ARMAZI
Kartlis Cxovreba II
Part No. 351

Page of edition: 351  Line of edition: 1    მიგჭირდეს, და სუი ესე". და ვითარცა მიართუეს ბაგრატს \ სიტყუა ესე, მას ჰქონდა
Line of edition: 2    ორაგული ახალი და ღჳნისა წილ თევზი გამოუგზავნა და შემოუთუალა: "ხანია, რომე
Line of edition: 3    დგახარ პირსა ქსნისასა, და ვერ გიშოვნია ორაგული, და აწ ესე იჴმიე და წარვედ
Line of edition: 4    ქუეყანასა შენსა". და რაჟამს მოართუეს ავ-გიორგის, მაშინ სცნა სიმრაველე საზრდელისა
Line of edition: 5    მათისა. და შესწუხებოდა ჯარი მრავალდღე დგომისაგან, მაშინ წარვიდა თემთა
Line of edition: 6    თჳსთა.

Line of edition: 7    და ხანსა რაოდენსამე უკანა შეიყარა სპა თჳსი ავ-გიორგი და წარმოვიდა დარბევად
Line of edition: 8    ზემო ქართლისა, მივიდა, დაარბია \ ზემო ქართლი და დაბრუნდა გამარჯუებული
Line of edition: 9    და წარმოემართა. და რაჟამს. ესმა ბაგრატს, მპყრობელსა მუხრანისასა, შეიყარა სპა
Line of edition: 10    თჳსი და დაუმზირდა ჴევსა მას შინა, რომელ არს ძალის[ს]ა და ჭაპურს შუა. და ლაშქარნი
Line of edition: 11    ავ-გიორგისანი წინა წარმოვიდენ ნაშოვრისა მისთჳს, რომელი წარმოეღოთ.

Line of edition: 12    ხოლო ავ-გიორგი მცირითა კაცითა უკანა მოვიდოდა და მონადირობდა და არავისი
Line of edition: 13    ფიქრი ჰქონდა.

Line of edition: 14    და რაჟამს დაუახლოვდა, სადა მდგომარე იყო ბაგრატ, მაშინ შეუტივა გულითა
Line of edition: 15    სრულითა და შეიპყრა ავ-გიორგი და სპანიცა, რომელნი მის თანა იყვნენ. პატიმარ-ყო
Line of edition: 16    ავ-გიორგი მტუერის ციხესა, რომელ არს მუხრანს, ქრისტეს აქათ ჩ~ფიდ.

Line of edition: 17    მაშინ მიუმცნო ძმასა თჳსსა მეფესა დავითს საქმე ესე. და რა ესმა საქმე ესე,
Line of edition: 18    განიხარა ფრიად. და ხანსა მცირედსა მოკუდა ავ-გიორგი; და რომელნიმე იტყჳან
Line of edition: 19    დაარჩვესო, და რომელნიმე იტყჳან თავისის დღით მოკუდაო. აღაშენა მცხეთას მცირ
Line of edition: 20    ეკლესია მთავარ-ანგელოზისა ჩრდილოთ \ კერძო და მუნ დამარხეს. და მიერითგან
Line of edition: 21    იტყჳან კახი ბატონნი, რომე \ მცხეთა სამარხო არისო ჩვენიო.

Line of edition: 22    ხოლო შემდგომად ავ-გიორგის დაჭერისა, დაიპყრო კახეთი მეფემან დავით. და
Line of edition: 23    დარჩა ძე გიორგისა, რომელსა ეწოდა ლევან, მცირედ. და წარმოიყვანა [...] ყრმა იგი
Line of edition: 24    დედითურთ და დამალა პატივითა სახლსა ჩოლაყაშვილისა გარსევანისასა, რომელი
Line of edition: 25    იყო სახლთ-უხუცესი, რამეთუ ეყოდა დედასა მისსა. და რა \ სცნა მეფემან დავით,
Line of edition: 26    წარავლინა ძმა თჳსი ბაგრატ და ერისთავი ქსნის და ამილახორი, რათა დასჩხრიკონ
Line of edition: 27    კახეთს მსახლობელნი დიდით ვიდრე მცირემდი, რათა იპოვონ ყრმა იგი. მაშინ წარვიდენ
Line of edition: 28    საძებნელად, დასდვეს შიში და ზარი ყოველთავე კაცთა ზედა და დააფიცეს, რათა
Line of edition: 29    არა უწყოდენ ყრმა იგი თუ სადა არს, და ყოველთავე შეჰფიცეს, რომე არა ვიცითრაო.

Line of edition: 30    შემდგომად მოვიდნენ სახლსა ჩოლაყაშვილის სახლთ-უხუცესისასა გარსევანისასა.

Line of edition: 31    და მოეპოვა გარსევანს საქმე ესე, რამეთუ მოიყვა\ნა ყრმა იგი ლევან მონისა თჳსისა
Line of edition: 32    ძია მსგავსად, და მას დღესა მეღჳნედ იმსახურებდა ყრმასა მას, ვითარცა მონასა.

Line of edition: 33    და დღესა მეორესა შეფიცა ფი\ცითა საშინელითა ბაგრატს, ვითარმედ: "რაოდენიცა
Line of edition: 34    თქუენ ჩემსა სახლში არ იხილენით და არც თქუენმან თვალმან არა ნახა, იმის მეტი
Line of edition: 35    არა მყვანდეს, არა დიდის კაციშვილი და არც ცოტასი". შეიჯერა ფიცითა ამით.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.