ARMAZI
Kartlis Cxovreba II
Part No. 344

Page of edition: 344  Line of edition: 1    დაუწყეს მისარჩელი წყენა და მტერობა. გაგულისდა ყაენი, აშუელა ლაშქარი ხალიბეგის
Line of edition: 2    შეიყარნენ და მოადგნენ ტფილისს. ებრძოდეს მრავალ-დღე და ვერარა ავნეს, რამეთუ
Line of edition: 3    სიმტკიცესა ზედა ეგნეს. და იყვის ყოველთა დღეთა ომი, და არა იყო ღონე ციხის
Line of edition: 4    წაღებისა.

Line of edition: 5    მერმე შეიყარნეს ბარათიანნი და შემოუთუალეს მეფესა \ კოსტანტინეს და ითხოვეს
Line of edition: 6    მისგან შეწევნა. მეფემან გაგზავნა ციციშვილი ქაიხოსრო და ჯავახისშვილი ჯავახი
Line of edition: 7    ცოტათა აზნაურშვილითა და ლაშქრითა. წაუძღუეს წინა ბარათიანნი, მივიდეს და
Line of edition: 8    დაესხნეს ჭანდართა მდგომთა მონაპირეთა თათართა, გააქცივნეს და დაჴოცნეს ასრე,
Line of edition: 9    რომე თუ-არ მაცნე წავიდა სადამე, ვერცა ერთი წაუვიდათ. აივსნეს აბჯრითა, ალაფითა
Line of edition: 10    და ბარგითა პირთამდის.

Line of edition: 11    ხოლო ვითარცა ესმა ესე ქალაქსა მდგომთა \ თურქმანთა, უკუ-ეყარნეს ციხესა
Line of edition: 12    ტფილისისასა და წავიდეს ჩაღმა. გარდაუდგენ კუმისისა ბოლოსა, შეებნეს წინამავალსა
Line of edition: 13    ლაშქარსა, გაექცნეს და დაჴოცნეს ასე, რომე თათრებსა თავსა სჭრიდეს და ვენაჴიცა
Line of edition: 14    ღობესა და მარგილზედა ააცვემდეს. მერმე გარისხდა ღმერთი და მოუჴდა ზემოთ
Line of edition: 15    ბუხუნი და შუა შეეყარნეს, და, რაც ბარათიანთა ქაიხოსრომ ქნა და ჯავახმა არც წინა
Line of edition: 16    გმირთა უქნიათ, ასრე რომე ულუსსა ლაშქარსა ომითა ჴრმლითა წამოვიდეს, \\ და
Line of edition: 17    ცოტა ლაშქარი დაზიანდა, და თჳთ მორჩნენ ნებითა და შეწევნითა ღმრთისათა. ამას
Line of edition: 18    ზედან თურქმანი ლაშქარი შერცხვენილი ორბეთისა ძირსა დადგნენ, და ეცადნეს
Line of edition: 19    თათარნი, და მუდამ ბარათიანთა და ორბეთის-ძირელთა გაემარჯვის.

Line of edition: 20    ამაზედ ადგა ხალიბეგ და სხუანი ყაეის თავადები, მივიდეს და შეეხუეწნეს
Line of edition: 21    ყაენსა, რამეთუ გამოჴდა წელიწადი ერთი. აშუელა ლაშქარი, მოირთო ძალი და წარმოემართა
Line of edition: 22    სომხითსა და ორბეთის-ძირზედა. მომართა \ ციხესა კოჟრისასა, მოადგა გარე,
Line of edition: 23    დაუწყეს ომი და თოფის სროლა, აწყუდინეს შიგან სოლაღაშვილნი დიდხან. და იყო
Line of edition: 24    ომი დიდხან და შეაწუხნა მეტმან თოფის სროლამან, და ცოტა ციხეცა დააქცივეს, და
Line of edition: 25    ვეღარ-დაუდგნეს, ამისთჳს რამეთუ მეშუელი არღარა ჰყვათ. ერთსა ღამესა თოვლმან
Line of edition: 26    უკუყარნა და გამოვიდნენ ციხით, და ციხე დაუდგეს ცარიელი და თჳთ მიმართეს
Line of edition: 27    მთათა და სიმაგრეთა. ხოლო ვითარცა გათენდა, ნახეს თათარ ციხე უკაცური შევიდეს
Line of edition: 28    შიგან და კაცი არა პოვეს. მიჰყვეს \ ჴელი და დააქცივეს. ვითარცა ესმა მეფესა
Line of edition: 29    აღება ციხისა, დაუმძიმდა, რამეთუ შეყრილი ნიჩბისის წყალზედ იდგა.

Line of edition: 30    ამას ზედა ადგეს თათარნი და მოადგეს ტფილისის ციხეს. და იყო ყოველთა
Line of edition: 31    დღეთა ომი და ესროდეს თოფსა, და არა იყო ღონე წაღებისა ციხისა, რამეთუ მჴარი
Line of edition: 32    ბარათიანთაგან ჰქონდა. ეუბნებოდა მეფე კახთა და არა უშუელეს იმერელნი უკუდგომილნი
Line of edition: 33    იყვნეს და არცარა მესხთ უშუელეს, ამისთჳს ომი ვერ გაბედა მეფემან. ადგეს


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.