ARMAZI
Kartlis Cxovreba II
Part No. 428

Page of edition: 428  Line of edition: 1    სპარსეთით ძისა ვახტანგისა თეიმურაზის ლუარსაბ, რომელი დაშთა სპარსთა
Line of edition: 2    შინა. ესე იყო სჯულითა მაჰმადიანი და ესე ისუა ძედ თჳსად მეფემან როსტომ. ხოლო
Line of edition: 3    იყო სულელ და ხელ და აღტაცებ\ულ გონებითა, რომელი არა შუენის ძეთა მეფისა
Line of edition: 4    საქართველოსათა, და ზრდიდენ და სწურთნიდენ კეთილად, და საყუარელ იყო
Line of edition: 5    მეფისა მიერ.

Line of edition: 6    ხოლო ბატონი თეიმურაზ იყოფოდა სანახებსა იმერეთისასა. მას ჟამსა იყო
Line of edition: 7    დადიანი ლევან მდიდარი საუნჯითა აურაცხითა და სპითა მრავლითა დიდად მძლავრობდა
Line of edition: 8    მპყრობელსა იმერეთისასა ალექსანდრე: ესრეთ იყოფებოდა ქუთათის[ს] აღმშენებელი
Line of edition: 9    ზღუდისა, და მჯდომარე იყო მას შინა თჳთ და ძმანი მისნი და თავადნი
Line of edition: 10    ჩინებულნი იმერთანი დედაწულითურთ, ყოველნივე \ თანა ჰყვეს გარე-შეზღუდვილსა
Line of edition: 11    მას შინა შიშისათჳს დადიანისა, რამეთუ ფრიად მძლავრობდა შურით მჴდომი და
Line of edition: 12    იავარ-მყოფელი სანახებსა იმერთასა ზემოთა და ქუემოთა; არასადა დაშთა დაბასი და
Line of edition: 13    შენობანი და სიმაგრენი. რომელ არა მიემძლავრა. და არარას ჟამსა მოქმედებდა,
Line of edition: 14    თჳნიერ დღესასწაულსა მას საუფლოსა შო\ბა-ნათლისღებასა, ახალწელიწადსა.

Line of edition: 15    ამათ შინა არა დასცხრებოდა მოოჴრებად ქუეყანისა, სრვიდა და ტყუე-ჰყოფდა
Line of edition: 16    მრავალთა და ჰყიდდენ ნაშოვართა ტყუეთა და დარჩენილთა კაცთა.

Line of edition: 17    ეჰა, რისხვა ღმრთისა ულხინებელი მოქმედთა ამის ბოროტისათა, რამეთუ მან
Line of edition: 18    განაწესა ბოროტისა მის მტერისა მიერ წარმოთხეული გესლი იგი იუდაებრივი,
Line of edition: 19    რომელმან განყიდა ვეცხლად შემოქმედი და მოძღუარი თჳსი. მიერითგან განეთესა
Line of edition: 20    განსყიდვა უსჯულოთა-ზედა ტყუეთა ქრისტეს-ნათლისღებისათა და წინააღმდგომთა
Line of edition: 21    ღმრთისათა კაცთა მყოფთა სანახებთა იმერთა, ოდიშართა და გურიელთასა, რომელი
Line of edition: 22    ნუ ყოს ღმერთმან საქმე ქართლსა ზედა ბოროტი იგი. ხოლო მან უფროსად და უმეტესად
Line of edition: 23    განმრავლდა და გარდაემატა ცოდვა იგი ვიდრე დღეისამდე. ჵი ჩემდა, რამეთუ
Line of edition: 24    თჳთ მუნ-მყოფნი მღდელთ-მთავარნიცა და სამღდელოთაგანნი შეირინნეს ბოროტითა
Line of edition: 25    მით სენითა, რამეთუ არა იყო \ პირველ ლევან დადიანისა და ალექსანდრესა, ამათთა
Line of edition: 26    ჟამთა შინა შემოვიდა წარსაწყმედელად სულთა მათთა, რამეთუ ესე ესრეთ იქმნა და
Line of edition: 27    აწ მივილტოდეთ პირველსავე სიტყუასა ზედა.

Line of edition: 28    ხოლო მიიმძლავრა დადიანმან ლევან სრულიად იმერეთი და ვერ ეძლო წინააღდგომა
Line of edition: 29    და შემთხუევა ალექსანდრეს, მპყრობელსა იმერეთისასა, და ვერცა გამოვიდოდა
Line of edition: 30    ზღუდისა მისგან.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.