ARMAZI
Kartlis Cxovreba II
Part No. 474

Page of edition: 474  Line of edition: 1    ქორონიკონსა რ~ბ: მეფე ალექსანდრე და ივანე ათაბაგი კოხტას შეიბნეს. თურქთა
Line of edition: 2    ახალციხე ამოსწყჳდეს. ამა მეფის ალექსანდრეს აღმზრდელმან მრავლის ჭირნახულობითა,
Line of edition: 3    ბებია მისმან ქუცნა ამირეჯიბის მეუღლე-ყოფილმან რუსა, ამან იწყო მრავლის.

Line of edition: 4    ღუაწლითა და გულსმოდგინებით, აღშენებად წმიდისა სუეტის-ცხოველისა. პირველად
Line of edition: 5    გამოკაზმა და იწყო შენებად სუეტთა საყდრისათა და ვერღარა სრულ ჰყო აღშენება
Line of edition: 6    მისი, ეგრეთ მიიცვალა ამიერ სოფლით.

Line of edition: 7    და ვითარ ეგულებოდა მეფესა ალექსანდრეს, ეგრეთვე იგულა და იგულსმოდგინა:
Line of edition: 8    ოცდაოთხისა წლისამან იწყო აღშენებად სუეტისა ცხოველისა, და აწ ახლად აღაშენა
Line of edition: 9    და განავრცო და განასრულა, და ყოვლითა მოკაზმულობითა შეამკო და განაშუენა. და
Line of edition: 10    დაადგინა პატრიაქად მიქაელ. და მრავალნი წმიდანი და პატიოსანნი მონაზონნი,
Line of edition: 11    მღდელნი, მგალობელნი და მოწესენი შეკრიბნა, და რომელიცა ძუელთაგან გარიგებული
Line of edition: 12    შესავალი ჰქონდა, გინა გარიგებულნი აღაპნი და სხუანი საეკლესიო საჴმარნი,
Line of edition: 13    ანუ ქუეყანანი ჰქონდეს, მას ზედა მრავალი შეუმატა და უფროსად განავრცეს. და
Line of edition: 14    კუალად ქართლსა და კახეთსა და სადაცა ყოფილიყო მკჳდრი მისი მამულნი, რომელნიცა
Line of edition: 15    ძუელთა ჴელმწიფეთა, მამა-პაპათა და დედა-შვილთა გაერიგებინნეს და გაესაზღვრნეს
Line of edition: 16    და შეეწირნეს, ეგრეთვე ამანცა ჯერ-იჩინა და ყოველნივე შესწირნა. და
Line of edition: 17    ეგრეთვე, სადაცა მოოჴრებულნი აგარაკნი ჰქონდა, ყოველნივე აღუშენნა და ყოველნივე
Line of edition: 18    საქართველოს უდაბნონი, მონასტერნი და ეკლესიანი, სოფელნი, აგარაკნი, აზნაურნი
Line of edition: 19    და გლეხნი განუწესნა და შესწირნა. და კუალად აღაშენა მცირე ეგუტერი მთავარანგელოზისა
Line of edition: 20    მცხეთას სამარხოდ.

Line of edition: 21    ქორონიკონსა რ~ით: მეფემან ალექსანდრე ლორე აიღო, და კუალად \ ინება აღშენება
Line of edition: 22    ყოველთა საქართველოს ციხეთა და საყდართა. აღაშენნა და განავრცნა. მას
Line of edition: 23    ჟამსა შემოსავალი არსაით იყო სახლისა მისისათჳს. და ამით საქართველოს კუამლსა
Line of edition: 24    ზედა ორმეოცი თეთ\რი მალად განაჩინა.

Line of edition: 25    ასოცდარვა ქორონიკონზე საქართველოს ციხენი, საყდარნი და მონასტერნი ყოველნივე
Line of edition: 26    სრულიად ახლად აღაშენნა და შეამკუნა, და კუალად მისგან დადებული მალი
Line of edition: 27    მანვე ამოჰკუეთა, და ყოველნი ქრისტიანენი ფრიადსა მშჳდობასა და მყუდროებასა
Line of edition: 28    შინა ამყოფნა. თათართაგან კაცთა მოასხმიდა და დაასახლებდა, და ქუეყანა ესე საქართველო
Line of edition: 29    ესრეთ განაგო.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.