ARMAZI
Kartlis Cxovreba II
Part No. 355

Page of edition: 355  Line of edition: 1    საქმე მისი: უბრძანა, რაცა გნებავს მოგცეო. მაშინ ჰყვანდა ლანგ-თემურს
Line of edition: 2    შამელნი დედაწულნი მრავალნი სულნი და სთხოვა შისმან სიმრავლენი მათნი სიტყჳთა
Line of edition: 3    ესევითარითა, ვითარმედ: შამელნი," რომელნი ტყუედ გიყოფიეს, ესენი არიან
Line of edition: 4    მუსურმანი; არა არს ბრძანებული მაჰმადისა, ვითარმედ მუსურმანი ტყუე ყოს მაჰმადიანმან.

Line of edition: 5    ესენი მომეც, რათა თავისუფალ ვყო". მაშინ ისმინა ვედრება შიხისა ლანგ-თემურ
Line of edition: 6    და მისცა ყოველი დედაწული და ტყუენი იგი, და უბოძა არდაველი ქალაქი
Line of edition: 7    და გარემო სანახები არდაველისა ყოველივე მისი.

Line of edition: 8    ხოლო შიხმან განათავისუფლნა ტყუენი შამისანი: რომელიმე დადგა თჳსთა თანა
Line of edition: 9    და რომელიმე წარვიდა ქუეყანასა შამისასა. ხოლო
Line of edition: 10    გარდაცვალებასა ლანგ-თემურისასა ქუეყანა ერანისა თჳთოეულად განიყვნენ,
Line of edition: 11    და დაიპყრეს მას ქუეყანისა მთავართა თჳთოეულად და რომელიმე \ ამბავი მათი
Line of edition: 12    ცხოვრებასა სპარსთასა ვრცელად \ წერილ არს.

Line of edition: 13    ხოლო ესე შიხი იყო არდაველს და იყო ბრძოლა ყოველსა სპარსეთსა შინა.

Line of edition: 14    ხოლო ამა შიხის შვილისშვილი მპყრობელმან შირვანისამან მოკლა. დარჩა ძე
Line of edition: 15    ერთი და მან იპერა არდაველი და იგიცა უკეთურებისათა თჳსითა მოიკლა, რომელი
Line of edition: 16    სპარსთა ცხოვრებასა შინა ვრცელად წერილ არს.

Line of edition: 17    დარჩა ძე ყრმა თჳსი შჳდისა წლისა შაჰ-ისმაელ. და დაუწყეს დევნა სასიკუდინედ
Line of edition: 18    მეფემან თავრიზისამან. ხოლო შაჰ-მლუ რომელიმე იყვნენ და წარიყვანეს და დამალეს.

Line of edition: 19    და, რაჟამს მოიწიფა, მოიყვანეს, და დაიპყრო სამეფო თჳსი არდაველი და მიერითგან
Line of edition: 20    დაუწყო ბრძოლა ყოველთავე და ყოველივე სპარსეთი დაიპყრო.



Line of edition: 21    მეფე ლუარსაბ


Line of edition: 22    ჟამსა ამას მონაზონ იქმნა მეფე ქართლისა გიორგი, და არა დარჩა ძე თჳსი,
Line of edition: 23    და მისცა მეფობა ძმიწულსა თჳსსა ლუარსაბს, კაცსა ღმრთის-მოყუარესა, მტერთა
Line of edition: 24    ურჯულოთა მომსრველსა და წყობათა შინა უშიშსა, ქრისტეს აქათ ჩ~ფმბ.

Line of edition: 25    და ჟამსა ამას მონაზონ იქმნა ბაგრატცა, მპყრობელი მუხრანისა, და დარჩა
Line of edition: 26    ოთხი \ ძე: ვახტანგ, ერეკლე, არჩილ და აშოთან.

Line of edition: 27    და დაიპყრა ქუეყანა ქართლისა ლუარსაბ. მას ჟამსა იყო კათალიკოზი გერმანე,
Line of edition: 28    ტფილელი დომე[ნ]ტი, მროველი გედევან
Line of edition: 29    რაჟამს დაიპყრა ქუეყანა სპარსისა შაჰ-ისმაელ, ეწადა მოსვლა ქუეყანასა ქართლისასა
Line of edition: 30    და მოვიდა აღჯაყალას.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.