ARMAZI
Kartlis Cxovreba II
Part No. 180

Page of edition: 180  Line of edition: 1    წარმავალი საწუთრო, დაივიწყა შიში ღმრთისა და სიყუარული ძმისა, და მოიგონა
Line of edition: 2    საქმე ყოველთა მიერ განსაკრთომელი, რამეთუ ზემოჴსენებული ძმისწული თჳსი დავით,
Line of edition: 3    რომელი ძმისა მისისგან, გიორგისგან, ანდერძობით შევედრებულ იყო და მას აღეზარდა,
Line of edition: 4    წარავლინა ფარულად ასულსა მისსა და სიძესა მისსა სულტანსა ყიასდინს თანა,
Line of edition: 5    საბერძნეთს, რათა წარსწყმიდონ და იყოს დაუშფოთველად ძისა მისისა დავითისთჳს
Line of edition: 6    არა განყოფად მეფობისა.

Line of edition: 7    \ვითარ მიიწია\ დავით წინაშე სულტნისა და [მამის] დისწულისა მის, რუსუდანის
Line of edition: 8    ასულისა თამარის, რომელსა სულტანი სახელად უწოდდა გურჯი-ხათუნად, იხილეს. იგი
Line of edition: 9    და შეიყუარეს, თჳსთა თანა დაიპყრეს პატივითა, და გურჯი-ხათუნ დედოფალიცა
Line of edition: 10    კეთილსა უყოფდა ყრმასა, ბიძის ძესა დავითს, და არა ისმინეს ბრძანება მკლველებრივი
Line of edition: 11    მეფისა რუსუდანისი. და ფრიად. პატივ-სცემდეს დავითს.

Line of edition: 12    ხოლო ვითარცა წარგზავნა ძმისწული საბერძნეთს, მოუწოდა ყოველთა სპათა
Line of edition: 13    მისთა, აფხაზთა, დადიან-ბედიანთა, რაჭის ერისთავსა და კათალიკოსსა აფსაზეთისასა.

Line of edition: 14    და დასუმს მეფედ დავით, ძე რუსუდანისი, აკურთხეს ქუთათისს და დაადგეს თავსა მისსა
Line of edition: 15    გჳრგჳნი; დასუეს ტახტსა ზედა სამეფოსა და მიულოცეს მეფობა წესისაებრ, და სრულ
Line of edition: 16    ყო კათალიკოსმან წესი კურთსევისა.

Line of edition: 17    ხოლო ამიერი ესე სამეფო უცალო იყო ხუარაზმელთაგან, რამეთუ მანდატურთუხუცესი
Line of edition: 18    შანშე იყო ანისს და ამირსპასალარი ავაგ ბიჯნისს, აგრეთვე ვარამ გაგელი.

Line of edition: 19    ჰერნი და კახნი, სომხითარნი, ქართველნი,\ თორელნი, შავშნი, კლარჯელნი, ტაოელნი
Line of edition: 20    -- ყოველნი სიმაგრეთა შინა ცხოვნდებოდეს, თჳთოეული მორჩილებასა შინა მეფისა
Line of edition: 21    რუსუდანისსა, და უცალოებისა ძლით, ვერ დახუდეს დალოცვასა მეფისა დავითისსა.

Line of edition: 22    გარნა ვაჴსენოთ პირველ ჴსენმბულისა ჩინგის-ყაენისა. ვითარცა მოიწივნეს თათარნი


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.