ARMAZI
Kartlis Cxovreba II
Part No. 494

Page of edition: 494  Line of edition: 1    გერასიმე. და ბაგრატცა, ძმა მეფის დავითისა და \ გიორგისა, რომელი უფლებდა
Line of edition: 2    მუხრანს, იგიცა მონაზონ იქმნა, და უწოდეს სახელად ბარნაბე.

Line of edition: 3    ხოლო რაჟამს მონაზონ იქმნა ბაგრატ მპყრობელი მუხრანისა, და ესხნეს მას
Line of edition: 4    ძენი ოთხნი: ერეკლე, არჩილ, აშოთ და ვახტანგ. მაშინ მტკიცედ ეპყრა ქართლი
Line of edition: 5    მეფესა ლუარსაბს. ხოლო კათალიკოზი მელქისედეკ პირველვე განძებულ იყო და
Line of edition: 6    იდგა მონასტერსა არმაზისასა, და იყო კათალიკოზად გერმანე, და ტფილელად დომენტი,
Line of edition: 7    და მროველად გედეონ.

Line of edition: 8    ქორონიკონსა ს~ით: ივლისსა ი~ა მიიცვალა მჴეცის-ძე სარგის.

Line of edition: 9    ხოლო ოდეს დაიპყრა ქუეყანა სპარსეთისა შაჰ-ისმაილ, მაშინ წარმოემართა და
Line of edition: 10    განიგულა დაპყრობა საქართველოსი, მოვიდა ძალითა დიდითა და სპითა ურიცხჳთა,
Line of edition: 11    და დაიბანაკა აღჯაყალას. მაშინ სცნა რა მეფემან ლუარსაბ, შემოიყარა სპანი თჳსნი
Line of edition: 12    და დადგა ტფილისს, განამაგრა ციხე-ქალაქი.

Line of edition: 13    ხოლო შაჰ-ისმაილ წარმოგზავნა ამირსპასალარი ყარაფირილ სპითა ურიცხჳთა.

Line of edition: 14    კუალად შემდგომად მცირედისა წარმოგზავნა მიშკარბაში ელიასბეგ სპითა ურიცხჳთა.

Line of edition: 15    და შემდგომად მათსა თჳთცა წარმოვიდა. მაშინ წარვიდა მეფე ლუარსაბ ტფილისით
Line of edition: 16    და მივიდა ღელესა მას თელეთისასა, და მუნ განაწყო სპა თჳსი. და რაჟამს მოვიდა
Line of edition: 17    ყარაფირი ამირსპასალარი, და ეწყვნენ ურთიერთას, და იქმნა ბრძოლა ძლიერი. და
Line of edition: 18    მჴნედ იბრძოდეს სპანი ქართველთა\ნი, ვითარცა ლომნი, და მოსწყჳდნეს ურიცხუნი
Line of edition: 19    თათარნი. მიდრკეს იგინი და ოტებულნი ივლტოდეს, ვითარცა ჯოგი კანჯრისა ლომთაგან
Line of edition: 20    დანქრეული.

Line of edition: 21    მაშინ შეემთხვია წინათ-კერძო მიშკარბაში ელიასბეგ. ოტებულთა მათ ყიზილბაშთა.

Line of edition: 22    და კუალად უკუმოაქციანნა ლტოლვილნიცა იგი, და თჳსითა სპითა წინაგანეწყვნეს
Line of edition: 23    ქართველთა. კუალად შეიქმნა ბრძოლა ძლიერი, უძლიერესი პირველისა,
Line of edition: 24    და ძალითა ღმრთისათა კუალად მძლე ექმნეს ქართველნი და მოსრეს უმრავლესი
Line of edition: 25    პირველისა ომისა. \ და იოტნეს იგინი და მიჰყვნენ უკანა მათსა ქართველნი, სრვიდეს.

Line of edition: 26    და ამოსწყჳდნეს მრავალნი. და აღმოვიდა შაჰ-ისმაილიცა ყოვლითავე ძალითა თჳსითა
Line of edition: 27    და სპითა უმრავლესითა. ესრეთ მოიწია მთასა თელეთისასა, რომელ არს კერძოთა
Line of edition: 28    ტაბაჴმელისათა. გარდმოხედნა შაჰ-ისმაილ და იხილნა სპანი თჳსნი ძლიერად ოტებულნი
Line of edition: 29    და მიმოდანქრეულნი, და უმრავლესნი დაჴოცილნი, და უკანა მათსა ქართველნი


This text is part of the ARMAZI edition of Kartlis Cxovreba II.

Copyright ARMAZI Project, Frankfurt a/M, 27.9.2002. No parts of this document may be republished in any form without prior permission by the copyright holder.