ARMAZI
Kartlis Cxovreba II
Part No. 356

Page of edition: 356  Line of edition: 1    რაჟამს სცნა მოსვლა შაჰ-ისმაელისა. შეიყარა სიმრავლე სპისა
Line of edition: 2    თჳსისა და დადგა ტფილისს, და გამაგრდა ტფილისი. და რაჟამს ესმა შაჰ-ისმაელსა
Line of edition: 3    წყობად მოსვლა მეფის ლუარსაბისა, წარმოავლინა სარდალი თჳსი ყარაფირი ლაშქრითა
Line of edition: 4    მრავლითა, და შემდგომად განიზრახა და მიაშუელა მისკარბაში ელიასბეგ
Line of edition: 5    ლაშქართა მრავლითა, და შემდგომად განიზრახა თჳსგან, ნუ უკუე დაუმარცხდეს ლაშქართა
Line of edition: 6    მისთა, თჳთცა აღიძრა და წარმოვიდა.

Line of edition: 7    რა სცნა ესე მეფემან ლუარსაბ, გამოვიდა \ ტფილისით სპითა თჳსითა და მოვიდა
Line of edition: 8    ღელესა თელეთისასა და მუნ განაწყო სპა თჳსი. და რაჟამს მოვიდა ყარაფირი,
Line of edition: 9    ეწყუნენ. ურთიერთას, და იქმნა ბრძოლა ძლიერი. ესევითარად ეწყუნენ ქართველნი,
Line of edition: 10    რომე სიმჴნე მათი სპარსთა ცხოვრებასა დიდად წერილ არს. მოისრა ყიზილბა\ში
Line of edition: 11    ჴელითა ქართველისათა ურიცხჳ, და სძლიეს ქართველთა და იოტნეს ყიზილბაშნი.

Line of edition: 12    და ოტებასა მათსა მოვიდა მისკარბაშიცა ელიასბეგ და ოტებულიცა სპა იგი დააბრუნა
Line of edition: 13    და თჳსითაცა სპითა შეუტივა ქართველთა. და იქმნა ბრძოლა ძლიერი უდიდეს
Line of edition: 14    პირველისა და მოსრეს კუალად ქართველთა ყიზილბაში ურიცხჳ.

Line of edition: 15    და ოტებასა ყიზილბაშთასა აღმოვიდა შაჰ-ისმაილ მთასა თელეთისასა, რომელი
Line of edition: 16    არს კერძოთა ტაბაჴმელეთისათა, გარდმოხედა და იხილა სპა თჳსი. მოსრვილი და
Line of edition: 17    ოტებული, და განლაღებულნი ქართველნი მათ ზედა ვითარცა ლომნი შეწუხნა და
Line of edition: 18    უბრძანა სპათა თჳსთა ყარა ყოინლუსა, ჩამოვიდეს, და შემოუტივეს ყარა ყოინლუ[ს]ღა
Line of edition: 19    ქართველთა ზურგით კერძოთა. და ქართველნი დამაშურალ იყვნენ დიდად ომისაგან
Line of edition: 20    და იძლივნეს სპა ქართველთა და უკუნ იქცენ.

Line of edition: 21    და წარვიდა მეფე ლუარსაბ ზემო-ქართლად და ენება კუალად შემოყრა ლაშქრისა
Line of edition: 22    და მოსვლა შაჰ-ისმაილზედა. ხოლო ვერღარა შეუძლო, რამეთუ დაფანტულნი იყვნენ
Line of edition: 23    ქართველნი და ჯარი ვეღარ იშოვნა.

Line of edition: 24    მაშინ წარვიდა შაჰ-ისმაელი და შემოადგა ციხესა ტფი\ლისისასა და აღუთქუა
Line of edition: 25    ნიჭი დიდი ციხისთავსა ტფილისისასა. და მოენდო ციხისთავი და მოსცა ციხე და
Line of edition: 26    შევიდა ციხესა შინა, და დაიპყრა ტფილისიცა შაჰ-ისმაელ. და მოაოჴრა და შემუსრნა
Line of edition: 27    ხატნი და ჯუარნი ჴელითა თჳსითა და აღაშენა ყურესა ჴიდისასა მეჩითი რჯულისა
Line of edition: 28    თჳსისა, შეიქცა და წარვიდა თჳსა და დაუტევა ციხესა მცველნი. ხოლო უკეთუ არა
Line of edition: 29    მიეცა ციხისთავსა ციხე და მცირესა ხანსა გამაგრებულიყო, მოვიდოდა მეფე ლუარსაბ
Line of edition: 30    შაჰ-ისმაელზედა და, უკეთუმცა ღმერთსა ენება, \ შეამთხუევდა ჭირსა დიდსა.

Line of edition: 31    ხოლო შექცევასა შაჰ-ისმაელისასა მოვიდა მეფე ლუარსაბ და კუალად დაიპყრო
Line of edition: 32    ქართლი.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.