ARMAZI
Kartlis Cxovreba II
Part No. 181

Page of edition: 181  Line of edition: 1    ქუეყანასა ჩუენს, მეოტი სულტანი ჯალალდინ ივლტოდა და დაუტევა სამეფო, მისი,
Line of edition: 2    ადვილად ჴელთ იგდეს თურანი, სათურქეთი და ყოველი ხუარასანი. და განჰყო ოთხად
Line of edition: 3    ლაშქარ, თჳსი და განაჩინნა შვი\ლნი ოთხნი ყაენად:
Line of edition: 4    პირმშოსა მისცა ნახევარი ლაშქარი და წარავლინა დიდსა საყივჩაყეთსა ვიდრე
Line of edition: 5    ბნელეთადმდე, ოსეთსა, ხაზარეთს, რუსეთსა ვიდრე ბორღართა და სერბთამდე, კავკასთა
Line of edition: 6    ჩრდილოთა ყოველთა მკჳდროვანთა, ვითარცა მითქუამს.

Line of edition: 7    ხოლო მეორესა შვილსა ჩაღათას მისცა ლაშქარი და უიღურთა ქუეყანა სამარყანამდე
Line of edition: 8    და ბუხარა ვიდრე ალმუთის ქუეყანამდე. ვგონებ, ესე არს თურან
Line of edition: 9    მესამესა შვილსა ოქოთას მისცა თჳთ მისი ტახტი საჯდომად\ და ყარაყურუმი,
Line of edition: 10    ჩინ-მაჩინი, ემელისა და ყუთაყისა ქუეყანა და ხატაეთი.

Line of edition: 11    და მეოთხესა შვილსა თული ერქუა; ამას მისცა ლაშქარი და ოქოთას ზედამოკიდებით
Line of edition: 12    ქუეყანა აღმოსავეთით.

Line of edition: 13    ესე ოთხნი განაჩინნა ყაენად და ამცნო: წელიწადსა შინა ერთხელ ოქოთასას
Line of edition: 14    მივიდოდენ ძმანი მისნი უხუცესნი ყურულთისა საქნელად, ამად რომე ტახტი მისი
Line of edition: 15    ოქოთას მისცეს.

Line of edition: 16    ესრეთ, რა დააწყუნა შვილნი, მივიდა თურანს და წარმოავლინა შვილი მისი
Line of edition: 17    უმრწმესი თული ხუარასნისა მოთუალვად. გამოვლო ჯეონი და მივიდა ნიშაბურს,
Line of edition: 18    სადა ნიშაბურელთა სამგზის წობა ყვეს ბრძოლისათჳს. პირველსა ომსა ჴელად იგდო


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.