ARMAZI
Kartlis Cxovreba II
Part No. 475

Page of edition: 475  Line of edition: 1    ქორონიკონსა რ~ლ: დასუა მეფე ქართლსა და იმერეთს პირველი შვილი ვახტანგ,
Line of edition: 2    და შერთო ფანასკერტლის ქალი და დაჲ თაყას ფანაკერტელისა, დედოფალი სითიხათუნ.

Line of edition: 3    ხოლო თჳთ მეფემან ალექსანდრე სახე მინაზონებისა შეიმოსა, და უწოდეს
Line of edition: 4    სახელად ათანაზე. და აღაშენნა მისთჳს სენაკნი და სახლნი დიდნი ქვითკირისანი მცხეთას
Line of edition: 5    მისგან აღშენებულს მთავარანგელოზის ეკუდერთანა, და მუნ დადგა, ვიდრემდის
Line of edition: 6    ცხოვრებდა, სასოებითა და მოღუაწებითა.

Line of edition: 7    ხოლო ოდეს დასუა პირველი შვილი ვახტანგ ქართლსა და იმერეთს, მასთან
Line of edition: 8    დააყენა უმრწემესი ძმა მისი დიმიტრი, და დასუა კახეთს, ქორონიკონსა რ~ლგ, მეფედ
Line of edition: 9    უმრწემესი ძმა დიმიტრისი გიორგი, და შერთეს ნესტან-დარეჯან, იმერელ მეფის ქალი.

Line of edition: 10    მაშინ ოდეს დაიპყრა ალექსანდრე იმერეთი, განაძეს ძე კოსტანტინესი, მეფე იმერეთისა
Line of edition: 11    ბაგრატ.

Line of edition: 12    ხოლო შემდგომად სიკუდილისა მძლავრისა ლანგ-თემურისა კუალად იპყრეს
Line of edition: 13    არაბისტანი, ანატოლი ძეთა მათ ბაიაზით ხვანთქრისათა. და კუალად იპყრეს ბურსა
Line of edition: 14    ტახტი და ყოველი სამკჳდრო მამულნი მათნი, და უმეტეს გაძლიერდენ. და იწყეს
Line of edition: 15    ბრძოლა ქრისტეანეთა ზედა, და მცირედ-მცირედ \ კადნიერ-ქმნილთა მათ ზედა ძლევისმოქმედებდენ
Line of edition: 16    ყოველთავე საბერძნეთსა ზედა.

Line of edition: 17    ამისა შემდგომად განიგულეს ბრძოლა დიდისა ტახტისა და სამეუფოსა დედაქალაქისა
Line of edition: 18    კოსტანტინეპოლისა. და იყო ურთიერთას შორის დაუცადებელი ბრძოლა ძლიერი.

Line of edition: 19    და სძლეს ოსმალთა და ხვანთქარმან სულთან მაჰმად. და მიდრკეს ბერძენნი. შეაიწრეს
Line of edition: 20    ფრიად კეისარი მძჳნვარედ ზედა-დასხმითა, რომელნი გარე მოადგეს კოსტანტინეპოლის,
Line of edition: 21    ქალაქსა მას სამეუფოსა. სძლეს და აღიღეს კოსტანტინეპოლი ოსმალთა,
Line of edition: 22    ქორონიკონსა რ~ლბ, ქრისტეს აქეთ ჩ~უმე.

Line of edition: 23    ხოლო იყო ჟამსა მას კეისარი, სახელით კოსტანტინე პოლეოლოღოს. და იყო
Line of edition: 24    პატრიაქი აღსრულებულ. მაშინ აღიხუნეს და დაიპყრეს სრულიად საბერძნეთი ოსმალთა:
Line of edition: 25    და ოდეს აღიღეს კოსტანტინეპოლი, მას ჟამსა დაბნელდა მზე, რომლისა ამბავნი ვრცელად
Line of edition: 26    წერილ არს ცხოვრებასა ბერძენთასა. და იყო სამარადისოდ ბრძოლა ძლიერი.

Line of edition: 27    და კუალად იყო შური და ჴდომა ძეთა შორის ლანგ-თემურისთა, რამეთუ ფრიად
Line of edition: 28    მოშურნე იყვნეს იგინი ურთიერთას შორის. და ჟამსა ამას განთავისუფლებულ იყვნეს
Line of edition: 29    მკჳდრნი საქართველოსანი, და იყვნენ მშჳდობით განსუენებასა შინა.

Line of edition: 30    ამასვე ქორონიკონსა ჯანშა ყაენი ახალციხეს მოუჴდა.

Line of edition: 31    ამასვე ქორონიკონსა ივანე ათაბაგი მიიცვალა.



This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.