ARMAZI
Kartlis Cxovreba II
Part No. 357

Page of edition: 357  Line of edition: 1    და ამა ჟამსა მოკუდა შაჰ-ისმაელ და დაჯდა მის წილად შაჰ-თამაზ. ხოლო შაჰ-ისმაელი
Line of edition: 2    იყო კაცი ჭკუიანი და სავსე ხონჯითა. ამან გამოაჩინა სჯული შიასი და
Line of edition: 3    დაუწყო სჯულთა ოსმანთასა გინება, და აღამაღლა სახელი ალიასი, და თჳთ თავი
Line of edition: 4    თჳსი ძედ ალისა თქუა. და მიერითგან ირწმუნეს ყიზილბაშთა ძედ იმამისა, არა ხოლო
Line of edition: 5    მეფობისათჳს, არამედ ძეობისა მისთჳს იმამისა სწამთ სალოცავად და პა\ტივ-სცემენ
Line of edition: 6    მღთაებრ დღეინდელად დღედმდე.

Line of edition: 7    ხოლო ძეთა მისთა, რაჟამს გამეფდა მის წილ ძე მისი შაჰ-თამაზ ესე გამდიდრდა
Line of edition: 8    ფრიად: უმეტეს დაიპყრა ქუეყანანი, რომელ[ნ]ი დაუშთა შაჰ-ისმაელს. და ამა ჟამში
Line of edition: 9    აეღო მეფესა ლუარსაბს ციხე ტფილისისა და გაამაგრა თჳსად. და სმენოდა ყარაბაღს.

Line of edition: 10    მდგომსა შაჰ-თამაზსა საქმე ესე და შეეყარა იდუმალ სპა თჳსი რჩეული და წარმოემართა
Line of edition: 11    მეფესა ლუარსაბსა ზედა.

Line of edition: 12    ხოლო მას ჟამსა მოჰკუდომოდა მეფესა ლუარსაბს ძე ყრმა მცირე და წარეღო
Line of edition: 13    მცხეთას დასამარხავად, და სიყუარულისათჳს მეფე და დედოფალი გაჰყოლოდა. ხოლო
Line of edition: 14    მას ღამესა შემოვიდა შაჰ-თამაზ ტფილისად და, უკეთუმცა არა დაეცვა განგებასა ღმრთისასა
Line of edition: 15    მეფე ლუარსაბ და არა. გაჰყოლოდა ძესა თჳსსა, ჴელთ დარჩებოდა თჳთ დედოფლითურთ.

Line of edition: 17    ხოლო სცნა მეფემან მისვლა შაჰ-თამაზისა, წარვიდა სიმაგრესა, და ჯარი ვეღარა
Line of edition: 18    შემოიყარა, ამისთჳს შაჰ-თამაზ \ იყო ტფილისად, და ყოველნი ხიზნად განემზადნეს,
Line of edition: 19    ხოლო ქალაქი ტფილისისა. დაიპყრა შაჰ-თამაზ, მოსრნა ყოველნი დედაწულნი.

Line of edition: 20    და რაჟამს იხილა ციხისთავმან ტფილისისამან გულბად, სცნა უგრძნობლად
Line of edition: 21    შესვლა შაჰ-თამაზისა, შეშინდა მეფისა ლუარსაბისგან ამისთჳს, რომე უგრძნობლად
Line of edition: 22    მოსვლისათჳს არა იავარ მყოს, გარდმოვიდა ზემო-ციხით და მოუვიდა შაჰ-თამაზს.

Line of edition: 23    რა სცნეს ციხის მცველთა საქმე და წარვიდა ციხისთავი, მათგანიცა \ რომელიმე წარვიდა
Line of edition: 24    თჳს-თჳსად, და რომელიმე მივიდეს შაჰ-თამაზთანა. და შაჰ-თამაზ მისცა ნიჭი
Line of edition: 25    დიდი და დაატევებინა სჯული ქრისტიანობისა და დაიპყრა ციხე ტფილისისა და გაამაგრა
Line of edition: 26    და თჳთ წარვიდა ყარაბაღად.

Line of edition: 27    და რა სცნა მეფემან კახეთისამან ლევან, შეურიგდა იგიცა. და წარვიდა შაჰ-თამაზ
Line of edition: 28    ნახჩუანს სომხითისასა და ურჩნი სომხითისანი დაიმორჩილნა.

Line of edition: 29    და მპყრობელი იმერეთისა ბაგრატ იყო მაშინ სამცხესა, მოვიდა მას თანა ამა
Line of edition: 30    მიზეზისათჳს, რომე ოთარი შალიკაშვილი და ძე ყუარყუარესი ქაიხოსრო რომ ხონთქართანა
Line of edition: 31    წასულიყვნენ და ამათგან ძალი და ზურგი მოეცათ, ესეცა ბაგრატ ამისთჳს
Line of edition: 32    მოვიდა შაჰ-თამაზთანა, რომე ამისგან ზურგი და ძალი მოეცა.

Line of edition: 33    ხოლო თჳთ უცალო იყო შაჰ-თამაზ და ჯარი ვერ აშუელა, მისცა ნიჭი დიდი
Line of edition: 34    და გაისტუმრა და თჳთ წარჳდა ქუეით. და რა მივიდა ბაგრატ სამცხესა, ოთარ შალიკაშვილისა


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.