ARMAZI
Kartlis Cxovreba II
Part No. 346

Page of edition: 346  Line of edition: 1    მეფე ალექსანდრე, ო~ჱ


Line of edition: 2    და დაჯდა ძმა მისი ალექსანდრე ქრისტეს აქათ ჩ~უჲჱ. და მას ჟამსა იყო კათალიკოზი
Line of edition: 3    დავით და მოკუდა და დაჯდა ნიკოლოზ. და იმეფა კეთილად, რამეთუ მას
Line of edition: 4    ჟამსა თათართა ძალა არა აქუნდათ, და იმეფა მშჳდობით, და შემდგომად ხანსა რაოდენსამე
Line of edition: 5    მოკუდა.



Line of edition: 6    მეფე კოსტანტინე, ო~თ


Line of edition: 7    და დაჯდა მის წილად ძე მისი კოსტანტინე ქრისტეს აქათ ათას ოთხას ოთხმოცდა
Line of edition: 8    თორმეტსა. ამას ჟამსა შინა იჯდა კათალიკოზი აბრამ. ამანცა \ იმეფა კეთილად,
Line of edition: 9    რამეთუ მაშინ ათაბაგი ყუარყუარე იჯდა და არა ემრჩილებია მეფესა კოსტანტინეს.

Line of edition: 10    ხოლო ამა ყუარყუარე ათაბაგისა ვაჭარი მივიდა ქუეყანასა არეშისასა სყიდვად
Line of edition: 11    აბრეშუმისა. და რომელიმე მუნებური ვაჭარი და ესე ყუარყუარეს ვაჭარი წაიკიდნენ,
Line of edition: 12    და სძლო არეშელმან ვაჭარმან და კიდეც გალაჴა და აბრეშუმიც წაართუა, და ესრეთ
Line of edition: 13    კადნიერებით ეტყოდა: "წარვედ პატრონისა შენისა და აუწყე ჭირი შენიო, და ესე არ
Line of edition: 14    მიყოს ბატონმა შენმაო, დუქანი არ დამიქციოსო და ჩემს დუქანზედ ყურით არ მიმაკრასო".

Line of edition: 15    და რა ესე უყვეს ვაჭარსა მას, წარმოვიდა მსწრაფლ და მოვიდა ათაბაგისად
Line of edition: 16    და აუწყა ყუარყუარეს ყოველივე საქმე მისი ვაჭარმან მან.

Line of edition: 17    და რა ესმა ესე ყუარყუარეს, წარმოვიდა \ განრისხებული ხუთასითა რჩეულითა
Line of edition: 18    სპითა, გარდმოვლო ფარავახი და ჩამოვლო დმანისი. უმასპინძლეს ორბელიანთა და
Line of edition: 19    წარვიდა, ჩამოვლო ხუნანი, განვიდა მტკუარსა და მივიდა არეშს. მიიძღუანა ვაჭარი
Line of edition: 20    სახლსა მის არეშელისა ვაჭრისსა, შეუჴდუნნა კაცნი. გამოიყვანეს კაცი იგი და მიიყვანეს
Line of edition: 21    თავის დუქანზედა და ყურითა მიაჭედეს \ და წიხლიცა უკრა დუქანსა, და ეგრეთვე
Line of edition: 22    უყო ყოველივე, როგორც მას ეთქუა. და აბრეშუმიც გამოატანინა ვაჭარსა. მას და
Line of edition: 23    წარმოვიდა უშიშრად.

Line of edition: 24    და შემოვლო კახეთი, და შემოიარა ყარაიაზეთა, შევლო მცხეთაზედა და მივიდა
Line of edition: 25    შიდა ქართლსა. ხოლო შიდა-ქართველთა არა ინებეს გზისა დანებება. და მეფემან
Line of edition: 26    კოსტანტინე არა უწყოდა საქმე ესე და არცა გამოვლა მისი, და ამისთჳს არა ინებეს
Line of edition: 27    შიდა-ქართველთა უდასტუროდ განტევება მისი. შეიყარნეს გაღმართელნი, და გამოღმართელნი
Line of edition: 28    ციციშვილები, და უფროსად ზაზა ციციშვილი თაობდა. მაშინ დახუდნენ
Line of edition: 29    ათაბაგსა და აუწყეს ქართველთა გაუშუებლობა.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.