ARMAZI
Kartlis Cxovreba II
Part No. 365

Page of edition: 365  Line of edition: 1    მაშინ გარდავიდა შაჰ-თამაზ \ და ჩავიდა გორსა და აღიღო ციხე გორისა, და
Line of edition: 2    ციხე ვერისა და გარემონი ციხენი ყოველივე, და მიადგა ციხესა ატენისასა, რომელ
Line of edition: 3    არს თავსა საცივისასა, რამეთუ მას შინა დედა ლუარსაბისა და მრავალნი თავადთა
Line of edition: 4    ჯალაბნი და თავადნი იყვნენ, და ამისთჳს იწყო ბრძოლა ძლიერად. და ხანსა რაოდენსამე
Line of edition: 5    შინა აღიღო და ტყვე-ყო დედა ლუარსაბისა, ქრისტეს აქათ ჩ~ფნვ, და მრავალნი
Line of edition: 6    თავადთა ჯალაბნი და მრავალნი სხუა ტყუენი ყოველნივე ტყუე ყვნა და წარვიდა.

Line of edition: 7    ხოლო, რა სცნა მეფემან ლუარსაბ ტყუეობა დედისა მისისა და თავადთა მისთა,
Line of edition: 8    განუდგა კუალსა მისსა, დაეწია უკანა ჯარსა და მოსრნა მრავალნი ყიზილბაშნი და
Line of edition: 9    წარუღო მრავალნი ბარგნი, ხოლო დედა თჳსი ვერღარა იჴელთა;
Line of edition: 10    და რა მივიდა ერევანს შაჰ-თამაზ, მასინ სცნა დედამან ლუარსაბისამან გაუპატიავება
Line of edition: 11    თავისა თჳსისა; და შესუა წამალი სასიკუდინე, და მოიკლა თავი თჳსი, და \ არა
Line of edition: 12    შეიმთხჳა უპატიობა თავსა თჳსსა.

Line of edition: 13    მაშინ მოიქცა მეფე ლუარსაბ მწუხარედ დატყუეებისა დედისა თჳსისათჳს და
Line of edition: 14    ქუეყნის აოჴრებისათჳს.

Line of edition: 15    ხოლო შაჰ-თამაზცა წარვიდა ადგილსა თჳსსა და ციხესა ტფილისისა ეპყრა შაჰ-თამაზს.

Line of edition: 16    და მაშინ დასუა ყაზახის ადგილსა და შამშადილუსა ხანი თჳსი, ხოლო პირველად
Line of edition: 17    ეწოდა რანი ქუეყანასა ამას. და დასუა სულთანი განძას, ბარგუშათს და შაქისს,
Line of edition: 18    და უთავა სულთანი განძისა. და ამცნო მათ: "უკეთუ ემტეროს ლუარსაბ ციხესა ტფილისისასა,
Line of edition: 19    რათა ესენი მწე ექმნებოდეს ტფილისის ციხესა შინა მყოფთა თათართა".

Line of edition: 20    და შემდგომად ამისა ეძჳნდბოდა ლუარსაბს პყრობა ციხისა თათართა მიერ და
Line of edition: 21    გარემოს ქუეყნებისა, შეიყარა სპა და წარმოემართა მას ზედა, რაოდენიცა ეპყრათ
Line of edition: 22    თათართა კერძონი საბარათაშვილოსანი, ქუეყანა და ციხე, ყოველივე წაართუა და თჳთ
Line of edition: 23    დაიპყრა თჳნიერ ტფილისის ციხისა.

Line of edition: 24    და რა ესმა ესე სულთანს შავერდის \ განძისასა, შეიყარა სპა ყარაბაღისა და,
Line of edition: 25    რომელიცა ჩინებულ იყო შაჰ-თამაზისა მიერ, ყოველგვე შემოიყარა და წარმოემართა
Line of edition: 26    მეფესა ლუარსაბსა ზედა. და რა დაახლოვდენ პირისპირ, მეფემან ლუარსაბ პირისპირ
Line of edition: 27    მინდვრად ომი არა ინება და მივიდა გარის[ს].

Line of edition: 28    ხოლო ესხნეს მეფესა ლუარასბს სამ ძე: სჳმონ დავით და ვახტანგ.

Line of edition: 29    და გაუდგნენ ყიზილბაშნი კუალსა მისსა. მაშინ ლუარსაბ მოუძლურებულ იყო დღითა, \
Line of edition: 30    და ძე თჳსი სჳმონ თან მოიყენა. მაშინ აახლნა სპანი თჳსნი სჳმეონს და თჳთ უკანა
Line of edition: 31    დადგა, და იახლნენ თან ეპისკოპოზნი და მოხუცებულნი ერისგანნი. მოვიდნე ყიზილბაშნი
Line of edition: 32    და რა იხილა ბატონიშვილმან სჳმონ და ქართველთა, შემოუტივა ვითარცა
Line of edition: 33    ლომმან ჯოგთა კანჯრისათა. მიეტევნენ და ბრძოდენ ფიცხლად ქართველნი, და
Line of edition: 34    მოსრეს ყიზილბაში ურიცხჳ, და იოტეს ბანაკი მათი. და ივლტოდა სულთანი შავერდი


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.