ARMAZI
Kartlis Cxovreba II
Part No. 183

Page of edition: 183  Line of edition: 1    რომელთა თჳთოეულად არა არს ჟამი თქმად, და განუხუნა კარნი დარიალისანი და
Line of edition: 2    გარდამოიყვანნა ოსნი, დურძუკნი, ამათ თანა ყოველნი მთიულნი. შეკრბეს ნაჭარმაგევს
Line of edition: 3    სიმრავლე ურიცხჳ, და წარავლინა მეფემან ბრძოლად ხუარაზმელთა.

Line of edition: 4    ხოლო თჳთ დროშა სეფე არა წარგზავნა საქმისათჳს ივანე ათაბაგისა. წარემართნეს
Line of edition: 5    და განვლეს ტფილისი. ხოლო სულტანი დაბანაკებულ იყო სომხითს, ჴევსა
Line of edition: 6    ბოლნისისასა.

Line of edition: 7    და ვითარ იხილეს დარა\ჯთა სულტნისათა, აცნობეს სულტანსა. ხოლო იგი
Line of edition: 8    აღიჭურა, რამეთუ იყო უშიში ბრძოლათა შინა, წინა განეწყო და იქმნა ომი სასტიკი,
Line of edition: 9    და პირველსავე შეკრებასა სძლევდეს ქართველნი. ხოლო ვითარ შენივთდა ბრძოლა,
Line of edition: 10    მოსწყდა ორგნითვე ურიცხჳ კაცი, მოხედნა ღმერთმან რისხვით ნათესავსა ქართველთასა,
Line of edition: 11    რამეთუ არა დასცხრა გულისწყრომითა უფალი, არამედ ჴელი მისი მაღლადვე
Line of edition: 12    არს და მოიჴსენა უსჯულოება ჩუენი, და \ იძლივნეს სპანი მეფისანი და ხუარაზმელთა
Line of edition: 13    მიერ ივლტოდეს. ხოლო სულტანი კუალად მივიდა ტფილისად, თუღა სადა ვინმე
Line of edition: 14    პოვნა დარბევად, [არბევდა] ქუეყანათა მათ ზემოჴსენებულთა.

Line of edition: 15    ხოლო თათართა უმთავრესი თული მივიდა ერაყს ვიდრე ყაზვინაიმდე, მოაოჴრა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.