ARMAZI
Kartlis Cxovreba II
Part No. 177

Page of edition: 177  Line of edition: 1    მამაკაცსა, ოდენ სიყმილისა და მახჳლისა მიერ აღსრულებულსა, რომლისა მსგავს
Line of edition: 2    იქმნა ჟამსა ამას სარკინოზთა მიერ ქალაქსა \ ამას ტფილისისასა.

Line of edition: 3    ხოლო ვინათგან არღარა იყო ღონე და ლხინება ქალაქის, ბოლოს და
Line of edition: 4    სხუათა მცველთა ქალაქისათა წარმოუვლინა მეფემან რუსუდან კაცნი, რათა დაუტეონ
Line of edition: 5    ისანი და წარვიდენ. და ვითარ მრავალგზის მოავლინა დასტური მეფემან დატევებად
Line of edition: 6    ქალაქისა, ძლით დაარწმუნა მეფემან ბოცოს წარსლვა, ვითარცა სწერს ვინმე
Line of edition: 7    ბერი მღჳმელი.

Line of edition: 8    და ესრეთ რა ძლიერად ჴელთ იგდო ქალაქი სულტანმან, კუალად იწყო უბოროტესთა
Line of edition: 9    ბოროტთა ქმნად ქრისტიანეთა ზედა. ესოდენ მძჳნვარედ მოსრვიდა, რომელ
Line of edition: 10    სავსე იყვნეს ფოლოცნი, ხრამნი და ჴნარცუნი მოკლულთა მიერ და უმრავლეს მკუდართა
Line of edition: 11    მტკუარსა შეუტეობდეს ამას თანა არავე დამშჳდნა ცუდ-რჯული იგი და ბილწი:
Line of edition: 12    მოიგონა სხუაცა სიბოროტე, რომლისა ჴსენება სირცხჳლ მიჩნს, რამეთუ გლოვათა
Line of edition: 13    და \ ცრემლთა მიერ შევიცვები, თუ ვითარ განვარისხეთ \ მოწყალე და შეეწყნარებელი
Line of edition: 14    ღმერთი არა შეწყალებად ჩუენდა; იწყო რღუევად ეკლესიათა, ვიდრე საფუძველადმდე
Line of edition: 15    აღფხურა, რომლისათჳს იკადრა და ჴელ-ყო სიონისა გუმბადსა შემუსრვად და ზედა
Line of edition: 16    ბილწისა საჯდომისა მისისა აღშენებად, რომელი-იგი ჴიდითა მაღლითა და გრძლითა
Line of edition: 17    განჴიდა აღლსვად. და ესეცა შესძინა, რამეთუ ხატი უფლისა ჩუენისა იესო ქრისტესი
Line of edition: 18    და ყოვლად წმიდისა ღმრთისმშობელისა, რომელი სიონს მკჳდრ იყო, ბრძანა მოყვანებად
Line of edition: 19    და ჴიდისა შესავალსა დადებად პირაღმართ, და ბრძანა ყოველთა მათ პყრობილთა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.