ARMAZI
Kartlis Cxovreba II
Part No. 345

Page of edition: 345  Line of edition: 1    დი\დს ხანსა ქალაქსა და შეეწყინა ომი თათართა, ციხეს ვერა უყვეს რა; მერმე ჰკაზმნეს
Line of edition: 2    ლაშქარნი და გამოარჩივეს დარბევა ორბეთისა ძირსა. აარჩივეს ათას ხუთასი კაცი
Line of edition: 3    და სხუა წურილი კაცი ლაშქრისა მრავალი, და ცისკრისა ჟამსა შეუგ[ებ]რად ორბეთის-ძირსა
Line of edition: 4    დაესხნეს, და აიფორიაქეს და ამოსწყჳტეს მთის სოფლები, განძი, \ ტყუე,
Line of edition: 5    ალაფი ურიცხჳ.

Line of edition: 6    ამას ზედან ესმა ბარათიანთა, და იგინი იყვნეს ენაგეთს, და მათ თანა იყვნეს
Line of edition: 7    ქაიხოსრო თურმანის-ძე და სხუანი მეფის \ ყმები ცოტაოდენი. დავარდა ჴმა და მომართეს
Line of edition: 8    ასე, ვითა ვეფხთა. და წამოვიდა აქეთ სულხან ბარათაშვილი და მისნი ძმანი, და აქეთ
Line of edition: 9    სხუანი ბარათიანნი, მოეწივნეს უკანა, შეიბნეს და გააქცივნეს და მისჯარნეს ჴევსა
Line of edition: 10    ჴირჴალასა, ასე ჴოცა დაუწყეს, ვითა ქათამთა მართუეთა. ხოლო მოსცა ღმერთმან
Line of edition: 11    ძლევა ქრისტეანეთა, დაჴოცეს ურიცხჳ, რამეთუ არა იყო განცდა მკუდრისა, სისხლისა
Line of edition: 12    რუ დიოდა. რაცა სიკუდილსა მორჩეს ჴელთა \ დაიპყრეს. ერთი ასეთი თავადი დარჩა
Line of edition: 13    ბარათაშვილს მერაბს, რომე ყაენის კარზედ მას ვერავინ სჯობდა და მეყჳსიც იყო
Line of edition: 14    ყაენისა. ასეთი ძლევა მოსცა ღმერთმან ბარათანთა, რომელ ერთი ტყჳსა დედაკაცისაგან
Line of edition: 15    სამი და ოთხი მუსულმანი მოიყვანებოდა ყელ-დოლბანდიანი, რამეთუ პირველსა
Line of edition: 16    ომსა ვეღარ მოესწრნეს ქაიხოსრო, ჯავახი და ქავთარ სოლაღაშვილი და სხუანი დარბაისელნი.

Line of edition: 17    მოუჴდეს უკანა მდევარნი დარჩეულნი ჩაღდაულად დიდნი და ლაშქარნი, აქათ
Line of edition: 18    არცა ამათ დაუგდეს გზა. შეიბნეს ოცი კაცნი, სამასამდი სპასა თათარსა ჴმლითა წინა
Line of edition: 19    დაუდგა. იპრიანა ღმერთმან და მორ\ჩეს. და ორჯელ და სამჯერ ცხენები დაუჭრეს,
Line of edition: 20    ჩამოყრილნი ზედვე შესხდეს. ჩუენი ქართვლთაგანი, ერთისა თურმანიძის მეტი, არა
Line of edition: 21    დაგვაკლდა: იგიცა ჯარმან ფეჴითა გაიტანა. დიდისა ულუსისა ჯარისაგან ცოტანი
Line of edition: 22    ჩაღთაულნი მაცნედ წარვიდეს, და სხუა ყველა ჴელთ დარჩა.

Line of edition: 23    რა ესმა ესე ქალაქს მდგომ\თა, შეშინდეს და ადგეს და უკუეყარნეს ციხესა და
Line of edition: 24    თუმცა ბარათიანთა არ გამარჯუებოდა, ძალად ქალაქსაც წაართმევდენ და ქართლსაც
Line of edition: 25    შემოეჭრებოდნენ. ამას ზედან იპრიანა ღმერთმან, წყალობით მოხედნა ბარათიანთა
Line of edition: 26    მოჭირვებასა და მას უკანით თათართა ძალი ვეღარა უკადრებია და არცა რბევა;
Line of edition: 27    გატყდეს და შეშინდეს შეწევნითა ღმრთისათა.

Line of edition: 28    ესე მეფე კოსტანტინე იყო ძე ბაგრატისი და იმეფა ამანცა კეთილად, ვითარცა
Line of edition: 29    ცხოვრება მისი მოგჳთხრობს, და მოკუდა კონსტანტინე მეფე ქრისტეს აქათ ჩ~უდ.





This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.