ARMAZI
Kartlis Cxovreba II
Part No. 383

Page of edition: 383  Line of edition: 1    დასტური მომცა და გამომგზავნა შენად სანახავად" და რა მოუვიდა მახარობელი,
Line of edition: 2    ესრეთ განიხარა დიდად, რამეთუ მაშინ იდგა გრემს, წარმოვიდა და მოეგება ბაზარს.

Line of edition: 3    ძესა თჳსსა და შეიყარნენ მუნა. და მუნ ჩააცვა ალექსანდრე ხალათი და დიდად განიხარა
Line of edition: 4    შეყრა და ნახვა ძისა თჳსისთ. და დღესა რაოდენსამე იყვნენ ლხინითა და
Line of edition: 5    მოსუენებითა.

Line of edition: 6    დღესა ერთსა აწჳა თჳსსა კარავსა მამაცა და ძმაცა თჳსი და \ უთხრა ესრეთ,
Line of edition: 7    ვითარმედ: "ყაენის საქმე მაქუს", და დაითხოვნა კაცნი და წარვიდენ კარვად თჳსად,
Line of edition: 8    და დარჩა მას თანა რუსთველი და ძმა მისი. და რაჟამს ესრეთ დააჴელა, მაშინ დაპირებული
Line of edition: 9    ჰყვანდა ყიზილბაშის ჯარი და შემოცვივდენ კარავშია და უღალატა და დაჴოცეს.

Line of edition: 10    მაშინ მოკლა მამა და ძმაცა თჳსი და რუსთველი, ყორჩიბასიცა ძმა მისი, ქრისტეს
Line of edition: 11    აქათ ჩ~ქიე.

Line of edition: 12    ხოლო რაჟამს აღასრულა ესევითარი უკეთურება და კუალად შესძინა უკეთურება
Line of edition: 13    უკეთურებასა ზედა: და მაშინ მიუგზავნა რძალსა თჳსსა \ ქეთევანს კაცი, რომელი იყო
Line of edition: 14    ცოლი დავითისა და დედა თეიმურაზისა, და შეუთუალა, ვითარმედ: "შეგირთავ ცოლად
Line of edition: 15    და შენცა მორჩილ მექმენ, რამეთუ ესრეთ არს წესი და ჩუეულება სჯულად მაჰმადისა".

Line of edition: 16    და რა ესმა საქმე ესე ქეთევანს, და შეწუხნა დიდად და მოუწოდა რაოდენთამე
Line of edition: 17    კახთა და უთხრა საქმე და შეეხუეწა მოდგომასა საქმესა ამას ზედა. მაშინ მისცეს კახთაცა
Line of edition: 18    პირობა და შეჰფიცეს, რომე შენს მეტი ბატონი ჩუენ არ გვინდაო. და შეიყარნენ
Line of edition: 19    და წარვიდენ და შეებნენ. \ და მისცა ღმერთმან ძლევა ქეთევანს და განემარჯუა კოსტანტინესა
Line of edition: 20    ზედა: და მოკლეს კოსტანტინე კახთა და გამოაქცივეს ჯარი ყიზილბაშთა.

Line of edition: 21    და რა გამოაქცივეს ჯარი ყიზილბაშისა, მოართუეს ამბავი ესე შააბაზს. და რა
Line of edition: 22    ესმა საქმე ესე, მაშინ მოიჴმო შააბაზ თეიმურაზ, ძე კახის ბატონისა, რომელი წარეგზავნა
Line of edition: 23    დედასა მისსა ქეთევანს ყრმა მცირე, და აგინა დიდად კოსტანტინეს, დაგმო და
Line of edition: 24    უთხრა თეიმურაზს: კოსტანტინეს" დაუჴოცია მამა და ძმა თჳსი და აწ იგიცა მოუკლავთ,
Line of edition: 25    ახლა შენთჳს მომიცემია კახეთი და წადი ჩაფრად და დაიჭირე კახეთი".

Line of edition: 26    რამეთუ ამისთჳს ქმნა საქმე ესე შააბაზ, რომე დიდად ეშინოდა ქართველის მეფისაგან,
Line of edition: 27    ნუუკუე კახეთი მან დაიპყრასო, და ამისთჳს გამოგზავნა თეიმურაზ ჩაფრად.

Line of edition: 28    მაშინ წარმოვიდა თეიმურაზ ჩაფრად და მოვიდა კახეთს. და მივიდა დედისა თჳსისა
Line of edition: 29    თანა. და იქმნა სიხარული დიდი და მხიარულ იქმნენ კახნი ფრიად. და გაბატონდა
Line of edition: 30    თეიმურაზ, და მაშინ იყო \ წლისა ცამეტისა.





This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.