ARMAZI
Kartlis Cxovreba II
Part No. 305

Page of edition: 305  Line of edition: 1    და მრავალნი ნოინნი სხუანი, და დადგეს ზემოჴსენებულთა ადგილთა და მოაოჴრეს
Line of edition: 2    
ქართლი უბოროტესად. ხოლო მეფე დავით დადგა ჴადას. მაშინ ქუენიფლეველი შალვა
Line of edition: 3    გამოექცა მეფესა, აღსავსე ნიჭთა მიერ მისთა, რომელნ მას ჟამსა მიენიჭნეს. არა
Line of edition: 4    
მოიჴსენა წყალობა ეგოდენი, და მივიდა ხუტლუბუღა ნოინთანა. ხოლო მან განიხარა
Line of edition: 5    
და პატივითა შეიწყნარა, და წინამმღურად გზისა აჩინა. და შევიდეს გზასა ხუარაზმის
Line of edition: 6    ჴევისასა, \ და განვიდეს მთასა შორის ცხავატსა და ცხრაზმის ჴევთა, რომელ არს
Line of edition: 7    
ლომისა. და ვითარ ცნა დავით ორგულობა შალვა ქუენიფლეველისა; შედგა ციკარეს,
Line of edition: 8    რამეთუ ციკარე მტერთაგან შეუვალ იყო. ჩავლო ხუტლუბუღა, და განვიდეს ჴადას, და
Line of edition: 9    
გარდვიდეს ჴევსა: და მიმართეს გუელეთს, რამეთუ მუნ შინა აგონებდეს მეფესა დავითს.

Line of edition: 10    და გარე-მოადგეს სტეფან-წმიდასა სოფელსა, და განგებითა ღმრთისათა განმაგრდეს,
Line of edition: 11    
რამეთუ წინარნი თათართანი იყვნეს ქუენიფლეველი შალვა, და ოვსთა მთავარი ბაყათარ,
Line of edition: 12    და მუხნარს მდგომი თათარი ბანთანაღუთ. ხოლო \ ვითარ ცნეს, რომელ სტეფანიათ
Line of edition: 13    ვერას ავნებდეს და მეფე მუნ არა არს, ითხოვეს საზრდელი მცირე. სტეფანელთა
Line of edition: 14    მოსცეს. და აიყარნეს, და გარდამოდგეს ჴადას. სოლო მეფე ციკარეს იყო, დაამტკიცეს
Line of edition: 15    
და დადგეს ერთგულობასა მეფისასა სურამელი აჰმადა, და ამირეჯიბი აბაზას-ძე ჭილა,
Line of edition: 16    და აზნაურნი ქართველნი და სომხითარნი, და დიდი ერთგულობა აჩუენეს,
Line of edition: 17    
ხოლო ვითარ ცნა ხუტლუბუღა მეფისა ციკარეს დგომა, განყო ლაშქარი, და
Line of edition: 18    
რომელიმე წარავლინა \ ცხავტით გზასა, რათა ეგრეთ შევლონ ციკარესა, რომელი ესე
Line of edition: 19    
შეუძლებელ იყო. მაშინ ქუემო შესრულთა ლაშქართა შევლეს გზა და განვიდეს
Line of edition: 20    
ცხავატს. ვითარ ცნა მეფემან, წარავლინნა მცირედნი ლაშქარნი, და იქმნა ომი ძლიერი,



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.