ARMAZI
Kartlis Cxovreba II
Part No. 175

Page of edition: 175  Line of edition: 1    განთენდა, კუალად აღიჭურა სულტანი მინდობილი სპარსთა შინაგანცემისა. ხოლო
Line of edition: 2    ამისნი უმეცარნი მცველნი \ ქალაქისანი აღიჭურნეს და მივიდეს განძის კართა კერძო,
Line of edition: 3    მემნა ბოცოს ძე და ძმა მისი ბოცო, და ეგულებოდა განსლვად და მუზარადისა დარქმად.

Line of edition: 4    მემნას სპარსმან ვინმე აფთითა ძლიერ დაუხეთქა უმუზარადოსა თავსა, განუპო,
Line of edition: 5    და მყის დაეცა და მოკუდა.

Line of edition: 6    და იქმნა შინათ ომი, რამეთუ სპარსნი ზღუდით მიერ ბრძოდეს; განახუნეს კარნი
Line of edition: 7    სპარსთა ტფილელთა. ესრეთ რა შინა-განცემა იყო ქალაქისა, ივლტოდეს მცველნი
Line of edition: 8    ქალაქისანი და შედგეს ისანთა; ბოცოს-ძემან ბოცო გაამაგრა ისანი და ქმნა ძლიერი
Line of edition: 9    ომი.

Line of edition: 10    ხოლო არა შემინდობს ტკივილი გულისა მოჴსენებად, თუ ვითარ იქმნეს ხუარაზმელნი
Line of edition: 11    შინაგან ქალაქსა. ვინ-მე უძლოსა მაშინდელთა თქმულთა და ქმნილთა და განსაცდელთა,
Line of edition: 12    რომელი მოიწია ქრისტიანეთა ზედა?
Line of edition: 13    აქა მეგულების დადუმებად, რომელ სალმობიერსა \ მიუთხრობ ტკივილითა გულისათა2
Line of edition: 14    რამეთუ ესეოდენ მძჳნვარედ იწყეს მოსრვად. ვითარ ჩჩჳლნიცა ძუძუთაგან
Line of edition: 15    დედისათა აღიტაცნიან და წინაშე დედისა ქვაზედა დაანარცხიან, და რომელსამე თუალნი
Line of edition: 16    წარსცჳვდიან და რომელსამე ტჳნი დაეთხიის. და უკანის დედანი მოიკვლოდიან; ბერნი


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.