე მისსა მყოფნი. მას ჟამსა კოლას დგა \ მეფე, აღივსო ყოველი
Line of edition: 5    ქუეყანა სიმდიდრითა, ოქროთა, ვეცხლითა, თუალითა, მარგალიტითა, რომელი მოიღეს
Line of edition: 6    ზაქარია და ივანე. რომლისათჳსცა დიდად მადლიერმან მეფემან უბოძა მრავალნი
Line of edition: 7    ციხენი და ქალაქნი და ქუეყანანი ესრე მადიდებელნი. ღმრთისა იშუებდეს და მეფე
Line of edition: 8    ნებიერად იყოფოდა და მოუდიოდა გარეშემოთადაღმა ხარაჯა და ძღუენი ურიცხჳ.

Line of edition: 9    არამედ სხუანი. ჴდიდესნი \ საქმენი აღმოუჩნდეს. მოვიდეს მჴარგრძელნი, ამირსპასალარი
Line of edition: 10    ზაქარია და მსახურთუხუცესი ივანე და ვარამ გაგელი, მეფეს წინაშე და
Line of edition: 11    მოაჴსენეს: \ "ძლიერო ჴელმწიფეო, შარავანდედთა შორის უმეტეს აღმობრწყინვებულო
Line of edition: 12    იხილე და განიცადე სამეფო თქუენი და ცან სიმჴნე და სიქველე სპათა შენთა; გულის
Line of edition: 13    ჴმა ყავ, რამეთუ მრავალნი ახოვანნი, მჴნენი და რჩეულნი იპოებიან სპათა შენთა
Line of edition: 14    შორის, რამეთუ არა არს წინააღმდგომი მათი აწ ბრძანოს მეფობამან თქუენმან რათა
Line of edition: 15    არა ცუდად დავიწყებასა მიეცნეს სადამე სპათა შენთა საქმენი, არამედ აღამჴედროთ
Line of edition: 16    ერაყს, რომ-გურსა ზედა, რომელ არს ხუარასანი, და ცნან ყოველთა სპათა აღმოსავლეთისათა
Line of edition: 17    ძალი და სიმჴნე ჩუენი. და უბრძანე სპათა საქართველოსათა -- მზა იყვნენ
Line of edition: 18    ლაშქრობად ხუარასანს. დაღათუ არავინ ქართველთაგანი მიწევნულ არს ხუარასანს და
Line of edition: 19    ერაყს, არამედ ბრძანე, რათა ნიკოფსით დარუბანდამდე აღიჭურნენ და მზა იყვნენით


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.